كلمات قصيدة امنتك | سيد فاقد الموسوي مكتوبه كامله
لطمية امنتك | سيد فاقد الموسوي
أامنتك بيد المايخذل لو غربة ايئمنونه
كلت الطير اليندل يرجع لچفوف اليردونه
ظميتك و الورد الينظم يطلع من يسگونه
نحرك فانوس ابكل ظلمه اوگاموا يندلونه
ضميته من صار عن روحي بســـكوت
ثاري النفس هيج من ينضم ايمـــوت
ماچنت اخلي فوگه الهوه ايفـوت
امنتـك ابــچف الصـدك
بـاول محطـات العشـك
والـمـاجفـانـي
للينشـهك گبل النفـس
والبلـل الدنيـا ويـبس
والـدلـلانـي
يـايـمه يـايـمه يـايـمه يـايـمه
...............................
بين اليكبر والمايكبر رايدته اوماريده
ياهو الشايل جمره ابگلبه اوهاي الجمره اوليده
يرفع چفه اليغرك لازم ويضل يومي ابهيده
لو ماغرگان ابدمه ابني چا ليش ايشيل ايده
وي العده اشلون ماتكظي جنهه
ياهـيه مذبـوح مـن عـدهه ابنـهه
گامـو يخـلون نـبله ابحظـنه
راسك عله اوطاح الصبر
كاروكك ادفه من الگبر
رد ابسـلامـه
لو بيدي وگفته الوكت
من شفته ضل يكبر خفت
ونست عمامه
يـايـمه يـايـمه يـايـمه يـايـمه
...........................................................
بدلت اشگد ابموضوع المذبوح ايرجعونه
ميت گالولي وكتلهم ها يعني ابني اشلونه
عطشان اومايبلع ريجه اوحسبالي ايشربونه
هوا اصلا ميت راحلهم چا ليش ايذبحونه
يابزرت الروح خل نطلع ابراي
لو نگسم الموت لو تگعد اوياي
والگلبه محروگ مايطفه بالماي
كاروكك ايهزه الوجع
مارايح ابگدي اورجع
من فاركتني
عمرك گظه اوما ينحسب
چفي اشكثر عگبك جذب
لوله اعله متني
يـايـمه يـايـمه يـايـمه يـايـمه
..............................
ياماي اوليدي اشسوالك عطشان اورديته
ياماي اشراح ايقل منك لو چم گطره انطيته
گدامه اشما جرفك يبرد تاخذ من عافيته
والنبله اشگد جوت نحره اومو مثلك چاويته
راس ابني چن طير فوگ الرمح راح
بگماطك اهواي گمطتك اوطاح
يوليدي الگماط يهدل عالرماح
هجرك ولاطاح ابعتب
نومني وگفه امن التعب
نومت حمامه
تبرد خفت مو تندفن
يمه الرمح مابي حضن
يأذي ابمنامه
يـايـمه يـايـمه يـايـمه يـايـمه
..................................
يالبعدك ماتارس ثوبك ذني الماننساهن
سويت اهدوم اكبر منك من تكبر تلگاهن
للطف جبت اهدومك كلهن وحسين الرداهن
يرجع كبران ابنج گلي اوظلن ماجبناهن
تهضم صدك هاي وتعور الگلوب
بعده ابني ياناس ماتارس الثوب
وي روس الكبار خليته مگلوب
يهلال التأخر يهل
وايامك الركضن مثل
روس الثواني
شمت ركبتك بيهه دم
يوليدي چا ليش السه
بشرني يحسين صدك عبدالله كبران
ليهسه بالبيت سوالفنه وضحكنه
................................
القصـيدة : امنتـك
اداء : سيـد فـاقـد الـمـوسـوي
كلمـات : حمـزه الحـسنـاوي
الكـاتبـة : فـــآطـم حــرب