كلمات لطمية بندرية جسامي سيد سلام الحسيني مكتوبة كاملة
قصيدة : جسامي
الرادود : سيد سلام الحسيني
الشاعر : رعد غني الدراجي
~~~
جسامي .. ياورد احلامي
طاشه اسنيني على ورودك بده
جسامي .. ياحلاة ايامي
وبيك اشد حيلي على ايام الرده
على الكلب هونك .. فدوه لعيونك
تذكر بيوم الكلتلك سدهن عيونك
هيج ضلمه ايامي تصبح يبني من دونك
وكتلك أحلامي الجبيره اتشيلهه امتونك
اتمنيتك..اتعوض امك عالمضه اتمنيتك
تانيتك..ليله ليله ابهل عمر تانيتك
من عين اليحسدون .. جم حرز رايد
من عين اليحسدون .. اسم اللّٰه يالواحد
~
محلاتك .. معرس ومحلاتك
سر خفي وباجر جمالك ينعلن
محلاتك .. لو اتكشف آياتك
لا تضم عن كلبي كل هذا الحسن
انشر جعودك .. وافرع بعودك
زيد تعذيب الكلب خل حسنك اينوله
خل اصب دمعه وداع وياها هلهوله
الحومه شعرك ما تعرف اتغازل بطوله
يا جاسم..ارويني من طولك بعد ياجاسم
مو دايم..الليل كرب ينتهي مو دايم
هم هاشمي وعريس .. بيك مجموعه
هم هاشمي وعريس .. طفوا اشموعه
~
تانيني .. وخلها تشبع عيني
فكلي ذرعانك حضن كلبي برد
تانيني .. خل اودع اسنيني
كربله من امك تريدك يالولد
يابدر سعدي .. غيرك اشعندي
وين جنت احلم يغالي و وين تاليتي
امنيتي ازفك مو لموتك جانت امنيتي
جنت اضن ثياب عرسك ثمن حنيتي
مو بيدي..امك انطر زفتك مو بيدي
يوليدي..واحسب احساب العرس يوليدي
نار الكلب تسعر ..وكلبك البارد
نار الكلب تسعر .. والدمع شاهد
~
ياغالي .. بيك كل آمالي
لا ويه اجفوف الليالي بهالربه
ياغالي .. مالي غيرك والي
وانتَ من عودك اليه اجمل هبه
يا سند ظهري .. ويا ثمر عمري
شاعله العشره شمع يالما مثل حسنك
وطفت شموعي الحرب لمن حجت عنك
رايح وهالروحه روحه وما ترد جنك
يمهاجر..اتموت التفارك ولد يمهاجر
وبالعاشر..كلمن وجرحه اليون بالعاشر
لتوسط النسوان .. وانعى مذبوحي
لتوسط النسوان .. وافرش اجروحي