اكثر من قصيدة مكتوبة بمناسبة استشهاد القاسم بن الحسن عليهم السلام
نعي القاسم والاكبر(ع)
الولد مذبوح يارمله جبته
و بيده الولد ظلت حنته
يحجي ويهل دمه دمعته
🟰➖🟰➖🟰➖🟰
ظلت بلگلب يا ناس ونه
أعرس الولد و بيه اتهنه
راح وبعد ايسنه منه
🟰➖🟰➖🟰➖🟰
يبني الولد هاليوم ردناك
و بيدي كون اعجن حناك
راح الولد ريتنه تبعناك
🟰➖🟰➖🟰➖🟰
شبان ييمه نامو سويه
مذابيح بارض الغاضريه
موته ظلو علي حر الوطيه
🟰➖🟰➖🟰➖🟰
راح الولد يا عمته گابليني
نبچي عالولد و وياي وني
علوليدي يانسوان ساعدني
🟰➖🟰➖🟰➖🟰
ياريت لا جيت ولا تبعتك
عفيه علي گلبي يوم شفتك
وخيل العده تسحك ابجثتك
🟰➖🟰➖🟰➖🟰
وبروحتكم ييمه مابطل وني
كبرتو ييمه و تالي عفتوني
وتالي الوكت ییمه کسرتونی
🟰➖🟰➖🟰➖🟰
تمت بعون الله تعالي
✍علویه ام فاضل
نعي مولاي القاسم روحي فداه
عمت عيني الولد للموت زفيته
سويت الكَبل محد مسـويتـه
بساعة حنته وللحرب وديتــه
عدمت سنين عمري اعليه وربيته
هذا ربــاي ياجســام تاليته
تعبني رباك يبني وحيلي هديته
وسهرني المهد وشكثر هزيتــه
الموت الموت يبني وياك شاريته
يبعد امك على امك يــاهو وصيته
الوج عليك يبنــي الليل كَضيته
وحيلي للبواجي عليك شـديته
حدر لكَاع تعب سنيـن خليتـه
عفيه شلون اطبن واكَعـد ابيته
ويطب الهوى بريتي ومايطب ريته
.
خادم الحسين ع
رائد الناشي
نعي بحق القاسم (ع)
أمــك گــبــل سـهـــرت لـيـالـي
وطـبـع الـتـعـب يـثـمـر يغـالـي
عــريـس اشـوفـك چـان بـالـي
وافــرح گــلـت واخــذ نــوالـي
تـانيـت عـمـري وطـول الايـام
أصفـن يـيـمــه وارسـم احـلام
واكـف أصـدلـك بـيـن الاعـمـام
ويـگـولون باچـر عـرس جسام
چـانـت فرّحتـي وضنّتي هــاي
لاخـر حـياتـي اتـعـيـش ويــاي
بـيـدك تـغــمّــض ردت عـيـنـاي
تـعـب الـعـمـر يـالبـيـك رجـواي
*---------------*
✍خادم الحسين ع
الشاعر رعـد الجـريخـي
هوسات للقاسم عليه السلام
يرمله أيسي راح الولد منچ
ومن رجعت المعرس گطعي كل ضنچ
طفي أشموع حنته وأعلني حزنچ
((( وشيليهه يا رمله الحنه )))
❥━──➸➽❥❂❥━──➸➽❥❂
عمت عيني الشباب أنحرم من عرسه
ويا شم العذيبي بعده أبنفسه
بعد ما نسمع أبنص النزل حسه
((( عالغبره أمغمضات أعيونه )))
❥━──➸➽❥❂❥━──➸➽❥❂
الله يعين رمله اليوم من جاهه
أمخضب بالدمايه أتشوفه عيناهه
أطلبه أبذاك سهر الليل وأرباهه
((( وحاچيني وتگله أگعدلي )))
❥━──➸➽❥❂❥━──➸➽❥❂
يجاسم بيدهه الحنه الك عجنتهه
وماتنوصف أمك هاي فرحتهه
أو تالي أجر عفتهه أعليك ونتهه
((( الهلهوله وأنگلبت نوح )))
❥━──➸➽❥❂❥━──➸➽❥❂
فزاعيه للقاسم ابن الحسن (ع)
النصوص نصاري
ع العريــــــــــــــس
لطمتنه جماعيه
➖➖➖➖➖
عل العريس نتكابل ســـويه
نساعد عمته الراحت سبــــيه
نعازي امه رمله بهالمسيــــــــه
*((انعازيها كلحنه انون وانعازيها))*
✍ #عـلــویــه_ام_فــاضل
❥✿•┈┈┈• • {💔} • •┈┈┈•✿❥
يعون الله عل التفگد ولدها
يجيها الليل ما يخلص سهدها
صبح وليل يتعصر چبــــــدها
الراح محسر // نوحي عليه
#خادمة أبي الفضل
❥✿•┈┈┈• • {💔} • •┈┈┈•✿❥
الك جسام خل نخسفها الصدور
گمر مثل البدر ابراسه مطبـــور
من وجهه لمطبر يشرق النور
وام جاسم ،// كلنه نواسيها
زهره الكناني✍🏻
❥✿•┈┈┈• • {💔} • •┈┈┈•✿❥
نعزي الوالده بدمع النسيله
رمله الفاجده او وياها ليله
وياهن نايحه عمته العقيله
يچوي افادي// يوم الواحد
✍️. أم محمد علي الشيباني
❥✿•┈┈┈• • {💔} • •┈┈┈•✿❥
يافكد الشباب يريدله عــــــون
شلي بالعمر وافكده ميهون
راح امدللي من بعده اشلون
نايم ابني // لو مذبوح
ام محمدالخطيب الموسوي
❥✿•┈┈┈• • {💔} • •┈┈┈•✿❥
متأمله لعرسك تلبس هــــــــــدوم
شموع وياس حنه محضره اليوم
ما ظنيت يبني حنتك دمــــــــوم
ضمه تراب // وسفه اوليدي
#خادمةالحجة
❥✿•┈┈┈• • {💔} • •┈┈┈•✿❥
رمله الفاكده الوحيد بالنـــــوح
تبجي عله الولد بگلب مجروح
من بعد التعب والربه ايـــــروح...
ويستاهل.... لطمتنه القاسم
نبضي حسين
❥✿•┈┈┈• • {💔} • •┈┈┈•✿❥
تمت بحمد الله بأقلام شاعرات مهدويات
نعي يوم الثامن ليلة القاسم ع
#نعي_ملائي
****
وتضيع ارباي وتضيع ارباي ليش تعوفني وتضيع ارباي
تانيتك اهواي تانيتك اهواي تكبر يالولد تانيتك اهواي
وتكطع وياي وتكطع اوياي ليش تروح يبني وتكطع اوياي
ولبةاحشاي ولبة احشاي ابني وثمر كلبي ولبةاحشاي
امك يجسام امك يجسام ضلت تنتظر امك يجسام
ما تكدر اتنام ما تكدر اتنام امك يالولد ما تكدر اتنام
وتفتر بالخيام تفتر بالخيام بصينيت العرس تفتر بالخيام
كوم ارفع الهام كوم ارفع الهام صحت يالولد كوم ارفع الهام
سابح بالدموم سابح بالدموم لكيته اعله الترب سابح بالدموم
والحيل مهدوم والحيل مهدوم ركضت المصرعه والحيل مهدوم
يولد كوم يالولد كوم هذني اثياب عرسك يالولد كوم
يايمه محرم يايمه محرم ليش امن العرس يايمه محرم
اتذكريتك اتذكريتك لوشوفن شباب اتذكريتك
مانسيتك ما نسيتك كل عمري يجاسم ما نسيتك
وكبريتك وكبريتك تعبت اعليك يمه وكبريتك
ونخيتك ونخيتك مال الحمل يوليدي ونخيتك
الفاجده اوليد الفاجده اوليد مو مثلي تون الفاجده اوليد
الايد بالايد الايد بالايد صفكت اعليك يمه الايد بالايد
عذبني الفراك عذبني الفراك ييمه وداعتك عذبني الفراك
وصايره اشتاك وصايره اشتاك كل ما يجي المغرب صايره اشتاك
لو مر ابنها لو مر ابنها تطيب الوالده لو مر ابنها
وتفك حزنها وتفك حزنها تنسه همومه وتفك حزنها
كالو حلو الطول كالو حلو الطول نايم بالكبر كالو حلو الطول
وما تدري شتكول وما تدري شتكول تنوح الوالده وما تدري شتكول
**
الشاعر
تحسين الخفاجي
فزاعيه للقاسم عليه السلام
كل هذا وني واللطم
للزفته بالحومه
❥━──➸➽❥💔❥━──➸➽❥💔
كل وني صاحت عمته
جسام طيحو خيمته
نوح وونين ابفرحته
نايم اشحلوه النومه
❥━──➸➽❥💔❥━──➸➽❥💔
يا عمه شنهل فاجعه
للموت طوله انودعه
عريس زفته ابمصرعه
وامخضبات هدومه
❥━──➸➽❥💔❥━──➸➽❥💔
رمله وخواته اتعاونن
سكنه ورقيه اتكابلن
عالعاف زفته اشكد بجن
وامه تون مهضومه
❥━──➸➽❥💔❥━──➸➽❥💔
هاي المناحه للصبح
جانه الحزن شال الفرح
عريس بالحومه انذبح
منه تسيل ادمومه
❥━──➸➽❥💔❥━──➸➽❥💔
شفنه العجايب والدهر
شبان نامت بلكبر
عشرين ماتم العمر
كل حيد حلوه ارسومه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
فزاعيه للقاسم بن الحسن ع
●●●●●●●●
العريس نايم على الترب
شموع العرس طفوها
●●●●●●●●
فراكك يلمدلل صعب
تخليني مابين الغرب
جسام ياريع الكلب
هاي امك يعزوها
●●●●●●●
جاوين اودي حنته
وحظرت شباب الزفته
وفرحانه بيه اميمته
اوللوالدة يهنوها
●●●●●●●
اوياحيف ماتم الفرح
وبوسط ميدانه انجرح
وجسام كالوا منجرح
ومنصته فلشوها
●●●●●●●
حسابي طلع بلمكلوب
اصبر يجاسم جم دوب
اوبمصيبتك كلبي يذوب
ترظه امك ايسروها
●●●●●●●●
مكدر ييمه الفركاك
خذني يجاسم وياك
واشلون اكدر انساك
ريت وياك وسدوها
●●●●●●●
ننوح او ننعه على الشبان
خلوا بلكلب نيشان
اونكظي العمر بلاحزان
والدمعات صبوها
●●●●●●●●ا
اخدم على المشه امحسر
يحظر من يطب منكر واريد هناك بلمحشر
والتخدم تعينوها
●●●●●●●●
لشاعرة اهل البيت ام عمار الصائغ
فزاعيه للقاسم ع
للمحروم يحله النوح
والونه نعليها
-------
كوموا انوح وياها
هاي الفاكده صناها
ليش الولد خلاها
تنوح ومادره بيها
-------
تنوح الله يساعدها
عريس انفكد عدها
فراكه هواي ماردها
عليه العين تجريها
---------
من المدلول حرموها
تون وتنوح خلوها
بيه اشلون فجعوها
راح الجان يحميها
------
هاي ام الولد شتكول
عنها شايل المدلول
وبدال العرس مكتول
الزفه انحرم تاليها
--------
محروم الهوى بنفسه
لا زفه ولا ونسه
اشبيب وانحرم عرسه
اشموع العرس طفيها
------
جسام العرس فاته
دم النحر حناته
يتصارخن عماته
راح وما رجع ليها
--------
شاعرة اهل البيت
ام حسين الهلالي
للشبان اونن
للشبان اونن خــل يسمعوني
واريد ابنوح كون الكل يعينوني
*
مشو ياحيف واستعجل وكتهم
بعــد ويــن الـگه يـاوادم مثلهم
زغــار وظــالــم اويـاهم حلمهم
عافونه بلاه والونه
*
چم عريس بيهم مــن جفونـه
مثــل جسام كلــهم ودعــونـه
زغــار اكبـار راحو مــا اجونـه
خلونه ماكف ناعينه
*
خذت مـنا المگابر وين العزاز
بيهه افصوص در وبيهه الماز
ويــوميـه الگلب بحبابه جناز
يجفونه احبابي اليله
*
زرعنه اورود مابين اليموتون
بلكت بــاچر اوعگبه يعودون
عليهم وشلت دمعات العيون
ماجونه الراحو سكته
*
يــادفــان وسـع لحـده فـدوه
اجــاك الكلشي بلدلال يسـوه
عفنه اهناك گلب امــه يـتلوه
ياذونه صيحات البيهه
*
شعلنه اشموع لعيون المرحلين
راحــو غــربـو يـاناس مجفين
وچــانت عامره بيـهم دواوين
يحاچونه مانسمع حسهم
*
ابوحيدر
الصبيحاوي
مولاتي رملة وولدها العريس
لمولاي القاسم ابن الحسن
عريس الولد جابوه يتجوله
مايرهم زواج ابلاية هلهولة
..................
امنيتي الولد عريس اشوفنه
بهلهولت خواته وصفكت الحنة
ومن الخيمة عماته يزفنة
وبت عمه العروس تعاين الطولة
....................
فرحانة ابا ابنها تبخر هدومة
هذا اول فرح للكاضي ملزومة
ما تدري ابنها عاشك الحومة
المنية زفته وبسيوف يقروله
.......................
لبس هندام ابوه وشاجخ عكالة
عمه امن الخيم صد او تعناله
على عمه الولد ما طالع الخاله
يشبه صورة العباس كللوله
....................
معروفة بسلفنه البت لابن عمها
زفة وكون عباس ايتجدمها
سكنة تصير جنتي وانا اصير امها
يسويها البخت وتصير معقولة
....................
معقولة تصير الما حسبتلها
والعباس سكنة الا ادللها
اكعد يمه بت عمك شكللها
جاسم راح منج آيا مدلوله
.................
جاسم راح منچ ونهدم حيلي
حسبت حساب أُم بيتي تصيريلي
ها يُمّه يجاسم اگعد احچيلي
شنهي بخاطرك ايصير بس گوله
...............
كلشي يصيرلك لا تاخذك حيره
اسويلك عرس ما صاير بديرة
من عباس اطشلك ها كثر غيرة
وبخت حسين ازفك والزلم ذوله
،،،،،،،،،،،،
على طور يمه ذكريني من تمر زفت شبابي
ناذر اسنيني لحسين اوعمري فداه
اتمنه قبله ماريد الموته وراه
والدم الغالي يرخص لعيونه اوغلاه
فدوه عرسي الكم فدوه للباري اوسماه
________
صارة الزفه حر اوسيوف اوبلاء
او فرشتي اترابه سالت اعليه الدماء
صوت الهلاهل دمعه وياه البكاء
فدوه الك نحري ترظه يا رب السماء
ناذر اسنيني لحسين اوعمري فداه
اتمنه قبله ماريد الموته وراه
والدم الغالي يرخص لعيونه اوغلاه
فدوه عرسي الكم فدوه للباري اوسماه
________
نگعن اثيابي من طعن اسيوف او رماح
حنة اچفوفي دم ينزفن من الجراح
والخيمه بيه نسوان التنعه اونياح
طلگت الدنيه دنيه ما بيه نفاه
ناذر اسنيني لحسين اوعمري فداه
اتمنه قبله ماريد الموته وراه
والدم الغالي يرخص لعيونه اوغلاه
فدوه عرسي الكم فدوه للباري اوسماه
________
عرسي موت ايصير ونحرم من الشباب
لو تمر زفه اذكروني ابلايه عتاب
لو ذكرتوني باچر ابلايه حساب
فاطمه او حيدر باچر اهناك حماه
ناذر اسنيني لحسين اوعمري فداه
اتمنه قبله ماريد الموته وراه
والدم الغالي يرخص لعيونه اوغلاه
فدوه عرسي الكم فدوه للباري اوسماه
________
محلاه الزفه بالحرب يحله الزفاف
ويه عمي الحسين تحله موتتنه ابعفاف
تحله الشهاده لجل دينه اعله الظفاف.
وميت وبعرسه ومغطه ابفيض الدماه
ناذر اسنيني لحسين اوعمري فداه
اتمنه قبله ماريد الموته وراه
والدم الغالي يرخص لعيونه اوغلاه
فدوه عرسي الكم فدوه للباري اوسماه
________
غير ة الكافل بيه لو طب الطفوف
لوسلن سيفي تنحني اگبالي السيوف
والماي اجيبه مهما تصعب لي الظروف
جيش ابن اميه لا تظل عنده حياه
ناذر اسنيني لحسين اوعمري فداه
اتمنه قبله ماريد الموته وراه
والدم الغالي يرخص لعيونه اوغلاه
فدوه عرسي الكم فدوه للباري اوسماه
________
يلتعزوني عزو شبابي الي الراح.
شيطيبه جرحي لسه ما طاب الجراح
گلتو حسينك لان حيه اعله الفلاح.
لو ما عاشوره ما تحله العيشه بلاه
ناذر اسنيني لحسين اوعمري فداه
اتمنه قبله ماريد الموته وراه
والدم الغالي يرخص لعيونه اوغلاه
فدوه عرسي الكم فدوه للباري اوسماه
________
حسام عبد علي جبر
نسألكم الدعاء
قصیده: يمه ذكريني
الشاعر : الشیـخ کـاظم منظـور الکربلائي
🍃🍃🍃🍃🍃🍃
یمه ذکریني من تمر زفه شباب
من العرس محروم حنتي دم المصاب
شمعه شبابي من یطفوها
حنتي دمي و الچفن ذار التراب
یمه ذکریني من تمر زفه شباب
🍃🍃🍃🍃🍃🍃
من ثدي النیبه راضع ابصافي الحلیب
و ابهل شهاده صار إلي قسمه و نصیب
حوفتي ابدمي خل یفرشوها
حنتي دمي و الچفن ذار التراب
یمه ذکریني من تمر زفه شباب
🍃🍃🍃🍃🍃🍃
یوم المبارک أصبح لدیني شهید
و أفزع لعمي من یضل بالطف وحید
رمله ابمصابي خل یواسوها
حنتي دمي و الچفن ذار التراب
یمه ذکریني من تمر زفه شباب
🍃🍃🍃🍃🍃🍃
أهلي وصوني بالوفه یوم الطفوف
من دم وریدي یصبح خضاب الچفوف
هذه وصیتي یل تسمعوها
حنتي دمي و الچفن ذار التراب
یمه ذکریني من تمر زفه شباب
🍃🍃🍃🍃🍃🍃
دهري یتمني و التزم عمي ابرباي
ما أعز عنه مهجتي و روحي و دماي
رمله ابمصابي خل یفجعوها
حنتي دمي و الچفن ذار التراب
یمه ذکریني من تمر زفه شباب
🍃🍃🍃🍃🍃🍃
و الوفه شانه ینعدم بیه الوجود
و آنه و وجداني یغتنم جنه خلود
نیتي ابدیوان جدي إکتبوها
حنتي دمي و الچفن ذار التراب
یمه ذکریني من تمر زفه شباب
🍃🍃🍃🍃🍃🍃
صاح أنا ابدیني ملتزم فرض و اصول
أفدي وجداني و الأجر عند الرسول
و أمي الزهرا خل یهنوها
حنتي دمي و الچفن ذار التراب
یمه ذکریني من تمر زفه شباب
🍃🍃🍃🍃🍃🍃
قصيده طلب حاجه للامام القاسم ابن الحسن
~~
اريد بشاره من عندك يجسام
احلفك بالمشت ميسوره للشام
~
احلفك بالحنينه الوالده امك
اريد بشاره يبن الحسن منك
يالماخذ كرم عودك وجدك
تفرح مهجتي وترفعلي الهام
ام علي الموسوي
🌙🌙🌙🌙🌙🌙
ترفع هامتي وبخدمة حسين
وتفرج اهمومي وتفرح العين
اخلص بالمجالس، باقي السنين
وضل بخدمتك مولاي كل عام
خادمة اهل البيت ام ابراهيم الحلفي
🌙🌙🌙🌙🌙🌙🌙
اريد افرح ترة مليت الاحزان
وانت البلكرم وصفوك عنوان
حرمة وناخيتك ها يريسان
ومتقصر اعرفك يبن الكرام
الشاعرة الملة﴿ࢪﺣمة ﷲ تحسين﴾
🌙🌙🌙🌙🌙🌙🌙
اريد انخاك يا جاسم يمحروم
تعجيل الفرج وتفرج الهموم
تشافي كل محب وجعان مالوم
وكل امريض يشفى من الالام
✍🏻ام حسين العيساوي
🌙🌙🌙🌙🌙🌙🌙
ناخيتك وجيت بدمع سجاب
بجاه الضل رميه فوك التراب
وكفه نريد منك يبن الاطياب
بحق زينب وخوها وذيج الايتام
✍️ ام حسين العامري
🌙🌙🌙🌙🌙🌙🌙
تمت بأقلام شاعرات رابطة قتيل العبرات