كلمات قصيدة رف يا علم محمد باقر الخاقاني مكتوبة كاملة
القصيدة: رف يا علم
أداء: محمد باقر الخاقاني
كلمات: كرار المحمداوي
~
يابو فاضل يراية خيمنه
~~
يم النهر رف يا علم
وارسم امان اعله الخيم
لانعطش وننسه النهر
خلينه نتنفس شيم
يالعالي بجفوف الكمر
وحسين الك دار النضر
لو شافك شويه ملت
مال من ابو اليمه الضهر
بخيمة عطاشى شجم كلب
يرد عمه بالجود انتضر
صار الضهر عن جيته
ياهو اليبشرنه بخبر
لا يا علم لا تنحجب
نريد الهوه المنك يهب
تبعد تعطش عايله
ومن شوفتك نشرب عذب
ياعلمنه اليوازن حربنه
ياهوانه ويماي بكلبنه
نبقى بالدنيابعدك ضمايه
بالضمه نعيش وان ماي شربنه
يابو فاضل يراية خيمنه
~
امن يجيبك للخدر
امن على المضطر يمر
ترجع على الخدّر ضوه
تدعيلك خيامي شكثر
يمجمل الوان السمه
هيبة مضرنه وهاشمه
من فاطمة وحيدر علي
بضلك مشت جم فاطمه
صرت شحلاك بيمنته
عباس اخوي وطلعته
عباسي ياوجه الصبح
امّن ضعنه بشيمته
جفني يعاين مارمش
وناشدتك وكلبي ارتعش
رد خل يرد ماي الوجه
وخل مايجي ماي العطش
نصبر على العطش وانته سالم
من رفيقك نشم النسايم
بيرغ اهلي ويضل عالي زودك
شأغلى منك ترف عالهواشم
يابو فاضل يراية خيمنه
~~~~
رف خل اكولن كافلي
واسمع جواب اتدللي
يالتحله بجفوفه شكثر
حاجيني يابيرغ هلي
ضعن الهواشم ما حله
اله ابو فاضل اله
كدامه يمشي برايته
محلي الضعن ومدلله
خل ضعني هيبه عالارض
مامختلف مثل اوله
خلها عالبالك لو طحت
تكسر عشيره بكربله
كونك خذاك العلكمي
تهدم عليه مخيمي
لا لا تكلي عالنهر
طاح الوجود الهاشمي
حسين اخوي انحنى ضهره وانحل
ردله طوله عدل مثل الاول
ردنه عباس يرد للمخيم
مو عله الماي على يمينه نسأل
يابو فاضل يراية خيمنه
~~~
حسينه مو نفس الهوه
انه وابو الاكبر سوه
شفنه انخطف لونه وكلت
ها خويه ماشفته اللوه
ها خويه المن دمعتك
ها خويه طاحت رايتك
ماضل بعد عندك اخو
ياضيعتي وياكسرتي
هالساعه كل هاشم طفت
يحسين حانت غربتك
وحدك بكيت بكربله
صرت انه اقدم مهرتك
حيلك يابو الاكبر ركد
لاضل اخو ولاضل ولد
خلص حجينه عالنهر
ضاعت بني هاشم بعد
ياغربتك يخويه وبلوتك
ساحة الطف خلت من اخوتك
من اسمعت يا اخي ادرك عضيدك
خويه عباس صحت بأعلى صوتك
يابو فاضل يراية خيمنه
~
لخيل العدو كرب صهل
وايسنه منك ماتهل
احتوشوا علينه بكل كتر
يا عازتك يا ابا الفضل
كثرت على حسين العده
ضل ضهره خالي الوحده
اليسره على خاصرته ومشه
وباليمنى شال مهنده
هد وكسر كلب العدو
حاله على وادم ماسده
توجع فزعته المنهضم
حيله الهضيمه تفرهده
يمه انتخى بمدمع ندي
هناه يالعفتني الوحدي
صاح وبجه عليه الحجر
مو هسه يابن والدي
ها يخويه عضيدك تركته
الدنيا كلها تروح الا انته
ياعزم حيلي يالبيك اسولف
يم عدو ضهر اخيك كسرته
يابو فاضل يراية خيمنه