كلمات قصيدة موعود الك الرادود سيد محمد الحسيني مكتوبة كاملة
موعود الك هذا اليوم
انا الوديعه بحماك
شيل العلم يا جيدوم
بكفالتك جيت اوياك
وين الي شايل بيده
راية نصر لعضيده
ابصوت الهضم نادينه
حرگو خیمنه اعلینه
لو تستمع يا عباس
عوف النهر وافزعلي
طبت عله الخيمه الناس
محد فزع من اهلي
حرگو خیمنه الأرجاس
طرف الخيم خويه انداس
بالكوه صارت لأنفاس
يا ابالفضل لحكلي
يل انصبتلي أخيامي
وكتلي الضعن بي حامي
حامي الضعينه وينه
حرگو خیمنه اعلینه
یا شبل ابوي الصيهود
يحزامي يوم العازه
گلبي احترگ یا ابوالزود
گلبي يحن لعزازه
عوف العلم عوف الجود
عوف السهم والعامود
صوب الخيم ريت اتعود
ويايه دهري اتوازه
نار الخيم مستعره
كلها تريد النظره
صدني الغريب ابعينه
حرگو خیمنه اعلینه
كل معضله والها اچفوف
لابد تجي واتحلها
آنه ادري صاحب معروف
واحمولي تفزع الها
گوم انهض وانته اتشوف
چتالك اگبالي ايطوف
ما خذني يا خويه الخوف
الخيمه شيعدلها
وين انته يا ابو الشيمه
بيدك تطفي الخيمه
أمحركات ايدينه
حرگوا خیمنه اعلینه
كلها اتعرف يا جيدوم
آنه اختك المحشومه
هسه اطلعت بین الگوم
يا ابالفضل مذمومه
جر سیفک وانهض گوم
خلي الركب كلها ادموم
موعود الك هذه اليوم
كلمن يموت ابيومه
آنه ادري ما ترضاها
هالوادم امشي اوياها
بين الخلك ضلينه
حرگوا خیمنه اعلینه
ما ظني تقبلي ابهاي
اركب هزيل الناگه
عوف النهر عوف الماي
بس لحظه خل نتلاگه
محتاجه كفالي اوياي
بالحر يسويلي افياي
بچفوفه يلزم يمناي
صعبه عليه افراگه
لا ترضه يا ابو الغيره
زینب تروح ایسیره
بالحومه عالو بينه
حرگو خیمنه اعلینه
الشاعر:
عبد الامير الناصري
التدوين:
حسين السالم
حصرياً لموقع درون العراق