جميع قصائد باسم الكربلائي مكتوبه كاملة لشهر محرم الحرام 1447هـ - 2025 م

 جميع قصائد باسم الكربلائي مكتوبه كاملة لشهر محرم الحرام 1447هـ - 2025 مـ

قصيدة: عن عيوني بعيدين

عَـنِّ اِعْـيُـونِـيْ بِعِيدِينْ

بَسْ مِنْ رُوحِيْ قَرِيبِينْ

مِشْتَاگـه اِلْكُمْ يَـغَالِينْ

▪︎▪︎▪︎▪︎▪︎

هَلِيْ آنَـه العَلِيلَه اِشْلونْ تِنْسُونِيْ

إذَا مَا اشُوفْكُمْ مَـا ارِيدَنِ اِعْيُونِيْ

وَرَاكُمْ وِالشِّمَاتَه اِهْوَايْ جِرْحونِيْ

يَـطِفْلَه مِشَوا وين اهْلِچْ يِسِألُونِيْ

مَـا ظَلْ بَسْ دَمْعِيْ وَيَّايْ

اِوْ شوفَتْكُمْ يَاهَلِيْ اِدْوَايْ

لِـدْيَـارِ الـغُـرْبَـه مَـاشِينْ

▪︎▪︎▪︎▪︎▪︎

رِكَضْتِ اِشْگدْ وَرَاكُمْ رِدْت اَحَاچِيكُمْ

سَرِيعَه اِظْعُونْكُمْ مَـا لَحَّگِتْ بِـيـكُـمْ

اِتْعَبِتْ مِنْ كِثُرْ مَا صِحْتِ اِبْأسَامِيكُمْ

اِبْـخوفِ الأُمْ بِـنِـتْـكُـمْ خَايِفَه اِعْليكُمْ

رِحْمُـونِيْ اِوْ لَا تِـرُوحُـونْ

اِبْـغيبَتْكُمْ تِعْمَه الـعْـيُونْ

شِبْعَتْ رُوحِيْ اِمْنِ الوْنِينْ

▪︎▪︎▪︎▪︎▪︎

أشُـوفِ الـدَّارْ وَحْـشَـه اِوْ گلْبِيْ يِتْگطَّعْ

أصِيحِ اِحْسينْ بُويَه اِوْ بَسْ صَدَه يِرْجَعْ

حَـيَـاتِـيْ اِبْـدُونْكُمْ يَـحْبَابِيْ مَـا تِـنْـفَـعْ

وَرَاكُـمْ أحِـسْ رُوحِيْ اِمْـنِ القَهَرْ تِطْلَعْ

رُوحِيْ اِتْمَنَّتْ يَالاحْبَابْ

بَـسْ تِسْمَعْ دَگَّةِ البَابْ

البِتْكُمْ مَعْقُولَه نَاسِينْ !

▪︎▪︎▪︎▪︎▪︎

خَـوَاتِـيْ رَاحَـنِ اِوْ كِسْرَتْنِيْ فَـرْگـتْهِنْ

اِشْكِثُرْ مِشْتَاگه رُوحِيْ الذِّيچْ گعْدَتْهِنْ

بَـعَـدْهَـا اِبْـكِـلْ زَوَايَـا الـدَّارْ رِيْحَتْهِنْ

تِـدَاوِينِيْ وَحَـگِّ اِحْسينْ شـوفَـتْـهِـنْ

رَاحَنْ وِ اِظْلَمَّتِ الدَّارْ

مِنْتَظْرَتْهِنْ عَلَى الـنَّـارْ

خوفِيْ لَا موتِتِيْ اِتْحِينْ

▪︎▪︎▪︎▪︎▪︎

بَعَدْ مِشْتَاگه عينِيْ الشّوفَةِ اِخْوَانِيْ

عَـلِـيْ الأكْبَرْ حَنِينِ اِشْلونْ يِنْسَـانِيْ

هَلِيْ مَـهْـدِ الـرَّضِيعِ اِشْكِثُرْ بَـچَّانِيْ

يِـرِدْ يَمْتَه اِوْ يِردْ يِغْفَه اِعْلَه ذِرْعَانِيْ

مِحْتَاجَه اِچْفُوفِ الاخْوَانْ

وِ اِعْـلـيْـهُـمْ گلْبِيْ حَـيْـرَانْ

بَـسْ لَا خُـوَّانِـيْ مَـيْـتِـيـنْ

▪︎▪︎▪︎▪︎▪︎

هَلِيْ الحُجَّاجْ رِجْـعَـوا كِلْمَنِ الـدَّارَه

وَ أنَه اِشْچَمْ ليلَه صَارِ اِمْتَانِيَه اِبْشَارَه

اِشْوَكِتْ يِـتْـهَـنَّه گلْبِيْ اِوْ تِنْطِفِيْ نَارَه

العَلِيلِ اِهْـوَايْ يِفْرَحْ تَـرَه اِبْـخُـطَّارَه

زُورُونِيْ اِوْ شُوفُوا بَـلْـوَايْ

عَطْشَانَه اِلْكُمْ شِنُوْ المَايْ

رِحْـمُـوا اِبْـحَالِيْ يَـطَيْبِينْ

▪︎▪︎▪︎▪︎▪︎

أحِسْ گلْبِيْ اِنْقُبَضْ وِ اِبْمُهْجِتِيْ جَمْرَه

گِلِتْ : بَـسْ لَا أبُـوْ اليِمَّه اِنْگِطَعْ نَحْرَه

اِوْ حَوَافِرْ خيلْهُمْ صِعْدَتْ عَلَى صَدْرَه

اِوْ زينَبْ مِـنْ عَلَى التَّلْ وَاگِفَه اِتْنُظْرَه

لَاحَـتْ هَالصُّـورَه بِـالعينْ

مَذْبُوحِ اِمْنِ الگُفَه اِحْسينْ

اِوْ وَجَّـتْ نَـارِ الـصّـواوِيـنْ

قصيدة: يبنيتي باجر 

يبنيتي باچر .. مضطر اهاجر

واخفي المشاعر .. لو ردت اسافر

يـ بنيتي باجر

▪︎▪︎▪︎▪︎▪︎

الأب والبنيه مثل شجرة وثمرها

يلوي الزمن بس ينكسر گلبه بكسرها

گد ما يباريها بشغف ويحب سترها

يتمنى لو تمشي بدرب يمسح أثرها

بنيتي وغلاها .. عيني وضواها

ليل ووراها .. راح ابقى حاير

يابنيتي باچر

▪︎▪︎▪︎▪︎▪︎

جيت لوادعج والظعن گرب رحيله

ما ردت اگول وينجرح گلبج دخيله

بس هذا أمر الله وبعد ما بيدي حيلة

يبنيتي مو حمل السفر وانتي عليلة

يا گلبي انتي .. وحزني وفرحتي

حانت غربتي .. وحتماً أغادر

يبنيتي باچر

▪︎▪︎▪︎▪︎▪︎

آنا ادري دنيه بلا أبو محد يحبها

واليمشي والدها يظل خايف گلبها

تعتب ولا طيب گلب يسمع عتبها

قسمتنا هذي والحمد لله الكتبها

بنيتي الكريمة .. شدي العزيمة

وابقي حليمة .. يوم المخاطر

يبنيتي باجر

▪︎▪︎▪︎▪︎▪︎

ما باقي من ليل الهجر جم ساعة يمج

يا وردة البيت وعطر جوري من اشمج

ارتاح اذا احس بالتعب والصدري اضمج

يا بويه باچر يا حظن دافي اليلمج

عمري وسنينه .. الفرگة الحزينة

انكتبت علينه .. وأمر الله صاير

يبنيتي باجر 

▪︎▪︎▪︎▪︎▪︎

كلمة يـ بابا من چنت انا اسمعلها

ما ادري من گلبج شنو يطلع قبلها

هالكلمة ما إلها ثمن بالدنيه كلها

لا آني لا إنتي بعد نسمع مثلها

الـ بابا كلمة .. من الله نعمة

نغمتها رحمة .. اتطيب الخواطر

يبنيتي باجر 

▪︎▪︎▪︎▪︎▪︎

يا بعد ابوها ويا نبض گلبه وحياته

آنا ادري بس حظن الأبو خيمة البناته

عدهن أعز من الهوا ريحة عباته

ويعيشن بلايه وطن ساعة مماته

أسأل وأجاوب .. وبروحي اعاتب

ليل المصايب .. يدمي المحاجر

يبنيتي باجر

▪︎▪︎▪︎▪︎▪︎

لو سلمت يوم الشمس والهم يصيبج

لو شفتي اخيج ما أجه ولينه يجيبج

معناها يبنيتي وگع بالطف حبيبج

الربي أمر سلمي الأمر وارضي بنصيبج

أبجي عليه .. لو مغربية

حسيتي بيه .. بين الحوافر

يبنيتي باجر 

▪︎▪︎▪︎▪︎▪︎

باجر ابوج بلا هدم ساعة منيته

طايح مسلب منذبح محترگ بيته

يگعد على صدره الشمر يلزم لحيته

وما لحگ الزينب بعد يكتب وصيته

بآخر حياته .. ينظر بناته

بين الشماته .. وطغن الخناجر

يبنيتي باجر

قصيدة: يا والدي بهذا السفر 

يا والدي ابهذا السَّفَر معذور

لمَّن عفِتني اوخاطري مكسور

▪︎▪︎▪︎▪︎▪︎

حتّى لو ما مَسْني يا بويه المرَض

والبقاء اعليّه بالدَّار انفرَض

إنته تامر أمر يا بعد النَّبَض

المهم ترضه اوما يهمني كل غَرَض

مخطور حالي والدَّرُب مخطور

لمَّن عفِتني اوخاطري مكسور

▪︎▪︎▪︎▪︎▪︎

آني لو من فرگتك گلبي التهب

راح اوعدك ما أودّيلك عتب

فدوه الك حيلي يبويه اشما تعب

حتّى لو موتن والفْراگ السَّبب

يا وحشتك عِد بيتك المهجور

لمَّن عفِتني اوخاطري مكسور

▪︎▪︎▪︎▪︎▪︎

ليلي يگضي امناشَغ ابشوغة گلُب

ما يهمني حالي من بعدك صعُب

خوفي بويه تعّبك طوْل الدَّرُب

اعْليك واعله الظَّعَن كاتلني الرّعُب

النظره الأخيره ابّالي تبقى اتدور

لمَّن عفِتني اوخاطري مكسور

▪︎▪︎▪︎▪︎▪︎

ساعة اوداعك شفت مُسْتقبلي

يعني أكثر يا عليله اتعلْعلي

بس المْصبّرني يا أغلى هلي

أدري هسّه انته اشكثر مشتاگ الي

وابذكرياتك گلبي ظل مأسور

لمَّن عفِتني اوخاطري مكسور

▪︎▪︎▪︎▪︎▪︎

والهه اوچم ليله ما شفت الوَسَن

لن يرد ظعنك يبويه اعله الوطن

أبد ما چنّه الهلي هذا الظَّعن

اومو مثل ما مشن عمّاتي إجن

واتذكّرت حِزْني ابگلُب مفطور

لمَّن عفِتني اوخاطري مكسور

▪︎▪︎▪︎▪︎▪︎

بويه زين اوما مشيت ابسفرتك

گلب ما عندي أشوفن ذبحتك

گالوا امن الگفه گطعوا رگبتك

اومن بعدها الخيل تسحگ جثّتك

ما حسّبت منها الصَّدر محفور

لمَّن عفِتني اوخاطري مكسور

▪︎▪︎▪︎▪︎▪︎

سولفولي اوگلت ماعيشن بعد

عالسَّبي اوطَبْةِ الدّواوين الأشد

راسك ايودّونه من بَلْد البَلَد

كربله اوللشّام والكربله رَد

يالما گلتلي ابهالسَّفر منحور

لمَّن عفِتني اوخاطري مكسور

▪︎▪︎▪︎▪︎▪︎

أبوذيات : ماشه عني ، ليلة ، لعلي

للشاعر: ناظم الحاشي

حَرام إفراگ غيرك  ماشَه عَنّي

إبناره إوْ مَن يبويه  ماشَه عَنّي

إخِذني إوياك كونَك  ماشه عّنّي

إوفَضُل سَوّي يبوالسجّاد بيه

▪︎▪︎▪︎▪︎▪︎

جَمُر مِن العيون الدمع  ليله

إو مُنيتي الموت بالطف چان  ليله

هَلي الليله عليه بَلِف  ليله

بَعدكُم وَلِف عاشِر مَر عليه

▪︎▪︎▪︎▪︎▪︎

هَلي بِدموع فرگاكُم  لَعَلّي

وَجهي إوتنسِمع بالطف  لَعَلّي

لَوّني رايحه إوياكُم  لَعلّي

أموتَن مِثِل ما ماتت رُقيّه

قصيدة: من تدعين بالمجلس أذكريني

مــن تدعين بالمـجلس اذكريني

خادم لبنج العباس سجلــــيني 

مولاتي خادمكم آنا

مولاتي خادمكم أنا

▪︎▪︎▪︎▪︎▪︎

انتي بمجلسج مولاتي موجـوده 

واحلفج بالعزيز الطاحـت زنوده 

للموت ابقه بهدوم العزه السوده

وكون اعله المنابر تخلص سنـيني

▪︎▪︎▪︎▪︎▪︎

يم عباس رايد نضره بالـخــدمه

سجليني عبد لحسين ابو الـيــمه

يسـمع كلمتج وانـــتي مثل امـه

يوفقني اريده وانتي وفــقيني

▪︎▪︎▪︎▪︎▪︎

هاي الدنيه تخلص والعمر رمشه

اليمشي اليوم باجر ينمشي بنعشه

لتعوفيني وحدي ابليلة الوحـشه

انتي وابنــج العباس احضـــريني

▪︎▪︎▪︎▪︎▪︎

طلب عندي اطلبه لكن بحسره

ادعـيــلي بزيارة فاطمه الــزهره 

لو رحتي لكبرها ودمعتج حــمره

وصيها عـــليه وهــاي تكفيـني

▪︎▪︎▪︎▪︎▪︎

بمدرسة الشعـائر شفتج الاولــه 

وابن الزهره ولـدج فــدوه راحوله 

بس خدمة حسينج خدمه مقبوله

بسـتر زينب احلفج لا تعــوفيني

▪︎▪︎▪︎▪︎▪︎

الوجه والجاه دكت بابج انـطتني 

وبفضلج صـرت والخدمه ربتني

ايد وليــــدج العبـاس لزمتـــني 

شينطيني الكمر هم مثله تنطيني

▪︎▪︎▪︎▪︎▪︎

آخر حاجه عندي والدمع هامل

وجيـــهاً اجعليني عد ابو فاضـل

عَله ساعه النفس صاعد ومانازل

بالـــداريـن اريــدنج تكفــليني

قصيدة: آنه أم الرواي

آنه أم الرواي   والضامي

كل شي بالطف صار  گدامي

لا  لتگول  ما حنت واجتني

لا وياك لاكن ماشفتني

▪︎▪︎▪︎▪︎▪︎

من مشه عني الظعن

خطوتين و گلبي حن

تابعتكم

لحظه لحظه بالدرب

باليسير و بالصعب

ماعفتكم

 أمشي ودموعي تهل

ويه ظلك اني ظل

راقبتكم

من وصلتو الكربله

آني وي العايله

وبخيمكم

هل من ناصر سيف    بضلوعي

ناديتك لبيك   بدموعي

آه  يحسين حسبالي إسمعتني

لا وياك لاكن ماشفتني

▪︎▪︎▪︎▪︎▪︎

شفتك اتطيل النظر

للشريعه و للگمر

حسره حسره

و تنظر النحر الطفل

لاكن إدموعك تهل

إعله نحره

الخيمة إختك من رحت

إلزمت گلبي وصحت

آه يزهره

إتوصي زينب عالصبر 

والوعد وكت الظهر

وانت أدرى

صار الماي إسهام     بعيوني

جن إبعشره إخيول    سحگوني

يا   مولاي شتظن فاركتني 

لا وياك  لاكن ماشفتني

▪︎▪︎▪︎▪︎▪︎

من بده صبح الحزن

والخيم مثلي تون

عالمصيبه

كلشي يتحرك سكن

والهوه هب أو صفن

اي عجيبه

أشعر إبريجك يبس

او عالنهر كثره الحرس

مو غريبه

يبني يابو الموزمه

سيدك مسه الضمه

المي تجيبه

يعطش ليش إحسين   يوليدي

إلزم هذا الجود     من إيدي

ها  عباس  أذكر واعدتني

لا  وياك  لاكن ماشفتني

▪︎▪︎▪︎▪︎▪︎

من بعد ساعه إسمعت

صوتك أو مسرع رحت

ياحمانه

للنهر اني إركضت

قبلك إبلحظه أوصلت

يم ضوانه

طيحتك يم الأخو

شمتت بيك العدو

يارجانه

ألمتني إبونتك

گتلك إنهض فدوتك

إبني وانه

أعجب ماحسيت  بأنفاسي

لطمي إعله الخدين    وبراسي

اي  ظنيت  من وني إعرفتني

لا وياك  لاكن ماشفتني

▪︎▪︎▪︎▪︎▪︎

آنه وانت إبلا ضوه

للخيم رحنه سوه

خطوه خطوه

انت رديت إبكسر

واني ألطم عالصدر

نمشي گوه

نادتك زينب يخي

شو إجيت إبلايه ضي

كلها خوه

جاوبتها إبلا حجي

بالإشاره و بالبجي

بيها شكوه

زينب صاحت راح     يابويه

وانت إبحسره إتصيح   ياخويه

وا  ويلاه وانفاسك جوتني

لا وياك  لكن ماشفتني

▪︎▪︎▪︎▪︎▪︎

من تدنت ساعتك

والسهام إتلگتك

وانه أتبعك

آني أتلگه السهم

قبلك أشعر بالألم

يعني درعك

سهم المثلث صعب

يولدي طر الگلب

من يسمعك

من طحت فوگ الثره

إستقبلت جسمك تره

هذا وضعك

إبرفسة صدرك هاي   قصدوني 

واني إبصدري إهواي   رفسوني

لا   والخيل قبلك گطعتني

لا وياك  لاكن ماشفتني

▪︎▪︎▪︎▪︎▪︎

ورجعت وي المهر

وأدري زينب تنتظر

جم رزيه

وركضت وي الحرم

من دوت نار الخيم

وي رقيه

ليلة الوحشه بتت

و بالسياط إتألمت

اي سبيه

عالهزل وي الصبح

وانت راسك عالرمح

تدري بيه

دمع إسكينه إيطيح   بحفوفي

من الناگه إتطيح     كل خوفي

لو ماجيت   ياسوط إعله متني

لا وياك  لكن ماشفتني

▪︎▪︎▪︎▪︎▪︎

من متت واضح شفت

ميزتني وعرفت

من ضمايه

روحك وروحي إلتقن

عالرماح و سولفن

عالسبايه

إشجابج إبهذا الظعن

گتلك إمضيعه وطن

ماكو رايه

إنت يوليدي النفس

ماتردلي كلبي حس

بالنهايه

فارغ صار الكون   بغيابك

وشعر كل شي مات   يم بابك

ما    ظليت  حين الودعتني

لا وياك  لاكن ماشفتني

قصيدة : كرامة وباب للحاجات

كرامه وباب للحاجات ربك شاء وانطاها

والجابت مثل عباس حقها إنچان تتباها

▪️▪️▪️▪️▪️

حيّ الله الوفه والطيب عدهه تشوف تفسيره

أم الأربــعــة الأطــيــاب غِــيـره وخلّفت غِيره 

كل همهه يرد حســـيــن ظلــــت تنطر إبْحيره 

نواظر شابحه أعله الباب.. تنشد حتى ريح الهاب

تنشد عن بدرهه الغاب

شريكة حزن أهل البيت هيچ الباري خلاهه

▪️▪️▪️▪️▪️

جـــرّب لو ردت تــعــرف فكرك ما يظل حاير 

باب الحاجة أم عـــبـــاس تنطـي إمراد للزاير

إقره الفاتحه وإطلب توافــــي وتجبر الخاطر 

حلّفهه بغلات حسين بالصابه السهم بالعين

بالگطعوا إله چفين 

لو عن بُعد بالعباس يمّك هيّه تلگاهه

▪️▪️▪️▪️▪️

چانت أُمنيتهه تگول عندي من الولد عشره

كلهم إي وحق عبـــاس فدوه الظنوة الزهره 

كتبت بالوفه تاريخ ضـــحّـــت كلشي للعتره 

سألت بالدمع أم عون حاچيني الردتهم عون 

وفّوا بالعهد وشلون 

موقفهم بعاشر صار ويّه حسين مولاهه

▪️▪️▪️▪️▪️

زينب جاوبــت گالــت كفـو منهم ورفعة راس 

طاحوا گبل إخويه حسين زلم الغيره والنوماس

يعجز كل وصف بالكون ما يتوصف العباس 

إخويه وكافلي وذخري فديته الكافل بعمري

راحوا وانكسر ظهري 

أولادچ فخر للدوم روّت كربله إدماهه

▪️▪️▪️▪️▪️

عاشت كل عمرهه تگول ما عاف القهر عمري 

بس إلّي جره بعـــاشــــور أذّاني وكسر ظهري 

أسوي گبور الطيبين وأنحــــب والدمع يجري 

دم يجري مصب العين ... يم تشبيه گبر حسين 

راح وبعد يحصل وين 

رادت روحي بس يا حيف ما حصّلت منواهه

▪️▪️▪️▪️▪️

واجب عالخلگ مفروض ويّا الطاهره يوفّون

يذكروهه بشهر عاشور  لأم الأربعه يحضرون 

وكل مرادهم مـنــهــه بأمــــر الخالق يطلبون 

عنهم لا مَـتـتـأخر تجازي الخادم اليحضر 

على الصعبه وعلي تگدر 

ربك قاضيةْ حاجات للطيبين سمّاهه

▪️▪️▪️▪️▪️

أبوذيات : خمسة ، على التل ، خيمجن

✒️للشاعر: ناظم الحاشي

وَحَگ الفَرَض عالاسلام  خَمسه

يزينب واليعادي إحسين  خَمسه

بَدَل ما أربعه نِنحِسب  خَمسه

إوعلي لوحاظره إبطف المنيه

▪️▪️▪️▪️▪️

يزينب قَسَم بٍكتابه  على التَل

لوَنّي ناظره إحسيني  على التل

أنزِل لوچِنت يمچَن  على التل

وَخلّي الخيل گبله إدّوس بيه

▪️▪️▪️▪️▪️

سبايه إولا  وِلي إولا ضَل  خيمچن

إبغُربه إولا ذَره إولا مِن  خيمچن

كون الحَرَگ يازينب  خيمچن

عليه يطلع كفيل الغاضريه

قصيدة : كافي موطال الغياب

كافي مو طال الغياب .. والعمر بعدك عذاب

بويه يامسلم تعال .. بويه يامسلم تعال

▪︎▪︎▪︎▪︎▪︎

يالعفتي ورحت لديار البعيده

ما دريت اشصار يابويه بحميده

لا تظن مرتاحه بعدك لو سعيده

عمري من بعدك عذاب ومااريده

تاكل بگلبي الجروح .. ليلي ونهاري انوح

بويه يامسلم تعال .. بويه يامسلم تعال

▪︎▪︎▪︎▪︎▪︎

الطفله لو ما يمها ابوها تعيش غربه

بيش تسكت بيش تصبر والله صعبه

بحضنه وبعطفه وحنانه تريد تربه

ومن تشبگه تشعر بدگات گلبه

وانه من هذا الشعور .. ما شفت راحه وسرور

بويه يامسلم تعال .. بويه يامسلم تعال

▪︎▪︎▪︎▪︎▪︎

بويه يامسلم بقيت احسب ليالي

امل عندي يگول ترجعلي يغالي

هم تجي ونگعد سوه واذكر دلالي ؟؟

من چنت ويّاك مهيوبه بجلالي

آه من غدر الزمان .. صعب يحصل بي امان

بويه يامسلم تعال .. بويه يامسلم تعال

▪︎▪︎▪︎▪︎▪︎

عن حميده العاشت وياك بزغرها

ليش ما تنشد عليها وعن امرها

الدنيا بغيابك تولّتني بغدرها

ظلمه بعيوني وجرعت شهور مُرها

يمته اشوفك يالحبيب ..  لا تظل وحدك غريب

بويه يامسلم تعال .. بويه يامسلم تعال

▪︎▪︎▪︎▪︎▪︎

طوّلت بويه بغيابك حن عليّه

كافي ارجع لا تغدرك آل اميّه

انتظر منك خبر صبح ومسيّه

ردلي لحظه وخل اشبگنّك بديّه

تدري مشتاگه لضواك .. ما اعيش بلا هواك

بويه يامسلم تعال .. بويه يامسلم تعال

▪︎▪︎▪︎▪︎▪︎

راح اموت من البواچي والمناحه

والگلب خزّن تره وذاب بجراحه

بويه يامسلم بعد ما عندي راحه

عمري اظلم ما اظن يطلع صباحه

ما اگلّك بويه ليش .. لو ردت بنتك تعيش

بويه يامسلم تعال .. بويه يامسلم تعال

قصيدة : من قصر المنية

من قصْر المنيّه .. شفْت الغاضريَّه

من دمعة حميده .. لي شهگة رقيَّه

إرجع للمدينه

الكوفه مو أمينه

▪️▪️▪️▪️▪️

رساله عاجله او خطره إلى نسْل الأطايب

مِن حيث اطْلَعِت إرجع تره الكوفه نواصِب

ظاهرهم بشر لاچن بواطنهم ثعالب

كلمن طالَب ابْجَيْتك تره ابدمَّك يطالب

الگالولك نريدك .. رادوْا حَزْ وريدك

طاحت أقنِعْتهُم .. لا اتمد إلهم إيدك

ابظعنك لا تجينه

الكوفه مو أمينه

▪️▪️▪️▪️▪️

گالوْا شيعتك إحنه او حَشَا ما هُمَّه شيعه

الشيعي لو تگص راسه العهد لا ما يبيعه

ذوله شيعة السُّلطة الغدر عدهم طبيعه

الخطّار اليجيهم ظامي يبگه اعْله الشَّريعه

گلتلهم ردِت مايْ .. گالوْا تحلم ابهاي !

رادْوا أجرع الموت .. و آنه ابحسرة اظْمايْ

طِينتهم لَعينه

الكوفه مو أمينه

▪️▪️▪️▪️▪️

ظنّوْا يخْدعون الله الكتُب من وقّعوها

لاچن الصِّدگ همّه لْنَفِسْهِم يخْدعوها

گالولك وَرِد خطواتك او شوك ازرعوها ؟

او غِلا سوگ الحديد ابگد سيوف اللي اصنعوها

كِلها امْجَهْزه عِدَّه .. او كلها مستعدَِّه

اليضحك ضحكه صفره .. ضمِّ ابگلبه حِقده

لا غِيره ابجبينه

الكوفه مو أمينه

▪️▪️▪️▪️▪️

لْجَيْتك لو بچه التمساح لا اتصدّگ دُموعه

و ابنُ المو شريفه اردود رَد يحشِد جُمُوعه

كلها انگلبت اعْليك ابأمُر لابُد وقوعه

او هاي الكوفه ما بيها اليحبَّك إلّا طوعه

مَوْعدهم سَرابه .. او ديرتهم خَرابه

الصّلوْا خلفي تالي .. محَّد فكلي بابه

الغادِر هذا دِينه

الكوفه مو أمينه

▪️▪️▪️▪️▪️

الرّائد ما يخون أهْله او من الواجِب أخِـبْـرك

الغدرني بالبدايه بالنّهايه هَمْ يغِدْرك

هاني امْن اگطعوْا راسه ولا زلمه التحرَّك !

او يا خوفي عگب نحره السِّره تالي اعْله نحرك

لِحْيَة هاني شيبه .. وابدمها خَضيبه

ياخوفي اعْله شيبك .. من نفس المصيبه

غدروا تالي بينه

الكوفه مو أمينه

▪️▪️▪️▪️▪️

شدَّوْا عيني و أخذوني و أنه ابعين البصيره

شفْت امن القصر كلشي إلى الّلحظه الأخيره

شفتك عاري عالغبره تحت شمْس الظّهيره

او شفت الما نظرها احَّد عله الناگه يسيره

و اهْيه ابلايه كافل .. تصرخ يا بوفاضل

و آنه اهنا أنادي .. إرجع بالمحامل

سدِّر بالظّعينه

الكوفه مو أمينه

▪️▪️▪️▪️▪️

موتي ابقصَّة امصابك ألف باء الحكايه

و ابجيْتك يبو اليمَّه اتلگّاك الرّزايه

من شدّوا حبل رجلي توقّعت النهايه

ابنفِس هذا الحبل تالي يچتفون السّبايه

و الچلمه الأخيره .. العافك مالَه غِيره

اشلون اتراعي لحسين .. الما راعت سَفيره

گلنه امن ابتِدينه :

الكوفه مو أمينه

قصيدة : بالكوفة هذا مسلم لو علي

بالكوفة .. هذا مسلم لو علي

▪️▪️▪️▪️▪️

ثورة   الكوفة   مثلها  ما  يجي  لا   مستحيل

شخص واحد قادها بس بالعرك خلگه طويل

جيش   جرار   بجنوده    طاح   گدامه   ذليل

هالشخص تربية حيدر اسمه مسلم بن عقيل

گدامه .. جيش امية ينجلي

▪️▪️▪️▪️▪️

هو بس للكوفة طبهه وناده بس حيدر مدد

الـچانوا  الاف بعددهم فجأة شو قل العدد

منين ما وجهه يديره ايشوف واحدهم شرد

هذا  كله  وهو  واگف  سيفه  ما شاله  بعد

زلمتكم .. ناده خل تنزل الي

▪️▪️▪️▪️▪️

ارجال  لا بيع  اليهمها  ولا  تجارة  ولا شِره

ارجال  حُب الدنيا  باعوا واشتروها  الاخره

مسلم اويه حسين تاجَر والعقد دم منحره

ويه  ابو اليمه  التجارة  رابحة  مو  خاسره

لحسيني .. فدوه كل عمري وهلي

▪️▪️▪️▪️▪️

الا    أفني   آل  امية   الا   گال   ودگ   رجل

طالبي  ومن ينطي كلمة  والنعم گول وفعل

ما  اذل  هيهات والله خل  يسمعوني  عدل

منه خذنه ومن امامه حسين كلمة (ما اذل)

من حيدر .. ناده اصلي ومنهلي

▪️▪️▪️▪️▪️

خيّروا  بثنين  مسلم من وگع  بيد  الأسر

تترك  حسين وطريقه لو نعدمك عالقصر

گال ذبحوني اعله حبه هذا ردي واختصر

بالحرب  طبع الهواشم لو شهادة لو نصر

استشهد .. ديني اهم من مقتلي

▪️▪️▪️▪️▪️

اثمنطعش  الف اللي قاتَل خلّه دمهم للركب

تِعبت  ارگاب آل امية  وچفه مسلم  ما تعب

فارس  الهالخصلة  لازم  لو  مسبب  لو سبب

والسبب من بني طالب حيدري يعني النسب

ناداهم .. انه تربات الولي

▪️▪️▪️▪️▪️

من  رفع بالكوفة  سيفه ومن بده  بالبسمله

بيد   ابو  اليمه  حبيبه   ولله   امره   اموكله

اتذكر  حسين  بدمعته  وگال راح اشتاگ اله

جسمي صح بالكوفة لكن روحي يمه بكربله

ما عوفه .. للحبيب الاولي

▪️▪️▪️▪️▪️

استشهد بخط الامامة وفه عهده اللي نطه

بدمه   درب  حسين  رايد  بالشعائر  يربطه

للوفه  بالكوفة   مسلم  رسم   اول  خارطه

وللشعائر   والخدامة   أسس   اول   رابطه

ما توگع .. راية الحق تعتلي

قصيدة: كلبك مكاني | قلبك مكاني

ياخوة صدگ

ياگلبـي اليدگ

يامعنـىٰ العِشگ

ياروح أخيتك يا گُمر زمــاني

گلبك مكاني وانا احبّ مكــاني

▪️▪️▪️▪️▪️

الاخو للأخت مأوى

لو رحلّ بينّت فجوة

لو تغيب بيش اعوضك بعد

فدوة لا تروح اريدك سند

اطمئن لو صحت بسمي

انا احس كل هلي يمي

من ابوي مات لگيتك ابو

وين اروح لو خسرتك اخو

هذا المو سهل

لا يا ابوالفضل

فراگ الاخ كتل

مو سهلة عشرة تنتهي بثواني

گلبك مكاني وانا احبّ مكاني

▪️▪️▪️▪️▪️

لو صحت يا بعد ناسي

يرتفع للنجم راسي

عمري ليش هيچ يخويه انكسر

واني تاج فوگ روس البشر

بلا وعي زيدت نوحي

من گلت يابعد روحي

هاللكلام نار سمعته ومتت

للوداع جاي دخيلك خفت

هاي انا الچنت

بيك اسعد أخت

مو زينب صرت

چنت اني امدللةّ زماني

گلبك مكاني وانا احبّ مكاني

▪️▪️▪️▪️▪️

لو صدگ ما ردت ترجع

راح اظل لو نويت اسمع

حتى اصيح آخ لاخير العمر

ما تنام عين رمشها جمر

مابقه من العمر ليلة

والوكت مر عليّ چِيلة

الله ريت لا يجيب الصبح

مو نهار موت اخلصه وذبح

ريت ادعيّ همس

لو يرجع أمس

ولا تطلع شمس

چنت أدعي لاجاني الصبح وأجاني

گلبك مكاني وانا احبّ مكاني

▪️▪️▪️▪️▪️

حاولت ما ردت ابچي

واتضح هالدمع يحچي

دمعي طاح فوگ اديك وكتب

لا تروح اريد اسمعك عتب

مو هوى كل نفس جمرة

من جرت دمعتي حمرة

گتلي جاي اسلّمه اللوه

والحنان ذاك سجلّه انطوه

ياريحة هلي

يوگفلك علي

وانا الله الي

ماعندي غير الله بعدّ تراني

گلبك مكاني وانا احبّ مكاني

▪️▪️▪️▪️▪️

توجهت للتهر انته

والنفس مختنگ عغته

للفرات سار معاك النبض

يالعليك موت على الله العوض

عيوني يم رايتك تربي

ها وگع ما وگع گلبي

امگطعات اديك اجاني الخبر

والسهام عليك اينزلن مطر

مو روه الوفه

وشيخ العاطفه

عالشاطي اختفه

دروني گلبي وماكو ما لگاني

گلبك مكاني وانا احبّ مكاني

▪️▪️▪️▪️▪️

من اوصلت مصرعك وحدي

لا ولد لا اخو عندي

ما لگيت عين اخذها السهم

ما لگيت ايد تشيل العلم

بالعمد هشموا هامك

طشروا عالثرى عظامك

تحيرت بين المك وطن

بين اعود بدون كفيل الظعن

ما ادري السبي

من حالي شيبي

واني ابنتّ نبي

الوادي المقدس هيبتي وكياني

گلبك مكاني وانا احبّ مكاني

قصيدة : يا ليتني وي السبعين

يا ليتني اويه السبعين

ما اتخذ ليلي جمل

بالحب اجيتك يحسين

أدري مِنَ الحُبْ مَا قَتَلْ

▪︎▪︎▪︎▪︎▪︎

ألف واربعمية رد بيه الخيال

بين سبعينك ضگت حب الحلال

جيت انصرك لأن ما أگدر اشوف

بالخيول اگبالي ينداس الجمال

للطف عبرت انا سنين

اثبت غرامي عالأقل

بالحب اجيتك يحسين

أدري مِنَ الحُبْ مَا قَتَلْ

▪︎▪︎▪︎▪︎▪︎

لَوْ عَلْمتُ أنِي أُقتَلْ واحترگ

الف مره گلبي هم بسمك يدگ

إلا اخلي الناس من حبي ابذهول

تگول كلها منيلك هذا العشگ

دم الولاء التدوين

يكتبلي بسطوره جمل

بالحب اجيتك يحسين

أدري مِنَ الحُبْ مَا قَتَلْ

▪︎▪︎▪︎▪︎▪︎

بخيمة الانصار گاعد بالأخير

وهب يسمع توصياته من زهير

يگله لا تبخل بروحك عالحسين

الما يموت بكربله ميت ضمير

وبعمر خمسة وسبعين

انطاني حبيب شگد امل

بالحب اجيتك يحسين

أدري مِنَ الحُبْ مَا قَتَلْ

▪︎▪︎▪︎▪︎▪︎

قَدْ رَأَيتُ المَوتَ فِي نصرك حياة

شگد حلو لحسين گالوا هذا مات

الموت أهون لي ولا اشوفك وحيد

يا فرات وحرموا عليك الفرات

بيدك اصب ماي العين

عبدك واحس كلي خجل

بالحب اجيتك يحسين

أدري مِنَ الحُبْ مَا قَتَلْ

▪︎▪︎▪︎▪︎▪︎

عابس يگلي هلا ومية هله

گلي ذاك حسين شتقدم إله

انطاني كلشي گتله شنطي للحسين

وعلمودي ضلوعه ترست كربله

ما عندي وياه وجهين

ناديته يا خير العمل

بالحب اجيتك يحسين

أدري مِنَ الحُبْ مَا قَتَلْ

▪︎▪︎▪︎▪︎▪︎

مو زماني وجايك بهيئة درع

أدري ينتظرك سهم ما ينشلع

يا جمال الله التوزع بالسيوف

يا عرش وشلون راسك ينگطع

شافوك إلك رأس الدين

يا فاس حطم چم هبل

بالحب اجيتك يحسين

أدري مِنَ الحُبْ مَا قَتَلْ

▪︎▪︎▪︎▪︎▪︎

اوگف گبالك بشر ينزف غرام

ينترس صدري ولا صدرك سهام

تجي يم راسي يمولاي امن اطيح

آخر أقوالي السلام اعله السلام

ما بين أقدس جفين

آخر حجايه اويه الاجل

بالحب اجيتك يحسين

أدري مِنَ الحُبْ مَا قَتَلْ

قصيدة : كتبوا عالكاع

كتبوا عالگاع من يوصل ليها

لو ناخذها لو ميتين بيها 

نرجع برماح نريد

ولا يبقى حسين وحيد

▪︎▪︎▪︎▪︎▪︎

گالوله اطمأن حملك علينه

ماي نصير إلك وانته السفينة

وين الگال الأجي لخيماته وينه

لو صد عالخيم نطفيها عينه

اليوصل حضرته .. نگطع رگبته

ياهو اليوصل واحنه اثنين باثنين

جون وعابس بن ظاهر صوبين

كل واحد جيش اكيد

ولا يبقى حسين وحيد

▪︎▪︎▪︎▪︎▪︎

كتبوا عالنهر يا هو اليمنعه

إلا نخلي عبدالله يوزعه

كتبوا لليجي ما بيها رجعة

واليوصل تره بشيلة نگبعه

لو مر عالنفس .. نشمره من الفرس

من الخيمات للرايات انذار

يطيحون الطير فوگ الغيم لو طار

يطيحون الراح بعيد

ولا يبقى حسين وحيد

▪︎▪︎▪︎▪︎▪︎

صح قلة عدد لكن نشامه

بس اشر نسويها القيامة

ما عدهم عقيدة لا أمامة

بس عدهم هبل لابس عمامة

ضدك يالولي .. كاتلهم علي

مو بس للطف من ندخل للساس

نخطب بيهم نخلي الراس بالراس

ننزل عالجيش رعيد

ولا يبقى حسين وحيد

▪︎▪︎▪︎▪︎▪︎

وگفوا يمه الرجال الثكيلة

كالوله العمر انته بديله

من گالوله صحبتنه طويلة

حسين اتبسم وصد للعقيلة

وكل احنه تره .. لزينب گنطرة

لزينب فدوه لو نرجع بس راس

ننداس بخيل ولا يزعل عباس

دمنه شما طال جديد

ولا يبقى حسين وحيد

▪︎▪︎▪︎▪︎▪︎

من كل طائفة صاروله منحر

كتبوا يا حسين بلون الأحمر

تبسم من يگلوله تبتخر

بكيفك دمنه يالشريان الأبهر

بكيفك يالحبيب .. تودينه وتجيب

آخر ليلة راح تشوف كدام

كل عمامة تصير وياك حزام

واحدنه يموت عنيد

ولا يبقى حسين وحيد

▪︎▪︎▪︎▪︎▪︎

من صفين امية شباقي عنده

بس الطبعت السطرة على خده

واحدهم اجه ركاض ويه جده

شارد من علي والشرده شرده

واحدهم اسير .. من يوم الغدير

الحدك فنه الجاي منين يعبر

جف الحمزه لهذا اليوم يسطر

الموت ولا عار يزيد

ولا يبقى حسين وحيد

▪︎▪︎▪︎▪︎▪︎

اول تالي گاع الله بحمانه

الميت والعدل يبقى ورانه

احنه النبقى عدلين بدمانه

واحدنه منارة يظل مكانه

الما لحگ عليك .. مشاية يجيك

لا مو اي گاع باب الله تنشاف

مثل الكعبة كل عاشور ينطاف

وجيل الانصار مديد

ولا يبقى حسين وحيد

▪︎▪︎▪︎▪︎▪︎

احنه المن صدگ صاحبنه صاحب

وياك احنه مثل عين اويه حاجب

واحدنه الك عالگصه كاتب

اليوم وباجر ندوس الشوارب

نبقى اعله الزعل .. سيف ومستهل

وبهذا الصوت هم نقلع خيبر

حيدر حيدر يا حيدر حيدر

كل صاحب زين شهيد

ولا يبقى حسين وحيد

قصيدة : اذان الشهادة

يا حبيب ابن مظاهر 

گوم شيل العلم وأظهر

▪︎▪︎▪︎▪︎▪︎

اذن اذان الشهادة 

والصلاة تحتاج منحر

هذا يوم حسين هذا 

هذا يوم الله واكبر

▪︎▪︎▪︎▪︎▪︎

سجل اسماء الصحابة 

يا حبيب التوفي حيدر

لا يعوف حسين وحده 

عالصراط الراد معبر

▪︎▪︎▪︎▪︎▪︎

والِنِذر هاليوم دمه 

لا يظن عالدين قصر

والعطش لحسين بالطف 

يرتوي من الجنة كوثر

▪︎▪︎▪︎▪︎▪︎

تدري بالشيعي الموالي 

ما يهم بالموت الأحمر

هذا يومه وهذا وكته 

لليشيل السيف يگدر

▪︎▪︎▪︎▪︎▪︎

ما نخلي حسين حاير 

بالعطش والشمس والحر

لازم انطبر المناحر 

گبل لا نحره ايتطبر

▪︎▪︎▪︎▪︎▪︎

ربنه خالقنه اعلموده 

جوهر ايموت اويه جوهر

راد كلنه نموت لجله 

واحنه هيهات انتعذر

▪︎▪︎▪︎▪︎▪︎

واليوالي يريد حيدر 

كون جدامه ايتوذر

واليعادي حسين رايد 

خلي من انصاره يحذر

▪︎▪︎▪︎▪︎▪︎

نعمة الله حسين عدنه 

وما نعيش بغيره نگدر

امره واجب حبه واجب 

عنه هيهات انتغير

▪︎▪︎▪︎▪︎▪︎

الله عطّر بي رسوله 

واحنه من عطره انتعطر

يا حبيب ابن مظاهر

كوم شيل العلم واظهر

▪︎▪︎▪︎▪︎▪︎

ابوذيات : كما جون ، وياك ، نساها

✒️للشاعر: ناظم الحاشي

انا المجنون بحسيني كما جون

عابس واحمل جروحي كما جون

الصاحب كون للصاحب كما جون

مو يحرگ الباب اعله الزجيه

▪︎▪︎▪︎▪︎▪︎

الگلب يحسين عاف البشر وياك

وترك كلمن يصيح اياك وياك

انا مجنون البيك چان وياك

انا بهذا الزمن وجنون بيه

▪︎▪︎▪︎▪︎▪︎

محال الما نست فضلك نساها

ربها وشانك الرافع نساها

اصحاب الطلگت لجلك نساها

فلا يحسين منها اصحاب هيه

قصيدة : بعيد الشر

يبو فاضل بعيد الشر على عيونك

طمني بدون جفوفك شلونك

ما ظل شي دخيلك

چم عثرة واجيلك

▪︎▪︎▪︎▪︎▪︎

دخيلك يا بو فاضل حاول تعيش انا جايه

يالابهر من تغمض توگف الدم بالخلايا

كفيلك الله احبك يا كفيلي ويا هوايه

تمهل مو گلتلي ابقى يمج للنهاية

اخيراً گدرت الدنيا تفارگنه

اخيراً عرفت بيا غالي تخنگنه

يذبحني رحيلك

چم عثرة واجيلك

▪︎▪︎▪︎▪︎▪︎

علم افتاده وخاک عزا شد برسرمن

زبعد تو علمدارم به یغماست معجرمن

برادرجان نگاهی کن به چشمان ترمن

ببین نامحرمان اینجا همه دوروبر من

نمی پرسی چرا احوال خواهر را

نمی بینی  مگر این حال مضطر را

دل خون شده زینب

جانم شده برلب

▪︎▪︎▪︎▪︎▪︎

يفوتك يا بو فاضل ظهر الحسين الحنيته

للخيمة رجع ورموشه ابيض من لحيته

اثاري المات اخوه تبين الكسرة ابمشيته

تموته الذكريات اشگد قبل موعد منيته

رجع من الشريعة يعثر بدربه

من گلي وگع شفته لزم گلبه

يالكاسر خليلك

چم عثرة واجيلك

▪︎▪︎▪︎▪︎▪︎

چه امد برسرت جانا تورادرخون کشیدن

حسین میگفت حرامی ها دو دستت رابریدن

شنیدم من ، شنیدن کی بود مانند دیدن

که باتیرجفا چشم تورا ازهم دریدن

چرا پاشیده شد ازهم تنت سقا

چه امدبرسرت دراین دل صحرا

سوزد جگرمن

نوربصرمن

▪︎▪︎▪︎▪︎▪︎

سألته ومن عساني يابوفاضل ما سألته

كلما يذكر اسمك يبجي ويغص بعبرته

كلتله شكلك خر شي يخويه من شبكته

كلي يكول اني اليفتخر جي زينب اخته

السهم ما كافته عيونك عجيب امره

وانا كل عمري واكف هسه عالنظره

محتاج اشتكيلك

چم عثرة واجيلك

▪︎▪︎▪︎▪︎▪︎

زبعدتو برادرجان بلا پشت بلا شد

زبعدتو دگر راس حسین من جداشد

تورفتی وسر یارم به روی نیزه ها شد

تنش زیر سم مرکب به صد جوروجفا شد

حسین من علمداری ندارد

غریب است و دگر یاری ندارد

ای نوردوعینم

مظلوم حسینم

▪︎▪︎▪︎▪︎▪︎

تعرفني زينب انا وعالمصايب مو جديدة

ولاجن هاي اول مره احس روحي وحيدة

طبيعي الجرحه ينزف يضغط ويلزم وريده

بيش يكض نزيفه ال عالنهر مشموره ايده

ولا تگدر تشيل سهام ال بصدرك

ولا تكدر تلوح الطعنة ال بظهرك

لا يمي واشيلك

چم عثرة واجيلك

▪︎▪︎▪︎▪︎▪︎

حرم آواره شد بعد توبر ماشد جسارت

ببین مارا چگونه می برند سوی اسارت

چگونه برزبان خود بیارم این عبارت

همه گوشواره و خلخال ما رفته به غارت

زدند سیلی تمام کودکانم را

بریدند از جفا  خط امانم را

ای جان برادر

محزون شده خواهر

▪︎▪︎▪︎▪︎▪︎

غيابك يعني عالم ثاني راح يمر عليه

غيابك يعني اجهز متني لسياط آل امية

غيابك يعني تسحگ صدر الحسين اعوجية

غيابك يعني اروحن ويه جتالك سبية

اخذ گلبي يخو گلبي واخذ عيني

شلي بشوفك اذا تمشي وتخليني

بدم انتميلك

چم عثرة واجيلك

▪︎▪︎▪︎▪︎▪︎

نخيتك يابوفاضل بالاصالة وبالنيابة

نخيتك من عالتل يا سريعا للاجابة 

كلتلك انا اميرة وما احب طاري الخرابه

عرف ما عندي بعدك لا عشيرة ولا گرابة

ابو فاضل وكت خلاني ما اشوفك

رخيص الماي ولا يستاهل جفوفك

المي ناكر جميلك

چم عثرة واجيلك

نعي : اجه ليل اهدعش

إجه ليل اهدعش مشحون بالوحشه

اْو إجيتك للنهر عباس مندهشه

ابوجودك محّد اِلطولي رُفع رمشه

عگبك تدري اشسوَّوا بيّه

رُفعوا حتى الإيد اِعليّه

▪︎▪︎▪︎▪︎▪︎

أعاتب ما إجيتك خويه لا والله

إجيتك بس أبث اشويّه مِنّ الآه

وأفرّغ دمعي وادري ينترس مَجراه

لتظن يخلص همّي اْو حزني

توّه اْو ما صار اَزرگ متني

▪︎▪︎▪︎▪︎▪︎

درُب حزني طويل اْو هالدمع توّه

دِمه اِمن اعيوني راح اَبچي علىٰ الخوّه

تره باچر يمشّيني الزجُر گوّه

فُرصه اْو جيت اَشكُر معروفك

ما قصّرت ابگطع اچفوفك

▪︎▪︎▪︎▪︎▪︎

ابوذيات : من حل ، لاجن ، يدنه

حِلَه اوياك الحچي ابهالليل  مِن حَل

حَبِل وَصلك صدگ عباس  مِنحَل

الفگِد تدري يغيّر حال  مِن حال

عگب عز الخدر شيصير بيّه

▪︎▪︎▪︎▪︎▪︎

لا هَوّد ونيني اعليك  لا چَن

واَنياب الزمن بِحشاي  لاچَن

ما جيت اَعتِبَك عباس  لاچِن

إجيت اَتشكّرك وامشي سبيّه

▪︎▪︎▪︎▪︎▪︎

أنا اْو خَيّك صُفگنه اعليك يَدنه

يِجازي اِدماك يا عباس  يَدنه

الشمر عگبك اِلنحر احسين  يِدنه

وانا اِلمتني الزجُر يِدنه ابأذيّه

 قصيدة : ماحسبت هل كثر

ما حَسّبِت هالكثُر  حُبّك إلي 

تتگطّع اْو تعتذُر  يَبنَ علي 

يتفايض ابروحك  أعذب نهر

ممنونه لجروحك  طول الدهر

▪︎▪︎▪︎▪︎

ليلة حزن مظلمه  

اِتغيّر سواد السمه  

لُونه اِمتزج بالدمه

لاح الخطر عگب الأمان

اْو رغم الحصل والجره

بالهيبه وگفت مَـره

صوب النهر ناظره

يمكن عَتب يحچي اللسان

الطف مِن حِچت مِنذهِل

أمر اْو يِـفوق العقِل

گالتله يا بالفضِل

شكراً يَسلطان الـحَنان

اِمبَيّن عليها التَـعب

بس ما تسولف عَـتب

لازم بِماء الذهب

هذا الحچي ايكتبَه الزمان

صوت المَره العالمه  ايعرفه المَلَك

بي بَحّه من فاطمه  ابخُطبة فدك 

بي شِدّه من حيدر  يوم الخطَر

من خَيها تتشكّر  طول الدهر

▪︎▪︎▪︎▪︎

كل الغموض انجله

حين اللي گالت إله

عگبك صرت كافله

عباس يا نِعمَ الكفيل

زينب أنا اْو أشكُرك

أثني اعله دم منحرك

شِمسوي حتى اَعذرك

يَـمسوّي لجلي المستحيل

حُب خَجّل المشرعه

چفينك امگطعه

اِشلازِم جَزاء اَصنعه

واشلون اَرِد ليك الجميل

عين انطفت بالسهم

والأُخره تشكي الندم

اِلْحَد ما جِمَد بيها دم

رادت تضحّي لو قليل

راسك يخويه انهشَم   من العمَد

لن راسي علو القمَم  واعلى بعَد

رغم الخسِف تبقى  أكمَل گُمر

واسمك يظل يرقى  طول الدهر

▪︎▪︎▪︎▪︎

عذرك بلغني اْو وصل

ليش العذر يا بطل

تنزف دماء اْو خجل

أذّتني خويه الحاله هاي

والماي لو تعترف

ما جبته  حال الحتف

جايبلي حُب مِختلِف

هُوّه اللي چان اِلروحي ماي

والجربه لمّن هوت

صدگني روحي ارتوت

هاي المعاني احتوت

تقديري عباس اْو رضاي

بيك القدَر منعجب

مثلك فلا ينكتِب

أخ اِلأخيته يحِب

لا گبلي حتى اْو لا وراي

للخوّه صرنه مـثَل  الكل يعرفه

وحي المشاعر نزَل  ابسورة وفه

يالعلگمي احراءك  مُرسل فخر

رب العرش شاءك  طول الدهر

▪︎▪︎▪︎▪︎

تكريم تستاهله

منّي اْو من العايله

خل يبدأ ابكربله

بسم الله رحمـٰن اْو رحيم

ابليلة بچي اْو نايحه

أُوگف إلك مادحه

أقرالك الفاتحه

يبن الصراط المستقيم 

اْو لو گال صوت الجرح

مو هذا وكت المدِح

أسبابي خل تتضِح

وابتضحياتك خل أهيم

حقّك أريد اكرمه

من گبل لا هالدمه

اتجف اعله جسم ارتمه

هذا اليليق اويه الكريم

ما قصّرت لا أبد  فعلاً كفو

تدري الفضل ماشهد  بيه العدو

من تحچي عدوانك  تحچي ابحذر

شاغلها ميدانك  طول الدهر

▪︎▪︎▪︎▪︎

مو منّه لا والعلي

المنّه يخويه عَلي

بت فاطمه اْو بت علي

من تشكرك هذا وسام

علگه اعله صدرك فخر

مثل النقش عالصخر

أعظم كفيل انذخر

گول اْو فعل گد المقام

أشهد بأنّك وفي

ابمدحك فلا أكتفي

ما تبلغك أحرفي

أكبر من اينولك كلام

شيجازي فضلك بعد

يالما بُقالك جسد

حبك تجاوز عدد

ما شايل جروح اْو سهام

بس عندي يا بالفضل  هالمسأله

ليش ارفضت تنحمل  للعايله

خل اَسمع اجوابك  من النحر

يامن بُقى امصابك  طول الدهر

▪︎▪︎▪︎▪︎

ياخويه خل أسألك

حسين اعتنه المقتلك

ليش ارفضت يحملك

واَعضاءك ايلمها ابحصير

خجلان من رجعتك

لا يا بعد عيلتك

خِفنه علىٰ جثتك

اْو صار الذي خفنه يصير

جسمك بقى وحّده

واتناوشوه العده

بالبغض مترصّده

مو إنته مقصدها الأمير

واحسين رد للخيم

رَد محني من الألم

بيده اعله ظهره لزم

واتيقـنت ظهره كسير

ما گَلّي عن موتتك  يجري الدمع

طَيَّح عمد خيمتك  فِهمي الوضع

يَـمخلّي بابن امّي  كسرة ظهر

همّه مثل همّي  طول الدهر

▪︎▪︎▪︎▪︎

احسين اللي صوبك طلع

مو هُوّه نفسه الرجع

حط ابدليلي الوجع

لا الله راواك المصاب

أشرحلك ابدمعتي

عن حالته اْو حالتي

اْو لو قاسيه چلمتي

خويه لَـتعتبره عتاب

موتك دريت اِشعنه

ابهالمعنى شمر الخنه

اِلمنحر عضيدك دِنه

اْو خَلّه السمه ابحال ارتقاب

ابهالمعنى بنت النبي

عگبك دِناها السبي

وابولية الأجنبي

اسياط اْو شتم ذلّه اْو عذاب

بالطف فگدتك خدُر  يا كافلي

اْو راح اَفگدك باليسُر  فزعة ولي

وابحَرگة اخيامي  فگدك قهر

تبچيلك آلامي  طول الدهر

▪︎▪︎▪︎▪︎

بيك الله ميّت رِحَم

ما تصغي بچي الحرَم

صارت رماد الخيم

كل خيمه شبّت بيها نار

ثقل الإمامه انتقل

لليشكي جسمه العلل

گـتله يـعـمّـه العمل

گلّي عليكم بالفِرار

رحمه انته هم ماشفِت

حين الذي اتراكضِت

أجمع يتامه صرِت

واَتعثّر ابهاي القفار

وين آنه وين الرَكُض

اعله اَمر الله ما اعترُض

ياخويه لا تنتفُض

والموت أَبـلَـغ إعتذار

يابالفضل آسفه  زدتك ألَم

اچفوفك عَزِم نازفه  اتريد العلَم

زدتك أسى اْو حيره  ابهذا الخبر

يا سيّد الغيره  طول الدهر

 قصيدة : سدو الماي

سدوا الماي .. وابو الماي

حمل جوده

▪︎▪︎▪︎▪︎▪︎

عالنهر عباس شد حزامه

يا فرات اركع تحت اقدامه

هذا جيش الله وترف اعلامه

والله مو عيب الشرد گدامه

هذا كرار .. عالأخطار

إجه بزوده

▪︎▪︎▪︎▪︎▪︎

من وصل صدر الفرات وداسه

كالجراد اتطافروا حراسه

براسه حيدر ما يدنگ راسه

فرحة حسين بفعل عباسه

رفعة الراس .. يعباس

وفه وعوده

▪︎▪︎▪︎▪︎▪︎

ينظر اعله الجيش عم السادة

ما يريد جنود راد القادة

سيفه يشطر عالوزن كالعادة

لا نقيصة ولا يخلي ازيادة

مغضب الحيد .. على يزيد

على جنوده

▪︎▪︎▪︎▪︎▪︎

ناده يحسين اشتريد افنيهم

همه كثرة بس زلم ما بيهم

انا اخوك هوايه انا عليهم

اي وحگ زينب ولا خليهم

اعبر الموت .. انا الموت

وانا حدوده

▪︎▪︎▪︎▪︎▪︎

صال مغضب ما يهم ابروحه

حتى من يزعل يفيض ملوحة

سيطر عليهم جبل وسفوحه

الما يلوحه السيف رمحه يلوحه

والمينصاد .. مشه وعاد

لصايوده

▪︎▪︎▪︎▪︎▪︎

حاصر الالف ليث البيده

شافهم وتبسم وهز إيده

همه ذوله وأشر اعله اعضيده

للخيم ذوله يجون ابعيدة

شال الطفوف .. والجروف

على زنوده

▪︎▪︎▪︎▪︎▪︎

من تصد لجبهته المهيوبة

لا فتى إلا علي مكتوبة

هو يضحك والخلگ مرعوبة

والمراجل كلها خيط بثوبه

جيش الأهوال .. والأبطال 

اهو يقوده

▪︎▪︎▪︎▪︎▪︎

الگاع تهتز من يهز الراية

غير طاح وراح ماكو حچاية

زينب اتگلك يبو الوفاية

هوايه يا عباس انته هوايه

وجوه الاشرار .. يمغوار

غدت سوده

 هوسات : الدنيه غبرت

الدنيا غبرت والساتر الله بهاي

گتله حسين خويه شصاير بدنياي

يزينب گال لي عباس طب للماي

والناس ارتجت من سيفه

▪︎▪︎▪︎▪︎▪︎

گد حجايته العباس وانطه لزينب حجايه

اطب للعلگمي گلها واجيبن للخيم مايه

على السبعين ألف عباس واحد بس فرض رايه

بالجربة الردت متروسة

▪︎▪︎▪︎▪︎▪︎

أخالف راي كلمن گال ما يتگمط العباس

واثبت بالدليل التام هذا الأمر بين الناس

شلون يگطع گماطه ويعرف صاحب النوماس

بثياب حسين مگمطينه

▪︎▪︎▪︎▪︎▪︎

يا چف مثل جف عباس جف فوگ الثره مگطع

اميه رادت الراية وعصت بجفوفه ما تطلع

ظل الكون متحير لا سامع ولا يسمع

جف ميت ما ينطي الراية

 قصيدة : كلمه وحده

كلمة وحدة .. گلبي عنده

أموت وما أعوفك

▪︎▪︎▪︎▪︎▪︎

گلب جاسم بيك هايم بالطفولة وبالشباب

ناشدوني شگد تحبه ما لگيت الهم جواب

كلمة الحب مو قليلة الماي مثل السراب

ومن تجيني الباب بيتي ألم من جدمك تراب

اشكبره إسمي .. حسين عمي

توضيت بحروفك

▪︎▪︎▪︎▪︎▪︎

اعترفلك من عرفتك حلت بعيوني السنين

شمس روحي گمر گلبي وانته اغلى من الاثنين

وداعت امي انا احبك يا حبيبي يا حسين

الما يعرفك ما يثمنك واليعرفك عنده دين

الحب كلمتين .. حسين وحسين

أمام الحب اشوفك

▪︎▪︎▪︎▪︎▪︎

سر وجودي من وجودك وانا من دونك اضيع

الناس كلها صيف عندي ضحكتك فصل الربيع

انا من گد ما أحلك صحرا بعيوني الجميع

عمري كله يروح فدوة لخشب كاروك الرضيع

أنا محبس .. بچف مقدس

صغت عمري بچفوفك

▪︎▪︎▪︎▪︎▪︎

گمت اسولف للهواشم مو يتيم أنا امير

عمي واگف يوم عرسي وموقفه مثله جبير

شيخ روحي من يسولف يشبع بحجيه الفقير

انا بالطف صگر بيده وانت جنحي البي اطير

ظله ينشاف .. كعبة ينطاف

ابن مكة واطوفك

▪︎▪︎▪︎▪︎▪︎

يا هو ينكر انا ابن من انا ابن ذاك الكريم

الله گايل انت حجة صدق  الله العظيم

الجيش كله وشسع نعلي بالحرب سيفي زعيم

بشر عوجة وامشيها عالصراط المستقيم

الزلم كلها .. راح أذلها

وأنا اصغر سيوفك

▪︎▪︎▪︎▪︎▪︎

الموت احبه من عرفته انت للميت حياة

والشهادة ترد زلمها وياك بس الزلمة مات

الحمد لله من خذتني يا سفينة النجاة

الما يصلي گلبه بسمك ما عرف معنى الصلاة

ديني معناه .. واحسيناه

يعالي بكل ظروفك

 قصيدة : آنه إلهم

انا الهم .. عد عينك يا عمي

أاذن لي .. اتحنه من دمي

تفداك النفس .. بالجنة العرس 

يا عمي يا عمي

▪︎▪︎▪︎▪︎▪︎

يا عمي يا بو اليمه 

ابريلي الذمه   انطيهم صاع

خيشوفون اعله الگاع 

اتطيح سباع   تگوم سباع

ارخضني بجلمة فوت 

ارفع للموت   السيف شراع

خل اگطع نسل ابليس 

انا العريس   ارباع ارباع

يا محلى .. من الفارس يترجل

والزفه .. للجنة تتأجل

أدعي وألتمس .. بالجنة العرس 

يا عمي يا عمي

▪︎▪︎▪︎▪︎▪︎

انا ابن الياخذ حيف

وعنده الضيف   يمون يمون

انا اربات القران 

وجدي الجان   بدون ظنون

انا ابن الرفعة راس

تگصده الناس   وينطي عيون

ابن المن ما ولاه

يبغضه الله   وخصمه يكون

يا عمي .. حنيني لو تسمح

من اوگع .. واتوذر بالمذبح

بشرني بهمس .. بالجنة العرس 

يا عمي يا عمي

▪︎▪︎▪︎▪︎▪︎

موت البي يكمل ديني

وانطي سنيني  وفدوه تروح

محلاها هناك من انزف

دمي الما جف   عطره يروح

وهناك بزود اتسمه 

الضحه العمه  وقدم الروح

ياعمي اليحظه بظلك

لازم مثلك   هم مذبوح

من توگع .. تستقبل خطارك

وتحيي .. وتتلگه اليتبارك

من جن وإنس .. بالجنة العرس 

يا عمي يا عمي

▪︎▪︎▪︎▪︎▪︎

سيفي الما ترحم حربه 

وضربة بضربة    وحار بحار

يشطر نصين وينصف 

لمن يخطف  يجدح نار

انا النشمي الما يأبه 

سيف اليشبه   ذو الفقار

اضرب نحري البي احتف 

والشفته التف   من انادر

وبگلبي .. لهاي الحرب لهفة

يا عمي .. چن رايح للزفة

متقدم أحس .. بالجنة العرس 

يا عمي يا عمي

▪︎▪︎▪︎▪︎▪︎

الله يفرح قلب امي

ويكشف همي   من اطلع هاد

گالت يمه ابحنية

اعقدها النية   اعله استشهاد

لوما تستشهد فدوه 

وكل النسوة   بدون اولاد

وانا الما اضيع الفرصة 

وما اتوصه   وموتي امراد

راح ابرز .. طيحة نجم عالي

اوفي امي .. يبقى العرس تالي

أهرب عالرجس .. بالجنة العرس 

يا عمي يا عمي

▪︎▪︎▪︎▪︎▪︎

نزهني الله من الشينه 

اندل الزينه   وزلمه الزين

انا المتروس ملوحه 

اليشمر روحه   گبال حسين

انا اليگبل عالموت 

وصوت بصوت   وعين بعين

انا ابن الفارس ايليا 

اللاح العليا   ويندل وين

يا عمي .. جندي وإلك حاضر

انا ادري .. إلنه النصر باجر

باجر غير أمس .. بالجنة العرس 

يا عمي يا عمي

▪︎▪︎▪︎▪︎▪︎

راح ارعد ضي ما يجرح 

لكن يذبح   مثل الماس

ويسألوني اعله القادم 

هذا القاسم   لو عباس

توگف قادتهم تخدم 

تنفي وتجزم   ماكو انفاس

من اقصى الطف راح اسعى 

شايل فزعه   تشيل الراس

يا عمي .. امر القدر يسري

واوفيلك .. من ينذبح نحري

تحضني الشمس .. بالجنة العرس 

يا عمي يا عمي

▪︎▪︎▪︎▪︎▪︎

الله محلاها الحنة 

بنص الجنة   وبالتهليل

احضر بجروح الطف 

البيها اتشرف   دمي يسيل

يهديني الصديقين 

بعليين   اورود اكليل

بين اصوات الترتيل 

من اسرافيل   وجبرائيل

وشموعي .. ضيهن نهر يجري

و ايضون .. كالكوكب الدري

ما تقبل لبس .. بالجنة العرس 

يا عمي يا عمي

 قصيدة : المن تحنوني

المن تحنوني .. باجر يذبحوني 

▪️▪️▪️▪️▪️

عرس الشهاده يختلف عن باقي الأعراس 

رايد اموت بكربله مارايد اليــــــــــاس

اي والرفع هاي السمه ما دنك الــــــراس

حزمني بيدك للحرب ياعمي عــبـــاس

لا لا تزفوني .. باجر يذبحوني 

▪️▪️▪️▪️▪️

درعي لبسته ياهلي وشديت الحزام 

واسمع تكلي الوالده عفيه يجسام 

باجر اضحي بالدمه لعيون الخيام 

ان تنكروني انه ابن صكار الســـهام

يامن تنكروني .. باجر يذبحوني 

▪️▪️▪️▪️▪️

ماعوف عمي لوحده والعافه خسران

ذكريني يايمه صحت لو شفتي شــبان

نيشاني كطعة منحري وهذا احله نيشان

يتباها بيه المجتبه من ابقه عطـــشان

خلهم يعطشوني .. باجر يذبحوني 

▪️▪️▪️▪️▪️

زغير بعدي بالعمر بس اسوه الكبار

مابعت ديني بدنيتي لا خفت الاخطار 

اطلع ابارز قررت من بعد الانصار 

ثارات تطلب فاطمه واله اخذ الثار 

والكل يسمعوني .. باجر يذبحوني 

▪️▪️▪️▪️▪️

رايدها يهلي بالدمه تتحنه الجفوف 

لمن اسل سيفي وعد اكسرها السيوف

رايد يسميني الزمن عريس الطفوف 

ابن الحسن مايعتذر بالكلفه معروف

يهلي تعرفوني .. باجر يذبحوني

▪️▪️▪️▪️▪️

ارخصني ياعم لوكلت يتراجف الموت

اله اراضي كربله اكلبها تابــــــــوت

اشرط شرط يم الخيم بس الهوه يفوت

توصل مهرتي للحرب اسرع من الصوت

تتجادح عيوني .. باجر يذبحوني

▪️▪️▪️▪️▪️

ابوذيات : غطاه ، بخيله ، ياعم

✒️ الشاعر : ناظم الحاشي

غطاه القاسم بالطفوف الموت غطاه

ربك من جنان العرش غطاه

الامس من گد جماله الحسن غطاه

رجع غطاه تراب الغاضرية

▪️▪️▪️▪️▪️

يعمي لا تظن روحي بخيله

عليك بموت يالگلبي بخيله

خله الجيش يسحگني بخيله

ولا تسحگ عليك خيول أمية

▪️▪️▪️▪️▪️

مشه الموته العليه الشوف ياعم 

غضب حل اعله جيش الشام يا عم

الحگ لبن اخوك يصيح يا عم

طحت وسيوفهم دارت عليه

 قصيدة : وداعا ياعلي آخر كلامي

وداعــاً ياعــلي آخـر كــلامي

وداع اموات ضامي يودعه ضامي

▪️▪️▪️▪️▪️

يا أول فتى للموت من الساده تتقدم

يا اول وداع يصير خوف بهذا المْخيم

عطشان وعليه تخاف من تصدلي تتبسم

ياهيبة نبي وطبيت حولت المعسكر دم

وداعاً والجفن خليته دامي

وداع اموات ضامي يودعه ضامي

▪️▪️▪️▪️▪️

ماخذ عمري كله وياك وبكل خطوه الك يكبر

ماعندي الوداعك روح ما اتحمل المنظر

ضامي وكلشي بيك يصيح أجهدني يبويه الحر

راح الحيل كله وياك شوف  اجدامي تتعثر

وداعاً يالجنت تضوي بخيامي

وداع اموات ضامي يودعه ضامي

▪️▪️▪️▪️▪️

اسمع صوت الاكبر طاح واسمع صوتك ادركني

اركض للخيم رديت ضيعت الدرب يبني

بيني وبينك الخطوات بيهن دهرني شيبني

جيت اتعثر الملكاك فكدك يبني تعبني

وداعاً بلغ الهادي سلامي

وداع اموات ضامي يودعه ضامي

▪️▪️▪️▪️▪️

من مهري وطحت للكاع اعليك اتوسدت وانحب

بحالك يبني شنهو الصار مكطع دامي ومترب

ردت اتنفسك مخنوك يالكل حِسنك اتسلب

ياوجه الضحى الملگاك ضلت تنتظر زينب

وداعاً ياعلي احلى الاسامي

وداع اموات ضامي يودعه ضامي

▪️▪️▪️▪️▪️

يالخدي اعله خدك صار عفر شيبتي بدمك

يوليدي اعله صدرك كوم ضمني وشمني واشتمك

أكبر يا هوى الأنفاس مخنوك وطحت يمك

كلشي بعيني صاير ليل يالكاسر كلب امك

وداعاً يالعفتني بلا محامي

وداع اموات ضامي يودعه ضامي

▪️▪️▪️▪️▪️

شفافك يبني متفطرات والدم جامد بعينك

يا اول علامة موت كسرت خاطر حسينك

الدنيا بعيني ضاكت حيل مشتاك الهوى سنينك

رحت وكلشي راح وياك ياحلم العمر وينك

وداعاً يبني يا روحي وهيامي

وداع اموات ضامي يودعه ضامي

 قصيدة : قمقام ال هاشم

قَمْقَامُ آلِ هاشمْ .. وصائدُ الضَّياغِمْ

مضى بنورِ طٰه .. وحيدرٍ وفاطمْ

صوتٌ صوتٌ يعتلي

طوبى طوبى يا عليْ

▪️▪️▪️▪️▪️

١/طفُّ الفِدا تشَهَّدْ .. مُذْ نورُهُ تجسَّدْ

منهُ العراقُ نادى .. إنِّي أرى "مُحَمَّدْ"

ألْقسْورُ العَليُّ .. يُحِبُّهُ العليُّ

لجدِّهِ سميٌّ .. هُوَ الفتى"عليُّ"

في شخصِهِ علائمْ .. من عمِّهِ وفاطمْ

إنْ مرَّ في طريقٍ .. تُلقى لهُ العمائمْ

نجْمٌ لِفَرْقَديْنِ .. زينٌ لكلِّ زينِ

فالأصلُ منْ حُسينٍ .. والموتُ بالحسينِ!

كيْ تذكروا خِصالَهْ .. كمالَهُ، جمالَهْ

أَهْدُوا النبيَّ طَـهَ .. صلاتَكُمْ وآلَهْ

همٌّ همٌّ ينجليْ

طوبى طوبى يا عليْ

▪️▪️▪️▪️▪️

٢/يَسودُ في الرجالِ .. بالقولِ والفعالِ

عنهُ أتى حديثٌ .. (بالموتِ لا نُبالي)

هُوَ الشِّهابُ ثاقِبْ .. على الجوادِ راكِبْ

يكادُ في عُلاهُ .. أنْ يُمْسِكَ الكواكبْ

كالجدِّ حينَ يمشي .. به جلالُ عَرْشِ

لو شاءَ كلَّ أرْضٍ .. يهزُّها برِمشِ

مُذْ وصلَ الطفوفا .. قامتْ لهُ صفوفا

لهُ انحنى نخيلٌ .. علَّمهُ الوقوفا !

بهِ المكانُ رحّبْ .. هذا حبيبُ زينبْ

وتلُّها سريعاً .. لِنَعلِهِ تحبَّبْ

شرِّفْ شرِّفْ منزليْ

طوبى طوبى يا عليْ

▪️▪️▪️▪️▪️

٣/أفديهِ يومَ عاشرْ .. قَلْبَ الوجودِ كاسرْ

مودِّعاً أباهُ .. والدمعُ منهُ ماطِرْ

فكوكبٌ وكوكبْ .. تعانقا لِيذْهَبْ

كالذَّهَبِ المُصفَّى .. في كفِّهِ المُذَهَّبْ

سارَ على التُّرابِ .. لا بلْ على الرِّقابِ

مَنْ ذا؟ فقالَ إنِّي .. إبْنُ أبي تُرابِ !

مِنَ المديحِ أكْبَرْ .. لهُ الزمانُ كبَّرْ

سُميْدعٌ هصورٌ .. هذا عليُّ الاكبرْ

مَنْ عمُّهُ الكفيلُ .. لا ما لهُ مثيلُ

خَدَّامُ شَفْرتَيْهِ .. في الحربِ عِزرَئيلُ

فيهمْ فيهمْ زلزلِ

طوبى طوبى يا عليْ

▪️▪️▪️▪️▪️

٤/وغاصَ ذو الهزاهزْ .. فلمْ يجدْ مُبارزْ

أرضُ الطفوفِ صاحتْ .. أنْ جَهِّزوا الجنائزْ

كلُّ بدا يؤوسا .. ظنُّوا عَصَاةَ موسى

مِنْ دونِ رفِّ جَفنٍ .. تلتَقِفُ الرؤوسا

إبنُ الكثيرِ "طارقْ" .. بالسَّيفِ جاءَ طارِقْ

بضربةٍ عَليٌّ .. علاّهُ كالمشانِقْ

وويلَهُ "ابنُ غانِمْ" .. قدْ صارَ في الغَنائمْ

عَلى عُبابِ بحرٍ .. مِنَ الدماءِ عائمْ

مُذ شدَّ في العَسَاكِرْ .. صَاروا كَمَا الدفاترْ

يخطُّها بسيفٍ .. وحِبرُهُ المناحِرْ

رأساً رأساً فافصلِ

طوبى طوبى يا عليْ

▪️▪️▪️▪️▪️

٥/ألأمُّ في المُخيَّمْ .. تدعو لهُ لِيسْلَمْ

صحراءُ مِنْ ظماها .. والعينُ عينُ زمْزَمْ

كأنَّما الرَّسولُ .. والبضعةُ البتولُ

قَدْ أمَّنا دُعَاها .. قالا كمَا تقولُ

ربَّاهُ بالحبيبِ .. ربَّاهُ بالغريبِ

أَرْجِعْ إليَّ شمْسي .. أخشى مِنَ المَغيبِ

إذْ بالرَّضيِّ عادا .. محترقاً فُؤادا

والجمرُ في حشَاهُ .. يُفتِّتُ الجمادا

والأمُّ مذْ رأتْهُ .. يا "يُوسُفي" دعَتْهُ

"يعقوبُنا" وحيدٌ .. وفاطمٌ بكتْهُ

أنْصُرْ أنْصُرْ فارحَلِ

طوبى طوبى يا عليْ

▪️▪️▪️▪️▪️

٦/إِيْ هَكَذا الفوادِحْ .. تختارُ كُلَّ صالِحْ

مضى شبيهُ طَٰهَ .. عنْ دينِهِ يُكافِحْ

أَسْنانُهمْ بخوفِ .. تكسَّرتْ بِرَجْفِ

لِلْمِئتَيْنِ أرْدى .. وقالَ ليسَ يكفيْ !

لكنَّما الإلٰهُ .. إلى اللِّقا دعاهُ

شُلَّتْ يَدا خبيثٍ .. بحَدِّهِ اعتلاهُ

آهٍ عليهِ يُصرعْ .. وفي الثرى يُقَطَّعْ

منهُ السيوفُ تُروى .. منهُ الرماحُ تُشْبَعْ

فصَفَّقَ الأعادي .. وشِمرُهم يُناديْ

هيّا انظُروا حُسينَاً .. يَعثرُ في البواديْ

يدعو يدعو يا وليْ

طوبى طوبى يا عليْ

▪️▪️▪️▪️▪️

٧/بِقُرْبِهِ تمدَّدْ .. حُسينُ سبطُ أحْمَدْ

والروحُ في شَجاها .. كادتْ لديهِ تصْعَدْ

ناداهُ وَهوَ آيسْ .. يا هيبةَ الفوارِسْ

كلُّ الشبابِ ماتوا .. يا أجمَلَ النَّوارِسْ

للعيشِ أنتَ مِلحُ .. والآنَ أنتَ جُرحُ

إنْ رُحتَ ليسَ يبقى .. معَ الحياةِ صُلْحُ

كيفَ تُرى أضُمُّكْ؟ .. بلْ كيْفَ قَدْ ألمُّكْ؟

مَا ظلَّ منكَ شيءٌ .. حتى تراهُ أمُّكْ !

وقالَ للعشيرهْ .. بأدمعٍ غزيرهْ

كيْ تجمعوا أخاكُمْ .. فأَحْضِروا حصيرهْ

واسَى واسَى مقتليْ

طوبى طوبى يا عليْ

 قصيدة : وا اكبراه

وا أكبراه .... وا أكبراه

▪️▪️▪️▪️▪️

احْسينك تِغيّر لونه    وا أكبراه

دمْعت عليك اعيونه    وا أكبراه

ألله يكون ابعونه    وا أكبراه

ابموتك تره يذبحونه  وا أكبراه

وابغُرْبِته ايْخلّونه    وا أكبراه

▪️▪️▪️▪️▪️

لحظه اونداء ادركني    وا أكبراه

واحسين الك متعنّي    وا أكبراه

اويصرخ غده آ يبني    وا أكبراه

ابْيا صفحه طايح عنّي    وا أكبراه

بويه علي جاوبني    وا أكبراه

▪️▪️▪️▪️▪️

راجع أبوك الحاني    وا أكبراه

واينادي يا شرياني    وا أكبراه

جرحك جرح خلّاني    وا أكبراه

ما چن الحْسين آني    وا أكبراه

لمّن تصد عدواني    وا أكبراه

▪️▪️▪️▪️▪️

ممدود وسْط اخيمّك    وا أكبراه

وامّك تباوع دمّك    وا أكبراه

واتنادي يا روح امّك    وا أكبراه

حايره امنين اشتمّك    وا أكبراه

كل كتُر بيك ايلچمك    وا أكبراه

▪️▪️▪️▪️▪️

وجهك ذبل يالأكبر    وا أكبراه

ذاك الجمال اتغيّر    وا أكبراه

منّ العطش منّ الحر    وا أكبراه

نور النبوّه امعفّر    وا أكبراه

نور الإمامه امطبّر    وا أكبراه

▪️▪️▪️▪️▪️

چنّك نبي باوصافك    وا أكبراه

عالنبي ايصلّي الشافك    وا أكبراه

متفطّرات اشفافك    وا أكبراه

بس الحِسِن ما عافك     وا أكبراه

يتزوّد امن الطافك   وا أكبراه

—

زين العابدين المريّاني

▪️▪️▪️▪️▪️

ابوذيات : جابلينه ، ماشفتهن ، مامليتهن

✒️ الشاعر : السيد عبد الخالق المحنه 

يا ليلى هنا اكعدي جابلينه

تره مذلوح الاكبر جابلينه

هواي عزاز گبله جابلينه

لجن ابنج كسر كل عظم بيه

▪️▪️▪️▪️▪️

انا جروحك شفتهن ما شفتهن

وعسنها العين عميه ما شفتهن

لحد يوم القيامة لحد ما شفتهن

يفتن كل دليل يحن عليه 

▪️▪️▪️▪️▪️

عجب يسيوف عنه ما مليتن

شبعتن طعن ببني ما مليتن

نهر من دم حبيبي ما مليتن

دكافي بدمه تجري الغاضرية

 قصيدة : الوداع الوداع

الوداع الوداع الوداع الوداع 

▪️▪️▪️▪️▪️

زينب تودع السلام

سكته كلشي بلا كلام

اتكله خويه خاف انام

وتركض عليك السهام

الظلمه يمك مو ظلام

انت خيمه اعله الخيام

▪️▪️▪️▪️▪️

زينب تودع الفلاح

تگله ما ريد استراح

من لزمتك حيلي راح

اصبعك حسيته طاح

هسه انت بلا جراح

باجر اتغص بالرماح 

▪️▪️▪️▪️▪️

زينب تودع الجمال

باجر ايصير المحال

تبقه وحدك بالقتال

ايحاوطوك المو رجال

تنرمي احجار ونبال

ايوگعونك عالرمال      

▪️▪️▪️▪️▪️

زينب اتودع الدعاء

اتگله اخذ مني رداء

باجر اتظل بالعراء

ولحيتك كلها دماء 

 لو عدل الحگ نداء

سلبو اخدور النساء 

▪️▪️▪️▪️▪️

زينب اتودع  الرؤوف

اتگله باجر كله خوف

اركض اگبال الالوف

والحبل فوگ الجفوف

ومن اضيعك راح اشوف

راسك برمحه يطوف 

▪️▪️▪️▪️▪️

زينب اتودع الحسين

باجر بهاللحظه وين

شلون انام وتغفه عين

وجسم اخوي امكطعين

بلايه راسه بلا ادين

ومحبسه بجف اللعين 

▪️▪️▪️▪️▪️

زينب اتودع الضمير

عالهزل تالي  اصير 

للنجف عيني  ادير

بويه الحك يالامير

ذبحو ازغير وجبير

بخدري لو بهلي احير

 قصيدة : ها يا خيمتنا

ها يخيمتنه .. هاذي جمعتنه .. لو نهايتنه

لو صبح باجر .. تبدي قصتنه

▪️▪️▪️▪️▪️

يهيبه .. يخويه

أشوفن هالأرض وحشه عليه

حجرها .. رملها

اشوفه ورتعب وتموت إديه

سماها .. ضواها

ابهواها أختنگ وكت المسيه

الزجيه .. إتعرفها

حجتلي عن إسمها الغاضريه

وبوصيتها .. أمي ذكرتها .. تجري دمعتها

يعني  ياساتر .. تبدي قصتنه

▪️▪️▪️▪️▪️

عساكر .. مخيفه

عددهم يكبر أو قله عددنه

سؤالي .. يغالي

عليمن هالخلگ كلها تضدنه

يخويه .. أخيرا

نظل إبلا علم باجر وحدنه

وجينه .. إبحماكم

بعدكم للوطن منهو اليردنه

الليله وياكم .. باجر أنعاكم .. آ يفركاكم

لمن إتسافر .. تبدي قصتنه

▪️▪️▪️▪️▪️

دخيلك .. أحلفك

تعال أو كلمن إيسولف جراحه

سويه .. وحدنه

لحدما باجر إيبين صباحه

علامه .. شمرهم

علينه وجه إسهامه أو رماحه

مصيرك .. تعرفه

يذبحك لو تظل كول الصراحه

لاتظم سرك .. ينگطع نحرك .. ينسحگ صدرك

إبرضة الحافر .. تبدي قصتنه

▪️▪️▪️▪️▪️

يگلها .. يزينب

گصيره اليله والدنيه كصيره

وعدنه .. لباجر

وشوفج يا أميره إبلا عشيره

واسمعه .. عدوي

ينادي مو يزينب يا أسيره

سليبه .. غريبه

واخوتج عالثره إبحر الظهيره

گالت إخيامي .. كلها أيتامي .. والگلب دامي

من ظهر عاشر .. تبدي قصتنه

▪️▪️▪️▪️▪️

يزينب .. يحره

صعوبه والصعوبه إتحمليها

بناتي .. أمانه

رقيه بالأخص عينج عليها

زغيره .. حبيبه

أريدج كل وكت إديج بديها

عمرها .. ليالي

دفنها بالخرابه أدري بيها

بنتي وتحبني .. لاتعابتني .. من تفارگني

إبكسرة الخاطر .. تبدي قصتنه

▪️▪️▪️▪️▪️

يزينب .. أخبرج

مصيبتنه ولا صارت مثلها

ربابه .. يويلي

تشاهد عالسهم باجر طفلها

صبرها .. تفگده

تناغيله وهوه إيباوعلها

وهيه .. سبيه

كأني عالهزل أتظر شكلها

هالطفل غالي .. منذبح تالي .. والمهد خالي

من جفن ساهر .. تبدي قصتنه

▪️▪️▪️▪️▪️

يزينب .. كفيلج

أكيد إعله النهر باجر أودعه

تراني .. أطيحن

يخويه والشمر نحري يگطعه

ينادي .. يزينب

دشوفي و عالرمح راسي يرفعه

ثگيله .. الحوافر

ترضني و عالأرض جسمي توزعه

يهجم العسكر .. والخيم تسعر .. ياعلي إحضر

إبقلة الناصر .. تبدي قصتنه

 قصيدة : تحترك هاي الصوواين

باچِـر  یَزیـنَب  تِحتـِرِگ  هاي  اِلصُـواوِين

عَالشاطِي چَفِّ اِلکافِل او بِالمَذبَح حسِین

حسين حسيناً واحسيناه

▪️▪️▪️▪️▪️

باچِر عَشـیرَه او‌ تِنتِهي او ما تُبقَه خُوَّان

يْخَلصكُم اِلطَف وُلذَبِح عَطشان عَطشان

يُبـقَه اِلحُسَـينْ بْلا سِتِـر بِالحُـوما عَريان

او عَبَّـاس طايِـح عَالـوَجِه وُلْنَبلَه بِالعِـين

▪️▪️▪️▪️▪️

وَحـدِچ غَریبَـه بکَربَلَـه یْتَعبُـونِچ اِهـواي

گْبالِـچ یِذِبحُـون اِلْأُخـو مایِشـرَب اِلمـاي

باچِــر یَزِینَـب بِالشِـمِس ماعِنـدِچ اِفیـاي

تُوگـَـع اِلرآیَـه علَه اِلنَـهَر چا فَیِّــچ منِیـن

▪️▪️▪️▪️▪️

عَالْتـَل  وَگُفـتِچ  بِالغُـرُب  یا زِینَـب شْلـون

واحِد یِگِلْ واحِـد شِفِت،هَالطُلعَت اُم عُون

باچِـر  عَبـایَه  بکَـربَلَه  و  الـوادِم   عیــون

یْصِیحِ اِلشِـمِر ها بِتْ عَلي  چا کافِلِچ وِین

▪️▪️▪️▪️▪️

باچِر رِکاضْ علَه اِلْجَمُر قُصَّة عِبي او نار

تُركُـض رُقَيَّـه او تِحتِـرِگ رِجلِیـهَه لِزغـار

مُو بَس جَمُر یا بِت عَلي حَتَّه اِلرَمُل حار

شلون اِنتي ما بِين اِلغُرُب باچِر تِرِکضِین

▪️▪️▪️▪️▪️

عَبـدَالله مَهدَه يِحتِـرِگ لو حِرگَوْ اِخیـام

مَعنَاهَه عَبـدَالله اِنذِبَح و علَه اِلْرُمُح نام

یَعني اِلرَبـاب مْنِ اِلْخِيَـم مَسبِيَّـه لِلشـام

تلُولِي علَه بِنهَه اِلمِنذِبِح مَچتوفا اِلِیدِین

▪️▪️▪️▪️▪️

جَهـزِي  عَباتِـچ  لِلْسَـفَر  باچِــر   سِبیَّــه

رَملَه او رَباب بْفَد حَبِل و اِنتي او رُقَيَّـه

تعوفَـن  اَهَلچَـن  عَالتُـرُب   بِالغاضِـریَّـه

جِیتُو عَشیـرَه اِلکَربَلَه او طَشَّرکُم اِلبِیـن

▪️▪️▪️▪️▪️

الشاعر نسيم الناصري

▪️▪️▪️▪️▪️

ابوذيات : من وين ، مني ، ماراك ، بعداك

🖋️للشاعر : ناظم الحاشي 

وصيتك فوگ راسي لجن  من وين

گلبي وعالرحيل الصبح  من وين

اجيب الصبر خويه حسين  من وين

واشوف اتدوس بيك خيول أمية

▪️▪️▪️▪️▪️

گول اطلب علي شتريد   مني

نفسك والتسمعه سهل   مني 

راسك عالرمح وتريد  مني

اصبر هاي مو سهلة عليه

▪️▪️▪️▪️▪️

مثل ما رك عليك الشوف   ما راك

الغيرك وبمصابك ضگت   مرك

شلون تريد مني بعد   ما آراك

الموت ولا وصيتك هاي إليه

▪️▪️▪️▪️▪️

محال احمل حزن عاشور   بعدك

اسيرة وعالهزل يحسين   بإعداك

عسى لا طال عمري كون   بعدك

ولا يطلع صبح باجر عليه

 قصيدة : اكلفج بالضعينة

يزينب ياحَنِـينَه .. أكلفِـچ بالضعينه

▪️▪️▪️▪️▪️

إنحِسَمْ كِلشِي يَزينَب و إنتهى العاشِر

إلِــچ دُور القِــيـادَه إمـقَدِر الـقــادِر

تِـشـارَكـنَه الـجِـروح إبـغَـدرَةّ الـغـادِر

أكـلفِـچْ بالضِـعيـنَّـه إو رَبِــچ السـاتِـر

رغُم روحچ حزينه .. أكلفِـچ بالضعينه

▪️▪️▪️▪️▪️

صَعُبْ ليل إهدعش مَرعوبه أيتامي

رَماد إويه الأرِض ساووهِـنْ إخيامِي

وِصَلتِيني جَرِيحَه المَصرَعِي الدامي

إنشِلَع گَلبِچ ولا يِنشَلعَنْ إسـهـامِـي

أريـد إِمنْ إلتقِـينَه .. أكلفِـچ بالضعينه

▪️▪️▪️▪️▪️

إجمعِي كِل شِتاتِـچ وإبقِي مِتحَضرَه

تـرَه إبحَرب السَـبايـه إنتِـي مِنتصَره

أحلفِـچ يالعـزيـزَه إبفاطمَـه الزَهره

أبد مـاريد أشُـوفِـچ يَختِـي مِنكسرَه

وراچ إشكمْ مدينه .. أكلفِـچ بالضعينه

▪️▪️▪️▪️▪️

إذا يِخلَـص جَرِح يَـعـنِـي جَرِح تالي

أسولِفلِچ و إسمعِي إحسِينچ الغالي

إذا شِفـتِـي المَـناحِـر كِلـها بالعالي

إرفعِـي الهامَـه خاطِـر يِستِـقِـر بالي

إبهالأيام الرهينَه .. أكلفِـچ بالضعينه

▪️▪️▪️▪️▪️

نَـحَـر عَـباسِـچ إبرُمحَـه تِشُوفِـينَه

إلِـچ يِـهـتَـز غَضَب كِلما تِحَشمِينَه

كَّـفِيلِـچ ما قِـبَل يِـطلَع سَهَم عِينَه

لأن ما يِگدَر إيـباوِع على إسكِـينَـه

السَهَم ماعاف عينه .. أكلفِـچ بالضعينه

▪️▪️▪️▪️▪️

يَخُويه إمن المُصايب ما إلِـچ مُهلَه

 إذا بَس عالسَبي هذا السَبِي سَهله

 إستعِدِي إبعلَبَك يُوگَف نَبُض خَوله

 إو رقيـه إگبال راسِي إتمُوت هالطِفلَه

الگَلب ربِـچ يِعيِنَه .. أكلفِـچ بالضعينه

▪️▪️▪️▪️▪️

على إچفوفِچ تِرَفرِف باچِـر الرايه

وِفِـيـتِـي بالوِعُود إو گَـد الإحچايـه

جَزاءً عالمَشِـي للشــام عَـنــايــه

غداً رب العرش يِـخـلِقلِـي مَشايه

مَواقِفهُم ثَمينه .. أكلفِـچ بالضعينه

 قصيدة : خيمة مهجورة

خيمَه مَهْجُورَه .. رُوسْ مَنْحُورَه

اِوْ حُرْمَه مَا بينِ الأجَانِبْ تِمْشِيْ مَجْبُورَه

▪️▪️▪️▪️▪️

آخْ يَـالـيـلِ اِهْـدَعَـشْ   تَـارِسِ الرِّيَّه دُخَـانْ

بَـاوَعَـتْ زيْنَبْ لِـگـتْ   دَمْ أهَلْهَا اِبْكِلْ مَكَانْ

اِعْيُونْ صَلْفَه اِبْكِلْ جِهَه   اِوْ عَالنَّهَرْ مَاتِ الحَنَانْ

مِنْ عُگُبْ چَفِّ الگُمَرْ   مَاكُوْ بِـالدِّنْيَه أمَـانْ

اِعْظَامْ مَهْشُومَه .. تَارِسَه الحومَه

اِوْ بُقَتْ يَمْ جُرْفِ الشِّرِيعَه رَايَه مَكْسُورَه

▪️▪️▪️▪️▪️

آه اى شام غريبان  دود از هر سو عيان

وحشت از هر شورشى  بر زنان و كودكان

گوش طفلان پاره شد   در هجوم ظالمان 

در غم آل علی    خون بگرید آسمان

گشته این صحرا .. ماتم زهرا

پای علقمه فتاده پرچم سقا

▪️▪️▪️▪️▪️

صوتْ مَبْحُوحِ اِرْتِفَعْ   اِنْحِبْسَتِ اِوْيَاهِ النُّفُوسْ

اللّيلَه مِنْ كَثْرِ التَّعَبْ   زينَبِ اِتْصَلِّيْ جِلُوسْ

تِمْشِيْ حَذْرَه اِوْ خَايِفَه   فوگ چَفْ غَالِيْ تِدُوسْ

ضَيِّعَتْ جِسْمِ الأخُوْ   وِ الجُثَثْ مَا بِيهَا رُوسْ

حِيرَه حِيْرَتْهَا .. الرَّاحَوا اِخْوَتْهَا

وَسْفَه وِ الچَانَتْ أمِيرَه غِـدَتْ مَأسُورَه

▪️▪️▪️▪️▪️

کرد غارت خیمه ها را   آن سپاه بی حیا

رفت راس شاه عطشان   بر فراز نیزه ها

زیر سُمَّ اسب مانده  قلب ختم الانبیا

هتک حرمت کرد امشب   لشکر جور و جفا

حمله اشرار .. دیده ها خونبار

زنده شد روز سقیفه زخم آن مسمار

▪️▪️▪️▪️▪️

إنْتِهَى كِـلِّ الحَچِيْ   زينَبِ اللّيلَه اِشْتِگُولْ ؟

لَمَّت اَيْتَامِ اِوْ حَرَمْ   اِوْ ليلِ المْفَارِگ يِطُولْ

تِحْسِبِ العيلَه لِگتْ   نَقِصْ وِ المَوْقِفْ مَهُولْ

طِفِلْ بِالنَّارِ اِحْتِرَگ   اِوْ طِفْلَه دَاسَتْهَا الخُيُولْ

چَمْ طِفِلْ عِدْهَا .. لَايذِ اِبْـسِدْهَا

المَا تِلُوحَه اِحْجَارَه تِلْگه اِعْيُونَه مَسْطُورَه

▪️▪️▪️▪️▪️

زيـنَـب اِلْمَنْ تِلْتِفِتْ   كِلْهَا يَـاعَـمَّـه تِصِيحْ

وِالتِّخَافِ اِمْنِ الشِّمِرْ   تِرْكُضِ اِوْ يَمْهَا تِطِيحْ

چَمْ يَتِيمَه اِمْنِ الرُّعُبْ   چَنْهَا سَعْفَه اِوْ مَرْهَا رِيحْ

وِ الحَرَسْ شَامِتْ إجَـه   شَايلِ الرَّاسِ الذَّبِيحْ

رَاس اَبُوْ اليِمَّه .. اِمْخَضَّبِ اِبْدَمَّه

بِالحَجَرْ يَاويلِيْ مِـنَّـه الجَبْهَه مَفْطُورَه

▪️▪️▪️▪️▪️

مِـنْ عُگُبْ ليلِ الذَّبِحْ   بِالسَّبِيْ تِطْلَعْ بُدُورْ

يِحْدِيْ بِالعيلَه الشِّمِرْ   عَالمُدُنْ بِيهُمْ يِدُورْ

زينَبِ اِرْبَـاةِ الـخِـدِرْ   وينْهَا اِوْ وينِ القُصُورْ

تِوْگفِ اِبّـيـنِ الـزِّلِـمْ   بِيْهَا يِقْبَلْ يَـاغَيُورْ ؟

طَبَّتِ الكُوفَه .. اِوْ هِيَّه مَچْتُوفَه

اِوْ مِنِّ السْيَاطِ الثِّگِيلَه الحَرَمْ مَذْعُورَه

▪️▪️▪️▪️▪️

تِمْشِيْ مِنْ بَلْدِ البَلَدْ   وِ الدَّرُبْ كِلَّه عُيُونْ

وِ العِدَه كِـلْ مَـا تِوِنْ   بِـالزِّچِيَّه اِيْشَتِّمُونْ

سَفْرَه مَشْؤومَه تَرَه   وِالشِّمِرْ يِحْدِيْ الظُّعُونْ

تِشْگُفِ اِسْيَاطِ النَّظَرْ   وِ السِّيَاطِ العَالمِتُونْ

زينَبِ اِبْحِيرَه .. وين اَبُوْ الغِيرَه

أبُوْ فَاضِلْ عَالشِّرِيْعَه إيـدَه مَبْتُورَه

▪️▪️▪️▪️▪️

توْصَلِ الشَّامِ اِبْـألَمْ   عَابِرَه الدَّرْبِ البَعِيدْ

مِنْ بَعَدْ ذَاكِ الخِدِرْ   توْگفِ اِبْمَجْلِسْ يَزِيدْ

تِنْظُرِ اِبْطَشْتِ الذَّهَبْ   رَاسِ الحْسينِ الشَّهِيدْ

وِ الرِّجِسْ يِضْحَكْ لِأنْ   يِقْهَرِ اِبْـزينَبْ يِرِيدْ

تِنْظُرِ النَّحْرَه .. اِوْ تِلْطُمِ اِبْحَسْرَه

اِتْصِيحْ سَامِحْنِيْ يَخُويَه وَ آنِيْ مَعْذُورَه

 قصيدة : امودع الله ياخويه بالسلامه

مودع الله يخويه بالسلامة

▪️▪️▪️▪️▪️

اگعد وشوف 

بقينه بس يتامى

ندري سلبوك

يمسلوب العمامة

▪️▪️▪️▪️▪️

بمتني السياط 

تظل خويه علامة

يخوف الليل 

ولا يرحم ظلامه

▪️▪️▪️▪️▪️

بعدك حسين

حرام الليل أنامه

وين الاخوان 

يذبح كلامه

▪️▪️▪️▪️▪️

بصدرك سهام 

ردت اشلع سهامه

يدري عباس 

تره حرگوا خيامه

▪️▪️▪️▪️▪️

بلايه چفين 

وبقه مطبور هامه

ألطم اعليك 

إلى يوم القيامة

▪️▪️▪️▪️▪️

ابوذيات : وشلون ، طفاها

دموعي من للبواجي عليك وشلون

وما ظل لون تدري الوجه

المحبس تدري اخذته شلون وشلون

ضربني ورجع المحبس إليه 

▪️▪️▪️▪️▪️

ضاگت كربله عليها طفاها

زينب جيشهم كله طفاها

الدخان عيوني يا خويه طفاها

ألم بأيتامنه ومحترگة اديه