قصائد الرادود عباس عجيد العامري كاملة مكتوبة
كلمات لطميات عباس عجيد العامري
كلمات قصيدة ندمان وراجعلك عباس عجيد العامري
القصيدة :ندمان وراجعلك
الرادود :ملا عباس عجيد العامري
الذاكر : حسن الشامي
الشاعر :حسين حمدان الدلفي ومصطفى المرشدي
ندمان ونخيتك ... توبت حر اجيتك
مااريد ابتعد عن خيمة اعيونك
انطيني البشاره ... عيني عالمناره
واقبلني عبد أخدم عبد جونك
راجعلك .. مو مثل ذيج الجروح البيه
اقبلني .. ابداعت الصاحت يفضه اعليه
من دونك .. روحي كل لحظه بذنب مسبيه
كل مره اتوب اورجع اذنب
جني بخيامك جاي اسلب
يالماترد حافر ولسهام
فدوه بعباتك خل اجلب
ندمان وضايع مولاي
___
اقبلني اجيلك ... اريد اصبح ذليلك
واريد ابجي لحد ماتطفه العيـون
عيشني بهيامك ... واحرگني بخيامك
مثل حرك العبايه احترگ كـون
كون اختي .. بدال اخيتك تنسبي ياعمري
وكون اني .. بالحوافر انسحگ ياذخري
يا غالي.. مثل صدرك كون يصبح صدري
اشكد اروح ويمك ارجع
كون الحوافر بيه تكطع
ياريت اصير الضعنك افياي
وين بناتك بالبر اطلع
ندمان وضايع مولاي
_
الزمني امن اديه .. وتحافظ عليه
اخاف بسرعة اضيعن لو عفتني
تسويني عبد كون .. مثل عابسكم وجون
اذا رحت وعفت دربك صحتني
غطيني.. بجفك المتروس رحمة وغيرة
واسترني .. ابداعت الضلت وحدها بحيرة
وخليني .. گبال عينك يا جبيــر الـديـرة
ابداعت عضيدك لا تهدني
احسبني زاير لا تردني
يا باب ادكه يكلي معذور
بس باب كلبك ما طردني
ندمان وضايع مولاي
_
ربيني اعل كيفك ... وخليني بمضيفك
اصيرلك عبد حدما تطلع الروح
موتني بعتابك ... واجرحني بمصابك
على ضعنك اريد ابقى مجروح
اذبحني .. بالسهام النامت بنص گلبك
والزمني .. لا تخلينـي ابـارح دربـك
واجرحني .. رايد بروحي يضل بس حبك
كل خادم ويختلف وضعه
امنيتي اموت واني انعه
ياريت جفي حافر يصير
بالطم ضلعي كون اوكعه
ندمان وضايع مولاي
____
كلمات قصيدة اجمل بشر عباس عجيد العامري
القصيدة : اجمل بشر
الرادود : ملا عباس عجيد العامري
الذاكر : جعفر صادق
الشاعر : شاكر الصيمري
"" "" "" "" "
عباس لـــــونك نادر بالطف جمالك عابر
بالخيمه ويشوفونك اجمل بـشر بالعاشر
الله حــــــط افنونه
بالگـــــــــمر وعيونه
يادخيــــــــل امتونه وريشاته وخزراته
اتريس اعله الحومه
كافــــــل المحشومه
اتونست بعلـــــــومه المهيوبه وشمراته
عبيد الگــوم حدر السيف كلهه
الحرب من تشتد العباس حلهه
دخيل اسمه
ابو فاضل
يچوي الهوى نيــــشانك اتوزع ضوع بميدانك
شامه ابوجه محـــــلاها هيچ انته بين اخوانك
ياكلف وزنـــــــودك
الهه گـــاعد جودك
حد اخوك احدودك طم روحه اليدنه
ماتفوتك فــــــــوته
گالـــب الطف موته
والعدل مــن صوته ايسلمهه ابلا ونه
سره اعله الموت وگفها اعله رايه
دفن ماي الفرات بهــــــوى الرايه
دخيل اسمه
ابو فاضل
لولاك مــــــارف شارب چا فاهي ضل الحاجب
ارســــــومك امحليتنه ومحليه حتــه الشايب
زودك امعلـــــــــــــينه
ريحه منــــــــــك بينه
وين ماكـــــــو اسكينه تلگانه انذب الچف
الگنطره ومـــــــــابيهه
وين مانلگــــــــــــــيهه
من نصيح اعليــــــــهه من اسمك تتراجف
مدد بس گـــــول والعباس يمك
جيب اسم الگمر لو ضاع اسمك
دخيل اسمه
ابو فاضل
متســــيد اعله القاده ايسمونه نشمي الساده
من ضهره يطلع كافل كفاله حتـــــــــه اولاده
كافل مــــن اصياره
عاش مــــن اختاره
شايل اجـــمل شاره وشايلته ابتكوينه
دوّر المعـــــــــموره
ياهو شايف صوره
بس جــــدار ونوره حارسنه وحامينه
اسم والاسم منـــه اتخاف حيطان
السوالف من تذكره تتــرس السان
دخيل اسمه
ابو فاضل
نافذ بصــــــيره وزاهد هوه الصلب والعابد
هوه الفلك واســـــراره ياقمر الله الـــواحد
والكره الارضـــــــيه
اتدور حـــــولك هيه
امك القـــــــــــدسيه بصيارك شافتمن؟
انبياء براســـــــــــك
علي بين انفــــاسك
والحسين احساسك من حقق تتفنن
الكواكب تفتر وبس هــوه ثابت
وجهه النور نور الشمــس باهت
دخيل اسمه
ابو فاضل
كلمات قصيدة يا راحلين عباس عجيد العامري
القصيدة : يا راحلين
الرادود : ملا عباس عجيد العامري
الشاعر : هادي شبيب الخيگاني
'''''''''''''''''''''''''''''
يا راحلـينَ الـى الـعـراقِ تـمهـلـوا
أسفي على ضعنِ الحبيبةِْ يُسلبُ
يــتـغـربّـنَْ بـــــنـــاتٌ آلِ مٌـحمَـدًٌ
الـنـار فـي خـيـمِ الأمـيرةِ تـلـهبُ
رد يحسين رايح وين بضعونك
رسايلهم چذب باچـر يذبحونك
وراك الموت وهدومك يسلبونك
تـعـطش و الـنـهـر لـخيامك يـشـح
باچـر تـنسبي ام عـون امن الصبح
لا خـيمـه الـتـضـلّ و تـلـم الـحـرم
تمشي إو يـ الخدر بس راس برمح
(ه..☆☆☆☆☆☆☆☆☆☆☆ه..)
يا راحلينَ الى المنْيـةِ أرجعوا
أشكـو الـيْكٌمُّ شكـوةَْ المُـتألـمِ
يا ما دعـوتَُ الى الألٰـهِ تضرُعً
في لـيلِ حُزنً و النهارُ المظلمِ
أگـلـكم لا تـجونه إو لا اتـمـرونـه
زغيـر الـ بيـكم الوادم يـذبحـونـه
خدركمّ بالصحاري حسين تلگونه
الـوحدك منهضـمّ و السبعيـن الــف
تـحرگـلـك خـيـم زيــنـب تـنـچـتـف
اسكينه امن الـتـعب ما بـيها اتـگوم
چنـدوب الـركض و اسياط و شـگف
(ه..☆☆☆☆☆☆☆☆☆☆☆ه..)
أهـلَ النـفَـاقِ و تَعلـمْـوَنَ بـمكْرهّـمّ
لا يأخـذونَ الـعـبـرهَ لا هـمّ يعدلوا
قـوْمـاًْ تـسَيروَا و الْمَـنايـاَ خَلَفـكٌْـمّ
أطَفَالـكٌـمّ تٌسبّىٰ الـرَجْـالَ ستُقتلوا
اليحبك يحچي كلشي و يحترگ گلبّه
زيـنـب مـا يـلوگ الهـه مـشي الـغـربّـه
هزل و ام عـون تركبّ عـ الهزل صعبّه
بـاچــر لا هـلـه أبـ بـاچـر تنـچـتـل
و زيـنب تنـولي و مچتوفه بحبـل
يـندار الـوكـت و يصـيـر الــصـدگ
الما صارت گـبّـلّ عـلويـه ابـ هــزل
(ه..☆☆☆☆☆☆☆☆☆☆☆ه..)
يا راحـلـينَ علـى النيـاقِ أتـعـلموا
غـداً الـنساءِ علـى النيـاقِ الـهُـزلي
و الأرضُ تُـصبّغُ بـ الدمـاءِ الـزاكيه
تجثوا الرؤس على الرماحِ وتعتلي
باچـر من تطيـح و تحترگ خيمـه
بنـاتـك يـ لحسين ايطـرن الهيـمـه
آآخ الـشـام يـلـما ينحـمـل ضيـمـه
دخـان الـ بـالـخيـم تشـتـم بـ العـبـي
يركضن عـ الجـمر خـدر اعضمّ نـبـي
هيمه و بس عطش و صياح ابسوگ
فشله و عـد عـربّ عـلـويـه ابـ سبـي
(ه..☆☆☆☆☆☆☆☆☆☆☆ه..)
كلمات قصيدة حزن المغربيه عباس عجيد العامري
القصيدة : حزن المغربيه
الرادود : عباس عجيد العامري
الذاكر : علي نائل
الشاعر : هادي شبيب الخيكاني
ما بّرد جرحي و احبك … و انـه واحـد مـالـه تـالي
فـدوه مـد چـفك عليه … لا تـهــدنـي ابـهـذا حالـي
خوفي أذنب لو الچمك … انته عندي اهوايه غالـي
غـربّـه بـعـدك عيشتني … و احسب اجروح الليالـي
يماخذ حيلي ماخليت كل حيل
و اخـلّصها بـواچـي اوياك للـيل
للـراحت اسيـره و راچبه النـوگ
عالمكسور ضهره وداسته الخيل
(ه..☆☆☆☆☆☆☆☆☆☆☆ه..)
انه بس الخدمه دربّـي … وخوفي لا طيح ابمصيبـه
هيه دنيه و انـه مذنب … و بيـدك المـذنـب تـجـيبـه
لاتهد ايدي امن اصيحك … أرد احـلـفـك بـ الحبيبـه
بـزيـنب و ريحةْ اخـوهـا … بـ شيـلةْ الماتـت غـريبـه
أنـه المكسور گـلّـبّه و حيل ما بـيـهّ
أنـه الـرايدلـه واحـد حـيـل ينطـيـهّ
أشوه الـمـوت بـس لا تـگطع اويـاي
أنـه الـ بس انتـه تسـتاهـل بـواچيـهّ
(ه..☆☆☆☆☆☆☆☆☆☆☆ه..)
أنكسر و احچي ويروحي … هيه غربه وتحدي بـيه
هـوه لـيحب تـدري گـلّبّـه … حـزنـه يـبـدي المغربيه
اعـتـذرلك غـلـطـه مـنـي … زادن اذنـوب الـ عــلـيـه
و بـرحـمـتـك لا تـهدنــي … لـو تـجـي ساعـه المنيـه
اخـافن لا يـجيني الموت عـ البـاب
و ادخـل للگـبّـر و يـطمـني لـتـراب
انـه اشعـندي غـير اليبچـن اعـليك
أحضرهن وراهـن ضيـم و احساب
(ه..☆☆☆☆☆☆☆☆☆☆☆ه..)
هيـه غربـه وعـمري ضـلمه … و انته عن عيوني غايب
يگضي عمري ويبقى ضيمك … بـلّا شيگضي المصايب
لايـح الشـيب ابـ لحـيـتـك … من شـفتـهن عـ الـترايـب
ويــلـي عـمـاتـك ســبـوهـن … گــعـدوهـن بـ الـخرايـب
ضـيم البيك مـن حرگوهـا لخيـام
خــدر الله عـزيـز و طــابّ الـشـام
الـهودج مـن يمـيل ايخضر الشيب
تفرش عـ الترابّـه ام عـون و تـنـام
(ه..☆☆☆☆☆☆☆☆☆☆☆ه..)
كلمات قصيدة ضايع بلياج عباس عجيد العامري
قصيدة : ٠ضايع بلياج
الرادود : ملا عباس عجيد العامري
الذاكر : كرار الجناحي
الشاعر : احمد الهلباوي
يافاطمه وصوت الدمع
جارحني بس ماينسمع
عشت الهضيمه وغربتي
شاهد على امصاب الضلع
دنيا وماكو بيها إنتي
بيها أگضي العمر صعبه
أنا من دونج ابلا روح
غريب وعايش ابغربه
حيدر ضايع ابلياچ
عدمن يحچي البگلبه
البيت الماكو عطرج بيه
جزيته وضيعت دربه
اه يا الهضيمه ونار العذاب
توگع حرمتي ويعصرها باب
وي كل مسيه ابدمع المصاب
يم گبرچ أوصل أشم التراب
ماظل دمع لاظل صبر
ومايسوى ظل هذا العمر
افراگ وهضم يم الحسن
شاهد على امصاب الضلع
بعدج ماسكنت ابدار
رحل منها اغلى مابيها
اناشغ من اصد للباب
واتذكر مآسيها
انداست عتبتي وانوب
دم محسن جرى اعليها
على گبرچ بقت چلمات
كلما اجزع احچيها
كل ناسي إنتي وروحي وهلي
مثل الهوى وأكثر صرتي إلي
تندب وليها إللي تنولي
يافضه صحتي ومو يا علي
خفتي علي لا انهضم
لأجلي حملتي اشگد ظلم
كل ونة اونها ابغيبتج
شاهد على امصاب الضلع
طلعت روحي من عيني
من شفتج على الغبره
وصبر حيدر خلص لهنا
إگبال اعيونچ الحمره
اليدفن روحه بيده ايعيش
بس ايموت الابصدره
دفنتج وإدفنت وياج
وجداني ابفرد حفره
وثار الجنين ولون الجفن
ماينطفي ابدمعه ولا دفن
شبعت بواچي اعيونج ترى
وشبعت سهر عين أم الحزن
للزهره عاميني القهر
وليل السبي مابيه گمر
الفوگ الترب والـ عالهزل
شاهد على امصاب الضلع
ظلعج صوبه البسمار
وبابچ حرگته العدوان
يزهره ومن هذاك اليوم
تبرى لزينب النيران
منا تل رمل وارماح
ومنا عايله وصيوان
منا چف ستر مگطوع
ومنا دم نحر عطشان
والعدها دار ويم بابه نار
أهون ترى إمن الماعدها دار
والماتت ابليل أهون ترى
إمن التنسبي ابعلو النهار
لاهيبه ظلت لا خيم
لا جف كفاله ولاعلم
وعالناگة شوغات اليسر
شاهد على امصاب الضلع
كلمات قصيدة ام القمر عباس عجيد العامري
القصيدة : ام القمر
الرادود : ملا عباس عجيد العامري
الذاكر : كرار الجناحي
الشاعر : سيد حيدر الصافي
!!!!!!!!!!!!!!!!!!
هيه زوجة للمرتضى خير البشر
في كل صحراء تجدها كل المطر
ياسائل عنها هيه أم القمر
هيه العدهه حيدر ماطب صف
يمهه الكتب والتاريخ يصطف
هيه تزوجت حيدر قصدهه
حته تجيب حيدر ثاني للطف
باب الرجاء _ معنى الأباء _ ام الوفاء _ ونعمين
يوم القدر _ جابت گمر _ جابت ضهر _لحسين
!!!!!!!!!!!!!!
هيه نعمة فاقت على كل النعم
هيه مصدر للكبرياء وللشيم
أفعالهه تعلو على كل القمم
بيهه الناس تحلف وين ماجان
صارت للوفه بيرغ ونيشان
مثل أم البنين الكون مابيه
ومثل عباس ماجابت النسوان
كل السنين _ماكو قرين _ لم البنين _ محد
بت الأصول _ يوم المهول _ بت الفحول _ مسند
!!!!!!!!!!!!!!!!!!!!!!
منصورة من عند جبار السماء
فيها ولاء لايقارعه ولاء
هيه عالمه صارت مثال للنساء
هيه معدله وجابت معدل
وتكله يبو فاضل ترجل
ماتتوصه بس خليني أوصيك
موت المات دون حسين يعدل
منهه الوفه هيه الشفه _ والعاطفه _ للناس
أم المدد _ والكل شهد _ جابت أسد _ عباس
!!!!!!!!!!!!!!!!!
هيه مدرسه لابل تفوق الجامعه
هيه عابده للرب دوما راكعه
أم البنين أم البدور الساطعه
الوفه مفصل عليهه من الله تفصيل
آيه وتنقره بكل وكت ترتيل
ماجن اربعه مخلفه يعالم
أم عباس جنهه خلفة جيل
وين الكلف _ بي ينحلف _ ينعد بألف _خلفت
بيهم غضب _ يوم الحرب _ وألهم رگب _ طخت
!!!!!!!!!!!!!!!!!!
هيه للشجاعة مصنع طول ألامد
توفي بوعد قبل ميقات الوعد
قد أنجبت للمرتضى شبل ألاسد
أسد والأسد يفرس لمن يختاض
واگف والزلم كاتلهه ألاركاض
عزرائيل مدري مخلفه عباس
جابت زلمه للأرواح قباض
من ينتفض _ طول بعرض _يفني ألارض _ فنان
بيده ألاجل _ وكت الزعل _ جن لو حمل _ بركان
كلمات قصيدة قمر الزهراء عباس عجيد العامري
القصيدة : قمر الزهراء
الرادود : ملا عباس عجيد العامري
الذاكر : محمد الضيغمي
الشاعر : حسين حمدان الدلفي
"" "" "" "" "" "" ""
عباس.. شمايل حيدره.. وجزه حدود الغضب
نوماس ...دخيله لو زعل... وأبو للعركه رب
زلزال.. ثگيله خطوته.. أنچفت منها الارض
صنديد.. تخيل مهرته.. وتراب الطف هرب
أبو فاضل.. يشبهونه بعلي بكل موزمه
أبو فاضل.. بغضب سيفه صنعها الملحمه
أبو فاضل.. وعد الله النزل من السمه
صفت ظلمه الحرب .. وابو فاضل.. قمر
زعل عينه أجدحت.. على العايل ..قمر
نزل عالمشرعه..... عقاب من السمه
فتح برزخ لهم.. الحشر نازل... قمر
ريشات.. تشيم خوذته.. شهامه ومرجله
صولات.. ولافارس گدر.. بحرب يوصل أله
قعقاع.. يدمر لو نزل.. ويمينه القارعه
صعبات.. يحلهه بصارمه.. ويسهل المعضله
أبو فاضل.... دخيله لو زعل راعي العلم
أبو فاضل.... تناثر خزرته غيض وحمم
أبو فاضل.. أبو الغيره وصنع چفه الشيم
گمر الله وعلي.. فقط هوه... قمر
عظيمه هيبته.. أبو أمروه .. قمر
شديد بكل حرب.... ولا مثله أخو
أبن أم البنين... وبعد تگوه.. قمر
محلاه.. ولا جابه رسم.. حواجب لو نهر
يمناه... تلوح الگابله... أذا يبعد شهر
معروف.. لقب حازه بفخر.. يسبع الگنطره
الله... أذا أسمه يمر .... أصيح بكل فخر
أبو فاضل.. وسامه ومرجله وشيخ وكفو
أبو فاضل.. يصب نار وغضب فوگ العدو
أبو فاضل. وعلى الخيمه يصب برد ودفو
يسبحان الذي.. خلق نوره... قمر
رسم وجهه منو.. نبي أحروره.. قمر
رفيع المستوى... هوه الزاهد هوه
ولا يوجد شبه.. أله بصوره.. قمر
مهيوب.. القيامه خزرته.. ووعيد الراجفه
مكتوب.. الكفيل الهاشمي.. اعله عيله ماغفه
بيمناه.. حساب ألي كفر ...وعقاب الأخره
محجوب.. أنخلق ماي وضوه.. ومهابه توصفه
أبو فاضل… عقاب الأخره وصوت الرعد
أبو فاضل… عذاب أهل الأرض نازل وعد
أبو فاضل… ولا مثله أنخلق فارس أبد
مخيف وحاجبه… عضيم السر.. قمر
علامات النصر... أذا يسطر..... قمر
يصوت القارعه...... أذا صوته زئر
تصير الزلزله ...وغضب يمطر.. قمر
كلمات قصيدة ودعتك الله عباس عجيد العامري
القصيدة : ودعتك الله
الرادود : ملا عباس عجيد العامري
الذاكر : علي جواد
الشاعر : حسين الدلفي
"" "" "" "" "
ودعتك الله ياضوه العين
للغربه عنك خويه ماشين
ودعتك الله وحالي مو حال
بس الجسد عفتك عالرمال
وراسك برمح العالي ينشال
ومحد نشدني رايحه لوين
ودعتك الله ياخو گلبي...جابو هزيله وگالو اركبي
للغربه راح أگطعه دربي...حسين
راحت خيامي وكلشي تفرهد،،صحت بغربتي الله ولحد
محد فزعلي ياخويه محد،،حسين
___
يحسين مو للمثلك النوم
متغير ومو ذيچ الرسوم
دم وترب وحجار غاطيك
مجبوره خويه أمشي وخليك
أكثر جرح ياهوه ياذيك
گطع النحر لو سلب الهدوم
جروحك غميجه وكلها كلفه...وجرح النحر شدهني نزفه
وينه كفيلي وينه چفه،،، حسين
ماچني أميره ولا هاشميه،، صرت الغريبه وصاحو عليه
أخت ابو فاضل هاي السبيه،، حسين
__
صاير عليك مناوب النوح
مذبوح گلبي وأنته مذبوح
عالرمح راسك يبره وياي
حسيته يمشي ويه ممشاي
مت عيني لسه بعازة الماي
وبشفافك أنظر تنزف أجروح
وسفه اليذبحك بينه يحدي،،، ياهوه جده وياهو جدي
شو كلها صارت يبن أمي ضدي،،، حسين
مو هذا قدري أركب هزيله،، كلفه عليه وكلش ثجيله
حرمه وغريبه ومابيدي حيله،،،حسين
____
مو خوش تالي السبي يحسين
وتدري الهزل مو للنساوين
عالهزله أركب وأنته برماح
مذبوح ماخلوك ترتاح
رمح الحديد منيله أصفاح
وتكظهن ونتگابل أونين
خويه الأعادي عرفو أسمي،، وياوسفه شافو أثرها جدمي
لا كافلي ولا أنته يمي،،، حسين
خويه الهظمني حادينه يظحك،،وبظحكه خويه قصده يجرحك
عمده يجيبه جدامي رمحك،، حسين
_
متعوب گلبي وحيلي متعوب
چمدوب أضل محتاره چمدوب
اليهظمني والمنه الگلب ذاب
أنضر قميصك بيد سلاب
وعمامتك تلبسها الأجناب
شيخ ومضيفه وسفه منهوب
ياويلي هظمه ثوبك تسلب،،، وضربو رقيه وسكينه تنحب
أطفالك تنادي ياعمه زينب،،، حسين
ألحگ تراهم وليه ولونه،،، وبين الشماته من وگفونه
مو صرنه فرجه وحيل أهظمونه،، حسين
__
وياي ذني ماهن أولام
لا للسبي ولا طبة الشام
متلوگ أبد للمثلي متلوگ
محني الظهر چن حنية عثوگ
من الله فشله نطب على السوگ
خدر الله وسفه تشوفنه أزلام
أمشي سبيه وذبحو دلالي،،، وهاي المصيبه مابيها تالي
أنده يخويه ألحگ يغالي،، حسين
عگب الدلال وذيچ المهابه،، يدخل ظعنه بسوگ وخرابه
ياخويه نمنه فوگ الترابه،،، حسين
__
الموت أهون ولا طولي ينشاف
والحادي بينه جم بلد طاف
ماضل متن من ضرب الاسياط
وشجم طفل من الضرب شاط
من گلبي خويه أنگطعت أنياط
جرحي كلف مو سهل ينراف
فوگ انكساري وهاي المصيبه،،، صاحو علينه خوارج عجيبه
وكلها تأشر هاي الغريبه،،، حسين
نام أعله رمحك نوم العوافي،، وجفني بغيابك مالحضه غافي
ملينه خويه من الغربه كافي،،، حسين
_
والله الوكت دولابه دولاب
أهل الله تالي صرنه الأجناب
شصعب بعد من هل نوايب
بعيني شفت كل المصايب
عگب الخيم صرنه بخرايب
وكسر الگلب ياخويه ماطاب
لمن دخلنه شام النوايب،،، شفنه يخويه كل العجايب
موش النه خويه نوم الخرايب،،، حسين
ضلينه تالي بس للمناحه،، لا موتونه ولا شفنه راحه
هذا سبينه وهايه جراحه،،، حسين
كلمات قصيدة علي بوية عباس عجيد العامري
القصيدة : علي بوية
الرادود : ملا عباس عجيد العامري
الذاكر : زين العابدين الجابري
الشاعر : علي حالوب
"" "" "" "" "" "" "
خيم ع عيوني الحزن
كلساع اذكرنك واون
شيهيد الونين
يمشي وتعثر بالدرب
ياساعه يوگف هالگلب
ويموت الحسين
مابين فگدك والعين
ياساعة ويموت حسين
مابين دمعة ودمعة
تشهد علي كل الناس
ماباقي حس للعباس
بي من يصيح تسمعة
مابرد گلبي ساعة
خاف اموت من وداعة
حيرة احير وي ضياعة
علي بوية علي بوية
-----------------
عشرة وگضت نوح ودمع
من كربلة لحد الضلع
شيخلص المصاب
سوالفهم تدچ بالگلب
مو عيسئ جا ليش انصلب
وابقئ اعله الاتراب
بيمن اصبرها الروح
مجروح يشكي لمجروح
وبگلب اليحب لوعة
شيصبرة ويكف ل الدموع
گلبي اليدگ ب الاضلوع
خايف يعوف ضلوعة
وين ادير وجهي گلي
ليش اعيش ماتو اهلي
خاف اضيع من يدلي
علي بوية علي بوية
------------------
اضمادك ولا كض النزف
مبچي العرف والمو عرف
شيطيب الجروح
كلما اشوفك بالحلم
مرعوب افزن وانلچم
ومرافگ النوح
شنحطله ويطيب بساع
دمك ترس حلگ الگاع
مايرضه يوگف نزفه
دخان شابگ دخان
ماي ويوادع عطشان
مايدنة يم الشفة
راح اموت لا تغمض
وين اروح وجه يعرض
بية خيل عگبك ترض
علي بوية علي بوية
--------------
چاما گلتلي اعله الفگد
عگب الابو تموت الولد
مو وكت الافراگ
ومخرب خدودي الدمع
غربة وضلع يلچم ضلع
ولوجهك اشتاگ
من شفتك مغمض العين
بيها انكسر ظهر الحسين
والتم حزن بيعونة
كلساعه طايح ياناس
ويشيلة اخية العباس
من حملة تعب متونة
للضياع عايفني ادري
وانه اجيت ايدي اعله ظهري
من تموت شنهي عذري
علي بوية علي بوية
---------------
خوفي اعله گلبي بالنشد
لو گتله حيدر باللحد
مايقنع بهاي
اصياح اليفزع ياهلي
محزم واصيح ياعلي
ومايسمع هواي
ملچوم راجع ملچوم
والدم يبس علئ الاهدوم
محد يطيب جروحة
مسومر يوجهي المتعوب
يذبحني لو صار اغروب
طيرة بسهم مذبوحة
خلافة اصيح من يجيني
من الدموع عمية عيني
الناس اريد تسمع ونيني
علي بوية علي بوية
--------------
بين اليدگ والمايدگ
يذكرولي اسمك واحترگ
وابجي من الاوداع
حسبالي نايم من طحت
شمدريني ميت من وكت
وتضمك الگاع
خوفي اعله گلبي المتعوب
كلساعة ويفز مرعوب
ويدور اعله عيونك
حكة بجلد مچوي بنار
مخليني فگدك محتار
لحد يگلي شلونك
كون اموت ولا اودعك
متني طاح بيش اشيعك
ضلعي اصيح مدري ضلعك
علي بوية علي بوية
-----------------
كلمات قصيدة دمع الفراق عباس عجيد العامري
القصيدة :دمع الفراق
الرادود : ملا عباس عجيد العامري
الذاكر : علي جواد
الشاعر : هادي شبيب الخيگاني
'''''''''''''''''''''''''''
أرثيتُها في بيت حُزنً مؤلماً
عُشقً وجدت العُشق فيهِ قائلا
مالي وقفتُ على القبورِ مسلماً
دمع الفراقِ على الخدودِ هاملا
الفرح خليته للمرتاح و انا المنكسر كلبه
امس وياها عشت بخير هسه بوحشة الغربه
علي ما جنْ علي يا حيف تايه ماعرف دربه
___
عـليً ذا و لا أخشى سوى الهـجـرِ
حـربًُ و مـا للحـربِ درعً لابـسُ
لا شـك أن الصـبر كانا مُنـقـذي
بالأمسُ كانا البيتُ فيها مؤنسُ
ومشت ماكالت الياضيم علي الياحيره خليته
أخافن حزني لا ياذيج حزن البيه ضميته
اول تالي هيجي ايصير حيدر تايه ابيته
___
ما كان ودي العيشُ لكن مُرغمًُ
أُبكي لهجركِ بين الحينَ و الحينِ
مالي و ما للعيشِ ماتت فاطُمً
إلا موتًُ يُريحُ القلبُ يُؤتيني
اشحلات الموت للمخنوك كون الدنيا ما تسوا
عايش ما أضـمّ اعليج لكن عيشت الكـوا
المغرب راحه للمتعوب و انا الطايح ابلوه
___
قالَ الحَبيبُ وَكَيفَ لِي بِجَوابِكُم
وَأَنـا رَهـينُ جَنـادِلٍ وَتُــرابِ
فَعَلَيـكُمُ مِنّـي السَلامَ تَقَطَّعَت
مِـنّي وَمِـنكُـم خِلَّـةَ الأَحـبابِ
مو مالت جفنْ و تراب هاا يالعازتج عازة
المن عايش ابدنياه الماتوا كلهم اعزازة
أنه الرد الشمس يا حيف للبيت ارجع اجنازة
"" "" "" "" "" "" ""
كلمات قصيدة الحمد على الحسين عباس عجيد العامري
القصيدة : الحمد على الحسين
الرادود : ملا عباس عجيد العامري
الذاكر : عباس رحمن
الشاعر : شاكر الصيمري
---------------
گلَي ويـــن اتريد توصل
گتله لاخـــــــر دمعه بيه
گلَي يمته اتشوف راحه
گتله مـــــــن تلطم اديه
گلَي شـــتريد ابخدمتك
گتله بـــس يرضى عليه
ماگدر يقنعني اعـــوفك
سيـــــدي اوداعت رقيه
ياهــــواك السيّر اعله اجروحي
مرني طيــفك واستقر ابروحي
انته باب النوح وقــــبل نوحي
لگـــــــيتك تنكتب حبيبي
وسط نبض الگلب حبيبي
شفت بـيك الدرب حبيبي
مثل نسمه وتــهب حبيبي
------------------
گلَي وين اتشــوف روحـك
گـــــــــتله بالمجلس رهينه
عشـــــــت بالخدمه حياتي
روحي مــــن زغري حزينه
عشگ مـــــــا مر اعله بالي
احلا من عشگ ابو اسكينه
ثوَبت گــــــــــلبي المصابه
گلبي مايـــــــــــهده ونينه
شقدمتلك غــــــــير دمعة عيني
انه وياك اشـــــــتري اسواديني
ياخساره التسوه كـــل اسنيني
يعشگي امن الزغر هويتك
بده اويــــاك العمر هويتك
اذا حــــــــبك جمر هويتك
اذوب واحـــــتضر هويتك
------------------
غاية الخـــــــــدمه وسيله
والبچي للعـــــــــين بلسم
كل دمع لحــــــسين يحله
اغسل عيـــــــوني بمحرم
معتقد عــــــــندي بيقيني
من رحمته مـــــاكو ارحم
كل شرف بحـــسين يكمل
والعمر مـــــــــــــهما تقدم
سر حــــــــــياة الخادم ابتكوينه
عاللطم والدمـــــــعه يفتح عينه
واليحب حسيـــــــن يكمل دينه
صرت وتـــــصورت مصابك
طفل واتخـــــــيلت مصابك
قره الناعي اسمعت مصابك
على الفطره عـشت مصابك
-------------
دنيا بيهه حســـين تكفي
لاتسولفلي اعـــــله غيره
عـــــوّدت ايدي اعله بابه
روحــــي بالشباچ اسيره
الناس تطلب منـه حاجه
وانه اطلب مــــــنه غيره
گبّته اتصــــحي الضماير
فدوه لحساسه وضميره
اخذ بيدي الرحمـــتك وحييني
بكل محـــــــــرم انخلق خليني
يحسين وبنار الخـــيم چويني
دليلي اشگد ضمه يغالي
يمعشـــوگ السمه يغالي
على ابن فاطــــمه يغالي
دمعتــــي امحزمه يغالي
--------------
مشتريني ابكــــــــل ذنوبي
رغم كلشي انـــــطاني گلبه
واليصاحب كــــــــون مثله
هيه مو كل صحبه صـحبه
روحي ياخــــــذهه هواها
ابعد وارجـــــــــــــع الدربه
والجنون ابحــــــــبه جائز
ربي زيد ابگـــــــــلبي حبه
على شباچ الصـــــــحن نتسابگ
احنه وي حســـــــــين مانتفارگ
المايثوب روحــه الك مو عاشگ
يميزان الــــبشر وجودك
يجد المنــــتضر وجودك
يفك باب الصبر وجودك
اذا اســـمك يمر وجودك