كلمات قصيدة ثوب حسين محمد الجنامي مكتوبه كامله
لطمية ثوب حسين محمد الجنامي
قصيدة :- ثوب حسين .
كلمات :- الشاعر ميثاق الحمداني .
أداء :- الرادود محمد الجنامي .
🖤🍃🍃🍃🖤
ثوب حـسين بهالفتره ينشرونه
راح اوصـف الـكم المتشوفونـه
وحسين اشكد متاذي اتعرفونه
🖤🍃🍃🍃🖤
الثوب الممزق .. امن اتشوفه تشهق
امــهـا الـزچـيه وتـجــري الـعـيـن
تلـطم ضـلعـها .. اتصيح ابدمعها
اشـخـلولـي مــنك يــمه حـسـين
ثوب اليشوفه يـشوف المقتل
ليــش الهـوه ميـحركه تـــسال
الثـوب اللي ينـگع بالـدم يثگل
كل اكتـاب ايبـين مـن عـنـوانه
ومن ثوب حسين اتبين احزانه
ليش اليجمع الگلوب ايوذرونه
🖤🍃🍃🍃🖤
بالـثوب اناظر .. طـبع الحوافر
ماخـلت الـنه ظلــع اگصــيـر
وشگ ابردائه .. نازف دمائه
السـهم الـمثلث چـان چـبيـر
نشروله ثوبه وشفت الصعبه
شيـب وتـراب ودم عـالرگـبه
واگثر سـهام ابمـوضـع گــلبه
ابعاشوراء خلي انضـج ياخـدامه
كالقنفذ صاير جسمه امن اسهامه
خـلوه بالنـص يالشـيعه ويـرمونه
🖤🍃🍃🍃🖤
ابمتنه علامه .. ادموع اليتامه
آه ياقمــيصه ابــشيب الــراس
دم اعله ايده .. هذا العضيده
ابـردنه مــسح عــين الــعباس
وابظهره چـف احمـر ياحسره
اهنا من كسر له الكافل ظهره
ورد الـ؟خيامه گــومه وعـثره
رد امحدب وايصيح ابنص ضعنه
زينــب مــات العـباس وضــيــعنه
راح الخــلانه ابـگــلبه وبــعيــونه
🖤🍃🍃🍃🖤
ثوب التسلب .. امخيطته زينب
اتــشــوفـه وتـنــادي وتتــحسـر
زيــد نحيبي .. ثــوبك حـبيبــي
طــب للطــف ابيـض ارد احــمر
لمن اجته ابذيج الليله
تمسحله نحره ابطرف الشيله
احتارت اتلمه اتلم العيله
تگلـه العـمر اللـي عشناه تاليه
مذبوح حسين وزينب مـسبيه
امودع ياخويه وباجـر يسبونه
🖤🍃🍃🍃🖤
أُمررْ على جدثِ الحسينِ
وقــل لأعظُمِــه الـزكـــيّهْ
يا أعظُــماً لا زلــتِ مــــن
وَطفــاءَ ســـاكبـةٍ رويّـــهْ
ما لَٕـــذَّ عيـــشٌ بـعد رضِّ
كِ بالــجيــاد الأعْــوَجِــيّهْ
فــإذا مـــررتَ بـقــبـرهِ
فأطـلْ به وقفَ المطيّهْ
وابــكِ المطــهَّرِ للمطهَّر
والمـطــهّـرةِ الـزكــــيّــهْ