كلمات قصيدة هذا مصابج محمد الجنامي مكتوبه كامله
لطمية هذا مصابج محمد الجنامي
قصيدة :- هذا مصابج .
كلمات :- الشاعر وسام الشويلي .
أداء :- الرادود محمد الجنامي .
🖤⭐️⭐️🖤
هـذا مصـــابج يا زهـــــــراء
عــنـــه يســـولف عاشـــوراء
هاي اموعج .. هاي اظلوعج
كـــل موضـــوعج عاشـــوراء
🖤⭐️⭐️🖤
صاح الـدمـع يـم الحسن عـن كربلــه ويـنـج
وامـصيبتـج متجــدده وبس اللــه الـيعـنيــج
چـم فاجعــه وچـم نايبـه شوفيهــن ابعينــج
شنهو الجره بطف كربله وشمر على حسينج
حضري الدمع لزمـي الضلع واتجددت الامـج
يالطاهـره شوفي شجره عادوا هضم ايامــج
كسرة ضلعج لطم العين
اكثر صارن ويه حسيـن
ينزف بالطف دم ماينشف
مــــا يتوصـف عــاشــوراء
هـــذا مصابـــج يــــازهراء
🖤⭐️⭐️🖤
من قصيتج يم الحسن بالطف جره امصابـه
وعبداللّٰه يشبه محسنج واصوابج اصوابــــه
ظامـي ويبس من العطش الهم ابوه جـابـــه
لـــن حـرمـلـه خلـه الــه بـوريـده نـشـابــــــه
ظـل والده شيهــوده ابنه النذبج بين ايــــده
يافاطمـه يشرب دمـه هـذا الطفل بــوريـــده
من احسينج طلعت روح
من شاف وليده المذبوح
ابحزنه وهضمه ينظر دمه
يـذبــح سهمــه عاشـــوراء
هـــذا مصـابج يـازهـــراء
🖤⭐️⭐️🖤
يم الحسن يومج كبر وانشوفـه بالعـاشـر
بسمارج الصاب الضلع بالطف سهم صاير
طاح ابگلب ريحانتج صوب الظهر عـابــر
امثلث منين ايطلعــه ظـل بالسهم حـايــر
محني الظهر گلبه انفطر محد اله ويعينـه
وسط الخيم بس الحرم وابوحده مخلينـه
يالزهراء السهم الصاباه
گالوا طالـع مـن مگفـاه
يشهك كوه ظل يتلــوه
بيج اشسوه عـاشوراء
هذا مصابـج يـازهـراء
🖤⭐️⭐️🖤
نـحچـي الـج يـافـاجـعـــه يـالـوعــه ياهـضمـــه
چـف السطــر خـدج گـطــع مـنحـر ابـو اليمـــه
مـو بس ضلع منـه انكـسر مـو بس نزف دمــه
عـشره الـخيـول الـداستـه وصارت عليـه لـمـــه
يم الحسن جسمه انطحن من سحگته الخيالـه
عظمـه انكسـر صدر وظهـر واتـوزعت اوصـالـه
والـذباح اينادي الخيـل
دوسن عالمتسلب حيل
سحك الحافر فوك الحافر
لا مــــا صــايــر عــاشوراء
هــــذا مـصـابـج يــازهــراء
🖤⭐️⭐️🖤
يـافـاطـمــه زينب بقـت مـهضـومـه مـحتــاره
لام الـخـدر مـاظـل خـدر تهــب صـفـت نــاره
عــدهــا عـليـل وبـالـخـيـم نـحچلــج اخـبــاره
نار الــي وجــرهــا الـشـمــر مـلتفـــه بـاكتـاره
ماظل صبر ام الخــدر مـن الـخـدر مـسلـوبــه
فوگ الحرم حرگوا خيم وكل عيلتج مرعوبه
اشما رادت زينب تندار
تلگه سياط وخيل ونار
خدر تنحب خدر امسلب
حيـــر زيـب عـــاشـــوراء
هــــذا مصـابج يـازهــراء