كلمات قصيدة يبدي مشينه الرادود خضر عباس مكتوبة كاملة
قصيدة: يبدي مشينة
كلمات: السيد عبد الخالق المحنه
الرادود: خضر عباس
----------
اذا شفت يرف علم يبدي مشينه
دمه وفه جرح ألم يحسين اجينه
على هاي الاشارة اكو فزعة غياره
علي.
----------
لا ماكو تعب والأحلى لو طال الدرب
ياطبع اليحب من يهوه يركض على الصعب
ياحيدر علي يازهره نبضات الكلب
نزحف نوصلك نعمه ونندلك
اسمع مجنونك من يهتف روحي كلشي فداك
تركض الوفايه من ترف الرايه
ذاك جف الكافل يومي للمشايه
اجه يوم الزياره اكو فزعة غياره
--------
من يدمه الجدم بعناده نركضلك ركض
من كد مانجي مشايه تعرفنه الارض
على الموعد نجي وبلهفه ياسادس فرض
اكطع جفيني بس يرضه احسيني
ثورة أحرار إبكل خطوه دمي نبضي حسين
فدوتك كدامك والتراب أقدامك
احنه جمرة غيرة من لهيب أخيامك
على هاي العباره اكو فزعة غياره
----------
ميهمنه الجبل والوادي نعبر جم بحر
أظفر خنصرك يالغالي يسوه شكم نحر
أحنه المرجله وقائدنه عباس الكمر
هوسات المنشد أسرع لا تكعد
عشاك الأصعب والأصعب غيره نخوه ولاء
مأندك راسي حيدري عباسي
لو نسيتك لحظه تنكطع أنفاسي
على اول اشارة اكو فزعة غياره
----------
مانصبر ابد تعرفنه لو بيرغ يرف
جدمي ينكطع ميهمني اوصلك زحف
عركه ويا الدرب ممشانه كل خطوه ابألف
نهتف بالحضره شيعيه الثوره
لو من كل عشره ظل واحد أذبح تسعه قبول
تسعه خل نفديلك واحد اليمشيلك
والمهم انزورك واكثر انضحيلك
اذا شفنه المناره اكو فزعة غياره
---------
موكب للخدم واصحابه لهجتهم هلا
اسرع بالمشي يزاير هاذي كربله
امشي خطوتك محسوبه ولعن حرمله
اركض لا تتعب واستقبل زينب
زينب تنتظرك وتكلك عطش سبي سياط
كلها هذا ألوانه رافضيه أدمانه
مانسينه اخيامج والسبي واحزانه
على صوت اليساره اكو فزعة غياره
___
نشعر فد شخص ويانه يمشي ابهيبته
لو واحد وكع من عدنه مدله يمنته
معروف الشخص مهدينه هو ورايته
امشي ومتحدي ويايه المهدي
ويايه القائم وينادي حسين حسيني ذبيح
مسرع بخطواته وننجوي بحسراته
هو راعي الغيره باليسر عماته
متى مايبدي ثاره اكو فزعة غياره