كلمات قصيدة يبن امي حسين جابولي الماي | سجاد المحمداوي مكتوبه كامله
لطمية يبن امي حسين جابولي الماي | سجاد المحمداوي
احچي ولا تخفي ونّك بعد عيوني
ماريدن أمشي عنك بس أَخذوني
يردوني أعوفك و أمشي وي
منعوني انوحك يا حسين
يلچمني وداعك تدري ليش
بحبالي اودعك ياحسين
هذامو وداع بين أخت و أخو
انتَ عالتراب وآنه بچف عدو
حشمّت هلي ولا واحد فزع
مالي أي ذنب چا ليش انسبي
آنه بنت علي وبنت أشرف نبي
وتالي عالهزل وإبن امي وگع
يبن أُمي حُسين يا خويه حُسين
ـــــــــــــــــــــــــــــــــــــــــــــــــــــــــــــــــ
بصوتك ياخويه أصبح و أغفه بصوتك
هسه أغبش عالهزيله خويه بموتك
مو هايَ الناگه البيها أجيت
البيها انت مركبني و مشيت
بحسابي أضل وياك أروح
مو گدري على الهزّل صفيت
أفرش التراب مو گدري لأن
آنه بنت أمير خلاني الزمن
لا أخو وكفيل بضعوني أحير
حيره مدري أموت ياهو لهلظعن
صعبه من أعيش وآنه بلا وطن
ما بقالي راي بعيوني أدير
يبن أُمي حُسين يا خويه حُسين
ـــــــــــــــــــــــــــــــــــــــــــــــــــــــــــــــــ
عالماي المات أخوها بيمن تروه
ما أشرب حتى اوفي حگ الخوه
جابولي الماي و ماردت
مو وكتك ليش أتأخرت
من چان يطلبك چم طفل
لو تدري بگلبه شفطّرت
مابقى گلب شيصير الگلب
من وره العطش زمن حچي الغرب
يمشي منحني الما عنده أهل
عني ياهي هاي گبالي من انحچت
گوموا يا هلي يا أهل البخت
رايه خل ترف بچفوف الكفَل
يبن أُمي حُسين يا خويه حُسين
ـــــــــــــــــــــــــــــــــــــــــــــــــــــــــــــــــ
الغربه من أبجي سكته هاي الغربه
الصعبه من طايح انتَ هاي الصعبه
ما أعرف أطلع بالظلام
ما أعرف اغفى بلا خيام
علويه و حدي لعتبتي
تاليها مشيت المنوه شام
ما الي عرف بدروب اليسر
صعبه بالشمس وآنه بهالعمر
هذا يا وكت طاحت خيمتي
حبلي و الصبر بيدي بس هذن
هيمه والجمر جدامي مشن
چم طفل الي يصرخ عمتي
يبن أُمي حُسين يا خويه حُسين
ـــــــــــــــــــــــــــــــــــــــــــــــــــــــــــــــــ
- يبن أُمي حُسين
الرادود | سجاد المحمداوي
الشاعر | جعفر صادق الساعدي
الكاتب | الميرزا محمد المياحي