كلمات قصيدة شال الشهيد حسين مسلم الوائلي مكتوبة كاملة
قصيدة | شال الشهيد حسين
أداء | مسلم الوائلي
كلمات | المرحوم ملا عطيه الجمري
وعلي الاكبر الغرابي
_____
شال الشهيد حسين بخوته وشبانه
وخلا المدينه تموج من حمل اضعانه
_____
ظلمه منازلهم والترب سافيها
غراب المدينه ينوح بعد الاهل بيها
عكب السبط ملزوم تخرب معانيها
وبيت المجد والجود تتهدم اركانه
_____
طوح الحادي وشال بضعون اهاليها
وضلت منازلهم بس الدمع بيها
سفره ومسيرت نوك وحسين راعيها
وعيون ابو السجاد بدموعه ذبلانه
_____
ابن الحنيفه يحوم بدموع مذروفه
يدور ابنواحي الدار ويكلب اجفوفه
يصيح العزيز حسين عيني عسى تشوفه
سافر وخلاني من جملت اخوانه
____
مشرعب اجفوفه وصاح ياخويه وياكم
ما تستجن وتهيد روحي بلياكم
شيصبره يالمجفين كلبي اعله فركاكم
محمد عليكم ضال بدموعه واحزانه
_____
ولن المنادي ايصيح بحر الكرم وينه
وفاد ابو السجاد لزيارته جينه
سبط النبي في وين اهله وشياهينه
محمد جذب ونه وازدادت احزانه
_____
الينشد محمد وين خوانك الليله
ايهبط الراس وصاح شالو فرد شيله
غرب حسين وراح بضعونه والعيله
وفارغ مجانه الجان مايفرغ مجانه
_____
شيخ العشيره حسين شال وغلق داره
ما خلف الا وحيد مشغول بافكاره
لو ضايعه وتنوح بالدار محتاره
وبنته اوجعت كلبي تنعاه وجعانه
_____
مسرع مشه ولا دار عينه اعله دياره
وخله الدليل ايلوب من فركته ابناره
راح الكبل وياي ما يكطع اخباره
واخ الهجر للحين تجويني نيرانه
_____