كلمات قصيدة سلام وعن بعد سيد سلام الحسيني مكتوبه كامله
لطمية سلام وعن بعد سيد سلام الحسيني
قصيدة (سلام وعن بعد)
الرادود سيد سلام الحسيني
الشاعر احمد اللامي
ــــــــــــــــــــــــــــــــــــــــــ
من صرت بعيد على عيوني
لوحتلك ايد وطفه لوني
شلون صوره انطبعت بعين العليله
شلون صوره جفها مرفوع برحيله
شلون صوره تريد ابوهه وماكو حيله
كلبها نار ابوها سار
مشا وكفاه عليهه دار
الضعن خذاه وكلبها تاه
وجف زغير انرفع وراه
سلام ومن بعد صاير
اخير وداع لليسافر
بكلبك بويه وبكلبي
تكتل كسرة الخاطر
ـــــــــــــــــــــــــــــــــ
بويه من مشيت رفعت ايدي
ايست جفيت مواعيدي
بعدت عني واني دمعي وياك تمشي
بعدت عني واني طير وشال عشي
بعدت عني وماتت احلامي على رمشي
اطلعت وراك اشم هواك
درتلي عين شفت جفاك
ماردت اروح ردتلي روح
ميته اعيش وايامي نوح
شعجب ماتسمع الصايح
تذبح شوفتك رايح
شعجب يا بلسم عيالك
عليه شو صرت جارح
سلام ومن بعد صاير
اخير وداع لليسافر
بكلبك بويه وبكلبي
تكتل كسرة الخاطر
ـــــــــــــــــــــــــــــــــــ
تبعد واصيح خذت روحي
اوكف واطيح على جروحي
خطوه خطوه انه اموت وياهه وعدل
خطوه خطوه وحس ماي عيوني وشل
خطوه خطوه امل كلبي وياهه يذبل
بده العذاب الريده غاب
واثاره ذيج على التراب
كلب غريب بلا حبيب
سره الضعون بده التغير
امد طولي واشيل اللايد
كلت لحسين نضره يريد
ردت تل وعليه اصعد
حتى تشوفني امن بعيد
سلام ومن بعد صاير
اخير وداع لليسافر
بكلبك بويه وبكلبي
تكتل كسرة الخاطر
ــــــــــــــــــــــــــــــــــــــــــــــــ
اخر الرحيل هدم حيلي
مالي كفيل تخليلي
وحدي ابقى المغرب من يحل شكله
وحدي ابقى اليل جاي واني طفله
وحدي ابقى وطولي جا ياهو يكفله
خوفه حمام ابين الضلام
لوعشه راح صعب ينام
عاده اليشيل يعين كفيل
اتوسل واريد اتعوف الرحيل
ودمعه بعيني شاتلها
واصعب حالتي كلها
بنتك لامشت وياك
لاعينت كافلها
سلام ومن بعد صاير
اخير وداع لليسافر
بكلبك بويه وبكلبي
تكتل كسرة الخاطر