كلمات قصيدة آنه أم الرواي الحاج باسم الكربلائي مكتوبه كامله
لطمية آنه أم الرواي الحاج باسم الكربلائي
انا الرواي والظامي.. والظامي ..
كلشي بالطف صار گدامي.. گدامي ..
لا، لتگول ماحنّت واجتني
لا، وياك لكنّ ما شفتني
*************
من مشة عني الظعن
خطوتين وگلبي حن
تابعتكم
لحظة لحظة بالدرب
باليسر وبالصعب
ماعفتكم
امشي ودموعي تهلّ
ويه ظلّك انه ظلّ
راقبتكم
من وصلتوا لكربله
اني ويه العايله
وبخيمكم
هل من ناصر سيف .. بضلوعي بضلوعي
ناديتك لبيك .. بدموعي بدموعي
آه، يحسين حسبالي اسمعتني
لا، وياك لكن ما شفتني
*************
شفتك اتطيل النظر
للشريعه وللگمر
حسرة...حسرة
تنظر النحر الطفل
لكن ادموعك تهل
اعله نحره
الخيمة اختك من رحت
الزمت گلبي وصت
آيزهره.
توصي زينب عالصبر
والوعد وكت الظهر
وانتَ أدره
صار الماي اسهام .. بعيوني بعيوني
چني ابعشرةّ اخيول .. سحگوني سحوگني
لا، مولاي شتظن فارگتني
لا، وياك لكن ما شفتني
************
من بده صبح الحزن
والخيم مثلي تون
عالمصيبة
كلشي يتحرك سكن
والهوه هب وصفن
اي عجيبة
أشعر بريجك يبس
وعالنهر كثرة الحرس
مو قريبة
يبني يابو الموزمه
سيدك مسه الضمه
المي تجيبة..المي تجيبة
يعطش ليش حسين .. يوليدي يوليدي
الزم هذا الجود .. من ايدي من ايدي
ها، عباس اذكر واعدتني
لا، وياك لكن ما شفتني
**************
من بعد ساعة اسمعت
صوتك ومسرع رحت
ياحمانه
للنهر انا اركضت
قبلك بلحظة وصلت
يم ضوانه
بطيحتك يم الاخو
شمتت بيك العدو
يارجانه
ألمتني بونتك
گتلك انهظ فدوتك
ابني وانه
اعجب ما حسيت... بانفاسي بانفاسي
لطمي اعله الخدين .. وبراسي وبراسي
اي، ظنيت من وني اعرفتني
لا، وياك لكن ما شفتني
**************
انا وانت ابلا ضوه
للخيم رحنه سوه
خطوه .. خطوه
انتَ رديت ابكسر
وانا الطم عالصدر
نمشي گوه
نادتك زينب يخي
شو اجيت ابلايه ضي
كلها خوه
جاوبتها ابلا حچي
بالاشاره وبالبچي
بيها شكوه
زينب صاحت راح .. يابويه .. يابويه
وانت بحسرة تصيح .. ياخويه .. ياخويه
وا، ويلاه وانفاسك چوتني
لا، وياك لكن ما شفتني
**************
من تدنت ساعتك
والسهام اتلگتك
وانا اتبعك
اني اتلگه السهم
قبلك اشعر بالألم
يعني درعك
سهم المثلث صعب
يولدي طرّ الگلب
من يسمعك
من طحت فوگ الثره
استقبلت جسمك تره
هذا وضعك
برفسة صدرك هاي قصدوني .. قصدوني
وانا بصدري هواي .. رفسوني .. رفسوني
لا، والخيل گبلك گطعتني
لا، وياك لكن ما شفتني
***************
ورجعت ويه المهر
ادري زينب تنتظر
چم رزية
وركضت ويه الحرم
من دوت نار الخيم
وي رُقية
ليلة الوحشة بتت
بالسياط اتألمت
اي سبيه
عالهزل ويه الصبح
وانتَ راسك عالرمح
تدري بيه
دمع اسكينه ايطيح .. بچفوفي .. بچفوفي
منّ الناگة اتطيح .. كل خوفي .. كل خوفي
لو، ماجيت ياسوط اعله متني
لا، وياك لكن ما شفتني
****************
من متت واضح شفت
ميزتني وعرفت
من ظماية
روحك وروحي التقتن
عالرماح وسولفن
عالسباية
اشجابچ بهذا الظعن
گتلك امضيعة وطن
ماكو راية
انتَ يوليدي النفس
ماتردلي گلبي حس
بالنهاية
فارغ صار الكون .. بغيابك .. بغيابك
واشعر كلشي مات .. يم بابك .. يم بابك
ما، ظليت حين الودعتني
لا، وياك لكن ما شفتني