كلمات قصيدة يا زينب عباسچ راح - مسلم الوائلي مكتوبه كامله
لطمية يا زينب عباسج راح - مسلم الوائلي
قصيدة: يا زينب عباسج راح
أداء: مسلم الوائلي
كلمات: محمد الموسوي
~~~~
يا زينب شوفيلج حل
انهد حيلي وحزامي انفل
انتي وبناتي اتگابلن وابجن
كضن عبيجن مات كافلجن
زينب .. زينب
~
بالخوه احلفك حاجيني عباس يا گلب الحسين
وين الگه جفك وهواي السيوف وجفوفك اثنين
جا بيش ألفك هو انت عباس تتضمد منين
من الدم انشفك لو انشف السهام شو كل سهم عين
ظليت اتيه بالسهم من يا كتر جاي
اكثر اسهام الأذتك من صفحة الماي
من جنت تترس جربتك متعور هواي
شگد ماي وعطشان شگد
ما شايف خوه الهالحد
گطعوا جفوفه وماي جابلجن
كضن عبيجن مات كافلجن
زينب .. زينب
~~~
يحزام ظهري رديت گوه وايدي اعله الصفاح
يا حامي خدري ما شلتك وياي من گد الرماح
حاولت اشيلك ومن الصواوين گمت اسمع اصياح
شيفضها مدري منك للخيام جا ليمت ارتاح
ما شايف انه منذبح بالطول ينداس
والخيل فوگه اتعاگبت من جدمه للراس
يعني إلا اگلج الله ليراويج عباس
لخيامج جسمه مطشر
ويكتل بالطف جان الحر
مطشرين جسمه الگالي يلمجن
كضن عبيجن مات كافلجن
زينب .. زينب
~~~
ظليت وحدي وتصيحلي الگوم ما عنك اخوان
ساعه ونذبحك وانوب بالنار نحرگ الصيوان
نكسر اضلوعك وانوب بالخيل انهد عله النسوان
شسويت بيه لو شارب الماي هسه إلا عطشان
زينب الشفته اعله النهر ما خله كل حيل
عباس ضامي وصيحوا خل تشرب الخيل
موذرين جسمك بالعبي يرادلك شيل
اسهامك من ظهرك طلعن
وضلوعك ما ينجمعن
عباس ويه الخيل واصلجن
كضن عبيجن مات كافلجن
زينب .. زينب
~
عباس خويه حيرت گلبي خل نطلع براي
وحده من الأثنين لو اموت يمك لو ترجع وياي
لو اصيح زينب هيه وبناتي يسولك افياي
يا طيب اگعد والزهره عگبك مو طيب الماي
جا ليش ميت مستحي ومقصر اتگول
وي دمعي خويه اتذكرت ذيج الدللول
وعيونك انه اول عدل ينحسب مكتول
يا زينب عباسج راح
لو ميت وياه وارتاح
طاحت جربته ومستحي منجن
كضن عبيجن مات كافلجن
زينب .. زينب