كلمات قصيدة صعبه العمر | محمد الجنامي مكتوبه كامله
لطمية صعبه العمر | محمد الجنامي
قصيدة :- صعبه العمر .
كلمات :- الشاعر وسام الشويلي .
أداء :- الرادود محمد الجنامي .
-----------
صعبه العمر من ينتهي وداع ضياع خليلك
وحدك تعيش ابدنيتك غريب يشيب دليلك
المشوا ناسه عنه .. خذوا كلبه منه
وحياته .. وحياته
------------
اي يا امامي دمــوعــي الك مـجــراهــا
واعرف جروحك واحاول اعيش وياها
عندك مصيبه عظيمه وجذب انـسـاهــا .... بيها اقره
صعبه الدفنته تدوره وتريد اتشوفه
وطول الليالي تناطر تجيك اطيوفه
تگصد مكانه ابدمعتك تظل اتشوفه ... حسره حسره
اشكثر كلبك تعذب بالفراك
ولا مثله حنينك والاشواك
لــمـن تحن للـمايــرد عليك تجيك صـوره
عطشان اله والملتقى غياب سراب تنطره
الفكد هذا جنه .. خذوا كلبه منه
وحياته .. وحياته
------------
لمن زمانك يهضمك تحشم اعضيدك
بس المصيبـه عضيدك دفنتـه ابايدك
انته اشتسوي وزمانك وحيد ايريدك ... تبقى حاير
والعنده والد يعينــه وينشفــه ادمــوعــه
وهذا انته روحك حزينه وتظل مفجوعه
والدك شلته بحصيره وجمعت اضـلـوعـه ... وذر صاير
يظل مكسور ظهرك عالعزاز
اخذت اشجم جنازه يـجناز
لا من ابو ولا من اخو بقيت صفيت تكابر
دافن عشيرع ابكربله اجيت بجيت نواظر
الخلص عمره ونه .. خذوا كلبه منه
وحياته .. وحياته
--------------
مااريد اسئلك واكلك يغالي اشلونك
حالك اعرفه وتشرحه دموع اعيونك
دنيـة شمـاتـه عشتـهـا اكيـد اتخـونك .... ماترحمك
المن تسولف مصابك شماته اكبالك
من تبقى ساكت يكتلك جرح دلالك
حال الـغريبـه السبيـه يسولف حالك ... ايهضمك
علي ابروحك هضيمه والمصاب
سلـب خــدر الـعقيلــه والاحباب
كل ماتعاين عمتك تشوف جفوف رميه
وابلا خدر ام الـخدر تنوح تـروح سبيـه
اشيهوده اشيامنه .. خذوا كلبه منه
وحياته .. وحياته
---------------
مـن تبقـى صـافـن مــواقـف تـدور ابـــالك
حرمـه اعلـه ناكـه هزيلـه وتطيح اكـبــالك
وانته اشتسوي اويلي اعله هضمه حالك ... تنظر الها
ابهالحاله هذـي والمها شنـو احـسـاسـك
بيك السلاسل وادينك صفت وي راسك
ومـن الـحديده ابصعـوبـه تـجـر انفاسك ... من ثكلها
التطيح شلون تصعد يمولاي
الحبل رابط اديها شنو الراي
چم طفله جانت بالدرب تطيح تصيح يخوها
واعليها من فوك الرمح تكون عيون ابوهـا
ينادي ابمحنه .. خذوا كلبه منه
وحياته .. وحياته
-----------
درب السبايه اعله طوله اشوف اجروحك
والغاضريـه وحـزنهـا وســوالــف نــوحــك
اتـريـد الـمنيـه الاديـهــا تـسـلم روحك ... منتظرها
شنهو حياته وطعمهــا الفكد احبابـــه
المن يسولف عذابــه ويوجـه اعتابــه
واعله المصيبه العظيمه الصبر جلبابه ... من قهرها
علي من وسط كلبك طلع صوت
اريــده وهــو راحــه الــي المـوت
العايش غريب ابدنيتـه وحيد يريد منيتـه
ابساعه رحيله ينتهي مصاب عذاب رزيته
الكبر عنده جنه .. خذوا كلبه منه
وحياته .. وحياته