كلمات قصيدة من انت محمد الجنامي مكتوبه كامله
لطمية من انت محمد الجنامي
قصيدة :- من انت .
كلمات :- الشاعر مصطفى العيساوي .
أداء :- الرادود محمد الجنامي .
❤️🏴🏴🏴❤️
ليش انت لجروحي وطن بس الغريب اسمـك
ليش انت بعيوني عشت بس ماشفت رسمـك
مــن انــت مــن انــت مــن انــت يا ســيـــدي
❤️🏴🏴🏴❤️
ســؤالي ابغرابه .. يــدور جــوابه
ليش الگلب يابو علي ابذكرك يـون
يفز كــل حنيني .. وتجاوبني عيني
تبگيك عيني لا لإجـل مثـوبــه
مـو للثواب اوداعتـك مـوضـوعــي
يحسين الك وحدها تجري ادموعي
سولفلي ليش من اسمع بحافر خيل
الطم ابصدري ويوجعني اضــلـوعي
امـي تلوليلي ابنعـي كـل مايمـر شهـرك
ليش الدموع بلا وعي تنزل وگت ذكرك
مـن انـت مـن انـت مـن انـت يا سـيـدي
❤️🏴🏴🏴❤️
يجرحي وطبيبي .. يكلمة حبيبي
تعطش اشوفك كل سنه وانتَ نهر
بعيد ولگيتك .. وسط گلبي بيتك
خايف عليك من الرمح يلچم نحر
ياناس اصيحن گلبي عاشك انسـان
اخـر كـلامــه گـال كـلمــة عـطشـان
صـدر المحنـه الـفوگـه الايتـام تنام
لـعبت عـليـه الـخيـل بالطف ميدان
يالتنحسب شيخ العطش بس ارتوي منك
ليش السمـه تمطر حزن لـو سولفـت عنك
مـن انـت مـن انـت مـن انـت يا ســــيــدي
❤️🏴🏴🏴❤️
تــمر ابصفــنتي .. وترســمك دمــعتــي
اجمل شمس وجهه انچوه بحر الشمس
يســر ماعرفتـه .. بــعــد عــمــري انتــه
راسـك صعد فـوگ الـرمـح عـــزة نفـس
من ذبلن اشفافك گبر صيت المـاي
وحتى الرمح گاشخ ابراسك مولاي
بس الحُسين ايعرف من هو حسين
يالشفتك اكـبر مـن مخيلتـي اهواي
اعظم قصيده شيبتك بس تنكتب حمره
وابروحي تگبر حيرتي واسـأل الف مـره
مـن انـت مـن انـت مـن انـت يا ســـيدي
❤️🏴🏴🏴❤️
اعيش ابوصالك .. واهيم ابجمالك
يالمشتري گاع وسمه ابحرك الخيم
الارض والعليها .. الك كلشــي بـيها
بصدر المحنـه ضيــفت حتى السهم
بينك وبين ادموعي مدري شچـم عام
وگلبي اعله مودعك ينگسر كسرة چام
يمراية الله البيك وجه الله انشاف
الله اعلـه مـودك خلق هـاي الخدام
مـاناسـي كطعـة منحـرك يااكبر جـروحـي
لطفك الف عام وكسر بس عايش بروحي
مـن انـت مـن انـت مـن انـت يا ســـيـدي
❤️🏴🏴🏴❤️
اودي امن اذكرك .. سلام اعله نحرك
لأبكينــك ســـيدي طـــول الــدهــر
صحت وانه انحب .. سلام اعله زينب
لمن يــمر طاري السبـي احني الظهر
مـعقـولـه زينب تـنسبـي يـا هـالنـاس
يهالحزن هـذا الحجي ايشيب الراس
اخت ابـو فـاضـل چــتفـوها بـحبـال
وصاحت ابحرگه امنين اجيب العباس
من شافتك راس ابرمح بس منحر اتصـلي
اختك حبيبـة فاطمـة صـاحت يبعد اهلـي
مــن انـت مــن انــت مــن انــت يا سـيدي