كلمات قصيدة كربلاء عاصمتي | مسلم الوائلي مكتوبه كامله
لطمية كربلاء عاصمتي | مسلم الوائلي
قصيدة: كربلاء عاصمتي
أداء: مسلم الوائلي
كلمات: حسن الترابي
~
هالعمر منذور .. للمشي وعاشور
كلشي بسم حسين .. بالوجود يدور
~~~
من زغر هالفطره .. من زغر صرت اقره
وغير عيونه الحب شيريد
كل عشگ مو لجله .. يرخص وما يغله
وبسم حسين الخير يزيد
احب والما يحب .. علي ما ينحسب
طهاره من الذنب .. حب عيونه
جماله اعله الصبح .. يزيد من الرمح
اذا هو بذبح .. ماكو بلونه
ذبيح وبالحسن ولا منه يجي
اذا ما منذبح شوصف بالحجي
دخيله من ابتسم دخيله بالبجي
آسر العشاگ .. وكل گلب يشتاگ
بالدمع موصول .. بحبه ماكو افراگ
~~
حبه في كل شجره .. حبه في للفقره
ومسامر نجمات الليل
يا علي من گلبه .. يا علي من حبه
يا حب هذا اليبدي بخيل
عشگته من العطش .. حزن ليل اهدعش
فرش گلبه وغبش .. فوگ ارماحه
لگيته اعله الرمح .. يطيب وينجرح
مثل زينب سمح .. مد اجناحه
خذاني برحمته اعله نيتي بلا عذر
شكرته بدمعتي وبعد عايز شكر
عشگته ولگيت العبد يم بابه حر
بطينة التكوين .. الله خله حسين
مو فرع يا ناس .. من أصول الدين
~~~~
كربله سالفتي .. كربله عاصمتي
وكل جروح حسين اوطان
خادمه يتحرز .. خادمه يتميز
يعله اعله الوادم سلطان
گبل كلشي انوجد .. عطائه بلايه حد
بالگلوب انفرد .. حزنه ونوحه
دخيله شهالكرم .. وامس بالطف سهم
جزه ووداله دم .. من جروحه
كريم بعطائه مطر فوگ المطر
جميل وجماله يطيح اعله الگمر
وترك نحره بالطف يصب لله نهر
كلمن اتعناه .. بگلبه يتلگاه
وراية العباس .. تنفرش فوگاه
~
موكبي من انصب .. موكبي ما احسب
شنطيت وشنطاني حسين
استحي بتقصيري .. استحي وكل خيري
من خيره التارس كل عين
اخيره واوله .. الرزق منه واله
واله حته الهله .. العند الخادم
يحط حدره السمه .. وينومس خادمه
شرف ويشيمه .. اگبال الوادم
ملك گلبي بيده وخذت دين الخدم
احب المشاله واحب كلمن لطم
جماله كشفلي الصدگ من الوهم
كلشي دونه اوهام .. واقع واحلام
كلها حر وحسين .. حبه في وخيام
~~~
اعتني مشايه .. اعتني والرايه
مثل عيوني اترف وياي
انهظم بالشارع .. انهظم ما اباوع
گدام اصوره اعله الماي
اعله كل موكب امر .. لبو سكينه انكسر
يذكرني بظهر .. يوم العاشر
اعله كل شيعي اته .. وجوب ازيارته
حمامه بگبته .. يبات الزاير
اعله كل شيعي واجب يزوره بكل سنه
ولو مره وحده عله اعتابه انحنه
السجود اعله بابه نهاية كل منه
بعتبة العطشان .. الما سجد خسران
والطلع مشاي .. بالعشگ ربحان