كلمات قصيدة دفن الأجساد - الملا حسن مرتضى اللوات مكتوبه كامله
لطمية دفن الأجساد - الملا حسن مرتضى اللوات
للطف علي السجاد رد يدفن الأجساد
شاف الزچيه بالغاضريه
رد يدفن الأجساد
ـــــــــــــــــــــــــــــــــــــــــــــــــــــــــــــــــ
ثالث يوم من مقتل ابو اليمّه
تربة كربله تتغايض بدمّه
من الكوفة علي السجاد أجه بهِمّه
شاف من السما نزلت اله أمه
مكسورة الضلعين نزلت تشيّع حسين
تنصب عزيه بالغاضريه
رد يدفن الأجساد
للطف علي السجاد رد يدفن الأجساد
شاف الزچيه بالغاضريه
رد يدفن الأجساد
ـــــــــــــــــــــــــــــــــــــــــــــــــــــــــــــــــ
مشكاة الله نظرت ساحة المصرع
جسوم ابلا رؤوس ودمها ضل ينبع
نادت وين طاح حسين و توزع
مرمي و غُسله هذا اليوم بالمدمع
راويها يا دفان جسمه الگضى عطشان
بمدمعه جريه بالغاضرية
رد يدفن الأجساد
للطف علي السجاد رد يدفن الأجساد
شاف الزچيه بالغاضريه
رد يدفن الأجساد
ـــــــــــــــــــــــــــــــــــــــــــــــــــــــــــــــــ
بالله بهون لملم جسم أبو الأكبر
يادفان خلفك فاطمة تعثر
عشره خيول سحگت صدره و اتوذر
كأن صدر زچيه عاد و اتكسر
هتكوا حجاب الله وام الحسن تنعاه
جثه رميه بالغاضريه
رد يدفن الأجساد
للطف علي السجاد رد يدفن الأجساد
شاف الزچيه بالغاضريه
رد يدفن الأجساد
ـــــــــــــــــــــــــــــــــــــــــــــــــــــــــــــــــ
يا سجاد لِفّه بباريه و كفنه
تلم وياك فاطم كل عضو منّه
تجيب چفوفه للخنصر تجر ونّه
تنزل گبره والمنحر تشمنّه
تنزل لگبر النور و تقبّل المنحور
أعظم ضحيه بالغاضرية
رد يدفن الأجساد
للطف علي السجاد رد يدفن الأجساد
شاف الزچيه بالغاضريه
رد يدفن الأجساد
ـــــــــــــــــــــــــــــــــــــــــــــــــــــــــــــــــ
يبو الباقر بعد ما تدفن النبراس
روح ويا الزچيه الشاطي للنوماس
تشوف چفوف مگطوعة و تجر أنفاس
تحملها و تنادي يبني يا عباس
ياللي ملكت الماي تبقى انت بس وفاي
چفك وفيه بالغاضريه
رد يدفن الأجساد
للطف علي السجاد رد يدفن الأجساد
شاف الزچيه بالغاضريه
رد يدفن الأجساد
ـــــــــــــــــــــــــــــــــــــــــــــــــــــــــــــــــ
و ادفن ياعلي بالطف بني هاشم
قبُر الأكبر مع المذبوح متلازم
و احفر حفره للأنصار والقاسم
وأول من يزور قبورهم فاطم
تبچي و تزور الحور متگطعة بعاشور
كرب و بليّه بالغاضرية
رد يدفن الأجساد
للطف علي السجاد رد يدفن الأجساد
شاف الزچيه بالغاضريه
رد يدفن الأجساد
ـــــــــــــــــــــــــــــــــــــــــــــــــــــــــــــــــ
- دفن الأجساد
الرادود | حسن مرتضى اللواتي
الشاعر | شاكر الجنبي القطيفي