كلمات قصيدة اركضت وراهم محمد الجنامي مكتوبه كامله
لطمية اركضت وراهم محمد الجنامي
قصيدة :- اركضت وراهم .
كلمات :- الشاعر ميثاق الحمداني .
أداء :- الرادود محمد الجنامي .
🖤🔶🔶🖤
اركضت وراهم وصحت يهلي تانوني
لاتخلونــــي ... عليله
مشوا واراقب الظعن هوه ضل يزغر
وانه كمت اكبر ... عليله
والــمدينـــه طـــفت راحـــو هـــلــــي
راح امـــــوتــــن صــحـت يابـو علــي
.. يــــبــــويــــه ..
🖤🔶🔶🖤
صدك هلي ومن شوكت تروحون
تـغيبـون وانــه شلــون ابـدربـكـم
وره الظعـن تعثــرت وحـصـت آه
حــسـينــاه والــويــاه احـــبـكــــم
چا هيه روحتكم سوه والله انهجم بيتي
ماظن بعد ينفع دوه ولا تصفـه عـافيتـي
خـذتـي هلـي يكـربلاء والـوحـده تـاليتـي
مع السلامه ياهلي صعبه فرگتگم
يمته جيتكم ... عــلينــه
تـره وراكـم وعلي عفتـوا عـلـويـه
تبچي يوميه ... حــنينـــه
يـاهــلــي ابهـالـوطــن مـنهـو الــي
راح امــوتـــن صــحـت يابـو علـي
.. يــــبـــويــــه ..
🖤🔶🔶🖤
يـــروحــي مــابـقـى امــل تــعــيشيـن
مــشـه حسيـن بعــد ويــن نــشـوفـــه
وگت المسه خل ندعي لا يــــلاگــــوه
الــيــأذوه ويــذبحــــوه بــطـفــوفـــــه
ياروحي والكتبوا اله خــوفي يغـدرونـه
معقوله ابو اطيب گلب واودم يكرهونه
طيب و يهدي محبسه بس لا يسلبونـه
منو اليگلـه طـولت بنتـك ازغيـره
وطـايحـه بحيره ... وتـريـدك
غريبه بالوطن انه وثكلت انفاسي
يمته احط راسي ... اعله ايدك
حـــزنــي بعــدك تــره مــاينــچلـي
راح امـوتــــن صــحـت يابـو علـي
.. يــــبــويـــه ..
🖤🔶🔶🖤
الــى متـى انتظر على الباب
للاحبـاب شهــالـغياب علـيــه
ابو علي شوكت يرد للعيـون
بـالضعـون وعــالمتـون رقيـه
تعبان هسه امن السفر ريـت التعب بيـــه
يمتـه يجـي واركض الــه والمـاي بيديـــه
من فركته والله السمه چن طاحت اعليه
بغيابه والله شيبت طول افراگه
والله مشتاگه ... لـعيونـه
دره ابويه ما دره فاطمه اتعاني
وما اعيش اني ... بـدونـه
صوتي وكت العصر ضـل يعتلي
راح امـــوتـن صـحت يابو علـي
.. يـبــويــــه ..
🖤🔶🔶🖤
ضاك الهوه وعليه خفت شنو الصار
بــالاخــبــار عـكــس دار زمــنـكـــــم
صدك طحت على الثره وصدك هاي
بــلا مــاي بــلا فــيـاي ظـــعـنـكــــم
برد وسلام ودعوتي يعود الظعن كله
طمني عبدالله كبر من فدوه اروحله
الاكبر يجي لو مايجي منتظرتك كله
على خواتي اسألك خوله الـزغيـره
واختي الچبيره ... سـكينـه
وعلى رقيه صفنتي وروحي ولهانه
من بعدها انه ... حزينـه
گـلـبي يلهب ضمـه اوداعــة عـلــــي
راح امــوتــــن صــحـت يابـو علـــي
.. يــــبــــويـــــه ..
🖤🔶🔶🖤
مصيبه من اجه بشر والي صاح
الــگـمـر طــاح سهم لاح عيونــه
يعمتـج صفت تـدك علـى الـراس
يـعـباس تــره الـنـاس سـبـــونــه
كتله والحسين وصرخ فوك الرمح راسه
والحافر ابصدره طحن من كثر ما داسه
طشروا جـسمـه عـالثره واتطـشرت ناسه
انه ودمعتي راح اضل راحوا احبابي
اشمگبر امصابي ... عـجيبــه
اجـتنـي تالـي عمتي حــرمــه محنيه
وسفه مسبيه ... وغـــريبـــه
اتكلــي خدري صفــه ابــلا كـافــلـــي
راح امـــــوتــــن صــحـت يابـو علــي
.. يــــبــــويــــه ..