قصائد مكتوبة منبرية استشهاد الامام علي عليه السلام
بين مولاي الحسين وابيه علي ابن ابي طالب عليهما السلام
بعدني اشتاگ الك سكته
يل ماتدري بالعفته
مكسور وخذاني الشوگ
يم گبرك حجي اتركته
رد ارسايل اعيوني
مو فضحني اجفوني
سير يمي لو بس طيف
الشماته ومايعذروني
نده يحجايت الينراد نص الگيض
دوه ياشوفت المفگود وين يهيض
وانه بكلهن متانيك
مشتاگ لحجي طاريك
يلي البيه ماضن بيك
بلكهن هسه متلعثم
فاگد شوگ وفاگد ام
وفاگد ابوه لجرحي يلم
علي بويه ... علي
........................
شرايت حچي الوادم
وجرحي وحزني متوالم
يمهباب العذب ينراد
حيل الفرگتك لازم
يحس الميت بربعه
شلون اليمه من ظلعه
من ذاك صباح الله
لحد اخر حجي الشمعه
ادريبك تحس بيه دگوم وياي
لخاطر زينب الشيلتها نكعت ماي
لخاطر گلبي وربه
الفاكد ينقري گلبه
يتيه بالمشي دربه
وحگ امي وحجي العصره
صفت عين التحب حمره
وباجر ينسحگ صدره
علي بويه ... علي
...................................
عيني وگلبي يبچن دم
وكاعد يمك املثم
افراك الماعلي تعيوب
اشواية الله لو عل سم
يندهوني واصيحن رد
وفز والگه الصور تنعد
حرورت روحي من فرگاه
الجمر وبنص هوه ابرد
باجر وحدي والشمات تتمرجل
وعله زينب حجي الطابوگ يتمحجل
يصيرن كلهن ابفركاك
وكلنه ننولي بلياك
شنهي الضله اخذني وياك
موزر والطم من الشوگ
وكل اليوم اليمر مخنوگ
ناطور الدمع مبيوگ
علي بويه ... علي
.....................
باوع حالي الگاظي
جنك علجفه راضي
يملح الله شفهات الكون
سوالفنه اصبحت ماضي
مو من طبعك اجافي
الگبر مايمنع اتوافي
يالمعلمني ملگه الشوگ
اجيتك راكض و حافي
فز لاگيني واشهك شبگت مغربين
صدگ تحجيها مالك رده يم حسين
صدگ تاليها صارت هاي
اتيه بالمشه وياي
اغص گمت بلذيذ الماي
اجيت اتجه علعباس
گعدنه وراس طخ براس
افا وابساط الله انداس
علي بويه ..... علي
.........................
ضلي من الحزن ينشاف
هلگد ماصرت شفاف
ورگه وهلخذاني الريح
المثلي شتعتقد ينعاف
عفتني وكل فرض حاصل
وشيبي الجفني هلواصل
الدمع بلل لهات الماي
من نگط حچي العاذل
ذبلن بالبجي الجانن دفوا موردات
قابل ناسي والوادم تصرخ مات
تذبح هاي الحجايه
للفاگدله تجايه
يهضمت شكلي بمرايه
تغيرت وبهت لوني
اخوتي ومايعرفوني
الفاكد يسموني
علي بويه .... علي
جَرِح راسك … جِرَح ناسك
جَرِح راسك … جِرَح ناسك
يابوحسين … يابوحسين
____
طاح ابو تراب … فوك التراب … اول تالي
راسه نصين … وتدمع العين … اول تالي
مـــا طايح گبل يــــا ناس ياتفكير يفهمها؟
الــشالع خيبر بجفه هــــسه عمامته بدمها
صاروا ايتام … يشوفوك احلام
يابوحسين … يابوحسين
____
شافوا قرٱن … يقره بقرٱن … طبروا راسه
ايات النور … ابروحه اتدور … طبروا راسه
مــــايغفه ابـــد يــا ناس اذا مـــا يقره قرٱنه
والايتام على بابه تطوف جن طيور زعلانه
خبزه وراحت … رحمه وشالت
يابوحسين … يابوحسين
____
خبز الايتام … طبروله الهام … ياوسافه
طبروا قرٱن … بهيئه انسان … ياوسافه
طبروا راسه ياهل ناس الشاطر مرحب بسيفه
خطار مـــــن اجاه السيف ميرجع ابـــد ضيفه
طبروك بسيف … غدر ياحيف
يابوحسين … يابوحسين
____
يقدسونك كون… موش يضربون … براسك مولاي
الــخير شـواي … الايتام هــواي … براسك مــولاي
يسمونك كتاب الله راسك ينطبر جاليش؟
الملح والزاد ماغزر مجازاتك طبر عكبيش
مجازاتك طبر … ابوكت الفجر
يابوحسين … يابوحسين
ياعـلـي ياعـلـي ياعـلـي الـمـرتـضى
والله يـا ليـث الـوغـه فـگـدك صعـب
خـلــه دمـع الـعيـن يـنـزف والـگـلـب
شلون يـا ابـو حسيـن هـاليلـه تـطـب
البـيتـك وزيـنب تـشـوف انـظـارهـه
*---------------*-------------*
الـلـيـلـة دم الــراس يـا حـيـدر نـزف
ونزل جبريل بـحـزن بـأسمـك هـتـف
انـطـبــر هـامـك يـا عـلـي اه واسـف
وانـتـه لـيـث الـمـوزمـه وكـرارهـه
*---------------*--------------*
مثـل زينـب عـشنـه بـمـصابـك يـتـم
حـگــه مـن والاك يــبـچـي ويـلّـچــم
الدمعـه صـعبه اتـصير بـجفون الزلـم
وحـفـرت بــخـد الـمـوالـي اثـارهـه
*----------------*------------*
امـصيـبـتـك عادت تـرة كسـر الضلـع
ايتام صرنه وبالحـزن يـجـري الـدمـع
عـلـي كـلـه الـكـون لـجلـك منـفـجـع
والـبـواچي الـيـوم تـحلـه اطـوارهـه
*-------------------*---------------*
سيدي بـگلـب الـمـحـب حـل الحـزن
وهـل عـهـد ويـاك لـمـصـابــك نــون
ايسيل دمـع العين دوم اعله الجفـن
وشـيعتـك تـبقـه المناحـه ابـدارهـه
*-----------------*---------------*
بـعـد يـا عـيـد اشـبـقـه عـنـه ابـتـعـد
بالـدمـه حيف انصبغ شـيـب الـحـمـد
بـاچـر اعـلـه الـنـوح والـهـم نـسـتـعـد
والصـغــار اتـنــوح وي اكـبـارهـه
بروحي هالمسيه خنكة إمصاب
كلبي جَنْ يكلي فركة احباب
انه زينب جرحي عمره ماطاب
___
حان الفجر واجفوني ما ضاكت حلاة النومه
ايدي عله كلبي ومانمت هالليله شو مهمومه
مخنوكه وكليبي انعصر هذا الكلب شعلومه
اشجايبلي وي جيته الفجر شو كلهه غيض انجومه
شما اصد لبويه رفت العين
جنه رايح عني مدري لاوين
الدنيه كلهه سوده والكمر غاب
___
شو كلشي هالليله اختلف بالدنيا مدري اشصاير
مِكْدِر عليه الكون احس سترك يرب من باجر
اكبالي حيدر للسمه ينظر اشوفه وحاير
"اشدد حيازيمك " قره الغالي وين مسافر
لاتجيب كبالي طاري الفراك
يمي انت وآنه لعينك اشتاك
لاتروح امروتك كلبي مرتاب
__
عن عيني من حيدر مشه ظل اليتم يبرالي
من بعده جا ياهو اليسد خلة مكانه الخالي
جفي اعله خدي وانتظر بالباب جية الغالي
ردالي بس ماجن علي شو مختلف ردالي
ردلي ماكو عمامه مفرع الراس
الشالت ايده خيبر شالته الناس
اتغطه وجهه كله ابدم الخضاب
___
رد لَيّه وابراسه جرح كوه يحرك اجفونه
مصبوغه بالدم لِحْيته وصوفر بياض عيونه
ماصدكت حيد العرب مابي يشيل متونه
جا ياهو اليصدك علي بعمامته ايعصبونه
ماكِمَل صِيامه فَطِّره السيف
المثل ابو اليتامه ينطبر حيف
تالي طاح اليامه طيح اركاب
_
متمدد اليرعب كبل لمن يشد الثامه
الموت الاحمر ياوسف متشيله هسه جدامه
الرد الشمس مارد الي اله وتفيض الهامه
وياكسرة الخاطر بقت وحشه ابوجوه ايتامه
وين ابونه الجنه ابحضنهه انام
ابداره هاي الليله مناشغ ايتام
ماله حيل ابونه من النزف ذاب
____
ذاك العليه طه انتجه الموت الفلا يدنوله
رد ليه بس طوله انكسر والوادم ايتجوله
مابيه حيل اعله الحجي راعي الحجي معقوله
محني ولمن كالوله اجت كام ويعدل طوله
خايف آنه اشوفه ودمعتي اتسيل
شحاله لو يصدلي فوك الهزيل
وانسبي غريبه بين الاجناب
فزاعيات
لسان حال مولاتي زينب توديع الامام علي عليه السلام
ينور العين مو وكتك يوالينه
يبويه فراك وجهك حيل ياذينه
انته عيون زينب ياعلي والشوف
هاي الدنيه ظلمه صارت علينه
(( الدنيه والبيه ظلمه عليك بويه ))
__
كلبي عليك كلبي ولابطل ونه
وحشه الدار بعدك ياابو الضنه
اضلم كلشي صاير ياعلي بفركاك
انته الروح ليش تروح منعدنه
(( موحش علينه الدار خلاف وجهك ))
____
ملائكة السمه والعرش كله تنوح
يمك ياعلي يابويه يالمطروح
يالمفتوح راسك فتحت القرأان
ركن الدين حيدر عمت عيني تروح
(( طاح والينه ركن الدين حيدر ))
__
اون والروح مكسوره يبعد الحيل
يالمبخوت بعدك شفت انه الويل
رافكني الحزن والهضم من صباي
يبويه الدمع حار عللخدود يسيل
(( علي يابويه حدب ظهري بعدك ))
___
چبير البيت طايح هاي موبالهون
موش دموع نبجي عليك كون عيون
مو وكت الموادع ياشريج الروح
يتيمه ياعلي زينب تضل شلون
(( والحزن بيه زينب ياابو زينب ))
ليلة الطبره.. گلبي شيصبره
باچر علي بالمحراب
ابسيف ابن ملجم ينصاب
واللحيه حمره .. گلبي شيصبره
ــــــــــــــــــــــــــــــــــــــ
ياليلة التاسع عشـر من رمضان
باچر يصير اوداعي وي اغله انسان
ومثل امي هم ابنيلي بيت الاحزان
وتندفن حنية علي بالتربان
ايروح امن اديه .. حامي الحميه
وابلا علي كلنه انموت
واسم الله من التابوت
چفّوني شره .. گلبي شيصبره
ــــــــــــــــــــــــــــــــــــــ
عافيتي باچر تندفن جوه الگاع
امسافر علي وماخذ جرح راسه امتاع
شمسويه گضيت العمر كله اوداع
وايدور اوياي الوكت لوي اذراع
كل حيله اجاني .. بس مالواني
ابصبري اعبرت چم ايوب
ويمشي الوكت بالمگلوب
حيرني بأمره .. گلبي شيصبره
ــــــــــــــــــــــــــــــــــــــ
كون انه ميته ولا علي ايطبرونه
الخاطف وجوه الزلم خطفو لونه
معقوله يتركني ويغمض اعيونه
وايشيل تابوته الحسن بمتونه
واحسين اشوفه.. يبچي ويطوفه
ايفك الچفن وايشم بيه
وساكت علي وميحاچيه
ساكت اعذره .. گلبي شيصبره
ــــــــــــــــــــــــــــــــــــــ
باچر يطمسون الشرع والاسلام
وتتطشر افروض الصلاه والاحكام
من هسه حضرولي الحبل يهل الشام
الطف اجاني وباقي حسبت ايام
الليله ابرزيه .. وباچر سبيه
امن الخيمه للتل ياناس
اركض واحشـم العباس
وكل خطوه عثره .. گلبي شيصبره
ــــــــــــــــــــــــــــــــــــــ
عود انه اريدن والدي ابذاك الليل
لمن اظل ابكربله ودمعي ايسيل
يحضر علي لـمن اصيحنله ادخيل
احضر الابنك كسّرن صدره الخيل
وانه ادري حيدر .. بالشده يحضر
ايشگ الگبر بأذن الله
والزهره تحضر وياه
الشوفة الزهره .. گلبي شيصبره
ــــــــــــــــــــــــــــــــــــــ
الماعدهه ابو اتعيش العمر لطامه
وليش النحبه ماتطول ايامه
صايم علي وصابه النذل بصيامه
الاعمامه نصين وخضيبه الهامه
ثاني محمد .. بگبره توسد
وكل انبياء الله اتنوح
آدم بچه اعليه ونوح
والناعي يقره .. گلبي شيصبره
امير المؤمنين ع
صاحَ جبريلُ الامين قُتلَ الحقُ المبين
هاشميٌّ ابطحيٌّ سيدٌ للعالمين
قد نعى جبريلُ حزناً بين ارضٍ وسماء..
هُدمت واللهِ اركانُ الهدى ياللبلاء…
ضربةٌ من كف باغٍ ذاك اشقى الاشقياء
وبكاه العالم الاعلى وكل المرسلين…
فُجعَ الاسلامَ في قتلك ياخيرَ العمل
وبشهر الصومِ ياكرارُ قد حان الاجل
ولهم قرّت عيونٌ الُ عُزّى وهُبل
انه حقدٌ دفينٌ منذُ بدرٍ وحُنين
زينبٌ تنعى اباها وهْي بالدمع تجود
كيف لي بالعيش من بعدك ياسر الوجود
قتلوا القران في قتلك في حال السجود
وبك الكعبةُ ثكلى يا اميرَ المؤمنين
من لأيتامٍ تنادي بذهولٍ ياإمام…
بعدكَ الدنيا ظلامٌ وعلى الدنيا السلام
قد تجرعنا هواناً مذ تجرّعتَ الحِمام..
بدرُك الزاهرُ عنا غابَ في طرفةِ عين
امةُ السوءِ بغدرٍ مارعت فيهِ ذمام
وبسيف الحقدِ ظلماً فلقوا رأس الامام
بعده مالاح صبحٌ كلُ ايامي ظلام
دمُه الطاهر يبقى ايةً في المشرقَين
شرّف اللهُ تراباً وبه انت مقيم..
قبركَ الزاهرُ يعلو شرفاً ارضَ الحطيم..
انت في امِّ الكتابِ لعليٌ وحكيم
ياوليدَ الحرمِ الطاهر ياسرَّ اليقين…
ايةُ اللهِ وذكرٌ محكمٌ في هل اتى
اسدُاللهِ بحقٍ ليس إلّاك فتى
فمتى موعدُ أخْذِ الثأرِ مولايَ متى
قد تجرعنا انتظاراً لشهورٍ وسنين
فزاعيه هوسات تشيع للامام علي عليه السلام
كومن خنشيع ،،، هيبة الساده
جنها عله الجنازه ونت اولاده
.............
جنها اليوم زينب تلطم ويانه
بجت يم النعش والعين جريانه
شايل عودها وعليه حزنانه
(اليوم بفكده انعازيها)
..........
يستاهل بجه وحزام شديله
بهوسات وبيارغ نعشك نشيله
ابوها اليسوه الهوسات هوسيله
(هديب الملعب هوسيله)
.............
شيعي جنازته وعالراس خليها
هاي ازلام صلفه وينزمط بيها
اسباع وشاهده بالكون ماضيها
(اسباع الشالت ذكريها)
...........
كومن خندك دكت العلويه
جنها عالنعش كعدت ومحنيه
يصعب يوم ابوي وحيل مابيه
(بونت حيدر عينيها)
.............
يهيبه الطم عليك والك ممنونه
صيحو وياي نعشه من تشيعونه
يبوالحسنين ردناكم تحضرونه
( الايذ بيكم تحمونه)
✍ام زينب كربلاء
نزله لأستشهاد امير المؤمنين علي عليه السلام
حگها زينب لا تگول شبيهه
للگبر شالوا نعش واليهه
.......
حگها زينب لو دمعها دم جرَه
الليله فاركها ابوها حيدره
راح ابوها يندفن تحت الثره
للمناحه والعَزَه مخلّيهه
........
حگها زينب لو تون ليل وصبح
جرح ابوها يختلف عن كل جرح
وين مثل المرتضى والد يصح
مثل روحه واكثر يباريهه
.......
مو شخص عادي وتهون مصيبته
حيدر الكرار زينب فگدته
نفس اوصاف الرسول وهيبته
بالمصايب حيدر يواسيهه
.......
انشال نعش المرتضى عنها ورحل
وزينب تمنّت يوافيها الاجل
حتى ويّاه تندفن نفس المحل
ولا تظل بجروحها التاذيهه
......
الدار ظلمه بلا ابو ما تنسكن
حگها زينب لو تظل تبچي وتون
عكب ابوها تعيش آلام وحزن
والدهر يافاجعه يراويهه
.....
حسين واساها ويصبّرها الحسن
عيونها مو من دمع من دم بچن
تصيح ميته ولا اظل ساعه عسن
عكب ابوي جروحي من يشفيهه
......
ويلي ما تمم علي فرض الصيام
العيد اجاني وعالفرح بعده السلام
واليتامه تنوح يم باب الامام
من يعايدها بعد حاميهه
سيد زيد الفحام
لطميه ندبه لأمير المؤمنين علي عليه السلام
دير وجهك للنجف من تبتلي
وصيح حلال المشاكل ياعلي
🏴🏴💔🏴🏴
لو شفت كلبك تحير وابتله
انخه ابو زينب يحل المشكله
حلفه بالمذبوح ضامي بكربله
وكله يا مولاي غيرك ما الي
🏴🏴💔🏴🏴
كله اريدنك تنشف دمعتي
من بعيد انخاك واسمع نخوتي
انته مولاي وشفيعي بحفرتي
وانته بالمحشر تجيني لمنزلي
🏴🏴💔🏴🏴
يسمع النخوه ويحضرك حيدره
لو كلت بحماك دنيه واخره
حلفه بضلوع الزجيه الطاهره
هاذه ابو الحسنين يا نعم الولي
🏴🏴💔🏴🏴
هاذه ابو الحسنين حماي الحمه
يكضي الكلفه ويشيل الموزمه
انريد يحضرنه بهذيج المضلمه
ايطفي نار اكلوبنه التغلي غلي
🏴🏴💔🏴🏴
عدنه نار وما طفت جوه الدليل
شفنه ضيم وضيمنه الماله مثيل
يا علي وباجر المحمل من يميل
كولي اريدنك اتعدل محملي
🏴🏴💔🏴🏴
انريدك اتعدل حملنه من يطيح
احنه شيعه ياعلي وبأسمك نصيح
كل كلب بكلوبنه صبح جريح
وانهضمنه والهضم ما ينجلي
🏴🏴💔🏴🏴
حيل مهضومين هضمونه العده
اليوم جم والد يون اوالده
اليوم جم فاكد العدنه وفاكده
امذبحه الشبان نامت بالخلي
🏴🏴💔🏴🏴
*بقلم✍الشاعره المله أم هجران العمارجيه
قصيدة : يتامى يا علي باسم الكربلائي مكتوبة
✒للشاعر : سيد عبدالخالق المحنة
🔖:ليلة 21 رمضان 1431
🕌:حسینية الرسول الأعظم الكربلائية - الكويت
يتامه ياعلي باجر يتامه
إذا ترحل على الدنيا السلامه
يوالينه .. تخلينه .. جرح بينه
🔹🔹🔹
قـمر ينزف دمه و يهتف فزت بيها
الصلاة رادت جرح راسك يصليها
شـفت رمـشك بده يرسم مآسيها
بني هاشم بديت أسمع بواجيها
إجـت زيـنـب يـبـو زينب دحاجيها
تقلك يا علي عد من تخليها
عسانـي لاشـفـت يـومـك عساني
يحيدر يفرح الفقدك زماني
يأذينه .. تخلينه .. جرح بينه
🔹🔹🔹
إجت يمك جرح دامي تون سكته
تقلك هاك إخذ روحي و تظل إنته
صـعـب يومك ولا بحسابي حاسبته
نده وينك يبو فاضل عهد ردته
حـجي عندي يبو الغيره و إجه وكته
لزم إيده و يخليها إعله إيد إخته
أمانه زيـنـب بـإيـدك أمـانـه
يـظل عند يبو فاضل لوانه
توافينـه .. تخلينه .. جرح بينه
🔹🔹🔹
عـهـد مـنـي لـخليها أنا إبعيني
يبو الحمله وأبد ماعوفن احسيني
يـزيـنـب كـل ألـم عـندج يأذيني
تره اليسره إلج فدوه فده إيميني
يـزيـنـب والـوعد بالطف تشوفيني
و إذا عالمشرعه أوقع تعذريني
عليـه إوداعـتج خدرج عـلـيه
و إعذريني إذا توقع إيديه
تشوفينه .. تخلينه .. جرح بينه
🔹🔹🔹
بجه إبحسره ونظر نظره لبو الأكبر
شبح عينه و بده يعاين عله المنحر
إلـك بـالطف يضي عيني جرح أكبر
أشد من هامتي يبني و بعد أكثر
تظل وحدك و لا من هاشم اليحضر
رغم جرحك تظل عينك عله الخدر
أنـظرك لو طـحـت ضـامي أنظرك
يبويه آنه و الزهره نحضرك
تبجينه .. تخلينه .. جرح بينه
🔹🔹🔹
بده إيـطـيل النظر وأحبابه متجمعه
أبو الأكبر إجه يمه و يهل دمعه
سـمـع زيـنـب تـنادي يمه يالبضعه
يجاوبها الحسن ونه و حنه ضلعه
وإبـو فـاضـل لزم زينب إجه إيودعه
عسنك لا فجر باجر بلا طلعه
مصيـبه يـاعـلي فقدك مصيبه
تموت إنت يبو الحمله عجيبه
يحادينه .. تخلينه .. جرح بينه
🔹🔹🔹
يظـل أظلم بعد ياوسفه محرابك
تظل سوح الحرب عطشانه لحرابك
يـبو الرحمه تعال إنظر على بابك
إلك أيتام إجت تسأل عله إصوابك
حـبيب إنت تعال وشاهد أحبابك
و لا غيرك يصبرهم على إغيابك
يبونـه لا تـفارقـنـه يبونـه
يتاماك وتره الوادم نسونه
يحامينه .. تخلينه .. جرح بينه
🔹🔹🔹
بعد عينك يظل منهو اليمر بينه
يناشدنه و يصبرنه و يواسينه
إذا جـار الزمن بويه وقسه إعلينه
نروح إلمن يحيدرنه دحاجينه
نحلفك يا علي إبجمرة بواجينه
يبويه إوياك إخذنه ولا تخلينه
.. تخلينه .. جرح بينه
قصيدة : راح من ادينه
الشاعر : كرار حسين الكربلائي
الرادود : محمد الجنامي
راح الأبو چان خيمة علينه
يا ناس ابو حسين راح من ادينه
دفنوا عشگنه الاولي .. وما عدنه بالدنيه علي
راح من ادينه .. راح من ادينه
🔹🔹🔹
يتامه يتامه صفينه يتامه
مشه الچان بوجوده نعيش بكرامه
وسافه وعلي راح يدنيه بخضابه
گبل چنه نعتاز نروح اعله بابه
صدگ هسه صرنه يتامه بغيابه
ابونه ابونه
علي چان ابونه
محله الفجر چان نسمع اذانه هسه نجي نشوف خالي مكانه
مثل الشمس غاب الولي .. وما عدنه بالدنيه علي
راح من ادينه .. راح من ادينه
🔹🔹🔹
اويلاه اويلاه الف اه واويلاه
فگدنه عمرنه عسه ولا فگدناه
الزمن چان يتعبه ويجي بهمه يمنه
يتامه وننام اعله صدره ويشمنه
نحس ينسه حزنه اذا بيده ضمنه
علي راح علي راح
وسافه علي راح
كلما يجي الليل والوادم تنام
املثم نشوفه يطعم بالايتام
ليل الحزن ما ينجلي .. وما عدنه بالدنيه علي
راح من ادينه .. راح من ادينه
🔹🔹🔹
مصيبه مصيبه دهتنه مصيبه
تغيب ولينه وكسرنه بمغيبه
مثل ولده چنه ويخلينه بالعين
يراعينه مثل الحسن وابنه الحسين
علي لله يطعمنه مثله يصح وين
يحيدر يحيدر
وداعاً يحيدر
ياحيدر شلون بغيابك نهيد
المن نعايد لمن يجي العيد
بهالعيد مدمعنه يهلي .. وما عدنه بالدنيه علي
راح من ادينه .. راح من ادينه
🔹🔹🔹
بالگبور بالگبور نعيد بالگبور
تره الفاگد عزاز على الدمعه مجبور
يوادي النجف ليش خذت عافيتنه
بترابك دفنه الوفه والمحنه
طفت شمعة البيت مشت عاطفتنه
الفرح مات الفرح مات
بغيابه الفرح مات
تراب النجف اخ شمسوي بينه
تاخذ بالاعزاز ونصفگ بدينه
من هالزمن خل ننولي .. وما عدنه بالدنيه علي
راح من ادينه .. راح من ادينه
🔹🔹🔹
مناحه مناحه العمر بس مناحه
متاعب مصاعب ولا شفنه راحه
علي راح يدنيه وبگت ذكرياته
ينوح الزچيه گضه كل حياته
رحل خله يرتاح ارتياحه بمماته
يدنيه يدنيه
بچينه يدنيه
گضينه وياه احلى الليالي
الغالي علي وراح ماعدنه غالي
نحچيلمن من نبتلي .. وما عدنه بالدنيه علي
راح من ادينه
استشهاد الامام علي نعي,نعي استشهاد الامام علي,استشهاد الامام علي مسلسل,مسلم الوائلي استشهاد الامام علي,محمد باقر الخاقاني استشهاد الامام علي,مرتضى حرب استشهاد الامام علي الهادي,مرتضى حرب استشهاد الامام علي,استشهاد الامام علي لطميات,استشهاد الامام علي لطميه,وفاة الامام علي لطميات