كلمات قصيدة امنتك سيد فاقد الموسوي مكتوبه كامله
لطمية امنتك سيد فاقد الموسوي
امنتك بيد الما يخذل لو غربة ايأمنونه
مثل الطير اليندل يرجع لچفوف اليردونه
ضميتك والورد الينضم يطلع من يسگونه
نحرك فانوس ابكل ظلمه وگاموا يندلونه
ضميته من صار عن روحي بسكوت
ثاري النفس هيچ من ينضم يموت
ماچنت اخلّي فوگه الهوى ايفوت
امنتك بچف الصدگ
بأول محطات العشگ
والما جفاني
للينشهگ گبل النفس
والبلل الدنيه ويبس
والدللاني
يايمه.......يايمه.......يايمه
بين اليكبر والما يكبر رايدته وماريده
ياهو الشايل جمره بگلبه وهاي الجمره وليده
يرفع چفه اليغرگ لازم ويظل يوم ابهيده
لو ما غرگان بدمه ابني چا ليش يشيل ايده
ويه العده اشلون ماتگضي چنها
ياهيه مذبوح من عدها ابنها
گاموا يخلون نبلة ابحضنها
راسك علّه وطاح الصبر
كاروك ادفه من الگبر
رد بالسلامه
لو بيدي وگفته الوكت
من شفته ظل يكبر خفت
ونسة عمامه
يايمه.......يايمه......يايمه
بدلت شگد ابموضوع المذبوح ايرجعونه
ميت گالولي وگلتلهم ها يعني ابني شلونه
عطشان وما يبلع ريجه وحسبالي يشربونه
هوه اصلاً ميت راح الهم چا ليش ايذبحونه
يابزرة الروح خل نطلع ابراي
لو نگسم الموت لو تگعد وياي
والگلبه محروگ مايطفه بالماي
كاروكك ايهزه الوجع
مارايح بگدي ورجع
من فارگتني
عمرك گضه وماينحسب
چف اشكثر عگبك چذب
لوله اعله متني
دللول.....دللول....دللول
يايمه.......يايمه......يايمه
ياماي وليدي اشسوالك عطشان ورديته
ياماي اشراح ايقل منك لو چم گطره انطيته
گدامه اشما جرفك يبرد تاخذ من عافيته
والنبلة اشگد چوت نحره ومو مثلك چاويته
راس ابني چن طير فوگ الرمح راح
بگماطك هواي گمطتك وطاح
يوليدي الگماط يهدل عالرماح
هجرك ولا طاح ابعتب
نومني وگفة من التعب
نومة حمامه
تبرد خفت مو تندفن
يمه الرمح مابي حظن
ياذي ابمنامه
يالبعدك ماتارس ثوبك ذني الما ننساهن
سويت اهدوم اكبر منك من تكبر تلگاني
بالطف چبت هدومك كلهن وحسين الرداهن
يرجع كبران ابنچ وظلن ماجاباهن
تهضم صدگ هاي وتعور الگلوب
بعده ابني ياناس ماتارس الثوب
وي روس الكبار خليته مگلوب
يهلال التأخر يهل
وايامك الرگضن مثل
روس الثواني
شمت رگبتك بيها دم
يوليدي چا ليش السهم
ماخذ مكاني
ــــــــــــــــــ
كلمات : الشاعر حمزة الحِسناوي