كلمات قصيدة ليلة العاشر سيد فاقد الموسوي مكتوبه كامله
لطمية ليلة العاشر سيد فاقد الموسوي
ليلة العاشر كصيره والوداع هوايه
والعساكر حاوطونه وصفو الرمايه
::::::::
بالوداع ويامن ابدي بالاخو لو بالولد
اثنينهم سباح كلبي وحكه كلبي من انمرد
عون يبني اعذرني يمه اوداع خالك هدني هد
قلة انصاره وجثيره جيوش المسنايه
::::::::::
عون موش الليله اودعه ولا اودع خوانه
الليله وي حسين اضلن للصبح سهرانه
سنين ما شبعانه منه وروحي اله عطشانة
بليله وحده شلون اودعه وبيمن اخذ رايه
:::::::::::
طولي يا ليلة العاشر خلي فجرج لايطر
لاحكين اعله السياط وركض الهيمه العصر
حسين باجر وحدة يبقى وبيدي اقدمله المهر
وبيدي افك ازرار درعه بشمته موصايه
:::::::::::
خل اودع كل اخوتي وارجع انوب اعله عون
وارد اودعه وهم اكله اسمعني يا ماي العيون
عون يا يمه خوالك موت ما يستاهلون
ذولة تربات المضايف والبخت والثايه
::::::::::
انطيني روحك لجل خالك وانه عنك راضيه
وكون اشوفنك مكطع بالسيوف الماطيه
الموت ويه خالك جبير وهيه دنيا وكاضيه
وكون اشوف ارسوم وجهك بالدمه محناية
:::::::::
هواي عندي اوداع لجن ليلنه كلش كصير
بين ولدي وبين اخوتي وحايره ام عون شتصير
حاوطونه الجيش واحنه بلامعين ولا نصير
كطعو اعلينه الفرات وماورونه بمايه
:::::::
اخ يا فجرك يباجر لايطر فجرك عساه
حسين رايح للمنيه وضهر زينب حدباه
باجر الحافر يسحكه وينطبك صدرة بكفاه
والشمر يكطع وريده وشيبته مدمايه
::::::
وداعت الله ويه المحنه وياكم العشره انتهت
والهزل هل ولموهن والمحامل جدمت
الجانت وياكم اميره اليوم يحسين انسبت
والحبل ياكل بديها وعينها اعله الرايه
:::::::::
للشاعر هاشم الصالحي