كلمات قصيدة يعثرني دمعي كرار البيضاني مكتوبه كامله
لطمية يعثرني دمعي كرار البيضاني
القصيده : يعثرني دمعي
الرادود : كرار البيضاني
الذاكر : احمد علي
-------------
اجيت .. يـعثرني دمـعي
اجيت ..وايدي اعله ضلعي
اخاف ما الگه منك رسم
لكيت .. كلشي اله جسمك
لكيت .. كلشي اله جسمك
عليك شما اقترب انلجم
طايح
بالدرب طايح
وبالنزف سابح يمه
حسنك
من العطش رايح
جيت الك صايح يمه
يالمندفن بالحجر ليك وصلت گوه
انه امك الانتحب والفوگك اتواه
شخله عطش كربله بعيونك الحلوه
الگلبك جبت دمعتي منهه اكعد اتروه
هاك هاك
هلبت يبرد الدمع
نار الي جوه الضلع
صوتك اريد استمع
هاك
———————
يمه حبيبي حُسين
يمه حبيبي حُسين
——————
اريد .. ابعد سهامك
اريد .. تعدل منامك
حرام .. نايم چفي اعلترب
وحيد .. والحومه ضدك
وحيد .. وعلغبره خدك
عجيب .. شمسويه ببني الغرب
العاشر
شعايف العاشر
عليك العدو داير يمه
بايگ
ضحكتك حافر
وبحالك شصاير يمه
فوكك احوم بدمع ومذهوله بآلامك
شما جيت اريد اشبكك ماتقبل سهامك
شدعي علذاك النهر الميبس احلامك
يالميت من الهضم
چي طاحت خيامك
گوم .. گوم
مو حلوه فوگ الترب
نومك يآلم الگلب
خلصت ييمه الحرب
گوم
———————-
يمه حبيبي حُسين
يمه حبيبي حُسين
———————-
تطيح .. وحافر يجيلك
تطيح .. ومحد يشيلك
تشوف..نار بوسط خيمتك
تصيح .. عباس اريده
تصيح .. اختك وحيده
أجيت .. الطم عله غربتك
شفتك
عالنهر شفتك
تبجي وسمعتك .. يمه
تكله
حسينك ابختك
خل نرد لختك .. يمه
شسويتو بيه لمن توادعنو عالغبره
بجيتني من اوكعت تلمه وتشم صدره
عباس كتله الغرب الماعنده اخو تكسره
يشبكك يحاول لچن
لا يمنه لا يسره
اآآه .. اآآه
كتله اعله ياهو انتجي
مات وي خوتنه الحجي
رديــت ناگــع بالبــجي
اآآه
———————-
يمه حبيبي حُسين
يمه حبيبي حُسين
———————-
تنام .. بحضني اريدك
تنام .. وخل اشبگ ايدك
حسين .. يايمه جلمه درت
حرام .. يعطشولي حسنك
حرام .. يحرموني منك
بصباك .. صغير انتَ وانه رحت
بصغرك
عفتك بصغرك
بيه ضل عطرك يمه
تالي
بيدي دم نحرك
ومنسحك صدرك يمه
جانت بسمتك دوه لامك يغالي امك
جنت ازعل علل الهوه لو مايمر يمك
بس هسه كاع الحرب مرتويه من دمك
يلما بقالك اخو يضللل يجي لجسمك
وين .. وين
اختك تدير النضر
وماخذ وطنها النهر
شتحمل بعد ياقهر
وين