كلمات قصيدة حسين شرفنا حسن المالكي مكتوبه كامله
لطمية حسين شرفنا حسن المالكي
من خير الخيام صرنه احنه خدام
----------------
دخل عدنه بي نلم للمــواكب ياناس
وعدنه شيخ الطايفه بالمجالس كناس
حسين شرفنه بلقب خدامه
يعني حَب الله اليحب ايامــه
الماتحزم للـ اللطم بحزامـه
ينجلي من ديرة اللطامــــه
شيعة علي زلام صرنه احنه خدام
———————
امنه من تطبخ تدك بوب كل الجيران
قرايه عدنه للزلم واكو قرايت نسوان
حسين شيخ وكل عزه ديوانه
وفضل منه اويه الخدم خلانه
المثل عدنه فاتحه وخسرانــه
حسين هوه الفاتحه الربحــانه
كلما يمر عام صرنه احنه خدام
—————-
عدنه شايب بالطم دومه يوكف شــادود
يشد بشماخه الضهر ويشد حيل الرادود
السيد البيده يـــوزع زاده
من ابو فاضل يحصل مراده
فدوه اروح انه لخضار الساده
بني هاشم كل عمرهم قاده
نتلكه السهام صرنه احنه خدام
————-
عدنه شبان شكثر عن محرم متمـــــــيل
فقره بس يسوه الذهب عدنه لطم الزنجيل
نلم ولد المنطقه بعزياتنه
نسوي موكب زينبي ابيناتنه
نسوي تشبيه وتهل دمعاتنه
نطين الخدين من عاداتنه
ماعدنه اوهام صرنه احنه خدام
__
طفل عدنه بالمشي ايده بيد الزوار
الماي من يوزعه مكيف يرد للدار
الأمه تدعي الله يرفع صيته
يصير درب المشي من يم بيته
حسين ماتفرغ ابد صينيتــــه
وهوه وحده الماتقل شعبيته
اول بالإعلام صرنه احنه خدام
——————
حسين بالدنيه ذخر والشفيع من نموت
ومن يطوف بحضرته ترد روحه التابوت
الموته والعدلين كلها تزوره
تنطي هيبه وتنطي بابه نذوره
حسين مايطفي جمر عاشوره
ويا نسولف همنه صوت وصوره
يا ابن الإكرام صرنه احنه خدام