كلمات قصيدة خجل الحاج باسم الكربلائي مكتوبه كامله
لطمية خَجَل باسم الكربلائي بالكلمات مكتوبة كاملة
خجل يرشح جبيني..
ضعت ما أدري ويني..
انا اللي باعتـه الناس..
وأريـدك تشتـريني..
********
طبع الدنيا غابة
مابيها محنة
مُهينة ومُهانة
والكل بيها طامع
يفكر باليفيده
يگول انا وانا
منكسر مركبي من يلم شتاتي
وضيعت مشيتي وتيهت جِهاتي
أي حدّ ما لگيتك
من دون البريه
الغمرني بحنانه
وگلبي بهذا خوفه
يابو سكينه يمك
يحس بأمانه
انا المُذنب الجاني
وإجيت اطلب أماني
أمدّلك إيد غرّگان
أعني يا مُعيني
********
دين الله اعله بابك
يسترزق عطائك
ونطيته وريدك
وخيل الاعوجية
المگصدها ترضك
ترشفها بيدك
چم شخص بالحرب معتني لقتالك
ورحمتك شملته ومعتذر اجالك
يالقابلها كلها
اقبلني وخلني يمك
عبد من عبيدك
مثل الحر اجيتك
كلشي ابظهري عفته
فقط انتَ اريدك
مثل جنح الرياحي
انكسر يمك جناحي
جبر هذا الكسر بيك
نعم هذا يقينــي
*******
گال الله بكتابه
والآية اعله جدك
وخطابه خطابك
لو ظلموا نفسهم
وأرادوا نغفر الهم
أجوك اِعله بابك
سيدي اوعدك ذنبي ما اعيده
وابتدي بخدمتك صفحتي الجديده
وانتَ باب وحِطة
ساجد كون اطبلك
وسجودي ابترابك
اسغفاري بدموعي
من ابچي اعله زينب
وارتل مُصابك
منّ أشگ اعليك ثوبي
أشگ صفحة اذنوبي
لسواك الجزع مكروه
عليك ايريده دِيني
********
عفت الماضي الاسود
من گالولي جسمك
تگطعه المواضي
وابديت من الاول
وصرت انتَ البداية
صفه الماضي ماضي
استغفرت كل ذنب چِيّ يصدني عنك
وحاربت غفلتي حتى ادنو مِنـك
ما دام انتَ گربي
ما دام انتَ حسبي
مدام انتَ راضي
خلي الدنيا كلها
تتكالب عليه
على دربي ماضي
عشتّ كل عُمري عاصي
شفت يمك خلاصي
يميني لازمهَ بيك
لا تترُك يمينــي
********
بهاي العيشه شفنه
كلمن عنده ونسه
وأنا أُنسي دمعي
كلمن عنده ربعه
وياهُم ينسه هَمه
وانا دموعي ربعي
هالحزن صار الي صاحبي وجليسي
وامن املّ عيشتي مأتَمك أَنيسي
سديت اذني عنّهم
وبس صوت النواعي
يلوگ اعله سمعي
من اسمع ضلوعك
انهشمت مو بديه
من ادگ اعله ضلعي
من الدنيا اشصفالي
بُكائي رأسُ مالي
سروري ابحزني اعليك
و أُنس روحي ابونينــي
********
شفت العِشره چذبه
شما طالت گصيره
فلا توفي وياي
وغيرك يابو سكنه
بهالدنيا الدنيه
فلا شفته وفاي
عايش بدنيتي
عيشة التغرّب
ابتعد وابتعد
وانتَ ليه تگرب
من يگرب بلائي
واستحضر بلائك
بعد انسه بلواي
اتذكر رضيعك
ضامي وشاله ضامي
انحرم گطرة الماي
چنتّ مشغول عنّـك
إلى أن شفت حسنّك
جمالك عنه للموت
بعدّ ما أشــيل عَينــي
********
كلمات الشاعر المتألق :مِيرزا عادل أشكناني