كلمات قصيدة كلبي ضامي لكربلاء سيد سلام الحسيني مكتوبه كامله
لطمية كلبي ضامي لكربلاء سيد سلام الحسيني
جيتك بحزني و نحيبه
لمعبد الحب و المصيبه
روحي عطشانه لعزائك
دمعي يحجيلك مغيبه
من بعد منفس سنة راجع غريب
هَل مُحرم و انفتح باب الغريب
عام اتاني و دمعي راوي ويرتجيك
شوگي لأيامك يبو الأكبر عجيب
گلبي ظامي لكربلاء و روحي حنّت للعزاء
ـــــــــــــــــــــــــــــــــــــــــــــــــــــــــــــــــ
مجلسك قبلة حنيني
والدمع ديني و يقيني
وين اروح بلايه عطفك
ياهو غيرك يحتويني
يا ملاذ جروحي مثلك ألگه وين؟
ظلمة عمري و حزنك مضوي السنين
گلبي لو ما ينبض اسمك جف حنان
وآنه عايش حتىٰ اصيحن يا حُسَينْ
أسمك شگد بي حنان وألگه بحروفه الأمان
گلبي ظامي لكربلاء وروحي حنّت للعزاء
ـــــــــــــــــــــــــــــــــــــــــــــــــــــــــــــــــ
اذكر اول دمعة حانت
من صغيرة سنين چانت
للعزا وي والدي احضر
و علىٰ خدي الدمعة بانت
وانعقد وكت الطفولة اول لقاء
اتلاگن دموعي ومصابك بالعزاء
وابتديت برحلة الحب و الهيام
ولنهاية عمري ابچي لكربلاء
أبقىٰ لمصابك انوح شما بقت بأنفاسي روح
گلبي ظامي لكربلاء وروحي حنّت للعزاء
ـــــــــــــــــــــــــــــــــــــــــــــــــــــــــــــــــ
حزني دايم و أنكساري
و للخيم ما تطفىٰ ناري
عاشر يعيش بخيالي
والدمع صاير شعاري
عاشر بروحي و يسولفلي العذاب
من جوادك تهوى لأحضان التراب
ماكو ماي و لونك يسولف ضماك
وبالجسد الف و تسعميه مصاب
نايم بحر الهجير للحرم عينك تدير
گلبي ظامي لكربلاء وروحي حنّت للعزاء
ـــــــــــــــــــــــــــــــــــــــــــــــــــــــــــــــــ
گلبي ضامي لكربلاء
الرادود | سيد سلام الحسيني
الشاعر | علي ابوعراق