كلمات قصيدة كعدت امجدي اعله بابك مسلم الوائلي مكتوبه كامله
لطمية گعدت امجدي اعله بابك مسلم الوائلي
يابو ادموع الحمره
بيا ديره ويا صحره
سافرت ويجروحك
وطالت هاي السفره
——————————
كعدت امجدي اعله بابك
كاعدين وننتظر
ضايعين وما عرفنه
الليل من خيط الفجر
واحنه ما ندري اعله يآهي
تبجي وعيونك حمر
وما نعرف اليآذي كلبك
يا مصاب ويا كسر
من باب امك الزهره
لو عالمنكسر ظهره
ياجرح الاشد مولاي
والمن دمعتك حمره
يامولاي والمن
راح عيونك يعمن
لأمك لو عماتك
لو لحسينك يبجن
—————————
الغربه من تموت ناسك
الغربه مو كاع ووطن
وفوك مبجاك اعله زينب
والسبي وذاك الضعن
من جديد اجروح كلبك
يابو صالح خضرن
من رحت يم العقيله
وفارغ تشوف الصحن
آخ شمكثر اجروحك
يالساكيهن ابنوحك
و ردّ الشام يامولاي
يلجم كلبك وروحك
الله يساعد كلبك
شكد الشام امعذبك
يالتعبان ومحد
جاي يحس ابتعبك
—————————
ياصور تكفي من ارسمك
يابو صالح ياصور
منين ما اشوفك عليله
وتنتظر لسه خبر
منين ما اشوفك مسافه
من المخيم للنهر
منين ما اصد الكه ظهرك
مثل الحسين انكسر
شفتك سيدي ابكلهن
وما صح واحد يحلهن
وبعيونك العلويات
مامش خيمه وتلمهن
حكه المثلك حكه
لو بسهام الفركه
مذبوحات احلامه
وما صح شي للملكه
—————————
فدوه سولفلي اعله جرحك
يل خلص عمرك جرح
وكلي يا موقف يآلمك
واليلجمك يا رمح
منين ما اشوفك العاشر
وتعّبك طاري الذبح
امسافر ليا خيمه وحدك
وشيبك ابلون الصبح
من خيمه لعد خيمه
كلبك يفتر ابضيمه
و دورت الهذيج النار
غيمه وما تصح غيمه
سولفلي اعله اجروحك
يامولاي ونوحك
ويا موقف يالغالي
يآكل ضل ابروحك
——————————
ياهو مثلك يابو صالح
يحمل الما ينحمل
وياهو مثلك عينه شافت
خلصوّ اهله جتل
بين واحد كضه ابسمه
وبين مذبوح وطفل
وبين رووس اعله العوالي
وبين زينب عالهزل
يل باك الدمع لونك
المن نسأل شلونك
والمن تبجي يامولاي
الله يساعد عيونك
ياهو المثلك صاير
وياهو ابكدك حاير
بين الخلصو بالسم
والخلصو بالعاشر