كلمات قصيدة هاي الغريبه منين ملا علي الوائلي مكتوبه كامله
لطمية هاي الغريبه منين ملا علي الوائلي
قصيدة :هاي الغريبه منين
الرادود : علي الوائلي
الشاعر : هاشم الصالحي
-------------
هاي الغريبه منين
شيعيو نعش الماتت بلايه خوان
لاثغبن يم نعش زينب نسوان
ولاواحد من اخوتها رايح دفان
ولاواحد من اولادها يوسدها
هاي الغريبه منين ومنين اخوتها
لاحضر عباس بمماتج لاعون
منكبين وعلى فراكج يبجون
هظمه بنعش زينب الغربه يشيعون
ولانايحه الناحت على مصيبتها
هاي الغريبه منين ومنين اخوتها
شالو نعش زينب الناس الغربه
محد عليه يون صدك من گلبه
صعبه الغريب يشل زينب صعبه
وين ال هاشم خل تكوم لبتها
هاي الغريبه منين ومنين اخوتها
محد من اخوتها يتحزم زاتوت
ويجب لام عون الجفن والتابوت
ماتو كلبها وهيه يوميه تموت
من تذكر ايام السبي ولوعتها
هاي الغريبه منين ومنين اخوتها
ماتت حزن مو من مرض ماتت
وعا لنوك من يم الهواشم فاتت
وحنت ظهور النوك من ونتها
هاي الغريبه منين ومنين اخوتها
خلت اخوتها وغربت مسبيه
وتنصب مناحه بدارهم ليليه
تاليها محد نكطلها ميه
بس علي السجاد الحضر موتتها
هاي الغريبه منين ومنين اخوتها
لاولد عدها وبالعزه يدير لثام
ولا فاتحه نصبت ل زينب بل شام
صعبه المره من تموت ماعدها زلام
ولا واحد بتابوته يمددها
هاي الغريبه منين ومنين اخوتها
خلصتي عمرج بس مناحه وحسره
عا لظل ثلث تيام ينزف نحره
جانت امنيتج كبرج بصف كبره
ماتت ومحد حقق امنيتها
هاي الغريبه منين ومنين اخوتها