كلمات قصيدة اجه العزا محمد باقر الخاقاني مكتوبه كامله
لطمية اجه العزا محمد باقر الخاقاني
إجه العَزا والمُعَـزّى ما إجه
عجَّل ﷲ فرجه عجل ﷲ فرجه
إِنْ شاء ﷲ مُحرم الجَاي وَيِاه نَنصُب مَأتَمه
ــــــــــــــــــــــــــــــــــــــ
أبِرَضْوىٰ أم طُوىٰ گلبي انطِوى اعله بابه
رايد لجرحه دُوا وصوتي دِوى بغيابه
اللّيلة شِبْل العَسْكري وين !؟ دلّوني
وين ناصب مأتم حسين !؟ دلّوني
اللّيلة عندي مصيبتين اجتِمعَن بدَلّالي
هلال المْحرَّم إجاني و ما إجاني هلالي
يا حسرتي
إجه محرَّم بالشَّجن و حجَّة ﷲ ابْن الحسَن
بعده عن عيوني غايب ريت لعْيوني العَمى
إِنْ شاء ﷲ مُحرم الجَاي وَيِاه نَنصُب مَأتَمه
إجه العَزا والمُعَـزّى ما إجه
عجَّل ﷲ فرجه عجل ﷲ فرجه
إِنْ شاء ﷲ مُحرم الجَاي وَيِاه نَنصُب مَأتَمه
ـــــــــــــــــــــــــــــــــــــــ
من يجي هلال الشَّهَر يعني الكِدَر إجانا
و ما درينه المُنتظر وين استقَر مِچَانه
ويا مَن المَهدي يجِر آهْ !؟ ما ندري
وحده لو هَم أحَّدِ وياه ؟ ما ندري
حين يبچي بصوت عالي منهو يسمَع حِسَّه
و مَدري يقروله المصيبة ولّا يقرا لنْفسه
بهذا المِسا
و لو إجه هلال الحِزن ويا مَن المهدي يوِن
بيا أرض ينصب عزاءه و يجري دمعاته دِمه
إِنْ شاء ﷲ مُحرم الجَاي وَيِاه نَنصُب مَأتَمه
إجه العَزا والمُعَـزّى ما إجه
عجَّل ﷲ فرجه عجل ﷲ فرجه
إِنْ شاء ﷲ مُحرم الجَاي وَيِاه نَنصُب مَأتَمه
ـــــــــــــــــــــــــــــــــ
ينحَب و ندري لِمَن شبْـل الحسَن عزاءه
بَدَلَ الدَّمْعِ دَمَاً طول الزَّمِن بكاءه
من يشاهِد حَنْيَة هلال يتذكَّر
حسين ظهره اعله الأخو مال يتذكَّر
عالشريعة حسين وحده و العدا محَاصِرْته
يصرخ الآنْ إنْكِسَرْ ظهري و لِزَم خاصِرْته
يم النَّهـر
أخو مكسور الظهر و جود مرمي على النّهر
و علَم أخضَر بينهم ناطر المهدي يِلْزَمه
إِنْ شاء ﷲ مُحرم الجَاي وَيِاه نَنصُب مَأتَمه
إجه العَزا والمُعَـزّى ما إجه
عجَّل ﷲ فرجه عجَّل ﷲ فرجه
إِنْ شاء ﷲ مُحرم الجَاي وَيِاه نَنصُب مَأتَمه
ــــــــــــــــــــــــــــــــــــــ
هاذي أيَّام الجَزَع بيها ارْتِفَع حِداده
نِزَع صبره و انْفِجَع بس ما نِزَع سَواده
بهالمصايب عشرة أيَّام شيْصَبره !؟
و لو سمِع بمْصيبة الشام شيْصَبره !؟
على زينب عاف صبره و ظل يجِر حسراته
و آه يا طاري الدِّواوين و سبي عمَّاته
لأجْل الفرَج
زينب بظَهر الهزِل تدعي و بچفها الحبِل
للي ياخذ ثار أخوها تدعي من ربِّ السما
إِنْ شاء ﷲ مُحرم الجَاي وَيِاه نَنصُب مَأتَمه
إجه العَزا والمُعَـزّى ما إجه
عجَّل ﷲ فرجه عجَّل ﷲ فرجه
إِنْ شاء ﷲ مُحرم الجَاي وَيِاه نَنصُب مَأتَمه
ـــــــــــــــــــــــــــــــــــــــ
حجَّة ﷲ بهالوضِع فيض الدِّمع يِهِلَّه
شما يدِگ فوگ الضِّلِع شما ينفجِع يحِگْ له
ينادي يا جدِّي يمذبوحْ بالمأتم
و فاطمة وياه تبچي و تنوح بالمأتم
تصيح ماني الوالْده يحسين يا ضيْ عيني
و على هضمة كربلا وينه الذي يواسيني
يا شيعتي
حسين منطيكم مُهَجْ لْإبنه إدعُوا بالفرَجْ
و للسِّما رِفْعَت إديها و غِدَت تدعي فاطمة
إِنْ شاء ﷲ مُحرم الجَاي وَيِاه نَنصُب مَأتَمه
إجه العَزا والمُعَـزّى ما إجه
عجَّل ﷲ فرجه عجَّل ﷲ فرجه
إِنْ شاء ﷲ مُحرم الجَاي وَيِاه نَنصُب مَأتَمه
ـــــــــــــــــــــــــــــــــــــــــــ
- أجه العَزا
الرادود | محمدالباقر الخاقاني
الشاعر | الميرزا عادل الاشكناني