كلمات قصيدة سالفتي نحیب محمد باقر الخاقاني مكتوبة كاملة
القصيدة: سالفتي نحيب
أداء: محمد باقر الخاقاني
كلمات: احمد الهلباوي
~~
حسين حسين حسين
مولاي حسين حسين حسين
~~~~
سالفتي نحيب ودموعي ضعن
محبوبي غريب وملكني وطن
دلاني عليه ومدالي اديه
وامنلي حياة وخيامه ثمن
سواني جبير ولبسني حرير
وعالغبره يبات ما عنده جفن
ممنونه كون بخدمته وانوح
كلشي اعوفه ولعزائه اروح
انذرله حزني ودمعي والجروح
آهاتي اله .. حزني وعذابي وكربله
الآمي اله .. وضيعة رقية بالفله
~~~
دنيانه ظلام والخدمه ضوه
الما يبجي حرام يطب ريته هوه
الما عنده حسين اخرته لوين
تاليها يصير والماكو سوه
من حقي اهيم محبوبي رحيم
الما يرضه يجيه يمشيله هوه
محد مثل گلبه الحنين ورحمته
لمن شمل خدامه دمعة غربته
ونطانه خيمه وهوه طاحت خيمه
ذابحني هم .. خنصر يمينه والسهم
بعيوني ألم .. ما ودرتها عالخيم
~~~~
ناذرله صباي اصبحله عبد
ياخذني هواي وللخدمه ارد
شگد امشي بعيد وما ادري شريد ؟
ولگاه عله طول ذاكرني ورد
يجذبني هواه وابقه امشي وراه
يحرگني واگول نيرانه برد
يسكتني ذنبي وارجع احجي بيه
ابجي اعتذاراتي وندم واجيه
وانعه المصابه وانفجع عليه
تارسني حب .. حنيه من گلب الگلب
تارسني حب .. هو السليب العالترب