كلمات قصيدة يا مقلب القلوب عبد المحسن العمراني كاملة مكتوبة
قصيدة : يا مقلب القلوب
الرادود : عبد المحسن العمراني
الشاعر : ابو تراب الاحسائي
~
يا مقلب القلوب
ثبت قلبي على حب الحسين
~~
احبك لو يگطعوني
على حبك يوذروني
واذا دربي اتيهنه
هلي بمآتم يحصلوني
معنون بحبك دربي هو دربك
وبشخص ثاني والله ما ابدلك
ما شفت مثلك عايش الأجلك
يلي ما واحد كفو يوصلك
ان اغلقت كل الدروب
دربي يبقى فقط درب الحسين
ثبت قلبي على حب الحسين
~~~
يمن كل گلبه حنيه
عطوف وساتر عليه
شلتني من وحل ذنبي
الى الجنه الحسينيه
يلي قابلني يلي ساترني
حبك بگلبي ماي يطهرني
بسملت باسمك يالذي بدمك
بسجل خدامك لسه كاتبني
يا ساتراً كل العيوب
من يدنوني وفي قلبي الحسين
ثبت قلبي على حب الحسين
~~~~
انه الضايع يلاگيني
وخضره صارت سنيني
صباحي اصبح صباح حسين
ومسائي انته تمسيني
اسمك الماسي عطر انفاسي
يل صرت عندي اغله من ناسي
عايش بخيرك ما شفت غيرك
الحنان انته والدهر قاسي
لو كست عمري الذنوب
يمحو ذنبي هواك يا حسين
ثبت قلبي على حب الحسين
~~~
انه الضامي ولگيتك ماي
يمن گبل الگبل وياي
حملتك دم حملتك روح
وتسابيح وذكر بدعاي
عشگك اسلامي وديني الهامي
انه حي ميت انته ايماني
بيك اعرف الله وانته لي قبله
يلي من زغري انته ترعاني
لا ولن عنك اتوب
من تكويني انا عبد الحسين
ثبت قلبي على حب الحسين
~~~
يحبي الأول واخر
يشوگي الخافي والظاهر
وسط عيني شلت رسمك
يمن رغم الكسر جابر
علمتني امي انسه حته اسمي
واسرح بعالم حبك العذري
عيني تغفه حسين وأوگف بيحسين
اهلي بحروفك حرزوا عمري
ما يكفي فيك لو اذوب
ديني يقيني هوى روحي الحسين
ثبت قلبي على حب الحسين