كلمات قصيدة صرخ دهدم محمد بوجبارة مكتوبة كاملة
خبــر عاجل .. رعب شايل إلى الحومــه .. إجـه العبّاس
غضب نازل .. والف سائل على شنهـــو .. نـوه العبّاس
عذاب الرّب .. أبـوفاضل
منو يگرب .. أبـوفاضل
*** *** ***
أمير وشايــــل الرايـــــه أبــد مـا ينكـسر رايــــــه
بعيد وعالنّهــــــر عينـــه رجف كلّ النهر مايـــــه
معـه خطـــــــوه يخطيها تطيح امن العده اهوايـــه
بعـــد مـــا ناطگ ابكلمه مشيتــه صـارت احچايـه
گبـــل حربـــه يهــابونـه شبـــل حــيــدر يعـرفونـه
عرگ ينصب مِنِ العسكر ولا كلمــــــه يكلمــــــونـه
تطيـح إبـــره .. يسمعــوها .. لأن سكـتـت .. جميع الـنّاس
الهوه بالطف .. خلص كلّه .. گمـر هاشـم .. أخـذ الانفاس
جمر يلهب .. أبـــوفاضل
منو يگرب .. أبـوفاضل
صعـــد فوگ المهـر غاضب توجّــــــه للنّهـــــر گاصـــد
خــــســـــــف آلاف عالآلاف چــــم شــارد عـلــى شــارد
رفع صمصامه مطرت روس سيــل ادمــــوم ظـل شاهـــد
منّ الــــــروس شــــــي نازل منّ الروس شــــي صـــاعـد
يطشرهــا ويجــــــي ايلـمـها بَعَــــــد لمــهــا يطــشّــرهـا
مِـنَ آخرهــا إلــــــى اوّلـــها يذبهـــــا ويـــرد لآخـــرهـا
رحى تـفــتــر .. عـلى العسكر .. طَحِـن يطحـن .. بطل عدنـان
أســـد وحــده .. يروح أيـــــرد .. جعــل خصمه .. بــلا فرسـان
زعل واحرب.. أبـوفاضل
منو يگرب .. أبـوفاضل
نزل للحـــومــــــــه زلزها رجّــــف جـيشْـهم ترجـيـف
( بالميدان حـــــام وحــــاط بيها وحـــط عليـــهـا السيف )
( أرعب رَجَف زلزل خِسَف نسّـــفــهــا البـطـــل تنسيف )
( وارعـــد وازبــــد وبــــدّد جموع العده وطـاب الكيف )
حِـلِـم عدهــــم يلوحـــونــه ابجهـات أربــع يشوفونــه
الأمر بيـــــده النّهي بيـــده بَعَــــد فنهـــــــم يلاگـونــه
( ذب وارجـف .. صرخ دهدم .. وصبّ الســم .. على العدوان )
وگف زمجر .. مثــل حـيـدر .. يريـــد أكـثــر .. تجي الميدان
أجل وانصب .. أبـوفاضل
منو يگرب .. أبـوفاضل
صــال وجـــال بالعسـكــر كل ساعــه يجــــي هاجــم
( صب سم سيفه سبع الموت صرّعـــها گـمـــــر هاشــم )
( كـفــو كــفّ الكفـــر كـفّــه وكــــوّر والثغــــــــر باسـم )
( كردس خلـس بالحـــومـــه خـيّــب أمـــــل كــــل ظالـم )
يـــذب يســـره على اليمنــه ويــذب يمنــه عـلى اليســره
الوسط صايـــر إلــه وحـــده گــدر عالكـل منــو ايگــدره
مدد صاحــوا .. مــدد رادوا .. فـــــــلا ينـفـــع .. صياح اعداه
علي ابـزوده .. علي ابدمّــه .. أمـيــر الطـــف .. عـلـي ويّـــاه
زأر واغضب .. أبـوفاضل
منو يگرب .. أبـوفاضل
تحمّس سمـع صوت احسين حــــي الله الأخــــو الفـــزّاع
عِرْگِ الغيـــره دگ بالـراس وامـنّ الجـيـش دگ أضلاع
مـــا يهــــــده ولا لحظــــه ترسـها جثــــث كـــلّ الگاع
واللّــــي رادت المنــــجـــى دَرْبِ المنجـــــى منها ضاع
شـرد عسكــر يجـي عسكـر يخلّيهـــــم بــــــــــلا معـبـر
بطــش بيـهـم چِـتَـل بيــهـم على الحومــه الگـمر سيطر
تراب الطف .. غـده أحـمـر .. مِنِ الصرعى .. چثـيـره أعـداد
أبوالغيـــره .. الحرب عيده .. العــزم منّـــه .. يـظـــل يــزداد
أخو زينب .. أبـوفاضل
منو يگرب .. أبـوفاضل
يكرّ اعليــها لــيـــث الكـر كــرّ ابسيفـــه رايـــح جـاي
كشفها المشرعـه واگبـــل ذبّ الماي فـــــــوگ الماي
حاچه الماي هــا يا ماي بـس آنـــــــه الأظـل وفّـاي
أكسـر عينك آنـــــه اليوم مــا أشــرب گـبــل مـولاي
العذب بيـــــده ولا ايشربه گـبـل أهلـه فــــــلا ايعجبه
يظل وافـــي يظل ساگـــي وفـه ابوعــده مِلَـه الجربه
منـو مثلــه .. منـو ايشبهــه .. أبو الخوّه .. عـضـيـد احسيـن
الوفــه منّـه .. كـفــــو منّـه .. إلــه كافي .. يحبّـــــــه احسين
وفي امجرّب .. أبـوفاضل
منو يگرب .. أبـوفاضل