كلمات قصيدة ركبنه الخيل محمد الجنامي مكتوبة كاملة
قصيدة :- ركبنه الخيل .
كلمات :- الشاعر وسام الشويلي .
أداء :- الرادود محمد الجنامي .
🖤🌹🌹🖤🌹🌹🖤
كلت النه اركبوا الليل .. كنالك ركبنه الخيل
والكلمه الك يحسين نحچيها
هيه الدنيا تسوه وانته ما بيها
لا يــبــن الــنــبــي ... لا يــبــن الــنــبــي
🖤🌹🌹🖤
گلت النه يوالينه ... هذا الليل غاشينه
رايدنه بكلامك حمل تنخذه
لا مو عالزلم ننعد ... من نمشي ونعوف الحد
والله العمر دونك ماكو بيه لذه
بالليل رايد كل شخص ينجو بنفسه
يحسين عالعدوان اهجم بينه هسه
شيجيب الصبح يحسين وانشوفك دربنه امنين
والله ارواحنه اگبالك نبديها
هيه الدنيا تسوه وانته ما بيها
لا يــبــن الــنــبــي ... لا يــبــن الــنــبــي
🖤🌹🌹🖤
احنه نطيعك بكلشي .. لكن سالفة نمشي
تعذرنه عليها مو محل طاعه
هالـدنيـا و مـناظـرها .. من اولها لاخرها
ما ردناها ردنه ابخيمتك ساعه
يحسين هاي الناس شملهيها عنك
وانگول هوه شحصل الما أخذ منك
وادم مدري بيش اتقيس مستحوذ عليه إبليس
واحنه الي عرفنه شلون تاليها
هيه الدنيا تسوه وانته ما بيها
لا يــبــن الــنــبــي ... لا يــبــن الــنــبــي
🖤🌹🌹🖤
ناس تدور السلطه .. بالاموال مرتبطه
واحنه نگول ذني فدوه لنعالك
ما كلنه الك اقدم .. دم الكربله انقدم
مو حبر ابورق بالدم كتبنالك
كلمات كتبتهن الك گطرة الگصه
هالراس لو ما شايلك والله نگصه
يالعنك تريد انروح ما نطلع نطلع الروح
ساتر عالخيام الجثث نبنيها
هيه الدنيا تسوه وانته ما بيها
لا يــبــن الــنــبــي ... لا يــبــن الــنــبــي
🖤🌹🌹🖤
لو عفناك يالغالي .. وين انروح بالتالي
حتى ايزيد باجر ما يقدرنه
وي الزلم ما نگعد .. وبسد الحرم نلبد
صدك من نعوفك هذا منظرنه
يا حيف عالباع الشرف و اشتره الذله
لو مات حتى الگاع باجر ما تقبله
نطبگنه السمه اعله الگاع والله ولا عهد ينباع
بعنه ارواحنه و بس انته شاريها
هيه الدنيا تسوه وانته ما بيها
لا يــبــن الــنــبــي ... لا يــبــن الــنــبــي
🌹🌹🖤
سبعين الف عدوانك .. و سبعين احنه واخوانك
معناها ابالف واحدنه بل اكثر
ندري ابكربله زغيره .. ما تكفي لأبو الغيره
گبله انريد نهجم حتى تتكبر
عباس راح انعوفله العاجبته روحه
بالگاع لو فوك السمه الكافل يلوحه
راس انگصه نعبر راس هذا حصة العباس
و يزعل لو حصته لو ما نخليها
هيه الدنيا تسوه وانته ما بيها
لا يــبــن الــنــبــي ... لا يــبــن الــنــبــي