كلمات قصيدة راحو أخواني ومايردون مسلم الوائلي مكتوبة كاملة
القصيدة: راحوا اخواني وما يردون
أداء: مسلم الوائلي
كلمات: حسن وديع
~~~
اتميل النوگ واحنه انميل يا خويه
~
مدافع روس فوگ ارماح من الليل حد الليل
عبي نتمايل اعله النوگ واحنه الناگه بينه اتميل
فتت بين الشماته وراح من عندي يخويه الحيل
ما عالوا غرب بينه فراگك خويه بينه يعيل
ذبلانه روحي وشوفتك ماي
والروس فوگ ضعونه افياي
من شفت كل الناس شمات
تيهت خويه الدرب والراي
بعد حسين شفنه الويل يا خويه
اتميل النوگ واحنه انميل يا خويه
~~~
اخوتي كلها بس انحور واحنه بس عبي ونخاف
المثلي بسد اخوها اتعيش مو يم الغرب تنعاف
هاي الغربه خويه هواي مو واحد يخويه الآف
صعبه وانه بت حيدر بديوان الغرب انشاف
صاحوا عليه بت ابو اتراب
بت العرب تسبيها الأجناب
غيرك ولا لايگ للضعون
مثلك يخويه منين ينجاب
خويه الغربه هاي تعيل يا خويه
اتميل النوگ واحنه انميل يا خويه
~~
حزن يدفع حزن بيه وباني ولايه اعله رمشي الشيب
كل مغرب عليك حسين وي شمس الله روحي تغيب
انسه جروحي لو شفتك يخويه حته روحي اطيب
عفتني ليش يم غربه لا عدهم فشل لا عيب
اصفگ بديه شلون بشلون
راحوا اخواني وما يردون
والروس كلها فوگ الارماح
وفياي صارن فوگ الضعون
عالهزله الصبح والليل يا خويه
اتميل النوگ واحنه انميل يا خويه
~
بعد بيه حجي يحسين بس گلي الحجي شيفيد
بگد السمه حزني عليك ليش الناس عدهم عيد
اريدك ترجع النه افياي غيرك كلشي لا ما اريد
لو ترجعلي لو اموتن لو ابقه وبعد ماهيد
ماهيد خويه حسين ماهيد
راسك بحضني وصدرك بعيد
صعبه اعله زينب بت الشيوخ
تحديني وادم موش اجاويد
وياك انذبج خويه الحيل يا خويه
اتميل النوگ واحنه انميل يا خويه
~
الخيمه طفت من النار بس بگلبي وجت نار
يجويك الرمح يحسين راس الرمح كلش حار
خويه حسين كون البيك بختك كله كون اندار
اريدن اشكي للعباس من الغربه بيه اثار
ما صارت وما تخطر ابال
بت حيدر انه انجتف بحبال
لا والأمس شارد من الحسين
صاير عله اخته هسه رجال
يالعطرك جزه اعله الهيل يا خويه
اتميل النوگ واحنه انميل يا خويه