كلمات قصيدة ماعدها حبايب الرادود سيد مصطفى الموسوي مكتوبة كاملة
قصيدة : ماعدها حبايب
الرادود : سيد مصطفى الموسوي
الشاعر : حيدر النصيراوي
~
كلبي بيوم واحد
ضعت احباب فاكد
ماكالو زغيره .. او مو حمل المصايب
شيخلصها شدة
راحو روحه وحده
شتسوي الغريبة .. وماعدها حبايب
~
اليه الله والليل
اكتب بي مراسيل
بدموعي واكلهم
هلي لازم ترجعون
لإن ماضلت اعيون
ضل يابس زرعهم
صرت انشاف بس ثوب
هوه ايصير الغروب
اذا مو مالت احباب
توجع دكة الباب .. عالخالي انتضرهم
مجروحه السوالف
عكب اهل المضايف
من يسمع عتابي
لو اكعد واعاتب
مهضومة بجفاهم
يمته اشتم هواهم
شتسوي الغريبة .. وماعدها حبايب
~~~~
خالي امن الهوه البيت
بيد الوحشه ضليت
كلشي ابعيني صحرة
امن اولها العمر ضاع
واني التنتهي ابساع
ماسميها عشرة
ضليت اشتهي الموت
همي اوجنة تابوت
او يمه الناعي يقره
الفركه اتزيد الضيم
ماريد اشبه الغيم
وانه المابيه كطره
وين حسين اناشد
حضن بنيته بارد
ياروحي شبديه .. وراعي البيت غايب
هدني افراكه هدني
ميته اوهابعدني
شتسوي الغريبة .. وماعدها حبايب
~~~~
ردت بهودج مجان
شو ضمو الهجران
والشايخ جفاهم
من صفن سره النوك
واكف سيد الشوك
شلع روحي وخذاهم
عمتي وعمي وعباس
جانو عنده اعز ناس
ماشفت بغلاهم
وانه حساسي مجروح
مو مايشمر تروح
من راحو وراهم
من اول دمعه طاحت
لأخر ناكه راحت
شتفيد البواجي .. وابجي وكلبي ذايب
ضلته ثكيله
بت شيخ العليله
شسوي الغريبه ... وماعده حبايب
~~~~
الراحو عزيزين
جان اولهم حسين
وأولهم خسرته
ادري بسفرته طول
هيج الواقع يكول
من طالت شبكته
الراحن مو عليلات
لو ما العله هيهات
حسين يعوف بته
من مر بيه بالطيف
بشفافه العطش ضيف
مامرتاح شفته
تلكيته بسلامي
صاحي ارويني ضامي
لا ياجرح العزاز .. لمته الكيك طايب
ضمني وباس خدي
ماحسسني وحدي
شسوي الغريبه ... وماعده حبايب
~~~~
عماتي الحنينات
اعذرهن بعيدات
ومضيعه خبرهم
من اشتمه ارتاح
بعده بثوبي ماراح
ياعمبر عطرهن
حكه تهيج الجروح
حكه تفرفح الروح
من يمر ذكرهن
عليهن تعمه العيون
كلشي شوفه بالكون
مستور بسترهن
جنت افتر عليهن
جنت اغفه عله ديهن
ميطمن سفرهم .. يارب كلبي لايم
عسجاده دمعي
ولجيتهن ادعي
شسوي الغريبه ... وماعده حبايب