كلمات قصيدة اويلاه يكربلا الملا محمود أسيري مكتوبة كاملة
كلمات اويلاه يكربله محمود اسيري
أداء: محمود اسيري
كلمات: ابو جعفر العبودي
~~~~
اويلاه يكربله .. اويلاه يكربله
~~~
انتي الخذيتي كل هلي .. اويلاه يكربله
وحدي بگيت بلا ولي .. اويلاه يكربله
اصرخ ونادي يا علي .. اويلاه يكربله
مو انه جنت مدلله .. اويلاه يكربله
حرگوا عليه خيمتي .. اويلاه يكربله
جدامي بس روس اخوتي .. اويلاه يكربله
بلا ستر نامت عيلتي .. اويلاه يكربله
ظلينه كلنه بالفله .. اويلاه يكربله
عباس طاحت رايته .. اويلاه يكربله
گطعوا يمينه ويسرته .. اويلاه يكربله
بالعمد صابوا هامته .. اويلاه يكربله
ما يدري بيدي السلسله .. اويلاه يكربله
وحسين عاري عالثره .. اويلاه يكربله
بالسيف گطعوا منحره .. اويلاه يكربله
وعضامه كلها مكسره .. اويلاه يكربله
مطروح محد غسله .. اويلاه يكربله
عبدالله صعبه مصيبته .. اويلاه يكربله
بالسهم حزوا رگبته .. اويلاه يكربله
ما شاف بعده دنيته .. اويلاه يكربله
الله يلعن حرمله .. اويلاه يكربله
موتت علي كسرة ظهر .. اويلاه يكربله
جم طبره بالسيف انطبر .. اويلاه يكربله
جسمه عله الغبره وذر .. اويلاه يكربله
ما گدر عوده يحمله .. اويلاه يكربله
نهبونا وبعز الظهر .. اويلاه يكربله
وتهجم علينه زجر .. اويلاه يكربله
ما ندري نگصد يا كتر .. اويلاه يكربله
ضاعت يويلي العايله .. اويلاه يكربله
وتوجهت صوب الابو .. اويلاه يكربله
كتله علي ماظل اخو .. اويلاه يكربله
باجر يركبني العدو .. اويلاه يكربله
عالهزل يا عقد الوله .. اويلاه يكربله
اصبح سبيه وانشتم .. اويلاه يكربله
ونسواني فرجه للزلم .. اويلاه يكربله
يا ابا الحسن عندك علم .. اويلاه يكربله
للشام بنتك راحله .. اويلاه يكربله
اويلاه يكربله .. اويلاه يكربله