كلمات لطمية حسينا الرادود خضر عباس

 كلمات لطمية جرح الكلب محمد باقر الخاقاني مكتوبة كاملة

 القصيدة: جَرح القَلب

 أداء:محمدباقر الخاقاني

 كلمات:كَرار المَحمداوي

ـــــــــــــــــــــــــــــ

حُسين..جَرح الگلب

حُسين..دَمعي اليَصب 

حُسين..آه يَ الغُرب..واختك مَشت مِن كَربله 

اروح..مَهمومه بيك

اروح..وابَچي عَليك

اروح..مِن بين ايديك..وامشي لضَياع بَ هَازِله

خُويه مُو نوگك خَذنّه..ولا ضَعنّه..ولا اخُو زِينب حِداه 

خُوية ضَعنه بدِنيا هِيمه..وچَم يتيمه..بَ الدرب كتلتها آه؟

بكَل خطوة يهَدمني عُمِر مَمشه الضَعن وين؟

شَما جاله عَنّك هَ الدرب يبَعدني يَحُسين 

ومِنين اجيبن كَافِل لهذا المَشي مِنين؟؟

ــــــــــــــــــــــــــ

"نَروح ويّ العَلويّات"

حُسين ..مِن دون اخو

حُسين..دِيرة عَدو

حُسين..ضَعن المَشو ..وفَاگِد مَهابة كَافِله 

يَريد خُويه الضَعن

يَريد وين ولِمن

يَريد للشَام اظن..يَاخذ عَفاف العايلة!!!

مَنظر اطفَالي يگلي..رَاحوا اهلي..وانسّى ورَاح الدَلال!

وحَده رُوحي بهَاليتامة..وبَ السلامة..مَحد مِن اخواني گال!

مَهضومة گوّة اعَله الگلب مَا اظهر النُوح 

مَهضومة رُوحي الفَارگت فُوگ التُرب رُوح

بعيُوني ضَاگِت دنيتي بَ فَگدك يَ مذبوح

ــــــــــــــــــــــــ

حُسين..يَا مَا صِحت 

حُسين..وشَگد نِحت

حُسين..مِنّك رِحت ..مَا احچي بَس كَلّي حَچي!!

عَذاب فَگدك صَعب

عَذاب مَمشه غُرب

عَذاب طُول الدَرب ..عِشرة حَياتي ويّ البَچي

هَا يضَامي الطف مَشينه..وبَ سبينه..هَسه عطشلك بَنات 

عَن عُطشنا أسأل دَربنه..مَا شَربنه..گطرة مِن مَاي الفُرات!!

جَابوا المَاي وشُوفته فَتحت بَچي هَواي!!!

خُويه وخَواتك مَا رِضن يدنّن المَاي

كَل وحده صَاحت عمّتي خلّيني بَ ضَماي

ــــــــــــــــــــــــــــ

حُسين..حَال السَبي

حُسين..حَادي اجنبي 

حُسين..چَم خطوه خُويه وينتهي..دَرب اليُسر؟

بَچيت كَل البَچي

بَچيت مَا ضلّ حَچي

بَچيت دَربي خَلص يابو عَلي..وذَاكَ القَصر!!!

طَب ضعنّه بَ مستحانه..والحِدانه..مَدري  وين يردّ يمرّ يَريد؟

مِن هضمنا نَمشي گوّة..خَطوة خطوة..شَفنه وادِم عِندها عِيد!!!!

حِيرة مَدري شعندها لمّه هَنانه وهِناك 

مَدري الحَجر مِن وين اجَه وصَاب الطِفل ذَاك

مَرّ بينّا يُوم المّا حَصل مِن سَاعة جَفاك 

ـــــــــــــــــــــــــــــــ

حُسين..هَذا القَصر

حُسين..رَاح الخِدر

حُسين..اسَحگ جَمر..بَس لا يَسحگة عَتبته

انوح نَاري غَضِب

انوح كَلشي انگضه 

انوح بَاب الهَضم هَذا واختكُم طبّته!!

واوگفت وگفة غَريبة..والمُصيبة..كَلها تنشد يا هي هَاي؟؟

مِن السَبي وجَمرة عَذابه..والخَرابه..حتّى ما بيها فِياي!

بهَاي الخرابه ايتامك تَنام اعله اديّه 

مَا ادري يا ابن الصُبح يأخذ رُقية 

ونعُوفها هَنا مِن نَريد للغَاضريه 

ويَلاه رُقية ويلاه 

تعديل المقال