كلمات قصيدة ياحيل سيد فاقد الموسوي مكتوبه كامله
لطمية ياحيل سيد فاقد الموسوي
قصيدة : ياحيل
الرادود : سيد فاقد الموسوي
ـــــــــــــــــــــــــ
راحو وماعندي حل الحل الى اموت
چنت اخاف من الوداع وهسه صارر
ضلمه موجي ضلمه بس مدري ليش
اليل صاير يطلع بعز النهار
ماكو نار بثوبي چا محترگه ليش
ثاري گلبي اليحترگ مواله نار
ياروح من تالي مليت من حالي
والصار چتالي اقرب من الگلب
مكتوب ينساني مكتوب
ياموت شمتاني ماتاخذني
خلاني ابچي گبال الغرب
گمت ماشوفه دربي
انكسر گلبي اعلى گلبي
اذ نشدو عليكم شگلهم فارگوني
يروحي الدللوني مشو ماودعوني
حالهم حال النفس لوگطعو اموت
كون طيري گبالهم ليلي يحوم
لاسهر لافرگه لاكلساع اضيع
كون مختصرتهه ميته بثاني يوم
ماتهنيت بوداعك من بعيد
عطلتني جدامي بيهن الكمت الوم
انتچي على الگاع ارد اوگف وطيح
انته جازي وانه ليهسه ارد اگوم
ياحيل ياخذني والگاك شابگني
ياريت تحسبني من تحسب بل ضعن
وتگول ماگمتي وياي حتى انتي تمشين
يبنيتي حالچ حال المشى
واگلك تعبي يسوه الك كل عمري فدوه.
يمن كون انته سالم عساهم گطعوني
ارد اروح للدللوني مشو وماودعوني
جرب افراگك ثواني
وبله شوف گلبي شچم جرح
خليته ضاللل
ابنص ضوه الله عيوني اخليها ابجفاك
لاضوه يبين ولاحتى الضلام
استلذ بل فرگه منك موغريب.
كون من غيرك گلت كلش حرام
اعيوني ليليه بحلم تتمنى اجيك
تعال اسكن سواد العين
هواي عندي احلام بس ماجاي نام
تانيت چم ليله وفرگاك شد حيله
كل ساع وادعيله
يارب نرجع سوه لوراح مايرجع
والروح ماتطلع
وياي من تگطع كون يضيع الهوه
ضعت واليل اجاني تكبرني الثواني
سوال الهدلي حيلي شجاهم ماخذوني
مره اگولن كون اموتن ومره اگولن خاف اموت
ومحد يطلع وراي
من اروح وياك كون بكيفي هاي
مره عن عبدالله گتلك گتلي زين
راح يكبر لمن تشوفينه جاي
بس بعد من ينذكر يمچ اريد
ماگلج غير بس گلبي الى مال
حسيت شي بيه بهداي يحچيهه
بس عود غص بيهه
ومدنگ من حچاهه
حباه من زغره ويگوم ينتضره
شما من نحره دار عيونه وبچى
خفت من هل علامه وصحت كون بسلامه
اذا مارد اليه بعد يادنيا هوني
من خيالي تخيلت
چن شي غريب
ناس تركض عل حرام مدري شتريد
خطوة المچويه من تمشي اعله كيف
وانته مويمهم طحت طايح بعيد
بل حوافر حاطين شگد حديد
ياحيف نسوانك گدام
عدوانك يحسين
وخوانك محد منهم عدل
انه كله من ايدي هاي السالفه
من هدو الخيل اضلن واگفه
حتى اموتن ويا اخوي ورايحه
ميته اضلن عدله نفس الفاتحه
كون مسحوگه مثل گلب الحسين
اشوه موكل ساع زينب طايحه
ماسولفلكم ضيم گلبي تدرون
وصلت مراحل بينا شيسون
خلص احجار الشام كله ومافاد
بل ماي المعطش الحسين يشربون
ندري ما بگبره نطيكم
احنه ناس نستراح لمن نبچيكم
كون محترگه بخيمنه ولاالشام
الشام اقوه هناك من نار الخيام
لاتشوف شلون خلصنه الدرب
الطفله اذا ماتبچي عدهم تنضرب
السوگ كله يصيح وصلن هسه كون
بصف گلبهه نطلع الزينب گلب
لاصايره ولادايره بهذا الكون
يبچي الحسين اعلينه وهمه يضحكون
كل ماتحاچي عيوني راس العباس
يهز كون راسه وسالفتنه يگطعون
اه يگلبي منين اجيبلك دوه
گطعو اعليك المحنه والهوه
انه اكثر سالفه تذكرني بيك
مره گتلك گلبي محد يعتنيك
موت حتى تعيش يم واحد عزيز
تره الگبلك مات هم ميت عليك
طلب يل ماترد طلاب
ومو طلاب انه
هاي انه
ــــــــــــــــــــــــــــــــــــــــــــــــــــ
الكاتب
«كرار جواد»