كلمات قصيدة نشرة اخبار محمد الجنامي مكتوبه كامله
لطمية نشرة اخبار محمد الجنامي
قصيدة :- نشرة اخبار .
كلمات :- الشاعر كرار حسين الكربلائي .
أداء :- الرادود محمد الجنامي .
----------------
ابنشره اخباره الكوفه .. عاجل وكلها اتشوفه
جــاء فـارس غـيره دارس مـن عـلـي الـكـرار
قـائد ابـرتـبـة عـالـم .. بس مراجل من هاشم
مـــن دخـلــها الــكـوفـه كــلهـا دخـلـت انـذار
------------
اذاعة قصرهم تكتب .. خبر عن مقاتل مرعب
لكيــنه ابأثر خطواته ثـبـات و يـقـيـن
اليكم بعض اوصافه .. يغار الجبل لو شافه
جبير اكبر امن الكوفه سفير الحسين
اجـت آخـر الاخـبار .. طلع الاولـوف وحده
بده وانتهه التاريخ .. صعب عالسيوف رده
علـي نازل ابصفين .. اخـتـصـار الـكـلام
ما خسر بالحق صوله .. واحد ايمثل دوله
كلها تجـفل كلها تخـتل وجهـه مـن ينـدار
ابهذي تشهدله الوادم .. بي مراجل من هاشم
مــن دخـلــها الــكـوفـه كــلهـا دخـلـت انـذار
-------------
المراسل حجه ابأفعاله .. ولاجن سيوف اگباله
ضحك من شرد قائدهم ويكله تعال
زعل سيد وطك عرجه .. ابكتايبها صارت ضجه
بخيت السلم من سيفه تگول الرجال
بجت منه حتى الخيل .. ولا عدها صوت تصهل
نزل راجل اعله الجيش .. نزل جنه موت مقبل
ابطرف سيفه جر الگاع .. وگلبها گلاب
اطلابه عنده وشيفظها .. كل زلمهم ركضها
سيفه يذبح عينه تجدح منها تطلع نار
لوحه من خيبر راسم .. بي مراجل من هاشم
مــن دخـلــها الــكـوفـه كــلهـا دخـلـت انـذار
-------------
مذيع الاماره أرخ .. مشاهد قيامه وبرزخ
يصيح العدل و الميت قتالك عظيم
ألف عالارض طشرها .. الف عالسطح يشمرها
ألف بالحرب شهدتله قيادي و زعيم
بشر بس جبل ينشاف .. قصرهم زغير يمه
يظل عالـي ما ينـلاح .. سفير الحسين قمه
تبوس الزلـم رجـلـيه .. تــريــد الامـــان
امعدل وزلمه امكلف .. وصل العسكر للطف
من سطرها الحومه طرها سوه بيهم غار
سيفه ما يرحم ظالم .. بي مراجل من هاشم
مــن دخـلــها الــكـوفـه كــلهـا دخـلـت انـذار
--------------
صحافة خبرهم كالت .. منارة قصرهم مالت
تأكد خبرهم طوعه صحيح الكلام
مره تسوه مية زلمه .. وبقت للمواقف كلمه
مــره و مــسلم ايگــلها علــيها الــسلام
اخذ خبره العباس .. و مراجل بطل خيبر
من اربع جهاته الجيش .. ابمدار الهلاك يفتر
تدور السمه و الگاع .. عله اجفوف اديه
يا هله ابزعل الساده .. رجف اگلوب القاده
نسـخه وحـده وماكو بعـده من البشر تكرار
الگابله يرجع نادم .. بي مراجل من هاشم
مــن دخـلــها الــكـوفـه كــلهـا دخـلـت انـذار
-------------
خبر مؤسف اينقلونه .. سفير الضوه يغدرونه
غــريب ويدير اعيــونه الــى كربلاء
بعيد ووصلهم صوته .. عجيبه مصيبه موته
بجه من سمعها حسينه ونصبله العزاء
غـريب انذبح عطشان .. جرح كل زمان يكبر
ضوه من القصر للگاع .. تبده و ضواه اتطشر
ابجماله تجر الخيل .. حبيب الحسين
ويلي يامحنه مسلم .. الغربة العاشر ترسم
دمه يجري ريته يدري ابجف حميده شصار
الياخذ ابثاره القائم .. بي مراجل من هاشم
مــن دخـلــها الــكـوفـه كــلهـا دخـلـت انـذار