كلمات قصيدة انه رايح محمد الجنامي مكتوبه كامله
لطمية انا رايح محمد الجنامي
قصيدة :- انه رايح
كلمات :- الشاعر وسام الشويلي .
أداء :- الرادود محمد الجنامي .
-----------
انـــه رايـــح يابناتـي
عايف الچن ذكرياتي
ودعتچن عد خواتي
-----------
يبنياتي الــتمن هـــســـه اگـبالـي
حل ميعاد افراگي وهضمه حالي
لا انتــن شبعانات مــن عــيونــي
ولا انــه الشــابــع مـنچـن دلالــي
من طاح العضيد ظهري لويتـه
وهـسـه بالوداع يمچن حنيتــه
شيسوي اليريد يمشي المنيتـه
وكت التعب حان وي نايباتـي
خـيمتـچـن اتطيـح يمـدللاتــي
ودعني بوداع البعد مامنه جيه
حـنيــه وافـيـاي چـانت عبـاتـي
وهذي عباتي تنسلب بالغاضريه
ودعني وحده وحده
ارد اشمن ورده ورده
وانتن اغله من حياتي
انـــه رايــح يـابـنـاتــي
---------
يشبگچن من گبل اچفوفي احساسي
يـبــنــيـاتي وحـاسـبـچـن انـفـــاســـي
دنــگـــت الـــراس وردت اتـقـبـــلـنــي
وبعد اشويــه اتشوفن گطعـه راســي
اي يــالــعــزيــزات شــمـنـــه نــحـــري
وكل وحده لحظات تغفه اعله صدري
تـمـشـن سـبيــات مـــن بــعــدي ادري
عصبنهـالعيـون گـبـل الرزيــه
لتشوفن الخيل تسحگ عليه
وهذي رقيه الغاليه عدچن امانه
تـسـالـچـن اتـكـول مـامنـه جـيـه
كللها سافر والسفر هـوه وزمانــه
ملتقانـه بالـخرابـه
لو غفيتن عالترابه
يم رقيه طيفي اتـي
انــه رايــح يـابناتـي