كلمات قصيدة يمه عباس | محمد الطرفي مكتوبه كامله
لطمية يمة عباس محمد الطرفي
قصيدة:(يمه عباس)
الرادود: محمد الطرفي
الشاعر: موعود الرشيدي
ــــــــــــــــــــــــــــــــــــــــــــــــــــــــ
وامتانيه يكلي متت ... يمه عباس
جاني الخبر وتحزمت ... يمه عباس
بس لا بطيت ولسمن عيونك ... والخيل ما داسن عله امتونك
يمه عباس ... يمه عباس
ــــــــــــــــــــــــــــــــــــــــــــ
من ككامن النوك ابضعن ما ريض
اشرت للعباس هيج وغمض
دمعه البجفني عالمشه ما تنكض
والصوت لمن ردت اصيح ترضرض
وصيتهم تعبي يجازونه ... مشكوله ذمته الما يسحكونه
ترجعلي سالم ما ردت ... يمه عباس
وامتانيه يكلي متت ... يمه عباس
يمه عباس ... يمه عباس
ــــــــــــــــــــــــــــــــــــــــــــــ
خروج عن النص....
نايم ابني نايم ابني
تكله ما تاخذه النومه وليدي اعله الرمح ما تاخذه النومه
لو ليت لهدومه وليدي من خذوه
ــــــــــــــــــــــــــــــــــــــــــ
طاح امن اديه الماي من ودعته
رديت من شوگي ارد اشمن بته
واتندمت چا ليش ما عطلته
من كون الحگه بحركتي عاتبته
ارد انسه لاچن عود شنساهم ... لا ضاله ولا رايحه وياهم
بس لا لخوك تعطلت ... يمه عباس
وامتانيه يكلي متت ... يمه عباس
يمه عباس ... يمه عباس
ـــــــــــــــــــــــــــــــــــــــــــ
يم بابنه الطارش وكف يخبرني
گال الحسين وصرخت يمه ابني
گد ما خفت رجليه ما شالني
ودموع عيني من الجفن عتني
يا بشر گلي بكربلا اشصاير ... گال بقميصه تعثر الحافر
وينك يبو فاضل صحت ... يمه عباس
وامتانيه يكلي متت ... يمه عباس
يمه عباس ... يمه عباس
ـــــــــــــــــــــــــــــــــــــــــــــ
من كون مرسال الدمع يتوده
جا ماي عيني كله ابچي عنده
گلولي غاد احسين ضل الوحده
بين الحوافر تاخذه وترده
لا عرف لا غربه اليشيعونه ... والشمس مدري شسوت بلونه
بس كون گبله اتوذرت ... يمه عباس
وامتانيه يكلي متت ... يمه عباس
يمه عباس ... يمه عباس