كلمات قصيدة يا رايتي يا قمر بني هاشم محمد باقر الخاقاني مكتوبه كامله
لطمية يا رايتي يا قمر بني هاشم محمد باقر الخاقاني
يارايتي قمر بني هاشم . يانخوتي قمر بني هاشم
فَي خيمتي قمر بني هاشم
-----------------
حسين آنه هذا يا عضيدي
جيت وشوصف الحال
الخطوه جرح عَ الرْمال
ثگّلها فگدك جروح
ادركني اخي لمّن صحتني
هسه آنه يمك حسين
ادركني انته وافتح العين
لا مني تطلع الروح
..
انبض خل دليلي ينبض
شو ريتي لهواها ترفض
گوم وخل تهده لهفتي
منك نبضه تحيي گلبي
بْلا عينك ششوفه دربي
بْلا طولك تجرح وگفتي
..
گوم . واعدل وگفتي يابو فاضل
گوم . لا نهوه آنه والمحامل
گوم . بلا رايه لا چف كلشي قابل
جيش انت الي . وحدها وگفتك
كل عسكري . يخويه يمنتك
يابن علي . متت، على بختك
____
ماي النهر بديك اخذته
ومن ايدك انرمه الماي
وين الگه هيچي وفاي
ومروه كله واحساس
التهوى يساره وي يمينه
وبزنوده يحظن الجود
لاطفاله منطي الوْعود
اشهاي الشهامه عباس
..
كلشي مو مثل غلاتك
ما با الدنيه من صفاتك
الغيره مْن عيونك نبعها
إمأمّن خويه وانته عندي
لو كل الخليقه ضدي
يا سور خيامي ودرعها
..
وين . عگبك وطن يأمن أهلي
وين . مثلك وفه ومروءة گلي
وين . لو ترحل انت اتچي حملي
..
يل شوفته . تفرّح اميره
يل رايته . تحامي عشيره
شگد موتته . هظيمه چبيره
___
چم فاطمه وعلي بخيمنه
انته حلم ها الاطفال
بعدك تعيشه يا حال
لو نفترض يعيشون
تنتظرك الخيم نسايم
رد خل تشمك انفاس
تجرحني وينه عباس
ووحدي مْن ارد يعرفون
..
بانت حيرتي بخيامي
عن يا صوب أذب واحامي
بدونك يخويه ظهري خالي
ما گلت اعله صَحْبي تدري
بس بجفاك اشوفه ظهري
مكسور ومحد بقالي
..
ليش . گتلك بنفسي من اجينه
ليش . غير بفرد هوى حيينه
ليش . لگلبي انطفه گمر سنينه
يم مصرعك . افدّي حياتي
وموادعك . اخذها قواتي
اتلوعك . ألم چوه ذاتي
____
ادريبك انجرح ضميرك
الجربه سهمها ماذيك
واتگلي ضامي اخليك
صعبه عليه يحسين
ومو ماي انه عطشتك انته
مو هينه واگدر انساك
وما اگدر اغمض وياك
ياهو الهن الصواوين
..
فراگك ما احمله وحده
شلون وآنه بأقسه شده
هم انته ، وبس انته عندي
يا صاحب واخو شْيعودك
راح ارجع واهد عمودك
ويدرون الطايحلي عضدي
..
الآن . ظهري انحنه وتتچي اديه
الآن . لا حول إلي ولا حيلة إليه
الآن . شمت عدوي خويه بيّه
ظهري حِنه . صحت يبو فاضل
ها المره أنه . رحل الي كافل
ذاك البنه . مخيّمي ،راحل
---------------
الشاعر: السيد أنور الموسوي