كلمات قصيدة مخيم ذكرياتي الملا محمد باقر الخاقاني مكتوبه كامله
لطمية مخيم ذكرياتي محمد باقر الخاقاني
خلصت والزمن بعيونها نعاد
مخيم ذكريات ببالها التم
عاد سنينها منِ صْباها للشيب
العاشتهم امس هم يدفع بهم
عمر للغربه للهم للشگه يضيع
بحرگ باب ابتده واخرها طف دم
ليل يسلم بصفناتها لـ ليل
جفن دمعه اعله جرحه يطيح بلسم
حريمه تجر حريمه واه يم اه
سهر ليل ونعي الماله احد وياه
"گلب" ينراد للفاگد هله و"حيل"
وانه ثنينهم ماضلن وياي
جا هو اليسر خله علَي حال
كلشي هناك ضاع بطيحة لواي
رحت بكلشي وبلا كلشي رديت
لا عز لا اخو لا خدري لا راي
وصلت لحال. عگب الشفته والصار
هلي وگالو علي ياهي المره هاي
كدر ووجوه غيرنا الظهر ذاك
بظهر الطف تشد ضماك بضماك
بساعات احترك صيوان الي وطاح
بسنه ونص ماطفت بگلوبنا النار
يادار اليطيب خاطر ام عون؟!
اهو الـ ما بيه وجه حسين هم دار؟!
كلما يغفى جفني وصوت الحسين
أسمعه يصير يا خويه الرمل حار
تفز دموع عيني وگلبي مهظوم
اه ياگلبي حتى بنومه محتار
هلي ماعاني اعله مصابكم حيل
انام گوه انام وتعرض الخيل
حگ هضم ع الصار وياي
لا عاتب دمع لا عاتب آلالم
جا انا ادخل الديوان يحسين
انا اختك اطب مجتوفه للشام
تسوه ابجيلها يبن امي عمرين
النومه البالخرايب عگب الخيام
ضعت هناك بالغربة لحدْ ما
گمت ماحسب لوكتي إلي شْضام
الخدر شنهي اغله منه ومنّ ٱدَي راح
اخاف اعليمن شضل عندي ما طاح
گضت وآخر نفس وٱتلاگه بالموت
بس ماضنها اخر غربة وجروح
بعد غربة نعش يطلع بلا ٱخوان
جنازه بلا بجي ولا واحد ينوح
بعد غربة وطن راح اندفن بيك
غريبة وذكرايتك الضيم الي تلوح
لا ريحه هلي ولا عطر الحنان
ويبات الگلب لليلة مذبوح
بعد جلمه غريبه تعيش وياي
اموت انا وتضل ماتنسي هاي
--------------
*{{ جروح: عباس الشبلاوي }}*