لطميات محمد الجنامي مكتوبة اكثر من قصيدة كاملة
كلمات قصيدة طر الفجر محمد الجنامي
القصيدة: طَرَّ الفَجُر
الرادود: مُحَمَّد الجنَّامِيْ
الشاعر: عبد الخالق المحنه
~~~~~~~~
طَرَّ الفَجُر يَٰا فَجُر گلب اليِحب ما ينَام
شَٰاعِر يِصْير الدَمع بمن يموت الكَلام
مَا استحق صحبتَك يكفيني رَدّ السَلاَم
يكفيني رَدّ السَلاَم
~~~~~~~~~~
آني اصغر من احبك وانته اكبر من حبيب
وانته اكبر من قضيّه تنتهي قبل المغيب
هيّه كلها الدنيه ملكك لكن انگلّك غريب
يالّي ساترنه بثيابك والثمن جسمك سليب
تظل عالي بأمر ربّك تعاله
يساكن روحي واندهلك تعاله
لون مو راسك برمحه تعاله
فلا راس ارتفع يبن الزچية
لو نفترض ما تحب .. مايبقه للحب مكان
لو ما صدر ينسحگ .. مات بصدرنه الحنان
لو ما تطيح الخيم .. ما يبقه مسجد حرام
ما يبقه مسجد حرام
~~~~~~~~~
والله لو ما تحني ظهرك عالنهر يم الكفيل
ما تظل الخوّه خوّه والهجر هوّه البديل
علمتنه الباع دينه يرخص وعايش ذليل
والتعيش براسه غيره ما يساوم مستحيل
وحگ البالخيم چانت تَرَابِك
عرفت عيوني من تعمه تَرْابْك
لون ما برتوي بدمّك تَرَابَك
فلا تسجد عليه الرافضيه
نمته بأمان ورغد .. يالنايم اعله التَراب
لو ما حبال السبي .. يبقى الحبل بالرگاب
لنّك حَنين وتَرف .. يِلتم عليك الحَمَام
يِلتم عليك الحَمَام
ينولد يوم الممات
والله لو ما يحچي نحرك يرتفع صوت الطغاة
بالوزن أدري إضفرك اثگل من الكائنات
من نقيسه بماي وجهك قطره ميصير الفرات
چبير وكلشي يزغرلك كَفَالك
يضيع الكون من يمتد كَفَالك
عجيبه تمددت والطف كَفَالك
ورمش عينك غطه الهاي الوطيه
ينزف رضيعك لجل .. يبقه العطر بالورد
لو شفنه بيرغ يِرف .. صحنه الفخر للزنود
من مصرع للنهر .. تمتد جروح الخيام
تمتد جروح الخيام
~~~~~~~~~
لو طحت چا كلشي طايح بس طحت للإرتفاع
انته يا أوسع سفينه وچف أيو فاضل شِراع
خنصر ايدك كونه ضايع يعني ضعنه وكلشي ضاع
والله لو ما تزئر انته نخضع الحكم الضباع
وحگ العالنهر طاحت يَسَاره
تره بزودك كلايفنه يِسَاره
لون ما رحن الخدّر يِسَارَه
فلا صار الشرف عدنه هويه
لو ما وجودك أبد .. ما تنوجد كربلاء
صوب جبهتك حجر .. صار بگصصنه الحَياء
گالو رجع للخيم .. وانته أرجعت للأمام
وانته أرجعت للأمام
~~~~~~~~~~~
كلمات قصيدة فهمني محمد الجنامي
القصيدة؛[فهمني]
الرادود ؛ مُحَمَّد الجنَّامِيْ
الشاعر؛ ميرزا عادل اشكناني
~~~~~~~~~~~~
فهمني أرد افتهم
بيش اوصف و تنوصف
يالسرك المُستتر
ليهسة ما منكشــف
ليش أنته دون البـشّر
عشكگ عشگ يختلــف
جيت لدار مَعرفتَك
وماادري افوت منين
وشفت الدنيه كلها اوهــام
بس أنته الصّدگ يَحسين
عفت بهذا العالَم كلشـي
وسلمتَك دنياي و ديـنـي
مغّمض عين و خلفك أمشي
وين اتّوديني وَديني
أيد بإيد ما اعوفك
واستچديت مَعروفك
حبل الله بچفوفك
لا تخليني
غيرك يبيع الحچي
ووكت الفعايل يِزل
بَــس أنته يا ابو عَلي
من تحچي گول وفعــل
حاشى اليحبگ خسـر
عشكگ عشگ يختلف
~~~~~~~~~~
تشبَه جَنة الله بحيث
وصفك مو حَچي وينگال
لا عين الرأت مثلَك
ولا حتى التمر عالبال
الوادم هَلگدّ يحبونَـك
ومحّد منهم عارف گَدرَك
چا لو يَحسين يعرفونَك
راحوا فدوة لحافر مهرك
بيك النّاس مَجنونة
وسرَّك ما يدرونَه
بالأرواح مَكنونة
چلمة ســرك
الوادم تدور ذَهــب
بس آنه ادوّر فِهــم
لو عندي مِنَك حَرُف
چا بيـدي نلـت النَّجِم
عن گل عشگ بالدّهر
عشكك عِشك يختِلف
~~~~~~~~~~
مشاعر حزني بالدّلال
مو مالــة عَشرة أيــام
وحالة مَعنويتي ويـاك
لا يَقظه ولا أحلام
بَعض الإحساس العِرفاني
ما يتّرجم إلاّ بونــَّه
استشعر طَعمه بوجدانـي
بس مدري شلون احچي عنّه
هاالاحساس يتجسَّد
بالدّمعات فوگ الخد
وهذه الثوب الأســود
يكشِّف حِزنــه
حزنك يدوّر گَلــب
ما يحزَن لدنيتَــه
ويشّبـه بَياض الثلچ
من نتظر لنيته
احچيها بالمُختَصَر
عشكك عشگ يختِلف
~~~~~~~~~
كلمات قصيدة مثل سامع محمد الجنامي
القصيدة؛[مثل سامع]
الرادود ؛ مُحَمَّد الجنَّامِيْ
الشاعر؛ وسام الشويلي
~~~~~~~~~~~~
مَثل سامع واجه ابالي
البلا أول بَـــلا تــــالي
شفت صاعد نزل قدره
وشفت طايح صعد عالي
مثل كلّه حكمه سمعته بضميري وقريته
تره الماله اول ابد ماله تالي بقضيـته
اليـعيش بمذلَه نَعَم هذا ميَت لكيـته
وأذا ميَت ابعِز يعـيش و خلوده بمنيته
عقل عندي و أنا اعرفـها
البشر هيَه بمواقفها
اليذل روحه تره يرخص
وأذا يعتز يظل غـالي
~~~~~~~~~
تره الدنيا تخلص نروح احنه و يظل عملنه
أذا نخضع الها ترجنه بمكرها و تذلنه
كصيره وشجانه نحبها ونَطوَل أملنه
عِبَر منها ناخذ ويظـل بيها مسلم مثلنه
يَطايعها ولا تطيعـك
يشاريها تره تبيعـك
أبد ماكو وفـه عدها
نَعم تغدر ولاتبالي
~~~~~~~~~~~
علي الماكو مثله أخذ منَه مسلم طباعه
وعلي الدنيا كلها مثل ساعه عنده قناعه
تفهمها مسلم تعنَه المنيـته بشجاعه
لواها التَفكر تكسره و تلاوي ذراعه
فعل مسلم تـره تميَز
جبل طبعه چذب ينهز
بقى لوحده ولا مهتم
يكول امشي اويه أجالي
~~~~~~~~~~
الف وسفه تلكـه بشر للمطامع اسيره
چبيره جثثهُـم وَلكن نفسهم زغيره
كلف طبعه مسلم بحساباته يعرف مصيره
يبيعونه خلهُم المهم ما يبيعه ضميره
مثل عمَه علي نشوفه
أمير أصـبح على كوفـه
يغـدرونه و ينكـرونه
ورغم هذا يظل والي
~~~~~~~~~
دروس و مواعض أخذ عبره منها التعلَم
كبر مـسلم أصبح مناره و قصرهم تهدَم
ننادي اعله مسلم فزت والله بيها يضيغم
طريقك حقيقه المشه بعكسه هذا توهَم
هذاك أنته يغاليـنه
الكبر عالي القصر وينه
تراب أصبح يسحكونه
ويقبلوك أبدمع هالي
~~~~~~~~~~
كلمات قصيدة سولف مصابي محمد الجنامي
القصيدة؛[سولف مصابي]
الرادود ؛ مُحَمَّد الجنَّامِيْ
الشاعر؛ وسام الشويلي
~~~~~~~~~~~~~~~~~~~~~~~~~
يا ريـح أخـذ مـن دمعـتي سـلامـي سـلامـي
سـولف مـصابي لأخـواتي و عمامـي عمامـي
الـمـا يـمه خوان يا غربته
معـذور إذا مـات مـن حـسـرته
والـهــضــيــمـــه
~~~~~~~~~~~~~~~~~
آنه يـاريـح أرد أكـلفـك
و ابـحـمـيده راح احلفك
هـالحـجـي وصـلـه الهــلــي
سـولـف و كـلهـم أبـنـكـم
دمـعـه صـاح و نـشـد عـنـكـم
أبـغربـتـي مـحّـد إلي
أكـلهـم يخـوتي أهــنا يا ولـد عـمّي
غـريب و حـشـمتكـم مـن ثـكل همّــي
يـحزام أضهري البـيكـم أشد حـيلي
فرغ ظهري وشماتـه تـجـمـعت يمـي
وحدي غريب بـلا سـند شسـوَي شسـوَي
والمشكله طبعه الـغدر عـدوَي عـدوَي
والـمـثلي محتـار يـبچـي سكـته
معذور اذا مات من حـسرتــه
والهضيـــمه
~~~~~~~~~~~~~~~~~
خـلّي نـسماتـك تـودّي
حـالي مـن ظَليت وحدي
لا صـديچ ولا أخـو
الحـاير ومـا يمّـه أخـوتـه
أفـضل من العـيشه مـوته
الـموت للـمثـلي حـلـو
كـبل عنـدي صـديچ أنـخاه و ينخاني
يعاوني و ثلث تنعام من هاني
هـسّـه أنه غـريب بحسرة شـلونك
ويـن الله و تـجيني فـزعة أخـوانـي
رايـد أخو ظهري يـجي و يـلزمه يـلزمه
واعـلمه الـخناجر مـن تهد احشمه احشمه
ويلي أعلى الوحيد يا كسرتـه
معذور إذا مات من حَسرته
والهضيـــمه
~~~~~~~~~~~~~~~~~
يا هوه أخذ الحچايه
ولمّن اتلاگيك رايـــه
بيد عبّاس الگــمــر
كلّه ابن عمّك يريـــدك
طاح حمله مدله إيــــدگ
كلّه مكسور الظــــهـــــر
اكلّه وداعتك عَباس محتاجَك
عطشت من الهضم ومتاني امواجك
اسمعهم يگلولي وحيد أَنــتــه
اليوم بسيفنه نگطعلك اوداجـــك
يالما تجي منّك طلب اريده اريده
ياابا الفضل عينك على حميده حميده
من تسأل تگول يَمتَه جــيتــَه … ؟
معذور اذا مات من حسرته
والـهــضــيــمـــه
~~~~~~~~~~~~~~~~~
بعد دمعاتي وسلامي
وي أبو اليمه گَلامِـــي
اهواي أنا مشتاگ ألــــك
تدري بيه شراح احچي
آنه مو من خوف أبچي
ابچي شيصير ابهلگ
عيوني ادموع تجري لخاطر عيونك
تره الرسلوا كتبهم ما ينصرونك
ما مهتم وحكك خل يذبحوني
أنه خوفي يأبو الاكبر يذبحونــك
يا حيرتك يا غربتك يا ضيمك يا ضيمك
منهو اليظل لعيالك وحريمك حريمك
گلبي بچه عليك دم دمعته
معذور اذا مات من حسرته
والـهــضــيــمـــه
~~~~~~~~~~~~~~~~~
من القصر للگاع مرمي
كسّروها ضلوع جسمي
وينسمع عظم اليطگ
فدوه الك فدوه الدموعك
باچر انا ادري بضلوعك
بالحوافر تنسحگ
ميّت وبحبل يَحسّين شدّوني
وتتطشر اوصالي من يجرّوني
بعد حتى الفزع ما يلحگ عليّه
تعالوا عاد من الگاع لمّوني
رايد گَبر أنزل لَـه بالحصيره الحصيره
خاطر تزوره ابنيتي الأسيره الأسيره
واليدري بالگوم تسبي بنته
معذور اذا مات من حسرته
والـهــضــيــمـــه
~~~~~~~~
كلمات قصيدة ياعباس اجيت انخاك محمد الجنامي
القصيدة: ياعباس اجيت انخاك
الرادود: محمد الجنامي
الشاعر: المرحوم الشيخ إبراهيم الديراوي
~~~~~~~~~~
ياعباس اجيت انخاك
ياعباس رد جواب
ياعباس كورت الهموم وجيت الك بعتاب
ياعباس ماني اختك واعتبك يالگلت گومي
بذمتي وجيت من طيبه وياك وتزهي نجومي
ياعباس ريت تشوف هظمي وكثرة همومي
هموم العليّ لو صبت عله يَذبُل تلاشى وذاب
هموم العليّ هم فرگاك همي وهم هظم حالي
وهم فگد اخوتي وفگد الدلال الچان يبرالي
جيت من الخيم عباس الك والنار بذيالي
ما تگعد تگول اختي العزيزه أصبحت بين اجناب
ياعباس يالردتك ذخر للضيج يچفيلي
وردتك گمر ياعباس من يظلم عليّ ليلي
نعم الذخر لاچن غاب مني الگمر يا ويلي
اظلم ليلي ولعب بينا الدهر يهل الشيم دولاب
ياعباس ياصيوان خدري البيك محجوبه
يالبيك السلف مامون وأهله البيك مهيوبه
حتى الشمس لو رادت عله الحي تمر مرعوبه
من هيبتك يالعگبك خواتك بعد ما تنهاب
~~~~~~~~~
ياعباس ياعباس ياعباس ياعباس ياعباس
~~~~~~~~~
تدري الحرم من تنهاب خويه بجال ولياها
ما تنهاب يچفيلي اليسيره بولية اعداها
عيني الما بچت عباس تالي الوكت بچاها
تبچي بدم عليك العين ماتبچي بدمع سچاب
صدگ يالعفت زينب زينب ما تهبط الراس
ما ابچي واهل دمعي وتتشمت بحالي الناس
خاف الوادم يگولون ذلت من عگب عباس
ما اذل رفعت راسي ومن عندي الأمل ما خاب
تخيب الما وفه ليها اخوها وتضل تتهظم
وانته المن وفاك الناس ياعباس تتعلم
من يتقدم التاريخ انته عليه تتقدم
واسمك علم يحسبله الزمان اليمر الف حساب
~~~~~~~~
ياعباس ياعباس ياعباس ياعباس ياعباس
~~~~~~~~~
اخوي انته وكفو ونعمين يالبيك ارتفع شاني
اعله من النجم راسي رفعته أبين عدواني
وفيت بوعدك لزينب حميت حدود صيواني
والعدها اخو مثلك عدها بكل ثنيه كتاب
~~~~~~~~~
ياعباس اجيت انخاك ياعباس رد جواب
ياعباس كورت الهموم وجيت الك بعتاب
ياعباس ياعباس ياعباس ياعباس ياعباس
~~~~~~~~~
كلمات قصيدة يمسافر محمد الجنامي
📜 قصيدة :- يمسافر .
✍ كلمات :- الشاعر علاء عبد الحسين الكربلائي .
🎤 أداء :- الرادود محمد الجنامي .
🖤🍀🍀🖤
بويه بويه حياتي بقهر يمسافر يمهاجر حياتي
بويه بويه حياتي بقهر يمسافر يمهاجر حياتي
🖤🍀🍀🖤
عيني يا مذبوحي مشبوحه لطفوفك
يا حبيبي الغالي و مشتاكة اشوفك
سوده كل أيامي و تسبيح بحروفك
هم تمر بحلامي هم ترجع واطوفك
بويه بويه انتظرك تمر بحبابك يم بابك صلاتي
بويه بويه حياتي بقهر يمسافر يمهاجر حياتي
🖤🍀🍀🖤
روحي ذبلت روحي يحسين بعذابي
ومن نهر دمعاتي ارسملك مصابي
و الهوى يالغالي لو مر اعله بابي
اركض وما اشوفك و ابقه بانتحابي
بويه بويه عليله وصرت اتمنه وبالونه مماتي
بويه بويه حياتي بقهر يمسافر يمهاجر حياتي
🖤🍀🍀🖤
ما غفيت بليلي و بس احسب ثواني
وما اظن ناسيني يا خيمة حناني
لوني لون جروحي و من بعدك تراني
بيش اشدن حيلي و يتمني زماني
بويه بويه عذابي و جرح دلالي جتالي يذاتي
بويه بويه حياتي بقهر يمسافر يمهاجر حياتي
🖤🍀🍀🖤
من رحت يا بويه ما كتلي تعالي
شبيي طك برأسي من هجرك يغالي
بويه من ترجعلي يرجعلي دلالي
وانته أكثر واحد ادريبك بجالي
بويه بويه يروحي وحزن ايامي واحلامي وفاتي
بويه بويه حياتي بقهر يمسافر يمهاجر حياتي
🖤🍀🍀🖤
بويه يبست روحي من شوك انتظاري
و انته يابس ريجك من حر الصحاري
و بويه دمعة ليلي تسلمني النهاري
و دم تصب اعيوني يا لذت مراري
بويه بويه عفتني وصرت ذبلانه عطشانه لهاتي
بويه بويه حياتي بقهر يمسافر يمهاجر حياتي
🖤🍀🍀🖤
يا ترف بجروحه ويا عالم هيامي
راح اصبر روحي راح اختم كلامي
المنحرك يالغالي آنه ابعث سلامي
و يجري دمع اعيوني لمصابك امامي
بويه بويه بعيده وحلم ياخلي ترجعلي نجاتي
بويه بويه حياتي بقهر يمسافر يمهاجر حياتي
كلمات قصيدة حلم ضاع محمد الجنامي
كلمات قصيدة ماي عيوني محمد الجنامي
قصيدة :- ماي عيوني .
كلمات :- الشاعر راضي الفيصلي .
أداء :- الرادود محمد الجنامي .
🖤🔷🔷🖤
يبني وماي اعيوني ... لتخيب اضنوني
مــاغــفــت عــيـنـي ... امساهره اسنيني
لـتـخـيـب اضـنوني ... لتخيب اضنوني
🖤🔷🔷🖤
يابدر ليلي النطرتك كل سنيني ابخلك شمعه
احسب ايامك وتكبر وانه اخلص دمعه دمعه
يانبع عمري الشتلته سنين مو لشهور تسعه
كلبك ايسولفلي عنك من نبض كلبي اسمعه
احسبلك بنفاسي ... كد شيب البراسي
لا تــخــلــيــنـي ... امساهره اسنيني
🖤🔷🔷🖤
تكبر وأمالي تكبر وبنمير احشاي احسك
مره اشمك نفس مره نبض كل لحظه اجسك
حسر تحركني شحلاتك ونه بين اضلوعي احبسك
والده وانسه مشيبي من يطل مصباح عرسك
يا طلت مصباحي ... يا بسمت افراحي
يا يـمـه حـاجـيني ... امساهره اسنيني
🖤🔷🔷🖤
يا حلاتك جرح بيه وبيك ومن يلجمني طاري
يا حلات الجويه منك انه شمعه وانته ناري
تجري و آنه اتبع زلالك مثل ينبوع بصحاري
وين تاليها يجاسم بين تدري ومنته داري
لو تاخذ حسباتي ... خليلي صفناتي
بـس تـســلـيـنـي ... امساهره اسنيني
🖤🔷🔷🖤
وين ياجسام بيه دروب حسباتك خذني
صارت امالك همومي من كثر شيباتي ذني
لا بعد طير اليغرد لاورد لاجف احني
واختفه ترتيل فرضي بين دمعي وبين وني
ياجاسم احجيلك ... ما ادري ابجيلك
اخــنـك ونــيـنـي ... امساهره اسنيني
🖤🔷🔷🖤
شنتظر غير البواجي اشيرتجي الكطعوا نصيبه
وين صارت كلي يبني عرس مصباحه بمصيبه
زهوه وتعدت اكبالي غيم متعدي اشيجيبه
جملوني اهموم فكدك هم سبيه وهم غريبه
جاسم شوفي الدربي ... روحي ودكة كلبي
ويــنــك اويــنــي ... امساهره اسنيني
كلمات قصيدة لو طولت عتابي محمد الجنامي
قصيدة :- لو طولت عتابي .
كلمات :- الشاعر سيد سيعد الصافي الرميثي .
أداء :- الرادود محمد الجنامي .
🍀◼️◼️🍀
لـو طولت عتـابي ... يا زماني
منك سبب عذابي ... يا زماني
ليش انطفه وعني اختفه گمر ليلي
شيرجعه واموادعه هدم حيلي
عمر ضاع بالوداع عمت عيني
🍀◼️◼️🍀
ياعتاب اوياك ينفعني بعد يازمن ادري
تدري بيه عندي بس هذا الولد خاتمة عمري
اچتافي چلت من كثر هز المهد واجرعت صبري
ماخطر يوم اعله بالي
افگد ابني العندي غالي
يازمن كلي شبگالي
ابني علي ابحياتي ... سر وجودي
وآمـالي وامـنيـاتي ... سر وجودي
حلو الطبع وجهة يشع يضويلي
شيرجعه واموادعه هدم حيلي
عمر ضاع بالوداع عمت عيني
🍀◼️◼️🍀
ذكرياته عندي منهه اشكد صور تارسه اعيوني
كبر حلمي وي علي ابيوم الكبر برت اظنوني
لوكلت فگده اعله بالي ماخطر لاتلوموني
يا وكت يثمر اتاني
تعبي ورباي وحناني
لون راح وما اجاني
يرحل بعد رحيله .. كل حسابي
عشرة عمر طويله .. كل حسابي
لأجله عشت بيه ارسمتزتفاصيلي
شيرجعه واموادعه هدم حيلي
عمر ضاع بالوداع عمت عيني
🍀◼️◼️🍀
يامن اليعكوب رديت البصر والدرب شافه
وشاف يوسف والگلب منه ابتشر والحزن عافه
علي اوليدي صوره من سيد البشر بكامل اوصافه
جن بدر غرة جبينه
من علي شمرة يمينه
فارس وثابت يقينه
مثل النبي جماله .. وكل صفاته
من حيدره خصاله .. وكل صفاته
ابچي واون اية حزن تراتيلي
شيرجعه واموادعه هدم حيلي
عمر ضاع بالوداع عمت عيني
🍀◼️◼️🍀
يا وسف عطشان راجع للحرب سلوة اسنيني
ايصيح يابويه جمر وسط الگلب بلكي ترويني
الماي عني ابعيد وابعيد الدرب يانظر عيني
حسين گله بدمع هامي
شبيدي يبني بهالمرامي
انه ضامي وانته ضامي
اشرب دمع عيوني .. ياحبيبي
انه اگطعت ظنوني .. ياحبيبي
ظامي الگلب نارك تشب صحت ويلي
شيرجعه واموادعه هدم حيلي
عمر ضاع بالوداع عمت عيني
كلمات قصيدة ياعباس اجيت انخاك محمد الجنامي
قصيدة :- ياعباس اجيت انخاك .
كلمات :- الشاعر المرحوم الشيخ ابراهيم الديراوي .
أداء :- الرادود محمد الجنامي .
🔶◼️◼️🔶
ياعباس اجيت انخاك .. ياعباس رد اجواب
ياعباس كورت الهموم .. واجيت الك بعتاب
🔶◼️◼️🔶
يا عباس ماني اختك واعتبك يالكلت كومي
ابذمتي وجيت من طيبه وياك وتزهي انجومي
يا عباس ريت اتشوف هظمي وكثرة اهمومي
اهمومي العلي لو صبت عله يذل تلاشه وذاب
🔶◼️◼️🔶
اهموم العلي هم فركاك همي وهم هظم حالي
وهم فكد اخوتي وفكد الدلال الجان يبرالي
جيت امن الخيم عباس الك والنار بذيالي
ماتكعد تكول اختي العزيزه اصبحت بين اجناب
🔶◼️◼️🔶
يا عباس يالردتك ذخر للضيج يجفيلي
ردتك گمر يا عباس من يظلم علي ليلي
نعم الذخر لاجن غاب مني الگمر يا ويلي
اظلم ليلي ولعب بينه الدهر يهل الشيم دولاب
🔶◼️◼️🔶
يا عباس يا صيوان خدري البيك محجوبه
يالبيك السلف مامون واهله البيك مهيوبه
حتى الشمس لو رادت عله الحي تمر مرعوبه
من هيبتك يالعگبك خواتك بعد ماتنهاب
يــــا عـــــبــــاس ... يــــا عـــــبــــاس
🔶◼️◼️🔶
تدري الحرم من تنهاب خويه ابجال ولياها
ما تنهاب يجفيلي اليسيره ابولية اعداها
عيني الما بجت عباس تالي الوكت بجاها
تبجي ابدم عليك العين ما تبجي ابدمع سجاب
🔶◼️◼️🔶
صدك يالعفت زينب زينب ما تهبط الراس
ما ابجي واهل دمعي وتتشمت ابحالي الناس
خاف الوادم يگولون ذلت من عگب عباس
ما ذل ارفعت راسي ومن عندي الامل ماخاب
🔶◼️◼️🔶
تخيب الما وفه ليها اخوها وتظل تتهظم
وانته المن وفاك الناس يا عباس تتعلم
من يتقدم التاريخ انته اعليه تتقدم
واسمك علم يحسبله الزمان اليمر الف حساب
يــــا عـــــبــــاس ... يــــا عـــــبــــاس
🔶◼️◼️🔶
اخوي انت وكفو ونعمين يالبيك ارتفع شاني
أعلى من النجم راسي رفعته ابين عدواني
وفيت ابوعدك الزينب حميت حدود صيواني
والعدها اخو مثلك عدها بكل ثنيه اكتاب
ياعباس اجيت انخاك .. ياعباس رد اجواب
ياعباس كورت الهموم .. وجيت الك بعتاب
يــــا عـــــبــــاس ... يــــا عـــــبــــاس
كلمات قصيدة انه والاحباب محمد الجنامي
قصيدة :- انه و الأحباب .
كلمات :- الشاعر علي عويز الشويلي .
أداء :- الرادود محمد الجنامي .
🌹💙💙🌹
آنه و الأحباب •• بيناتنه اتراب
لاون يردهم لا دمع لا صايح
لا همه اجوني ولا اني الهم رايح
بيناتنه اتراب •• بيناتنه اتراب
🌹💙💙🌹
رحلة حزن يا دنيتي من الصبه امتعبتني
ولا مره خلتني ابتسم بس اشكثر بجتني
مصباح عيد الله فرح وبالمگبره امگعدتني
كلمن عزيزه اوياه اجه و الوحدي امخليتني
يا دمعتي المات •• يرجعلي هيهات
اشمحلاته عيدك ويه ناس اتحبهم
بس الگبر ما يرضه اليه ايردهم
بيناتنه اتراب •• بيناتنه اتراب
🌹💙💙🌹
يالعفت زينب تنحب الشيل الجدم ماتگوه
ضيعت طولك و الحجي وجلمة البويه الحلوه
من غير وجهك يا علي دنياها أبد ما تسوه
لا ردك اعليها البجي لا بعد روحي و فدوه
بس شوفك اتريد •• يا بويه اجه العيد
المن صباح العيد افتح بابي
عيد المبارك راحت اويه احبابي
بيناتنه اتراب •• بيناتنه اتراب
🌹💙💙🌹
عايف اخواتي يا علي وإمي أمس عافتهم
مصباح عيد الله بچوا و محد مسح دمعتهم
و الدار لا بيها ابو لا أم اجت حضنتهم
الناس تتعايد بقت و إخواني ابگعدتهم
گمت الطم العين •• و اشبك بالحسين
من الدمع عالخد سوالف نسمع
خلوني اجري لن علي ما يرجع
بيناتنه اتراب •• بيناتنه اتراب
🌹💙💙🌹
المات ابوها من وكت حتى الانفاس اتونها
ايموتها ليليه البعد و وجه الصبح يدفنها
اتضيع البنيه اذا و الدها ضايع منها
لا راسها ايمسحه ابعطف لا يگعد و يحضنها
اتطيح و اتگوم •• و اتشم بالهدوم
تتخيله جاي و تضل تتنطر
و اتمد اديها اتحضنه بس تتذكر
بيناتنه اتراب •• بيناتنه اتراب
🌹💙💙🌹
اتمنه بابك بالحد ابهالمطلب ايساعدني
تنفك لبوي امن الصبح بالعيد و ايعايدني
عيديه ينطيني حضن و نتمشه و ايگاودني
و العصر يرجع للگبر و أنا اعله حزني اتردني
ايرجعه مو دوم •• اترجيته بس يوم
بالطيف راويني العزيز اتوسل
بس من يجيني و ارد اسولف يرحل
بيناتنه اتراب •• بيناتنه اتراب
كلمات قصيدة اتنفس علي محمد الجنامي
قصيدة :- أتنفس علي .
كلمات :- الشاعر وسام الشويلي .
أداء :- الرادود محمد الجنامي .
🖤🌹🌹🖤
وداعة جفوف العباس / لو تجتمع كل الناس
و اتگـلي عوف الـكرار / ماعوفه حد گطع الرأس
بالنسبه الي اتنفس علي وهوه نور العيون
طاهر مولدي وحبه شاهدي موتوا يالتكرهون
🖤🌹🌹🖤
هذا قسم بي مو قسم تهتز اله الديره
و اشكثر عندي غاليه بجفوف ابو الغيره
بكامل قواي احجي بصدق لا شك ولا حيره
للموت ما اترك علي ولا اقبل ابغيره
نظيفه يا فطرتي اسمعي يدنياي
دليلي بهذا الحجي احبن علي هواي
و احب اليحب علي و اريدنه وياي
تدرون منهو المسكين / والي خسر دنيه ودين
الماعنده للحب إحساس / المو من علي ماخذ طين
الله الشكر حبيته افتخر و الوادم يعرفون
طاهر مولدي وحبه شاهدي موتوا يالتكرهون
🖤🌹🌹🖤
يالناشدت شنهو السبب ما حبوا الوالي
البالنصه مشكلته العلو وتدري ابعلي عالي
النفسه رخيصه بيه طبع يكره شكو غالي
وما تلگه اغلى من علي دورها للتالي
إذا واضح السبب علي منهو عاداه
و الا ماينكره علي شنهو سواه
هينئا للي يحي علي ويبقى وياه
جنه علي وبغضه النار / والعقله صاحي شيختار
لا والله حتى المجنون / وي خصم حيدر ماصار
حاقد جاهلي اليوگف ضد علي وايسمونه ملعون
طاهر مولدي وحبه شاهدي موتوا يالتكرهون
🖤🌹🌹🖤
ميثم مثال اهل العشك ظل عايش ويانه
ما گطع حب المرتضى من گطعوا السانه
عالشجره من دمه كتب عاشك علي انه
هاي المواقف خالده وينه ابن مرجانه
نطانه ميثم درس يظل بينه محفوظ
علي وما غيره ولي نعم غيره مرفوض
معارك غيره وشرف لجل حيدر انخوض
كلمن الحيدر ماراد / هذا مثل ابن ازياد
لتكلي قصة تاريخ / هيه المواقف تنعاد
اليكره مو عبث أمن اجداده ورث وانه بيه تدرون
طاهر مولدي وحبه شاهدي موتوا يالتكرهون
🖤🌹🌹🖤
هوه علي اشبيه ينكره منهو اليرد هايه
قرآن كل عمره انوصف آيه اباثر آيه
هم يوم شارد من حرب هم خجل الرايه
هم يوم طلعت عالنبي بالسوء إله حجايه
فده روحه للنبي توسد عالفراش
إذا مو مواقفه الشرع لحظه ما عاش
علي سيره واضحه نعم خصمه غشاش
يالي فزت بالتزوير / عندك قصر بالتفكير
ماعندك امن الله جناح / بالعاصفه شلون اتطير
ليش اتورطت توگع يالطرت ما اتبعك يمجنون
طاهر مولدي وحبه شاهدي موتوا يالتكرهون
🖤🌹🌹🖤
گالوا تحب ميت گلت هالحجي ما يسمعه
الميته ضمايركم علي ياموت اليمنعه
صح جسمه بتراب اندافن بس العلي رجعه
الميسم ابايده و الگصص بيها يحط طبعه
علي تدري شالسبب يسمونه كرار
تره مو بس بالحرب بهذا الاسم صار
كثير الرجعه علي يكررها للثار
بالدنيا حيدر مولاي / بالموت موجود اوياي
وسط الگبر يسطع نور/ بالعطش يسگيني الماي
حيدر بالحشر لحسابي ذخر بسمه شدتي اتهون
طاهر مولدي وحبه شاهدي موتوا يالتكرهون
كلمات قصيدة جم علامه محمد الجنامي
قصيدة :- چم علامه .
كلمات :- الشاعر وسام الشويلي .
أداء :- الرادود محمد الجنامي .
🌹💛💛🌹
بويه بمشيتك چم علامه
بيها مصايب عاليتامه
ما ظن طريقك بيه سلامه •• بيه سلامه
🌹💛💛🌹
يالناوي تگصد مسجدك •• گصر مشي خطواتك
هالليله صلي بمنزلك •• و آنه افرش امصلاتك
يابويه حالك مختلف •• و اتسولف ابنظراتك
من هسه جنك منهدم •• يا خيمة ابنياتك
والله يبوبه مدري شحجي
مو بس عيوني كلبي يبجي
شو جنها ميتة الابتسامه •• الابتسامه
🌹💛💛🌹
حتى الطيور اتلكتك •• و اعليك اسمع طايح
اشرن بالجنحان الك •• و ايكولن المن رايح
كلبي مثلهن ظل يرف •• حسيته يمك طايح
لا تبتعد عنك علم •• بفراكك شكد جارح
خلفك انادي وي طيورك
غايب فرحنه بلا حضورك
دنيانه بعدك بس ندامه •• بس ندامه
🌹💛💛🌹
مأزرك بالباب انفتح •• و انته تغير لونك
معناها ارجع يا علي •• زينب تموت بدونك
تشدد حيازيم الأجل •• و اتصد علي بعيونك
وللمسجد أملاك السمه •• تسمعهم اينادونك
گلبي اويه بابك من تفتحه
محد يسده و يبقى جرحه
ما يلكه بعدك إلتئآمه •• إلتئآمه
🌹💛💛🌹
خطواتك ايرسمن جرح •• بس ياجرح باحساسي
وكل ماقرب وكت الفجر •• تبتعد عني انفاسي
محد ضربني بس طحت •• واجفوفي لزمت رأسي
وحسيت صرت الوحدي •• وراحوا هلي وكل ناسي
يابويه اشعر حل مصابي
امن الليله بيدي كل عذابي
احچي ويه روحي بالملامه •• بالملامه
🌹💛💛🌹
بويه اعله طولك من رحت •• رديت الي ايتچولك
مهدوم يالطبعك جبل •• گصران كلش طولك
ياريت ميته ولا شفت •• سيف اللعين ينولك
زينب يبو زينب بعد •• عن حالها اشيحچولك
عمري ويه دمك شفته طايح
من هسه احسب كلشي رايح
ليلي بغيابك ما أنامه •• ما أنامه
🌹💛💛🌹
جدامي من اتمددت •• إيست من اسنيني
واعرفت من دم هامتك •• دنياي شتراويني
هالموت لمن يا خذك •• يا والدي اشينطيني
غير المصايب والهضم •• والدمعه حمره بعيني
بعدك تجيني چم مصيبه
اينادوني زينب يا غريبه
دهري ينزل انتقامه •• انتقامه