📩

قصائد ولطميات مكتوبه

  لطميات مكتوبة اكثر من 100 لطمية مكتوبة لشهر محرم الحرام لكل المناسبات

القصيدة 1

يـّم البنين على العهد 
مـا نترك العتـــرة أبـد 
**** 
حصراً ألــچ الله الكرامة أنطــاها 
الله لإن وآفـــت علــي وآفـــاهــا 
خايب أبــد ما يرجــع الينخـــاها 
بيــچ الخلائق حكَهــــا من تتبـاها 
خَـله دُعائچ لا يُرد      ما نترك العترة أبـد 
 ****       
تاريخــچ بأنبــل مواقف حافــــل  
هاي الحقيقة وبيها أبد ما جامـل 
نقاتل على أهل البيت مثل الكافل 
أرواح ننطـــي والوطن يستــاهل 
نصون المراقد والبلد     ما نترك العترة أبـد 
 ****  
حيدر علي مو عبث من اختارچ 
 هيـچ الله ويسجلنه من أنصـارچ   
ويالمهدي يمته نصير من زوارچ  
يبني المنارة وتضوي بيها أنوارچ 
عدنه شكثر رايد عدد      ما نترك العترة أبـد 
 ****       
أكثـر شخص يعرف مقـام العترة 
بتضحيتچ انتي على البشرمتصَدرة 
بأربع ولِـــد ضحيتي لبــن الزهـرة 
يبنــولچ المفروض أكبــر حضـرة 
وزوار كَبرچ لا تُعد      ما نترك العترة أبـد 
 ****      
أنتــي جبيـــرة والفضــاء شويــة 
عــد الله وآل المصطفــى مرضيـة 
مـاتت لأن زينــب مشـــت مسبية 
مــو أربعة تمنيتـــي ولدچ ميـــة 
لو عندچ أنطيتي بعد      ما نترك العترة أبـد 
 ****      
لوما علــي مالــچ كفــو بهاالعالم  
كلشـــي بتفاصيلچ ويـــاه توالـــم 
من شفتي حُب حسين يحتاچ الدم 
كَتيلـــه انيطــك شكـــر لا تهـــــتم  
يلي عطائج ماله حد      ما نترك العترة أبـد 
 ****      
عندچ ولِـــد من شيعتچ عالساتر 
حَشمهم المَرجــــع وكَالــو تامــر  
مذهبكم بكــــل زمـن رايد ناصــر 
جاهز حشـدنه خل يــرد العـــاشر 
راعبهم بهيئة أسد      ما نترك العترة أبـد 
 ****      
يّــم البنين علـــى العهد تلكَــــينه 
وآحدنه ينطي منحرة على حسينه 
رادو يذلـــــونـــه ولا ذليـــــــــنه 
لرض العراق شكَد شبــاب أنطينه 
للمهدي كل شيعي أستعد     ما نترك العترة أبـد 
 ****   
هــاي المواكب والعزة يظل دائم   
ما ينتهـــي حتى ظـهور القـــائم   
أعظم بشــر يوم القيــامة الخادم   
الله يحشـــرة هنــاك وي القـــاسم 
 متيَــقن بهالمُعتَــقد       ما نترك العترة أبـد 
 ****      
حيدر حسين الكَرعاوي

القصيدة 2

     برابع ليله...........برابع ليله 
     يـنوح المـهدي بـرابع ليله

==========================
1️⃣
     الوفيـه الطـاهـره الـحره
     وإم الاربــــعـه الــوفــت 
     كـعـدت تـنـتـظـر بـيـهـم 
     تـبجي دمـوع مـا كـفـت 
     على أعتاب الصبر تندب
     حـزينـه من القهر جـفت
      وتــــعـنـاهـا أبـو صـالـح 
      المصايب علجفن صفت
                   ~~~
     برابع ليله...........برابع ليله 
     يـنوح المـهدي بـرابع ليله
==================
2️⃣
     وفـيه وقـدمـت كـلـشي 
     وبقت مهضومه تتحسر 
     كــالــتلـك يـــبـو الـيـمـه 
     هـذولـه مـو ولـد عـسكر
     عبد الله على الـصـعبات
     وعـثمان الوفي وجـعـفر 
     اخذ واحد يعادل جيش
     أبــو فــاضـل أبـو الخدر 
                  ~~~
     برابع ليله...........برابع ليله 
     يـنوح المـهدي بـرابع ليله
==================
3️⃣
     بـشـر يـنعـاهـم بـحـزنـه
     وهـيه تـسمعـه مـحتاره
     عافت كلشي بس رادت
     حـسين الغالي واخبـاره
     واشوفه المهدي واساها
     حـضر ودمـوعه تتجاره
     الـــف شــكـراً يـكـلـلـهـا
     عـلى مـوقفـها واسـراره
             ~~~
     برابع ليله...........برابع ليله 
     يـنوح المـهدي بـرابع ليله  
==========================
     الشاعر  محمد خشان ✍️.               

القصيدة 3

منهاج محرم الحرام 1447 هـ 
لمولاتي أم البنين (عليها السلام) 
موشح

اوصــــيتي يولادي اريد اوصيها
بســـــم رب حســين راح ابــديها

شيبو راس الطف واصـبغو بالدمه
ولـو وگعـتو بشـده صـيحو فاطمة
صگـور أريـدنـكـم تغـطّـون السـمه
گلــــبو ســـافلهـــا الارض عــاليها
_1____

عــون جـعـفـر مـا أوصـيـكـم بـعـد
لــو وصـلتو الطـف انـزلو كـالـرعـد
اليلگه ابو السجاد من عنده شفگد
الدنيــا كـــلها حسينـــكم ضـاويها
_2____

يــمـّه عـبـد الله أنه ادريبك كـلف 
كـون بـالطـف بأسم حيدر تنعِرف
من تدوس الأرض أخسفها خسف
والاعـــادي بـخـــــزرتك أمــحيها
_3____

أجـه دورك ياابـو فاضل واستمع
لا تـخـلّي گـلـب زيـنـب ينـفـجـع
الــهوه لــو غثـاهـا طِك منّه ظلع
زينبك طـول الــــــدرب بـــاريها
_4____

لو عطش مر بالخيم يبني الحـنـين
سمـي بـسم الله وبـأسـم الحـسـيـن
وجيب شط العلگمي وانطي الادين
والشـــــريعه اعله الخـــــــيم بدّيها
_5____

حســين سـيدكـم وواجـب طـاعـته
الخـدمـه ذلّـه بـس عـزيـزة خـدمته
صيـرو أيـده اليـمنه واخذو چـلمته
حـچاية الله حــــسين من يحچيها
_6____

#رزقهم_سلام_الله_عليهم 
#احمد_رزاق_الاعرجي

القصيدة 4

ليلة 4محرم الحرام (أربع ولد هديه)

أربـع  ولد هــديــه. 
من خادمه وبدويـه

فدوه العمر وأولادي  بدمعي أكتبت ميعـادي
                 اربع ولـد هـديه
ــــــــــــــــــــــــــــــــــــــــــــــــــــــــــــــ
أم البنين ودمعتي  تغرك أسـفوح العالي
 لمن مشه ضعنه ورحل أبني الحبيب الغالي
وحدي صفيت بهل حزن روحي صفت تنعالي 
أربـع ولد كلهم فدوه وسـالم يريت الوالـي

              سالم يـــرد الـبيــــتي 
             حسين الصبح عافيني 
 كلبي نمرد وفوادي   بدمعي أكتبت ميـعادي
                 أربـع ولد. هديه
ـــــــــــــــــــــــــــــــــــــــــــــــــــــــ
كلبي نمرد يافركته ياجرح ذييج الفركه 
روحي بهجر أبني تره خيمة وصفت محتركه
أنحب وأنوح بدمعتي والشهكه مره الشهكه 
بطيف لحلم ريته يمر وأشتم عطرها الشبكه 

            حــتى بحلم فــاركني 

           حسـين المـشه وعذبني  

يبني النبي والهادي  بدمعي أكتبت ميعادي
                    أربع ولد هـديــه 
ــــــــــــــــــــــــــــــــــــــــــــــــــــــــ
أحوالي من بعد المشه مو زينه والله أحوالي
ماهمني فكد الاربعه  وحسين شاغل بالي 
من المسه الحد الفجر غيمه دمع تبـرالي 
صعبه الحياه بغيبته  شلون الطعم يحلاالي

         سوده الحياة  أبدونه 
         حسين وجمال اعيونه

والساني بسـمه ينادي  بدمعي أكتبت ميعادي 
              أربع ولد هـديه 
ــــــــــــــــــــــــــــــــــــــــــــــــــــــــ
يايمه الوطال الهجر وبيكم تطول العوده
لا تسأل الروح أشبكه روحي صفت ممروده
كلشي ينوح الونتي والدمعه الي مشهوده
يمــته ترد من البعد.  بطور الحزن مكيوده 

        بطور الحزن انعالك
        يالمـاترد شـحوالك
فكدك تره موعادي  بدمعي أكتبت ميعادي 
           أربع ولد هديه 
ــــــــــــــــــــــــــــــــــــــــــــــــــــــــ
ماكو خبر لن الخبر  حين الوصل الدياره 
ناعي السلف المن دخل ضليت أنه المحتاره
ياأهل يثرب لا لكم   ناده بدمـع مداراره
مكطوع نحره.ومنذبح  حسين هاي اخباره

          يمه أركظت وصلـته
         وعن المشــــه سألته 
مكطوع نحره ينادي   بدمعي أكتبت ميعادي 
              أربـع ولد هـديه
ــــــــــــــــــــــــــــــــــــــــــــــــــــ
الشاعر الحسيني
مرتضى مكطوف الموالي

القصيدة 5

دگت  ام عباس بالطف ثاية 
وصارت ابطول الزمان احجايه

وعدت ابعباس مادگت صدر
وقدمت قربان لحسين العمر
بدون وجه احسين ماتسوه الحياة
مره وما خلت لبو اشوارب عذر

صاحت اكبال المله    اربعتكم فدوه اله

برايي لا تمشون وامشو برايه
وصارت ابطول الزمان احجايه 
____
كتبت التاريخ بجفوف الشمس
وعلمت عباس هوني يانفس. 
وعلمتنه من البطن صنع الرجال. 
المره بيها الروس تعله وتنكس

والمثلها امعدلها    زلم تنطي الكربله

حرمه ما تخله من اسمها اولايه 
وصارت ابطول الزمان احجايه 
___

النار حرمه والولد يطلع لهب
ومعدن العباس من امه الذهب 
الغيره بيه أمأصله من امه وابوه
كحيله والخيال قتال العرب 

جان اسمها فاطمه   وعدي علي صارت سمه 

وجابت ازلام الوغى الوفايه
وصارت ابطول الزمان احجايه 
___-

دگت ام عباس بالطف الاسم 
ولعلوها ينفهگ راس النجم
شافت الدنيه غبار اليعمي عين. 
الموت وي حسين احلى من الحلم 

مابچت عالاربعه   عله احسين املوعه

والجروح البيها تدي اهوايه 
وصارت ابطول الزمان احجايه

___
انطت  ام عباس لحسين الولد
والكريم التكرمه بافضل يرد
باب حاجه ومنزله وانطاها صيت
والها تسهيل الامر نقره الحمد

هاي نعمه الواضحه     حط بسمها الفاتحه

هاي بالدنيه الفضائل هايه
وصارت ابطول الزمان احجايه 
____

واحنه يم عباس جيناچ ابدمع
وانته تدرينه الحجي الما ينسمع
نوخينه ابابج ونقسم عليج
بشيبة  حسين وكسر ذاك الضلع 

ماد ايدي ودمعتي    وانتي  ادره بحالتي 

وانتي الماي الوجه شرايه 
وصارت ابطول الزمان احجايه 

الشاعر فيصل المياحي

القصيدة 6

نزلة ام البنين عليها السلام 

للوفه صح امّهات هوايه 
ماكو مثل ام الگمر وفايه 
٠٠٠٠٠٠٠٠٠٠
ماكو مثل ام الكفيل بكل زمن 
فاقت الحرة بوفاها عله الوفن 
ضحّت بأربع ولد لمّ الحسن 
فاطمه ام ابوفاضل هايه 
٠٠٠٠٠٠٠٠٠٠٠
فاطمه ام ابوفاضل عارفه 
ماكو منها بالسخاء وبالوفه 
سيّدتها فقط بنت المصطفه 
فاطمه الزهراء أعظم ايه 
٠٠٠٠٠٠٠٠٠٠٠
من مثل ام البنين امن النِسَه
للوفه وللطيب صارت مدرَسَه 
لأن جانت للحُسين اتقدّسَه 
الله شرّفها ورفعها لهايه 
٠٠٠٠٠٠٠٠٠٠٠٠٠
لجل ابواليمه الذبيح بنينوه 
ضحّت باولادها كلهم سوه
للنهر عباس من طب ما روه 
اتذكّر امّه الوصته بحچايه
٠٠٠٠٠٠٠٠٠٠٠٠
اتذكّر امّه وما شرب ماي النهر 
من وكع عالمشرعه دامي الگمر 
حسين من يم الخيم ظهره انكسر 
بطيحت الكافل تطيح الرايه 
٠٠٠٠٠٠٠٠٠٠٠٠٠
من اجاها الناعي وگفت سألته 
عن ابنها بالطفوف وفزعته 
گلها وفّه بالعهد من ندبته
زينب وسوه الطفوف ادمايه 
٠٠٠٠٠٠٠٠٠٠٠٠٠٠
فرحت بتضحيت ابنها وزوده
لزينب العباس وفّه عهوده 
چفوفه وجروح السيوف شهوده 
الغايه يرضي حسين اشرف غايه 

سيد زيد الفحام
محرم ١٤٤٧هـ 
____

القصيدة 7

#مجالس_محرم_الحرام 1447 هـــ
مولاتي ام البنين ع  #نزله

🔹🔸

وفايــــــــه     الاربــــع ولــــد    وفايــــــــه 
ــــــــــــــــــــــــــــــــــــــــــــــــــــــــــــــــ
عفيــــه بولادي الغيــاره الصلو ابحر الشمس
عفيــــه لو طبو معــارك يمهم الكــل ينخلس
فــــوك سقف الوفه جانو للحــرب خلـو درس 
الهوه العدهم حسيني حسين عدهم بالنفس 

بالرايــــــه     وخطها الكمر     بالرايــــــه
ــــــــــــــــــــــــــــــــــــــــــــــــــــــــــــــــ
الهوه البلريه كــــاذب بس ابو اليمــه الصدك
دكت اطبول المعــــارك والكلب الهـــا يــدك 
بالمدينه وبيهم افخــــر انطـــي وين اليحترك 
واعــــرف اشخلفت انه وشزرعت من العشك 

دك ثايــــه     صيت العشك     دك ثايــــه 
ــــــــــــــــــــــــــــــــــــــــــــــــــــــــــــــــ
اعــرف ابــــذرة عشكهم ذوله ولدي معدلين
اعجنت طينتهــــم انــــه بالـــــولاء وللحسين
خدام ظعن الحره ولدي هذا تعلـوم السنين 
الكلــــب ينبض وفــــاءاً مايــــدوم الا الحنين 

وكفايـــــه      بسيف الزلم      وكفايـــــه 
ــــــــــــــــــــــــــــــــــــــــــــــــــــــــــــــــ
الكلب نبضاتــــه زينب نقشو احــروف الأسـم
انكتبو بتـاج الشجاعـــه مــــن بنيني والنعـــم 
اعــــرف اشّرَبـت جفوفــــي الينبني والينهدم 
العقيلــــه والعقيلــــه والخيــــم هـذا المهم 

بحجايــــه     وكالــــو نعم      بحجايــــه
ــــــــــــــــــــــــــــــــــــــــــــــــــــــــــــــــ
احرثت كــــاع المراجـــل طلعت لب الحرب 
ابطال كلبوها المعــــاره ثكلــو دوس الدرب 
الحومه يم اجدام ولدي اتموت كلها بالرعب 
ســــور لخيــــام العقيله اليدنـه ليها ينشطب 

سلايــــــه     ابعين الخطر     سلايـــــه 
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

القصيدة 8

محرم1447ه‍-2025م
قصيدة الليله الرابعه (طور كربلائي)

صوت أم البنين يصيح    يبن حذلم ردت نشده 
انشدك عن ابو السجاد     رد لدياره لو بعده 
★★★★★★★★★★★★★★★★؛

لمّن رد ابن حذلم          ينادي والگلب مالوم 
يهل يثرب يهل يثرب    ما الكم مقام اليوم 
اجته ام الگمر وتصيح     يغاتي شعندك من علوم 
اسألك ردت عن حسين 
ترى گلبي انجسم نصين 
جاوبني ينور العين 
ترى اني هواي مشتاقه    وراهم طايحه بشده 
★★★★★★★★★★★★★★★★؛

يگلها عظّم الله اجرچ      عبدالله وگع بالبر 
ومن بعده ترى عثمان     ظل أعلى الثره موذر 
يالحره وترى الثالث       اخبرنچ وگع جعفر 
صاحت والدمع بادي 
بشر گطّعت افّادي 
ما انشدك على اولادي 
على حسين النشد كله    اشتاقيت انظر الخده 
★★★★★★★★★★★★★★★★؛

يگلها عظّم الله اجرچ    عباس انطفه نوره 
گطعو يسرته ويمناه      وعينه بسهم محفوره 
وظلت من وراه زينب    يَم عباس مكسوره 
التوت والروح مچويه 
ترى اني حيل ما بيه 
اهم شي حسين طاريه 
اريدن خبر عن حسين     بلكي تگول بيه رده 
★★★★★★★★★★★★★★★؛

صاح ودمعته تجري     اخبرچ بيش يالحره 
اخبرچ راح ابو السجاد    والحافر طحن صدره 
ما منه كتر سالم         وگطعو من گفاه نحره 
ترى والخيم حرگوها 
والنسوان سلبوها 
ولارض الشام ودّوها 
ردولچ حرم وأطفال    والسجاد ظل وحده 
★★★★★★★★★★★★★★★★؛

صاحت يبني يالمذبوح    يالچنت الهوى لَيه 
متانيتك ترد كل يوم       چا ليش اگطعت بيه 
خليت الالم بالروح         من نورك گطع ضيه 
وتحيرت مذهوله 
كلهم موته معقوله 
وياهم ريت مقتوله
قبل هاللحظه لو ميته    ولا اعيشن بعد مده 
★★★★★★★★★★★★★★★★؛

راحت تصرخ الزينب      يا يمه البگه براسچ
انا اسمعت وانذهليت     چان شلون احساسچ
وشفتيهم بشوف العين   كلها مذبحه ناسچ
شلون انتي تحملتي 
حيود أعلى الأرض شفتي 
شكبر صبرچ وما متي 
صبرچ ما تحده حدود     رغم همچ عبر حده 
★★★★★★★★★★★★★★★★؛
جعفر عطيه البزوني

القصيدة 9

قصيده الئ مولاتي العليله ع 

بويه تجرحني يساعات الوداع
وانه بعدك عشت عمري بلظياع
رايح وياراحه من بعدك الي
مامحسبه انه اظل بلا هلي

منو مثلي يانام اليل بين اهله ومحنتهم
ويفز جرحه ابصباح الله ويظل يبچي اعله لمتهم
الچانو بلسم الجرحي وين الدنيه ودتهم
حجر سبحه عله ظهر الماي هيچ الدنيه طشرتهم

منين اجيب الحيل وركظ للخيام
وگمت ادور طارش يوصل السلام
يادموع العين علخد رتلي
مامحسبه انه اظل ابلاهلي
///(((((////////////

انه اول جرح لحسين حاچاني بدمع عينه
اثاري بل بعد يدري المسافه البيني والبينه
اشگد حاولت اقنعنه وگلتله من المرض زينه
بچيت وادري موبيده وموطبعه يبچينه

انه مازعلانه عنك راظيه
وگعد ابچي اعله السنين الماظيه
محسبه اروح وياك وعطش ونسبي
مامحسبه وحيده اظل ابلا هلي
////////////////////

تعال الخاطر العشره ولو ساعه ارد اشمنك
موبيدي البعد كتال يبويه اهواي احبنك
وجيب اوياك اخياتي العزاز اليشبهنك
يوميه اعله باب الدار اليه جاي ارسمنك

افراگك الكاتل  تره هداني
لازمه الباب ابدمع خلاني

نوحي ياروحي بعد وتحملي
مامحسبه اوحيده اضل ابلاهلي
///////////////////////

الجرح موسالفه وصوره الجرح لچمه ابأثرلچمه
انتظار وجرح المفارگ بطفهم تجرح النسمه
گالولي هلچ ماتو والخيمات متهدمه
حسيت اليتم والظيم العلي مايوم متعلمه

يعني ايس مايجوني الراحو
عله التراب اعزازي كلهم طاحو
 يازمن عندك جروح اتظم الي
مامحسبه وحيده اضل ابلاهلي
///////////////////////////

بعيد اعليه صار الطف مسافة زينب وتلهه
ابكثر ماعثرت وگامت ابلچمتي ماشفت حلهه
اسهامك بويه  اتمنه ابنص كلبي وصعب فلهه
وكون احبال البزينب تشد اچفوفي وتهدهه

وين عبدالله ورقيه اخواني
بويه والله افراگهم سلاني
لحضه منهم ماگطعت انه وعلي
مااحس اوحيده اضل ابلاهلي
//////////////////////
الشاعر سلام البهادلي

القصيدة 10

انه العليله.          انه العليله

انه بالحزن ضليت چا ياهو اليداريني
عني من مشو الاحباب عليهم هالعمت عيني
شتاني وانه بس هموم عليه ومن يداويني
مشتاگ الگلب مشتاگ ألهم من يوديني
انه العليله.          انه العليله

سجاجين الهجر طرن دليلي وزادت العله
من گوطر ضعن أهلي وگليبي بعد شله
أموت أحسلي يا روحي أموت وموتتي احله
ما اتحمل هجر انه كل ساعه الدمع هله
انه العليله.         انه العليله

سجه صارت أبابي بكد الروحه والرده
أسأل رايح وراجع ومحد ينطي النشده
ما شفتو ضعن اهلي تركني وهالمشه وحده
ياهو الظلي أبداري بس الحسره والشده
انه العليله.        انه العليله

ظلت حسره أبگلبي جي ما خذوني انه
اكظي الليل بدموعي ونهاري كله حزنانه 
الفارك اهله خله يموت لو سد وكته بيبانه 
الهجر يكتل يهل بيتي جم دوب ابقه سهرانه 
انه العليله.      انه العليله 


من كَد الصبر مليت  عالفركَه بعد ما أصبر 
أتاني جية أحبابي وعلى باب الأمل انطر 
 شيفيد الصبر ياناس مابيه بعد لا أكدر 
غريبه بلا وطن چني  يوميه أموت أكثر 
  انه العليله.         انه العليله 

 أصبْر روحي وأتامل ياساعة ويجون اهلي 
بعتبة بابي اتحسر  واشوف اليمشن بحلي 
چا يمته يرد الراح عگبكم انا وشألي
عليه والدمع شاهد وانا مفاركة خلي 
انه العليله.          انه العليله 

 ل اسعد الناصري

القصيدة 11

ودعوني والكلب مني انفطر
                ودعوني وانه مشتعله جمر
###########
الفاكـــــــــــد احبابه يخلص وكته اه
محد يصبره ولا يوكف معــــــــــــــاه
يكضي عمره مدوهن ومدري شدهاه
مثل طفــــــــل بصحرا عن احبابه تاه
شلون حاله العاش عمره بلايه اهل                                  
              شلون حاله والعشك روحه رحل
  شلون حاله فاگد يخلص العمر
###############
زغيره وگدار الحزن كلش چبير
بيا گلب انه احتمل هذا المصير
يا حبيبي روحتك مثل السعير
ومن عرفتك للهجر وكتي گصير
سنيني راحن من رحل عني المحب                                            
              سنيني راحن خلصن بشلعة گلب
               سنيني راحن ابين ونات وقهر
###################                     
         مثل دمعة بنص بحر عمري يضيع
          يافكـــــــدكم ياهلي مصابه فجيع
      لا علي ظلالـــــــي ابو الخلق الرفيع
      حتى من عيني خـــــذو نور الرضيع
بلكي سلوه يبقى وياي الولد                                            
                  بلكي سلوه والعشكته منفگد
بلكي سلوه مابقى عندي صبر
#####################
شلون حالي وانه بجروحـي اهيم
وليلي من يدنه يخلص كـــله ضيم
يا علي صحته وندبته لحملي جيم
وانت تدري ياعلي بحـــــــال اليتيم
واليتامه مني تتعلم حــــــــزن     
               واليتامه نارهــــــــم بيه دون
             واليتامه لحالتي الكل انكسر
####################                          
            ياحبيبي البل كلب خـــذت المكان
         هم تظن انساك لــــــو انسى الحنان
         صح وداعك ما اجــه بأفضل اوان
      خله غصه بگلبي مادام الزمــــــان
كون ميته ولا اودع مهجتي
                كون ميته ويمى تبكى جنازتي
              كون ميته ولا شفت هذا الامر
###################                       
                     ونسألكم الدعاء والتوفيق


لخادم ال محمد عليهم السلام
  الشاعر حيدر كاظم الساري

القصيدة 12

 نزله  للعليله

صاحت بدمعه العليله 
سفرته صارت طـويله 
-------------------------------------
سفرت الوالد طويله وبيها يحتار الكلب 
والكلب ماليلة يهده والدمع ماي ويصب 
ماطبك جفني بوساده وراقبت انه الدرب 
امنيتي يرجع من غيابه وشحلاته من يطب 

 يرجـع وانه اندعيلة 
صاحت بدمعه العليلة 
-------------------------------------
والهجر عذب كياني ابجي وبحركه وشجن 
ابجي الفراك الحبيب السافر وعاف الوطن 
ابجي السكينه ورقيه من مشن ويه الضعـن 
عيوني يالغالي بغيابك من دمعهن ماهدن 

وبهجر شوفك نحـيلـة 
صاحت بدمعـه العلـيلة 
------------------------------------
وين اشوفك ماتمرني حته طيفك عني غاب
شابحه عيوني الدربكم والأمل شو بيه خاب  
مااجــه مرسـالي بويه ونتظر انه الكتاب 
من انادي حسين وينك  مايصح إليه الجواب 

والكـلب فــارك خليـلة 
صاحت بدمـعه العـليله
-------------------------------------
ع الأمل صار نتظارك بويه وينك ياحسين 
ماترد خليني اشوفك أنته ويـن وانـه ويـن 
حسبت وياك اروحن ونسه علتي والـونين 
زادت العله بغـيابك  ياجرح هـاي السـنيـن 


ليلة أموت أنه ع ليلة 
صاحت بدمـعه العليلة 
-----------------------------------
كلي شيهود العليلة لـو يحل وكته العصر 
كاعده بكوسر ثنيتي وسأل الجاي ويـمر 
خاف اموتاً بويه انه وتخلص أسنين العمر 
من أعاتـب وشتكيلك والله ارجوك العذر 

من أحن انه اشتكيله 
صاحت بدمـعه العليلة 
-----------------------------------
مرتضى مكطوف الموالي

القصيدة 13

محرم 1447ه‍-2025م
قصيدة الليله الثالثه 

مختصر الكلامي          راحو هلي وعمامي 
وانا المرض هد حيلي    ضايع نهاري بليلي 
راحو هلي وعمامي 
؛★★★★★★★★★★★★★★★★

راحو وخلوني هناه     وظليت اجر حسره وآه 
من ودعوني 
بين الوجع والفرگه        تحرگ الروح الحرگه
عالفارگوني 

بويه حسين صحت بعالي صوتي 
كونك ما ترد معناها موتي 
مخنوگه يبويه بظلمة الدار 
چا وين الگمر چا وين اخوتي 

سافرت ومخليني     وانا صحت تانيني 
من غيرك يتچيلي     ضايع نهاري بليلي 
راحو هلي وعمامي 
؛★★★★★★★★★★★★★★★★

ظليت اباوع لبعيد     بلكي يأشرولي بإيد
والحگهم اني 
انبح صوتي من الصايح    تانيني ها يالرايح 
ما جاوباني 

يالماشين لديار البعيده 
إذا واحد سمعني يردلي اريده 
لا تمشون وتعوفوني بالدار 
اخذوني مثل ما خذتو حميده 

تانوني اترجاكم    خلّوني اروح وياكم 
يا ويلي آ يا ويلي     ضايع نهاري بليلي 
راحو هلي وعمامي 
؛★★★★★★★★★★★★★★★★

عالضعن صدت عيني     وناديت ها يحسيني 
شو حمليتو 
بس انا محد گلي        ومحد محضّر رَحلي 
چنكم نسيتو 

بويه لا تگول بدوني ماضي 
بعد عندي وكت اجمع غراضي 
جاوبني الصراحه بويه گلي
اخافن عني انتَ موش راضي 

كونك تريد وداعي    ما حسّبت بوضاعي 
يا بويه لتصيحيلي     ضايع نهاري بليلي 
راحو هلي وعمامي 
؛★★★★★★★★★★★★★★★★

كلمن غراضه ململم     وشالو بليل المظلم 
وانا اباوع 
سالت الدمعه بخدي      يخلوني ليش الوحدي 
بالهم انازع 

مشه عني الضعن وانا اناظر 
واگول تهون بلكي يجون باچر
اصبّر روحي گوه وادري روحي 
بيها فراگهم چم حفره حافر 

وابعدو عن عيوني     شگد صحت ما سمعوني 
يا روحي همچ شيلي      ضايع نهاري بليلي 
راحو هلي وعمامي 
؛★★★★★★★★★★★★★★★★

كم شهر ظليت انطر     حد ما سمعت مخبّر 
يهل المدينه 
صاح وذبحني بوضعه     ذبحو حسين وربعه   
وتيسرينه 
لطمت الراس واصرخ يا هضيمه 
بعدني زغيره ليش ابقى يتيمه 
ردت استقبلك بالورد يا بوي 
تالي استقبلت بلوه عظيمه 

ردو اطفال ونسوه     بس الشكل مو هوه 
واحد ردت يحچيلي     ضايع نهاري بليلي 
راحو هلي وعمامي 
؛★★★★★★★★★★★★★★★★

استقبلتهم بالبيت     كل واحد أسأل ظليت 
عن الرزيه 
وانشدت زينب عمتي       يا عمه چا وين اختي
ماكو رقيه 

وين اختي الحنينه ما شفتها 
تشبگني وتصبّرني ردتها 
ردتها تخفف اعليه همومي 
شمحلاها يعمه سالفتها

هاي النهايه المره     من عمري وشمنتظره 
يا دمعه من دم سيلي    ضايع نهاري بليلي 
راحو هلي وعمامي 
؛★★★★★★★★★★★★★★★★

جعفر عطيه البزوني

القصيدة 14

موشح العليله

فاطمه اتسولف وتحچي احزانها
ياعليله اتشابه بنيرانها
١

طفله وازغيره تشاهد يا مصاب
بالمرض عافوها وبنار  الغياب
گاعده ابيت الحزن تنظر الباب
بلكي واحد يحضر من اخوانها

٢

ماخذاها حسين وبنار الدمع
طفله ذابت بالحزن مثل الشمع
ايد تمسح دمعه ايد اعله الضلع
ضلت وتتخاطف بألوانها
٣

سولفت وي الهوه بدمعت ونين
انه اشوفك يالهوه مثلي حزين
شنهي ماسامع خبر عن الحسين
وكربله ماتعرف بعنوانها
٤

فاطمه واتسولف بدمع الهجر
وعايشه بنار المدامع والصبر
لشوكت يحسين ابقه انتظر
خبر وديلي يعزها وشانها 
٥

خبر وديلي اذا شح الكلام
وخاف ماتگدر ألي ودي سلام
وي الهوه اليوصلني يابويه وانام
وباقيه ابنيتك بنفس امچانها
٦

گلبي لاچمني يبويه اعله البعد
خاف ما ترجع أليه وماترد
ابقه انوح وابچي بويه اعله الورد
وفاطمه الما تنتهي اشجانها

٧

خبر موتك وصل يا بويه ألي
بالعمر  يحسين من بعدك شلي
انه اموت بموتتك يابو علي
ياصلاة الروح ياقرآنها


لاتنسون والدي وابني عباس من الرحمه والغفران
خادمكم رياض الرسل الجابري

القصيدة 15 

نزلة ......... العليلة عليهاالسلام

.............................................

انه العليلة  أشكيلــــــــك  و اون    
بعدك يبو السجاد غاطيني الحزن
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يابويه عفتوني وحيدة محيرة
ولشوفت اهلي هلبقيت محسرة 
عافاني ابوي ورحل بيه ما درة
ليه المصايب اجن واتحزمن
ـــــــــــــــــــــــــــــــــــــــــــــــــــــــــــــــــــــــــــــــــــــــــ
وينك يبويه وتنظر حالتي 
انه العليلة وبقيت بحسرتي 
بويه المرض اذاني شاهد شدتي
وكثرت عليه ارداف يابويه المحن
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
لكعد يبويه انه اباب الدرب
وانشد عليكم الطالع واليطب 
كلبي على فركاك نيرانه لهب 
وشيطفي ناري عليكم واستكن
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يابويه مو كتلي الأكبريعتنيج 
ها كتلي لو يوم يومين ونجيج 
يابويه وعدك وين هاي انه ارتجيك 
لو حال بيني وبينكم جور الزمن
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
يابويه عبد الله انه اشتاكيت اله 
مشتاكه اهز مهده وبنحره اقبله
انه الجنت بحماك دوم مدلله 
وأخلاف عينك صرت ابجي واحن
ـــــــــــــــــــــــــــــــــــــــــــــــــــــــــــــــــــــــــــــــ
طالت علي الأيام وانته بغيبتك 
وكل يوم أبقه اتنطر انه ألجيتك
يا بويه لا متهون أبدا فركتك
واتسله بالدمعات لو ليلي يجن
ــــــــــــــــــــــــــــــــــــــــــــــــــــــــــــــــــــــــــــــــــــ
خادم الحسين
الشاعر مذكور العلياوي

القصيدة 16

الليلة الثالثة العليلة 

الليله ثالث ليله من شهر الجروح
للعليله الليله خل نبچي أو ننوح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الليله ثالث ليله يا شيعة علي
للعليله الـدمع من دم أيهلي 
أتگول وحدي وعنّي راحو كل هلي 
الدار وحشه وردت وياهم أروح 
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الدار وحشه والدمع دم أيهمل
وما أظن بحسين يلتم الشمل 
الفرگه ياشيعة وعلي ماتنحمل
هلي روحي أشلون أعيش أبلايه روح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هلي روحي أشلون أنساهم وهيد
دار وحشه والدرب كلش بعيد
گمت أعد اليل وحسب من جديد 
ومنّي آهات الحزن والهم تفوح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
منّي آهات الحزن والهم خذن 
روحي والـدلال مـا يتحمّلن
حيل أووجر بيه ياشيعه الزمن
الموت أحسّه أگبال عيني ضل يلوح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الموت أحسّه أگبال عيني ضل يمر
الفرگه تكتل بعد ماعندي صبر
عگب أهلي والله مايسوى العمر
چن جبل مهدوم من عندي السفوح 
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
چن جبل طايح أسفوحه أو منهدم 
وسفه ظلمه ضلت أبيوت العلم
مو أبوضعي وعلّتي گمت آنه أهم
همّي بالراحو أو هدمولي الطموح 
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلمات الشاعر والرادود عدي البصراوي

القصيدة 17

#قصائد_الخدمه_والخدام
#الليله_الثانيه

هلا يا شهر الخدامه    يا ذخــــر يوم القيامه
كل سنه احنه امحزمين
حتى نخدم يا حـــسين
___"

للهلال احساب نحـــسب    شـهر جوه يختلف
والشعائر فــرض عـــدنه    وما يوصفها وصف
راسخه هاي العقيـده   وعدنه هل خدمه شرف
شغف خدمة ابو الأكبر    صــارت الخدمه شغف
والشهر لمــن يجيـــنه  نبچي للــضحه ابنينه
وبينه يتعالى الونـــــين
حتى نخدم يا حـــسين
____

من يجي شهر الفجيعه    انشـــوف كلها تستعد
فاطمـه منــــــچ العونه    يم حــسن النه المدد
غير ابو اليمه وخدمته  ماكــــــــو بالدنيا بعد
آخره ودنيــــــا نخـدمه  وحبــه من سن المهد
خدمه بس بيها كرامـه   يا شهر هل ابسلامه
باقيه ابطول الســـــنين
حتى نخدم يا حـــسين
____

رايـــه وي رايه نشدهه   ونخدم حـسين الولي
ثوره يتكــــــرر صداهه   صــرخه للحق تعتلي
ثورة الخدمه الشريفه  خلـــي يـــسمع عاذلي
كل سنه نجدد عهدنه    احزامـــنه حيدر علي
خدمه بس بيها معـاني   كـــل سنه ليها نتاني
ليها ماخذنه الحــــــنين
حتى نخدم يا حـــسين
____

خدمة المگطوع نـحره   باقيــــه طول الزمن
للشـهر شديـــنه رايـــه   يالــــــــثارات الضـعن
يا حسين الصرخه تبقى  ايـــام عاشور ابــتدن
دمعـــة العاشر مناره   بالبچــــي اتغطي الجفــن
خادم حســــين يتــعله    يعني خدمه موش سهله
عله الخدمه اموزعيـــن
حتى نخدم يا حـــسين
____

عدنه موعد وي محرم   واللطم يومـــه گرب
تعب لحسين ورضيعه    حيل يـسوه هل تعب
حسين ابو السجاد عدنه   أغلى حتى من الذهب
وبصــفر ثوره ابدمانه   بالمـــشي انونس الدرب
ثورة المـشايه باجـــــر    زحــف نگصد للمناير
عهد نبقــــــــــى ثائرين
حتى نخدم يا حـــسين
__
الخادم المقصر ناجي ابو كيان الصالحي"
ونسالكم الدعاء لي ولوالدي

القصيدة 18

نزلة 
للخدمــــــــــة
💫💫💫💫
خليني بخدمتك .. يحسين ونعمتك
حسين حسين .. حسين ياحسين
🔹🔹🔹🔹
كلما هل الهلال .. بعيوني الدمع سال
ظلت صوره عالبال .. يحسين الطفوفك

من ننظرله كل عام .. يرسم حرك الخيام
وي زينب والايتام .. مذبوح وتطوفك

بالحومه شافتك .. ياخويه نادتك
حسين حسين .. حسين ياحسين
🔹🔹🔹🔹
بمصابك يمذبوح .. تكثر بينه الجروح 
ماتشفه تره الروح .. ياروح الزجيه

بكَلوبنه تشب نار .. وبحركه ودمع حار
لمن نذكر الصار .. نتمنه المنيه

من حزو ركبتك .. والخيل السحگتك
حسين حسين ..  حسين ياحسين
🔹🔹🔹🔹
كلما اشرب الماي .. جمره بصدري مولاي
عايش يبقى وياي .. يوم الغاضريه

من اذكر مجلس الشام .. باليقضه وبالاحلام
بكلبي يظلن سهام .. وشكد حسره بيه

واتذكر عيلتك .. بالغربه وندبتك
حسين حسين .. حسين ياحسين
🔹🔹🔹🔹
كَلبك عالكمر ناح .. لمن عالنهر طاح
هوني يانفس صاح .. نفسه شكد ابيه

تربات ام البنين .. وحزام ظهرك يحسين
انطاك عين وجفين .. وفاها الخويه

من الشايل رايتك ..  منهجنه وفكرتك
حسين حسين ..  حسين ياحسين
🔹🔹🔹🔹
اكبر نعمه عدنه .. شيعه احنه انوجدنه
والدنه وولدنه .. من نحضر مجالس

يالساكن بالگلوب .. ويه مصابك نذوب
حته تطيح الذنوب .. علمنه احنه عابس

يحسين وشيعتك .. محتاجه النظرتك
حسين حسين ..  حسين ياحسين
🔹🔹🔹🔹
علي حسين المنصوري

القصيدة 19

محرم 1447:
نعمه واجت بالخدام
(قصيدة للخدمه اول ايام محرم )
——————————————
نعمه واجت يالخدام..لازم نـصـون النـعـمه
  مـره وتجيـنا بكل عام..هاي الأسمها الخدمه
  كل ما علينا من تعود..نبديها بثياب السود
**
ناخذ عهد مـن هاليـوم…ونوفي بعهدنا انصونه
كل خادم ومخلص كون…ايلالي الدمـع بـعيـونه
يسـمع كـلامي ومـعـناه…يتـمـعن ابمضمونه
لازم يضحي المولاه…وخادمهم ايسمونه

 دور عشگ غير حسـين..ما تلـگه مثله بدنيـاك
  تبچيله دمعه من العين..يوم الحشر ما ينساك
 كل شده يمك موجود..نبديها بثياب السود
*
كلمة شكر ما تكـفـيك…لا تكفي دمعة عـينك
تخـدم عـمر هم مـديون…شما تلطـم بچفيـنك
لجـلك تگـطـع عـطـشان…ورايح ذبـيح حسينك
صفيها نـيــتـك ويــاه…ولحگها باقي اسنينك

يمشي العمر ويخليك..وتالي بمشـيبك نـادم
حضـن التراب متانيـك..ومـحـد يگـلك خـادم
بعده الدرب ما مسدود..نبديها بثياب السود
**
لا تـنـغـر بـسـن دنـيـاك…كل مره لو يضحكلك
بـاب الـتـواضـع للـنـاس…يم السبـط يشفعلك
بالصـعبه كـل ما تنـخـاه…بالشده چف يفزعلك
جـربها وانـطي المقـسوم…باجر ضعف يرجعلك

اعـظم اجـر وزع مـاي..يالچـف يمينك خالي
هذا العمل أجره هواي..عند الحسيـن وغالي
وهو الگمر راعي الجود..نبديها بثياب السود
**
قوي العلاقه وي حسين…محـد ينفعك غـيره
شرق وغـرب دور الكون…ما تلـگه مثله ابديـره
ومضة ضوه بنص گبور…درب اليخدمه اينيره
مشعل وطـريق الاحـرار…معروفه هاي السيره

   انصح صدگ وي مولاك..حـتى وي للـون اثيابك
 واحـد محرم هالـيـوم..خله المصاب مصابك
  وقـدم عـزا للمـوعود..نبديها بثياب السود
*
خير الله بالدنيا حسين…وغـصن انجـاة البيها
شمّا شحت انهـار الكـاع…من خـيره رد يسگيها
تموت الضماير بالـناس…وبـس يلتفت يحـيها
عـلـگـهـا بذياله الروح…الطول العـمر خليـها

والطمله صدرك موجوع..صدره نهشم بالحافر
وأجريها عالخد ادموع..باچـر تـنـقـذك بـاچر
 عيش بدمعتك مسنود..نبديها بثياب السود
**
خادم اهل البيت(حــمــزه فـاضـل)

القصيدة 20

مرتاح ،، بهاي الخدمه وياك 
مرتاح ،، لا تشغلني وإنساك
جرحي بكبر السنين 
وكالو راحتك ويــن 
كلت بخدمة حسين ،، مرتاح ،، مرتاح 

١-
حسين ،، صاحب من صدك 
حسين ،، صـلـطــان العشك 
حسين ،، يـومــيــه احترك ،، بعتابك 
روح ،، ودخــل يا كلب 
روح ،، يم أعظم محب 
روح ،، من ذاكه العذب ،، بمصابك 

عشك صدك صدك عشكيته 
بكلــب عـذب عذب ظميته 
الــــعــمــر الـه الـه نذريته ،، نذريته 

صحراء ،، كلبــــي وانته بستان 
صحراء ،، العافك والله خسران
عايش هاي السنين 
الخير العندك امنين 
كلت بخدمة حسين ،، مرتاح ،، مرتاح 

٢-
نشال ،، راسي بخدمتك
نشال ،، ذنبي برحمتك 
نشال ،، كلبي بشوفتك ،، من ضلعه 
خير ،، مكوم بالصحن 
خير ،، من ام الحسن 
خير ،، لكل صاحب جفن ،، صب دمعه 

ضوه شفت شفت بجفوفك 
صحت بعد بعد مـا اعوفك 
شمع ذبـت ذبـت بحروفك ،، بحروفك 

يا ماي ،، من اعطش تلفي للروح 
يا ماي ،، يـمــــك تشفه الجروح 
مالك روحي صوبين
واكتـب عالحياطين
انـه بخدمه حسين ،، مرتاح ،، مرتاح 

٣-
حسين ،، للضلمه ضوه 
حسين ،، للخنكه هوه 
حسين ،، للمرضه دوه ،، نظراته 
حسين ،، غالي ومنفرد 
حسين ،، احله من الورد 
حسين ،، تحظر باللحد ،، وناته 

اركضت رحت رحت يم بابك 
عطـــــــــر اشم اشم بعتبابك 
شفــه الدوه الدوه بــــترابك ،، بترابك 

صحبان ،، مصادف كلش هـــــواي
يحسين ،، شكد شفتك وفي وياي 
يمـــك يكمل الدين 
مــــاكو مثلك اثنين 
كلت بخدمة حسين ،، مرتاح ،، مرتاح 

٤-
هذا ،، حلو حب القلب 
هذا ،، ميت ينحسب 
هذا ،، ما يسوه العتب ،، ونعاتب 
كون ،، انه أفدي العمر 
كون ،، اللطم عالصدر
كون ،، كلبي المنكسر ،، ما طايب 

بچه الدمع دمــــــــع بالحضـره 
ومـنـــك  ردت ردت بس نظره 
كبتــك شمس شمس للــفـقـره ،، للفقره 

يحسين ،، يمك انـــــه واشتاك 
يحسين ،، يموت روحي الفراك 
لوحدك تارس العين 
ورافع هاي الايدين 
كلت بخدمة حسين ،، مرتاح ،، مرتاح 

٥-
وين ،، صرت بخدمتك 
وين ،، جانت رحمتك 
وين ،، روحي العشكتك ،، مرتاحه 
ضاع ،، عمري من هله 
ضاع ،، وغيرك ما اله 
ضاع ،، كلبي بكربله ،، مفتاحه 

ريت السحك سحك بضلوعي 
كون الجمر جـــمــر بدموعي 
صـــار اللطم لطم موضوعي ،، موضوعي

خسران ،، كلمن عاف الحسين 
خسران ،، بس هايه الجلمتين 
بــس نهرك شراعين 
ماعيد انــــه مرتين 
كلت بخدمة حسين ،، مرتاح ،، مرتاح 
                __
حسين عبد الجليل المالكي

القصيدة 21

محرم الحرام

   نزله حماسيه 

خادمك خليني.   
خادمك سميني 
----------------------------------
ناذرسـنيني وحـياتي وناذر أيام العـمر 
قبلي خادم يامامي وأطلب بدمعه الأجر 
سيدي لو قصريت بهايه ارجوك العـذر 
خدمتك فوز ونجاه ومنجه من يوم الحشر

بصايتك غطيني. 
خادمك سمــيني 
---------------------------------
حسين لو تهت بحياتي فدوه لا تنساني 
أنه اضـيع بلا خدمتك من اعوفك إني 
 أنه خادمكم انادي وخدمتك عنواني 
لليناشـد عن وجودي بكل عزه يلكاني 

فدوه لا تنسيني 
خادمك سـميني   
-----------------------------------
الدنيا ماترحم يويلي المغريات هوايه 
خاف ازلن عن خدمتك وخسر انه بهايه 
سيدي جرني بيمينك فدوه هايه وهايه 
ماأعيش بلا خدمتك منطي أنه حجايه 

خدمتك تنجيني 
خادمك سـميني   
-----------------------------------
حسين سرك مايعرفه بس جلاله الـعالي
بالي مشغول بغرامك ماتفارك بـالي 
أنته غـالي ومانعـوفك ياحبـيبي الغـالي 
شنهو حالي بلا خدمتك مااوصـف حالي 

ياحياتي وديني 
خادمك سميني 
--------------
لما سلك دربك يويلي خسر عمره ودينـه 
لما خدم ويه التخدمك شنهو نفع اسنـينه 
لماجرت من عينه دمعه عميه كون ابعيـنه 
وقسم برب الُجلااله حسين عايش بينه 

أســمك يأذيـني 
خادمك سميـني 
-----------------------------------
لوكرب شهر المدامع أنصب الجرحك عزاء 
بكل زمن نحي المجالس عل وعد وع الوفاء
غاليه ادموع النواظر  بس الك يحـله البكاء 
واغـريـباً واســليـباً يـــرتـفــع صـوته النـداء 

 تجري دمعه عيني 
خادمـك سمــينـي 
-----------------------------------
كلمات 
مرتضى مكطوف الموالي

القصيدة 22

تجليبه للخدمه ومجالس الحسين ع

كلها تموت هاي الدنيه مگضيه 
وهنياله الگضاها بنعي ولطميه
**
 ماخسران لاون تلتزم بحسين
وكت الموت ترتاح وتغمض العين
حسين الدين باچر تنسأل عالدين
احضر للمجالس واخلص النيه
*
 احضر للمجالس لاتدور اعذار
باچر نار حصّن روحك امن النار
خلّي حسين يمّك وين ماتندار
وخل بيتك المجلس والحسينيه
**
 احضر للمجالس والتزم بيها
الحسينيه اعله كيفك من تطب ليها
بهيده اويه الزچيه لاتأذّيها
يم الباب  تلگه الزهره محنيه
*
بالباب ام حسن تستقبل اليحضر
هله بخادم وليدي حسين ابو الاكبر
تعال وشوف يامحلاته هالمنظر
وهنياله التصبله الزهره الميّه
**
من تدخل المأتم سلّم عليها
وگلها يالزچيه الخدمه اقبليها
مروتچ يم حسن وحسين سجليها
تراها بلا رضاها الخدمه ملغيه
**
وحگ اهل الكساء البل عدد خمسه
اذا ننسه الزچيه هيه ماتنسه
الزهره اعله الخدمهم احن من نفسه
هاي الطاهره الراضيه المرضيه
***
 يالحاضر المأتم اسمع البشره
الخادم من يموت اتحضره الزهره
وبيديها خطف عالمعبر اتعبره
وماتزلگ اجدامه ميه بالميه
****
 بالمحشر الزهره اتدوّر اعلينه
وتنادي يرب ذوله مجانينه
خلي احسابهم ياربي بيدينه
يطلبوني وأوفّي واجب اعليه
****
 خادم الزهراء ع 
سيد غالب الرضوي الكربلائي

القصيدة 23

الما عنده حسين      ميت مرتين 
يا لذه يشـــوف بعمره 
الما اليعشگ ابن الزهره 

**** 
المـا عنــده الحُســين بدنيتــه شعنـده 
 ضايــع والطــريق الســالكــه يبعــده 
الما شاف الحقيقه اعيونه اظن رمده
مثـــــل البيــده كــض المــاي وتبــده 
بدربــه الانــوار       والضـد يحــتار  
مـــا اظنه يشوف الگمره 
الما اليعشگ ابن الزهره 

****

الما عنده الزياره وضايگ الخدمـه 
هــذا امضيــع الايمـــان والنعــمــه 
الهوه الما بي حُسين شلون يشتمه 
الما شاف المناير هذا احسه اعمى 
 دنـيــا بليـــاه       شتنــفــع والله 
يخســر لاشــك كــل قدره 
الما اليعشگ ابن الزهره 

**** 


الما ضــايك لهب عاشور وآهاتــه 
ولا مــره تّچــوه بذيــچ جمــراتــه 
عــايش ألمــن الخســران كل ذاتـه 
طعم منطــي الحيــاة بكل جراحاته 
اول مذبـــوح      للدنيــا الــروح 
ميّــت مـــا يـنفــع عمــره 
الما اليعشگ ابن الزهره 

****
 
الما كحــل عيِـونـه بشـوفت الگبـه 
أولا مــــره گصــــد عنــاي للحــبه 
هذا الي صــدگ عايش الف غـربه 
حسين الدنيا كلها الواسعـه الرحبه 
بلا حبه شلون     لا طــعم ولــون 
مــا يشتم عطــر العتـــره 
الما اليعشگ ابن الزهره 

**** 

تخيلها الحيــاة بلا حــزن عــاشور 
ظلام تصـــير كلها ولا يمرها النور 
الحياة احياها يوم القدم الها انحور
اذن واجب نذكره شما الكون يدور 
يالبيّـه  تلــوم      مــا ابطــل دوم 
ينـــسى القــرآن وذكـــره 
الما اليعشگ ابن الزهره 

****  

المنطينه حيــاته ومهجتــه ونحره 
وتحـــت الخيل لله هشمو  صــدره 
قليل انطيه لـو مر ذكره بس عبره 
لحـــد الان يحينا بهــوى الحضـره 
حسين العطشان    يروينه احسان 
ينكــر ديـــن الله وســـره 
الما اليعشگ ابن الزهره

* 

الشاعر 
موسى البديري

القصيدة 24

هلال شهرك  من عسنه  لايهل 
بيه مصايب كثره  ابد  ماتنحمل
--------------------------------------

من عسنه اهلال حزنك لاطلع 
بيه جفن المرتضى وفاطم دمع
ون محمد  بالسموات  انسمع 

والمدامع من دمه ظلت تهل  
--------------------------------------
بيه جسم حسين بالخيل انسحگ 
و المخيم  بيد  ظلام  احترگ 
وعنه شمل العيله للشام افترگ 

بالبراري العيله طش منه الشمل 
--------------------------------------
هلال حزنك بينه خله اچم جرح
 يگضي ليلي بدمع وبون  الصبح 
حسين نحره ما سلم من الذبح 

وبالنبل مذبوح عبد الله الطفل 
--------------------------------------
چم مصاب انترك بينه  وچم  إثر 
عگب عباس الوگع  صوب  النهر
وبقيت  زينب  للمدامع  والسهر 

وزادت اعليهه المصايب والحمل 
=================================
اهلال  حزنك  كون  لا هل  وصبح
بيه عبد الله  بسهم  ضامي  انذبح 
وگلب زينب وأمه چم جرح  انجرح

ظل دمعهن عالوجن من دم يهل 
=================================
مشت   زينب   والعيال   مچتفين
وعالارماح الروس ويرأس الحسين
اشما يمرهم  لليل  يزداد  الونين

چم لعين اتماده چم طاغي ونذل 
=====================================
     20,6,2025
الشاعر احسان الحميداوي

القصيدة 26

ياهلال انته هم عندك علِم
ياهلال بيك ميت جم حلم
ياهلال
ــــــــــــــــــ 
ان جنت ما تدري اسولفلك وجع
تدري جم قلب بقلب بيك نشلع
ويا جسم فوك الرمل تدري الوكع
وتدري يا دم التراب البي نكع

ياهلال دم عزيز الله المهم
ياهلال بيك ميت جم حلم
ياهلال 
ــــــــــــــــــ 
ضمها كمريتك شمع وسط الخيم
وارفع المد بالنهر والغي السهم
لو تضم بالغيمة روحك للعدم
هذا مو عيد الشهر شهر الألم

ياهلال شهر بي تقتل زلم
ياهلال بيك ميت جم حلم
ياهلال
ــــــــــــــــــ 
انت تدري ياظهر بيك انكسر
ظهر ابو اليمه على راك النهر
سدها عينك من طفت عين الكمر
انهالت الله بقلب زينب هالشهر

ياهلال قلب زينب ينهدم
ياهلال بيك ميت جم حلم
ياهلال
ــــــــــــــــــ 
أبد كل الي جرة لا موسهل
تدري قوسك بالسمه ما ينحمل
يشبه القوس الذبح نحر الطفل 
عمره نشغة والسنة ما مكتمل

ياهلال ما يلحك يبتسم
ياهلال بيك ميت جم حلم
ياهلال
ــــــــــــــــــ 
ميلتك سيف اعله جف ساقي العطش
وتدري خيبة جم امل صارت نعش
وتدري سهم الجربة للجربة غبش
ومثل مطره اعله الأرض مايه نفرش

ياهلال وعطش عباس الشهم
ياهلال بيك ميت جم حلم
ياهلال
ــــــــــــــــــ 
انت لمن تتولد من السمة
بيك جم طفلة وطفل ميت ضمة
وبيك جم حيدر حزين وفاطمة
خل تظل الدنيا دونك مظلمة

ياهلال ضوه حسين الينثلم
ياهلال بيك ميت جم حلم
ياهلال
ــــــــــــــــــ 
صير كوكب عادي من دون الضوه
كمر عدنه اعله الأرض شايل لوه
خل الحسين وعضيدة يضل سوة
من تبين بالسمة يموت الهوه

ياهلال ينگطع ما يا يلزم 
ياهلال بيك ميت جم حلم
ياهلال
ــــــــــــــــــ 
الشاعر زين العابدين الشمري

القصيدة 27

قصيدة لي 1 محرم 


(هلال المصيبه) 

يهلال المصيبه جينا على الموعد
انواسي الغريبه والبيعه نجدد
نلطم والقلب نار • • • منها نحمل افكار
ـــــــــــــــــــــــــــــــــــــــــــــــــــــــــــــــــــ
يا أم المصايب علمتينا لدروس
ربيتينا اجيال زكيتي هلنفوس
احنا اولاد زينب حقنا نرفع الروس
والينكر فضلها نسحق نهجه واندوس

كلنا نقوم بدوار • • • منها نحمل افكار
ـــــــــــــــــــــــــــــــــــــــــــــــــــــــــــ
تنشد عن لطمنا المعنا رفع الايد
معناه العزم ثار فينا وعنها منحيد
من نرفع هالكفوف تدري شنهو انريد
معناه خمسة اركان أولهم التوحيد

نتعلم الاسرار • • • منها نحمل افكار
ــــــــــــــــــــــــــــــــــــــــــــــــــــــــــــ
تنشد عن حظوري في هاي المجالس
هذي مو مجالس سميها مدارس 
جبريل بعظمته واقف فيها حارس
لكن مو عجيبه يدري المهدي جالس

نستشعر الانوار • • • منها نحمل افكار
ـــــــــــــــــــــــــــــــــــــــــــــــــــــــــــــ
بس يفهم قصدنا الي بقلبه عاشق 
قلبه كله انوار مو مثل المنافق
يعرف معنى لخلاص وبخدمته صادق
يعرف معنى اليثار من ايمانه واثق

منهج علي الكرار • • • منها نحمل افكار
ـــــــــــــــــــــــــــــــــــــــــــــــــــــــــــــ
لاتلوم اعلى دمعي ولا تعتب عليه
اذكرها غريبه برض الغاضريه
من يصدق شلون حال الهاشميه
تنخى وتبكي وتصيح وين اهل الحميه
لو دار الزمن دار • • • منها نحمل افكار
ـــــــــــــــــــــــــــــــــــــــــــــــــــــــــــ
من يصدق تصير حرمه بلا عشيره
وتمشي بين لنذال مربوطه واسيره
تمشي وتقطع اميال في حر الظهيره
وتنادي يعباس وينك يابولغيره

شوف بحالي شلصار • • • منها نحمل افكار
ــــــــــــــــــــــــــــــــــــــــــــــــــــــــــــــــــ
لاتلوم اعلى قلبي لوشفته تفطر 
من اذكرها بحبال واتمشي بين عسكر
وين اخوتها ميجون والكرار يحضر
تبكي من يشتمون وتنادي ياحيدر

ادركني ياكرار • • • منها نحمل افكار
ـــــــــــــــــــــــــــــــــــــــــــــــــــــــــــ
مهدينا يغالي تدري بحبال زينب
الله يعظم اجرك والدلال يلهب
عينك تجري دموم وعالخدين تنصب
من تسمع يقولون اخت حسين تنسب

قوم واطلب الثار • • •منها نحمل افكار
ـــــــــــــــــــــ نسآلكم الدعاء  ــــــــــــــــ 
           الشاعر : بوحيدر الحمد

القصيدة 28

وجاء محرم

يبن الحسن يبن الحسن ٠٠ عاشور اجانه
عالخيمه نبچي وعالظعن ٠٠ عاشور اجانه
ــــــــــــــــــــــــــــــــــــــ
هل الاهـلال واجينه المأتمه
وآه يمه احسين صاحت فاطمه
ناشره الثوب الاملطّخ بالدمه
الثوب الامبچي ملائكة السمه

هاي المحن هاي المحن ٠٠ هزّت سمانه
عالخيمه نبچي وعالظعن ٠٠ عاشور اجانه
ــــــــــــــــــــــــــــــــــــــ
يابو صالح عظم الله الأجر
احسين ظلت جثته ابحرّ الظهر
شبع يامولاي طعنات وطبر
والبگه ابراسك گطع راسه الشمر

طول الزمن طول الزمن ٠٠ دايم عزانه
عالخيمه نبچي وعالظعن ٠٠ عاشور اجانه
ــــــــــــــــــــــــــــــــــــــ
بالزياره الناحيه أصل العزاء
من تگول احسين ظل ابلا رداء
تندب الـمذبوح كل صبح ومساء
إوبدلِ الدمعِ بكائك من دماء

تبكي دَمـاً تبكي دَماً ٠٠ حزنك عمانه
عالخيمه نبچي وعالظعن ٠٠ عاشور اجانه
ــــــــــــــــــــــــــــــــــــــ
آه يادرب السبي الكلش بعيد
خله زينب ياكل بچفهه الحديد
ماتت اشچم موته من شافت يزيد
إگبال عيناهه ويطگ راس الشهيد

ثغره إنطعـن ثغره إنطعن ٠٠ بالخيزرانه
عالخيمه نبچي وعالظعن ٠٠ عاشور اجانه
ــــــــــــــــــــــــــــــــــــــ
احسين نبچيله ونروح انزوره
واحنه خير العدنه من عاشوره
تبقه رايات الحزن منشوره

وتبقه بس شيعة علي الـمنصوره
رغم الفتن رغم الفتن ٠٠ محّد لوانه
عالخيمه نبچي وعالظعن ٠٠ عاشور اجانه
ــــــــــــــــــــــــــــــــــــــ
احسين اغله امن الهوه النتنفسه
واليقـدس احسين الله ايقدسه
احسين للاجيال أكبر مدرسه
ايموت كلشي ويبقه عايش مجلسه

كلا وَلن كلا وَلن ٠٠ يوگع لوانه
عالخيمه نبچي وعالظعن ٠٠ عاشور اجانه
ــــــــــــــــــــــــــــــــــــــ
في دعاء الندبه نقرالك حنين
أينَ وجه الله إومعز المؤمنين
الليله كلنه انصيح وانمد الادين
عجّل اللهم ثارات الحسين

سر  وعلن سر وعلن ٠٠ نرفع بيانه
عالخيمه نبچي وعالظعن ٠٠ عاشور اجانه

الشاعر محمد الجماسي

القصيدة 29

آه مــــــــنــّك يا شهـــر         خيّبـتلي ضنـوني
شفت بيك ألمـا جـره          وعمـت بيك عيوني
يــــوم شفــت أعـــله ألــوطيه حسين منحور
*
آه منــّك يـــــا شهـــر         جـــــم جرح بيه تركت
شفــــــت بيك ألما جــــره          أخـــوتي صرعة شفت
مصرّعه فـــــــوك ألوطيه          جـــــم شهم مني خذت
جسوم صرعـــه عالوطيه          بلايـــه روس الشاهدت
كــــلبي ذاب لهــــل أمــــر         والدمـــــع مـــني جره
بيك شفــــت حسين مرمي          والعــــدو حـز منحره
وشفـــــــت عـــــــباس الكفلنـــــــي براســــــــه مطبور
***
راس أخويه حسيـــن شفته          يقـــــــــره آيات الكهف
حيّر العــــــــدوان راســـه          بالمسيـــــره مــن وكف
سألت أنـــــــه السجاد كتله          ليش يــــا عمــه أنعطف
كال طفلــــه مـــــن الحرم          طايحه بـــــدرب النجف
ردّت عليهــــــــــــا العقيلة          لكت أمهـــــــــــا فاطمة
حاضنه الطفـــــــلة وتنوح          مــــــــن الجروح مألمه
جـــــــــــم جــــــــــرح صاب ألزجيه بيك عــــــــــــــاشور
*
بعــــــــد منظـــر بيك شفته       مـــــن رحت صوب النهر
شلون منظـــــر شاف كلبي       وزيّــــــد عــليـّــــــه القهر
شفت أخويــــــه اللي كفلني       فاكـــــــد أيـــــــده والبصر
وبالعمــــــــد مهشوم راسه       وغـــــايب هــــــناك الكمر
صرخه مــن عندي أعتلت       ويـــــــــــن حمــّاي الدخيل
خل يجي ويشـــــــوف أبنه         يشــــــوف عباس الكفيل
يشـــــــــــــوف حاميهـــــــا ألضعينـــــه وحامـــــي السور
****
ذاب كــــلبي مــــــن شفت         عــــــلي الأكبـــر عالثره
جسمـــــــه أمكطــّع وصل         وألدمـــــه مــــنــّه جــره
صابته سيـــــوف ونـــــبل         والعـــــــدو حـــز منحره
معــفـّـــــر بتــربان جسمه         ليشبــــــه الخيــــر ألوره
دمعي يجــــــري عالشباب        ليشبــــــه الجدّي الرسول
وأندبــــت خيـــــــر العمل         حيــــــدره فحـــل الفحول
جـــــــارت علينـــــــــه أميــــــــــه وكطعــــــــت أنحــــور
****
شفــــت أنـه للشاب جاسم          يـــــــوم صابـــــو مهجته
أمــــــدد وعالغبــــره نايم          محنـّه مـــــــــن دم ركبته
آه يـــا لعـــــــريس جاسم          شلــــــون صارت زفــّـته
سيـــــوف وسهـــــام ونبل         بيهــــــــا طفــــــّو شمعته
حنــّه جفـــــــه بـــــــالدمه         مـــن أجل دين المصطفى
وأنصـــــره ألعمـــه الأمام         صاحــــــب وراعي ألوفه
وقاتـــــــــــل بهمــــــــــــه وعــــــــــزم قاتــــــــــــل الجور
*
آه يــــــا عـــــبد الله يبني          يــــــــوم شفتــــه بكر بله
مغسّل بــــــــــــدم الوريد          بسهـــــم نبلـــــة حر مله
والــــــــده ألدمّه خــــــذه          قــــــره عليــــــه ألبسمله
وأشمــــــره ألوجه ألسمه          نـــــــــاده ربّـــي تقبــّـله
طفــل وبعمــــــــر الورد          شنهــــو ذنبـــــه وشعمل
حقــــد متوجـــــــر علينه         مــــــــن أميـــــه والجمل
فـــــــــوك مــــــــا يابــــــس دليلـــــــــــــه النحـــر مبتور
****
جــــــم نصير الشفت أنه          أمــــــدد بكـــتر الغريب
هذا حــــــر وذاك عابس          ومسلــــــم ويمــه حبيب
ذوله أنصــار أهـــل همّه         لبّــــــــو الداعي ألمجيب
كلها صرعــــه عالوطيه         والجســـــــــم منها سليب
عاهــــــــــــدوا آل النبي         وضحّـــــــو بفيض ألدمه
تكاتفو ويـــــــــه الحسين         ذولــــــه أهـــــل الغانمه
حفظـــــــو الديـــــــــن وكتابــــــــه بعمـــــــــــــل مغفور
****
بعــــد يا شهــــر المحرّم         بيـــــــــك هتكــــــو للقيم
بعــــد مـن أنكتلو أخـوتي        شبّــــــــو بنـــــــار الخيم
وأنـسـبـيـنـه لأل أميــــــه       عليـــــــل وأطفــال وحرم
بيــــــك آل النبــــــي طه        شافــــــوا أنـــــواع الظلم
جــم مصيبة الشاف كلبي        بيـــــك يــــا شهر الحرام
أنــــت واليـــــــت الأمية        وعـشكـــــــت ذوك اللئام
لـهـتـكــــوا ألحرمـــــــــة محمــــــد بيـــــــــــــك عاشور



الشاعر 
قاسم حتروش البلداوي 
خادمكم 
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء

القصيدة 30

نزلة هلالية 

اهلا يشهر الدمعه والآه 
رحّبنه بيك بوا حُسيناه 
٠٠٠٠٠٠٠
شهر المصيبه شهر الحسين 
رحّبنه بيك بدمعة العين 
منتظرتك هاي الموالين 
وصوت الحزن بسمك رفعناه 
٠٠٠٠٠٠٠٠
شهر الغريب المات عطشان 
ننشر سواد بكل الاوطان 
بقبّة ضريحه راية احزان 
نبچي عله قتله ودزم ننعاه 
٠٠٠٠٠٠٠٠٠
اهلا يشهر الونّه والنوح 
شفنه بهلالك تنزف جروح 
بين السبية وبين مذبوح 
شفنه المصاب بيوم شفناه 
٠٠٠٠٠٠
نستقبلك اهلا يعاشور
اول عزاء بكربله انزور 
نقره المصيبه ونلطم صدور 
عهد الخَدَم بالطف كتبناه 
٠٠٠٠٠٠٠٠٠٠
لأمّ الحسن هاي المواساة 
تبچي عله بنها حسين آهات 
نشرت قميصه بالسماوات 
امّ الذبيح تصيح ويلاه
٠٠٠٠٠٠٠٠
ساعه عله بنها تلطم الراس 
ساعه عله زينب ساعه عباس 
مفجوعه ام الحسن يا ناس 
ياهو التذكره ومنهو تنساه 

سيد زيد الفحام
محرم ١٤٤٧هـ

القصيدة 31

هل محرم وانت وين. تبجي يم كبر الحسين
تبجي عالخد التريب.      يابوصالح ياغريب 
يابوصالح.  يابوصالح
==========
كاعد يبوصالح تون      ياسيدي بوسط الصحن
ودموعك النزلن دمه     من ارسومك اشكد غيرن
جفنك ذبل من البجي    انت الغريب ابلاوطن
حزنك تربع عالگلب      بيك المصايب خضرن

كاعد اتون ياجريح      امجانك ابصحن الذبيح
انت بالحظره وقريب.   يابوصالح ياغريب 
==========
هلال المحرم من يهل      للطف احزانك تحدي
للصحن تدخل منحني      ياسيدي يالمهدي 
تخلص الدنيا وتنفني       كل يوم جرحك يبدي
بگلبك توج نار الهضم    وتصيح اه ياجدي

انت بالصحن الشريف     بعينك تشوف النزيف
وجه من دمه خضيب.   يابوصالح ياغريب 
==========
بسرداب غيبة همك    بالصحن انت الحاظر
عينك تصب دم بجفن. شايف مآسي العاشر
يالعاشرت ون الگلب    عشرة ونين معاشر
ملجوم من طف كربله.  بگلبك يلجمك حافر

حافر الصاب الدليل    دمعتك من دم تسيل
عالرمل جدك سليب     يابوصالح ياغريب
==========
انت الگلت ياسيدي       ابدال الدمع ابجي دمه
عاللي كضه يم النهر.     گلبه يبس من الضمه
اندب مسه ومصباح اون.  ويايه تبجي فاطمه
حيلي انهدم طولي انحنه.   شيبي كثر شوفي انعمه

مشيب ومحني الظلوع.  بگلبك النار وتلوع
ربي صبرك يامجيب.    يابوصالح ياغريب
==========
منهو اليواسيك بجرح         من يشعر بحسراتك
مثل الخيم من تحترك      ماتطفي ابد جمراتك
بصحن الكمر لمن تطب     تشبع بجي لعماتك
جم اه يم راس الكمر      يسمع ونين آهاتك

تنزف جروح وحنين.       ياللي عمرك بس ونين 
الطفل من ونك يشيب    يابو صالح ياغريب
==========
 المشهد تشوفه بكل مسه     خيل الترض ابصدره
تطحنهن ظلوع الصدر.      وتساوي صدره وظهره
مكطع على الغبره ويون.  يالمهدي ابن الزهره
متوذره اوصاله وذر        ترست اوصاله الصحره

موذر وضامي ويصيح     وگلبه يالمهدي جريح
جرح جدك مايطيب.    يابوصالح ياغريب
==========
الشاعر علي النائلي

القصيدة 32

محرم 1447ه‍-2025م
قصيده الليله الاولى (نزله)

عذابي      بهلال شهر أحزاني
عذابي      من فارگت خواني 
؛★★★★★★★★★★★★★★

انا زينب واحچي جرحي بهالشهر 
شهر عاشور وتجي ابّالي الصور 
ذكريات المشرعه وچف الگمر
ذكريات العاشر وگطع النحر

ترى هواي       هذا الشهر اذّاني 
عذابي            بهلال شهر أحزاني 
؛★★★★★★★★★★★★★★

بس اشوف هلاله اذكر كربله 
البيها مرت كل مصيبه ومعضله 
ترابها بدم اخوتي أو ولدي امتله 
لا هله بطاريها اصيحن لا هله
 
معانات       ما فارگتهن اني 
عذابي        بهلال شهر أحزاني 
؛★★★★★★★★★★★★★

شنسه منها يا ألم يا فاجعه 
كل دقيقه التمر روحي ملوّعه 
شنسه اخوي حسين چثته مگطعه
لو گمر هاشم الظل عالمشرعه 

بلا خوان      وسفه الدهر خلّاني 
عذابي           بهلال شهر أحزاني 
؛★★★★★★★★★★★★★★

بكربله كلشي جرى ما ينمسح
بيها راس حسين مرفوع برمح 
بيها كل ذكرى عبارة عن جرح 
ترى حتى الطفل بيها منذبح 

بقت دوم     ما تنطفي نيراني 
عذابي         بهلال شهر أحزاني 
؛★★★★★★★★★★★★★

شيّب بهذا الشهر حتى الطفل 
لمن شاف الخدر يصعد عالهزل 
عگب اخوتي الصارلي ما ينحمل 
امشي وي اجناب بچفوفي الحبل 

البلا دين      تالي العمر شافاني 
عذابي         بهلال شهر أحزاني 
؛★★★★★★★★★★★★★

يوم عاشر صار يوم الاخره 
ترى ما تنعد مصايبنه تره 
على گلبي من الصبح لزمن سره 
لا سلم زلمه ولا سلمت مره 

صعب حيل     امشي وتسب عدواني 
عذابي            بهلال شهر أحزاني 
؛★★★★★★★★★★★★★★

جعفر عطيه البزوني

القصيدة 33

نزله العاشر
ياعاشر محرم          أنصبلي جم مأتم 
""""""""""""""
ويلي وألف ويلي عله زينب باجر إوحيده 
عباس طايح عالنهر والرايه مو بيده 
زينب وحيده بلا أهل والكافل تريده 
موقف مآسي وجم حزن والعلكمي يعيده 
ظلت بالمخيم           أنصبلي جم مأتم 
"""""""""""""""
نيران باجر بالخيم وأطفال أحاميها 
جم جمره حست بالقلب والجمر ياذيها 
إرماد الخيم زينب تره متهدم عليها 
عكبك يعباس النفل منهو اليباريها 
جم طفله تتألم         أنصبلي جم مأتم 
"""""""""""""""
مثل الحجر كلبي إنفطر والماي جاوينه 
محتاره أسكت كل طفل لو أسكت سكينه
سهم العطش فت الجبد ياخويا ياذينه 
كطعوا تره جفوف الكمر طفوله هم عينه 
والجثه تتخذم           أنصبلي جم مأتم 
"""""""""""""""
أصعد على التل واكفه نضراتي لخواني 
لصوبي العده لمن إجت عباس ماجاني 
عندي عليل البل خيم محتاره بي آني 
مليت روحي من الهضم ذبحتني أحزاني 
للعاشر أتحزم          أنصبلي جم مأتم 
"""""""""""""""
باجر يجتفونه بحبل عباس هالكلفه
لهفه سكينه لجيتك شوصفها من لهفه  
طفله وعلي خافن تكع عالناكه من تغفه 
نرفج غرب بعد الاهل يالغالي ياوسفه
والحيل يتهدم        أنصبلي جم مأتم 
"""""""""""""""
تمت ولله الحمد/ المقصر مع الحسين 
             علي النائلي

القصيدة 34

بكاء .. عزاء .. ليلة وداع وفاجعة
أنين .. حُسين .. باچر يعالم مصرعه
.............................................................
هنّه چم ساعة واودعه وابقه اباوع من بعيد
وتلتم الناس على اخيّ ويذبحونه من الوريد
هُمه سبعين الف واحد والحسين ايظل وحيد
يعني لو كل سيف طعنه جسمه يتگطع اكيد
سيوف .. الوف .. تنسل تريد اتگطعه
أنين .. حُسين .. باچر يعالم مصرعه
..................................................................
صعبة من واحد يگلك اني باچر انذبح
وانته يوگف نبض گلبك من اصبعه ينجرح
الليلة ما تغمض اعيوني وراح احط بيهن ملح
بلكت اشبع شوف منه وحدّي منّا للصبح
حرام .. انام .. وباچر يحين اموادعه
أنين .. حُسين .. باچر يعالم مصرعه
 ...............................................................
باچر السهم المثلث مرد يمرد چبدته
اتّعّبه اجروحه وتصير بنص هذوله طيحته
ويجي ذبّاحه ويلزمه من لحيته وشيبته
يگعد گعود على صدر حسين ويحز رگبته
واصيح .. ذبيح .. ابن امي وكت الواقعة
أنين .. حُسين .. باچر يعالم مصرعه
...............................................................
باچر ادّوسه الخيول بمنظر الما ينجرع
بخيمتي وطگة اضلوعه بالحوافر تنسمع
الحافر يدوسه ويلوح الگاع مو بس الضلع
الحافر الينشال حتى اللحم ويا ينشلع
خيول .. تجول .. وعالترب جسمه اتوزّعه
أنين .. حُسين .. باچر يعالم مصرعه
...............................................................
باچر اركضله وأتيهه شلون اعرفه وگطّعوه
وألگه چوم احجار فوگه من كثر ما شامروه
وخنصره لهناك عنه انبتر والمحبس خذوه
وگلبه المفطر اشوفه اشتهى الماي وما سگوه
واشوف .. طفوف .. منظر الما اتوقعه
أنين .. حُسين .. باچر يعالم مصرعه
.......................................................

الشاعر سماح الجنابي

القصيدة 35

محرم 1447ه‍-2025م
قصيدة الليله العاشره (يمكن قراءتها بطريقة الشور)

آ يحسين آ يحسين آ يحسين
وا ويلا وا ويلا وا ويلا
؛★★★★★★★★★★★★★★★

خويه      طايح وگلبي انجسم نصين 
خويه      جاوب اخيتك خويه يحيسن 
خويه      هجمو علينه خويه الارجاس 
خويه       لا انته يمنه ولا العباس 

يا خويه    مجروح گلبي كلش هواي 
مذبوحة    بالشمس باقي ولالك فياي 

خيل اركضت    عالخيم لهفانه 
وادم اجت       تضحك اعله ابچانه 

يا خويه يا خويه     گلبي الله يعينه 
يا خويه يا خويه     گلبي الله يعينه ★★★★★★★★★★★★★★★★

وينك     راعي المحنه وراعي الاحساس 
وينك      جاوبني يا خويه يعباس
وينك      ناديتك وما ترد نجواي 
وينك      بعدك صفيت بولية اعداي 

حاچيني      كونك يخويه تسمع الصوت 
تعبوني       راووني خويه اعداكم الموت 

عندك علم       شصار من فرگاكم
بين الزلم        طلعوني اعداكم 

يا خويه يا خويه   گلبي الله يعينه
يا خويه يا خويه   گلبي الله يعينه 
؛★★★★★★★★★★★★★★★

عيني       شافت مصايب مالها حدود 
عيني       عالغبره شافت طايحه حيود 
عيني        يا ريت عميه قبل هاليوم 
عيني        ولا أشوف أخوي يطيح ويگوم

يا ويلي     بالحومه نركض صرنه طشّار
وخيمنه     حرگوهن الانذال بالنار 

هذا الجره      بعد ظهر العاشر 
فوگ الثره   حسين داسه الحافر 

يا خويه يا خويه  گلبي الله يعينه 
يا خويه يا خويه   گلبي الله يعينه 
؛★★★★★★★★★★★★★★

حيره    بعد الگمر وحسين اخيه 
حيره    أمشي على الناگه سبيه 
حيره    شحچي وشگولن لليگولون 
حيره   چا وين اهلچ راحو ام عون 

سامحني    عنك خذوني غصب يحسين 
مو بيدي     عفتك يخويه بحومة البين 

فوگ الهزل         بالحبل چتفوني
عگبك نذل        گام يحدي ضعوني 

يا خويه يا خويه   گلبي الله يعينه 
يا خويه يا خويه   گلبي الله يعينه 
؛★★★★★★★★★★★★★★

جعفر عطيه البزوني 

القصيدة 36

  بعاشر ليله.........بعاشر ليله 
  يـنـوح المـهدي بعـاشر ليله

1️⃣
     أخــر لـيـلـه بأحــزانــه 
     أبو صالح كصد ينحب 
     كـعد يم الخـيم شـفته 
     وراسه من القهر شيب 
     وداع الموت من شافه
     بدمـعة عـيـنه يتـغرب 
     المشاهد تنـعرض كلها 
     ويشاهد عمـتـه زينب 
                 ~~~
  بعاشر ليله.........بعاشر ليله 
  يـنـوح المـهدي بعـاشر ليله
==================
2️⃣
     كـلـها تـودع بـحـسـره 
     وليـلى تـفـارك الأكــبر 
     رمـله تـودع ابـجاسـم
     حـلم بـفراكـه يـطـشر
     وعبد الله جرح شفته
     الرباب بهجره تتحـسر 
     وزينب ع الكمر تنحب 
     الكـمر بغيابه ما يـظهر 
                ~~~
  بعاشر ليله.........بعاشر ليله 
  يـنـوح المـهدي بعـاشر ليله
==================
3️⃣
     كعدت كـلها يم خـيمـه 
     وكلـها بدمـعـه سـجابه
     أه يا فــكـدك الـيـذبـح 
     أه يـحـسـيـن ومـصابه
     بعد ما ضل ابد حامـي
     ومـاتــت كـلمـة اليـابـه 
     المهدي يراقب شصاير
     ونـار الـخـيـمـه لـهـابـه 
                  ~~~
  بعاشر ليله.........بعاشر ليله 
  يـنـوح المـهدي بعـاشر ليله
==========================
           الشاعر  محمد خشان             

القصيدة 37

قصائد محرم الحرام للسنة الهجرية ١٤٤٧

ليلة الوداع 

هالليله يحسين اوياك ... باچر اشيحمل فرگاك
تحاچيني يا ماي العين
هالليله بس باچر وين ... باچر اشيحمل فرگاك
................................................................................................

يبن أمي هالليله بدمع نتوادع ومن يدري 
باچر يخويه بكربله شيصير يا ضي عمري
أصبر واشوفك يا شهم توصيني خويه بخدري
تدريني أظل امحيره صبرك تشد بي صبري

ريت الصبح لا مرني ... ينگطع باچر ظني 
يا خويه تحصلّي منين 
هالليله بس باچر وين ... باچر اشيحمل فرگاك
................................................................................................

مكفوله جيت الكربله براعي الفضل يدروني
هاي اخت عباس الگمر وامدللـه ايسموني
وعيونه تربي المحملي سهرانه لجل عيوني
شيصير بيه لو شفت مكطوعه منه ظنوني 

باچر تغمض عينه ... ويتكطعن چفينه
محلاهه ذيچ الچفين 
هالليله بس باچر وين ... باچر اشيحمل فرگاك
................................................................................................

بين الخيم يا مهجتي شفتك وگلبي تفطر 
تتفگد الليله الأهل وللمعركه تتحضر 
طالت يخويه صفنتي بس بالصبر أتصبر
لحظة الشفتك يا شهم گاعد تحاچي الأكبر 

يحچيلك وتحچيله... والليله آخر ليله 
والموت ينطر روحين 
هالليله بس باچر وين ... باچر اشيحمل فرگاك
................................................................................................

أصعب بعد يا سلوتي شفت الرباب بعيني
تناغي الطفلهه بالمهد چن هاجسي يحاچيني
باچر النبله بمنحره بينه تحول وبيني 
شيصبر أمه عالبعد العبد الله فدوه سنيني

هذا الرضيع شذنبه... والعطش فطّر گلبه 
وبيا بخت يگصي البين 
هالليله بس باچر وين ... باچر اشيحمل فرگاك
................................................................................................

عادت الأم اعله الولد هيه التنشف دموعه
رمله لعد جاسم إجت تعلگ لعرسه شموعه
ما تدري باچر حنته دمه وتظل مفجوعه 
ونتهه باچر عالابن مخفيه ما مسموعه 

گعدت الليله يمه ... اتقبّله واتشمّه 
ليل وجمع هالگلبين
هالليله بس باچر وين ... باچر اشيحمل فرگاك
................................................................................................

يا خويه هالليله بقت يمي وأشوفك حاضر 
خل تشبع عيوني بعد ويصبر دليلي الشاجر
باچر مثل هذا الوكت المن الروح تباصر 
أحاه يفراگ الأخو أحاه يفجعة باچر

وياك گلبي الليله ... باچر منو يشد حيله 
يمي وأشوفك يحسين 
هالليله بس باچر وين ... باچر اشيحمل فرگاك
................................................................................................

خادم الإمام الحسين عليه السلام
عمار هليل الواسطي

قصائد محرم الحرام ٢٠٢٥

القصيدة 38

ليلة الوداع

وداعاً .. خويه ما شوفك بعد
وداعاً .. ما  يظل عندي  احد
وداعاً .. هاي    فرگة   وللابد
""""""""
مودع الله شلون اگلك گلبي ما ينطيني
شلون يالساكن بعيني ما تشوفك عيني
هاي  اخر  ليلة  تجمع  بينك وما  بيني
بعد عشرتنه الطويلة نفترگ يـحسيني
اودعك .. تالي ما تالي صدگ
اودعك .. وهاي  هيه  نفترگ
اودعك .. للبعد گلبي استعد
"""""""""
ويايه  هالليله يغالي  وباچر بيا حاله
يفرهدوك گبال عيني ودمعتي هماله
راسك المتروس  غيرة عالرمح يتلاله
وصدرك الحنية كله تسحگه الخياله
حوافر .. وانت  مرمي عالارض
حوافر .. صدرك تدوس وترض
حوافر .. تسحگ  باطهر جسد
"""""""""
يصعد الشمر اعله صدرك كلها شر نظراته
سيفه  من نحرك  يقربه  ويلي من  خزراته
راسك   يحزه  ويشيله   وتعتلي   ضحكاته
يبقه  يضرب  بيك خويه  وبالنحر  طعناته
يويلي .. يهد  حيلي  منظرك
يويلي .. وهو يضرب منحرك
يويلي .. فوگ صدرك لو صعد
"""""""""
خويه والخيل التسحگك تسحگ اعله ايتامي
انت  ضامي وحتى طفلك  ينذبح هم  ضامي
منحرك    يحسين    اشوفه   ينگطع   گدامي
والمصيبة   تلث   ليالي  تبقه  عاري   ودامي
ليالي .. تلاثة   تبقه  بلا   دفن
ليالي .. صوت من نحرك يون
ليالي .. من بلد امشي لبلد
"""""""""
عگب  عينك انه امشي والحبل  بيديه
حرمة بين الغربة خويه والعيون اعليه
ناس تضربني بحجارة وناس تشتم بيه
انسبي  وتسأل الوادم  منو  هالمسبيه
غريبة .. وايدي مچتوفة بحبل
غريبة .. منو      انتي     أنسإل
غريبة .. اعليهم    اللهُ    احد
"""""""""
كل  اخت تبقه  عزيزة دام اخوة  عدها
شلون بالـما عدها اخوة الله ليساعدها
يا حسين شلون باختك لو بقت وحدها
آل امية  بناگة  هزلة  لاختك  اتصعدها
وحيدة .. لا   اخو   يفزع   الي
وحيدة .. والوحيدة       تنولي
وحيدة .. حرمة ما عندي سند

انيس الخفاجي الكربلائي

القصيدة 39

((ليلة الوداع)) 

ليش زينب بالوجــــوه اعيونها 
وما اظن طبگن الليله اجفونها
ــــــــ
ليش ماطبگن اجفون ام الخدر
اتحسب الباچر اذا طــــر الفجر 
مثل ظهـر احسين ويلي تنكسر 
والزمان بغــدره وسفه ايخونها
ـــــ
اتودع الســــاده ودمعها ينهمل
تدري باچر مايظل واحـد عدل 
بالرمـــــاح وبالسيوف وبالنبل
تشوف كل اعزازهه ايچتلونها
ــــــ
اتودع الشـــبان والحيل انهدم  
حَنّه صارت بالبچي بين الخيم
والعلي الاكبر دمعها ايسيل دم 
تدري جثته باچـــــر ايوذرونها
ــــــ
مو بديها والدموع اتســــابگن  
باچر اولا  واحد ايخلي الزمن 
جاسم ايذكرها بعيون الحسن
چفوف جاسم بالدمه ايحنّونها 
___
تنظـــر العباس واتطيل النظر 
باچـــــر ايگطعون چفه عالنهر 
وابو اليمه ينكســر منه الظهر 
ومن یروح اهل الرجس يسبونها
ــــــــ
راحت العبد الله زينب شبگته 
طفل وانباگت وسافه ضحكته 
امن العطش زرگه تناظر شفّته 
ورگبته الحلـــــــــوه تغير لونها 
ـــــــ
تنظر اعلى حسين وتهل الدمع
باچر ايگطعـون راسه وتنفجع
وتدري بالخياله تسحگ عالضلع 
وسرجه ملوي من يجي ميمونها 
ـــــــ
باچر اتنادي عڰب موت الأبـــي
آه وايلاه ياجـــــــــــدي النـــبي
ٱنه عکب حسين اروحن للسبي
وروحي بشچم نايبه ايفجعونها 
ـــــــ
حيدر بشار الدراجي

القصيدة 40

محرم 1447ه‍-2025م
قصيدة الليله العاشره 

توجهت زينب لخوها بليلة اوداع وحزن 
گعدت گباله وتگله خويه يحسين وتون 
خل اشوفك خل اشبگك خلي راسك بالحضن 
انا اخافن خويه باچر ليلي من دونك يجن 
آ يخويه    آ يخويه 
؛★★★★★★★★★★★★★★★★

يگلها الحسين بعبرته وصوته بالهم مختنگ
خويه يا زينب اودعچ باچر احنه نفترگ
عينچ اعلى اطفالي خويه من المخيم يحترگ
وعينچ اعليهم يخويه بالحصن لا تنسحگ
ها يزينب       ها يزينب 
؛★★★★★★★★★★★★★★★★

راحت العباس اخوها والدمع مثل المطر 
ليلة وداع الحبايب ليلة الهم والسهر 
هذي آخر ليله بيها تلتقي الشمس بگمر
زينب تودع گمرها وينكسر منها الظهر 
آ يخويه      آ يخويه    
؛★★★★★★★★★★★★★★★★

گلها ابو فاضل يزينب يالاعز من العمر 
يالتربيت اعلى چفك يالحنينه من الزغر 
خويه اودعچ بالسلامه وگلبي يلهب بيه جمر 
سامحيني يالعزيزه لو بِدَر مني قصُر 
ها يزينب       ها يزينب 
؛★★★★★★★★★★★★★★★★

لطمت الراس العقيله وصاحت بذاك الفله 
بگاعچ شضميتي اليه كربله يا كربله 
چانو حيود العشيره وياهم انا مدلله 
راح افارگهم واعيشن كل حياتي معلعله 
يا غربتي      يا غربتي 
؛★★★★★★★★★★★★★★★★

احس من هسه وحيده وماكو واحد من هلي 
لا حُسَين ولا ابو فاضل لا القاسم لا علي 
چني من هسه غريبه وبالمصايب ابتلي 
چني من هسه سبيه وغربه تمشي بمحملي 
يا غربتي      يا غربتي 
؛★★★★★★★★★★★★★★★★

جعفر عطيه البزوني

القصيدة 41

عبدالله الرضيع عليه السلام

شلون الراي.    ماظل ماي.    بيش اسگيك حاچيني
٠٠٠٠٠٠٠٠٠٠٠٠
آنه امّـك يعبــدالله.     دهري بيك صوبني 
رضيع بيا ذنب حرموك.   من ماي النهر يبني 
شعنـده حــرمـله ويّاك.   بسهمه الجاني شيّبني
عسه انشلّت يمينه وريت  امـوت ولا يعذبني

سهمك صاب.   گلبي وذاب.    من شفتك يضي عيني 
٠٠٠٠٠٠٠٠٠٠٠
منو المثلك يعبدالله.    رضيع وينذبح نحره
يويلي والأشد من هاي. ضامي وماشرب گطره
اجيت امخضب بدمك  ييُمّه ورگبتك حمره 
إبدال الماي من دمك.    سكوك وچبدتك جمره

آه عليك.    شصاير بيك.    اناغي وما تناغيني 
٠٠٠٠٠٠٠٠٠٠٠٠٠
نبلة حرملة بطولك     ذبحوا رگبتك بيها 
لا اگـــــــدر اطلّعها.     ولا اگــــدر اخلّيها
اصيح بصوت عبدالله.   امك ما تحاچيها 
الطم عالوجه والعين   لحدما عيني اعميها

اشبگنّك.     وشمّنّك      بعد منهو اليسلّيني 
٠٠٠٠٠٠٠٠٠٠٠
يبني مفطّره اشفافك.   من كثر العطش يُمّه
جسمك ذابل ونحلان.    من گد ما نزف دمه
ضامي وحرمله الملعون. رماك وصوبك سهمه
جابك والدك مذبوح.    وعن عيني السهم ضمّه 

ما رحموك     من ذبحوك     ذبحو حلمي وسنيني 
٠٠٠٠٠٠٠٠٠٠٠٠
يعبدالله الرمل يچويك.   نام بحضني وتهنّه 
مو مالت رمل وتراب.  خدك خل اشمّنّه 
اشوفك بالمهد هيهات.  أئيّس وگطع الظنّه 
عطشان ومتت عطشان.   الماي منين اجيبنّه 

بيني وبين.    گلب حسين.     نار النبلة تچويني 
٠٠٠٠٠٠٠٠٠٠٠٠٠
ينبضي الماعشت لولاه.  ينسمه التنعش الريّه 
اهزّك بالمهد ورتاح. لحدما تغفه يوميّه 
يعبدالله وغفل مني.  خذاك المارحم بيّه
نمت مو بالمعهد بتراب. وعفتني بجرحي مسبيه 

شلون انساك.     روحي وياك.    اواسيك وتواسيني 

سيد زيد الفحام
محرم ١٤٤٧هـ

القصيدة 42

عبد الله ع 

             احرگوا كلشي بس خلوه الـيه
             مهـد عبد لله اشــــيلنــه ابديه 
             مال ازغار..مو للنار..خلوه اليه
==================================١
      لاتحرگـــــون المهد..اتموت فوگه ام الولد  
            خلولي المهد وخذوا التريدونه
       النايم ابحضنه الورد..اخضر وما ينحصد 
            اموتن من اشوفنكم تحرگـونه 

      بيـه ريحت طفـل عطشــان ماشاربلـه اميـه 
      راعي المهد ما موجود السهم سكّت بواچيه 

             گامــت ناركـــم تاكـل بالــگماط
             گبل دخانه اشمن بالگلب شاط
             ياكفــار ..مـو للـنار.. خلـوا اليه
==================================٢
       ارکض ويركض وراي..واحد ايطگ ابگفاي 
              هوه وسوطه متني ما يعوفونه
       يصيح انه اسلبهه هاي..للغنائم نيتي جاي
             حصتي الــمهد هذا ولاتكربــونه 

  من اسمَعته هيچ ايكول وجهي انخطفت الوانه 
  گبل احسين ياهو  الــمات وسلبوا مهد رضعانه 

           اجـم مـره ضربنـي وآنـه لـزميـت
           مهد ابني واجاني الموت حسيت
           بيه احتار .. مو للنار ..خلوه اليه
==================================٣
       عافني وبالگوه راح ..جيبوا راس الولد صاح
              عله راس الرمح لازم  ترفعونه 
      گلبي گبل الساني ناح .. مو عله گده الــرماح 
              گبالي وعمده كل ساعه يهزونه 

         يهز بالـــرمح واترجـاه بالله لايطيــح ابنـي
         چنـه يگلـي يايمـه حيـل الـــرمح يلچمنـي 

             اركـض والــمهد جـــواه اخليــــه 
             عليه افتر اخاف الـــرمل يچويـه
             اطواف الزار..مو للنار..خلوه اليه
==================================٤
       بالمهد جواه اصير ..يمـــه انـــزل يازغــيـر 
              اذا لـولــيت وتناغــي يسمعـــونه
       يمه من يطلع نهار ..يصير راس الرمح حار 
              يمه حته الطفل ذوله ما يرحمونه 

   انطر الـفجـر راح يصيــر حـار ويلجم اجروحك 
   الرمح بالشمس مثل النار انزلك ردت ما الوحك 

          عله راس الرمح يا چف الـيلوح 
          فَي اشلون احط للنحره مذبوح 
          باچر  حار.. مو النار ..خلوا اليه
==================================٥
      نوگ جابــو للسبــي..واحنه ابطرگ الـعبـي 
           اضمّـه ويـن حتـه مايشــوفــــونه 
      ربي احلفــك بالــنبي ..لايذكــره الــناصبي 
           امن اطبن سوك اخافن لا يبيعونه 

  ابسوگ الكوفه من طبيت بيه باعوا تراچينه
  ياحافظ عليــل الــطف خلهم مهـده ناسينــه

             اذا خلّصت من الـسوگ ارتاح
             اكولــن يــوم مر ومني ماراح 
             يـاستار ..مـو للنار..خلوا اليه
==================================٦
       وصلت للشام الـضعن..يمي الــشمـات اجـن 
                دللول الـولد الـمن تلولـينه
        يا هو اليسكت اللسن..عَلي ضحكم ما بچن 
                ما عندچ ولد ناخذه خلينه 

يعبد الله دلـولـك مـات يعيرونـي امـن الــولــيلك 
دمعي التحت رمحك طاح صَعد يوليدي يشكيلك 

            يالـمالچ ولـد صاحت الـنسـوان 
            بتره وجفن عينچ ليش سهران
           بيه اشصار ..مو للنار..خلوا اليه
========================
✍حيدر الشغانبي

القصيدة 43

عبدالله الرضيع

يفيّ الصيف يبرودة عذب چنّه
يعبدالله بعد بيش آنه اتهنه
_

يا سلوة حياتي او لذة اسنيني
ياعگلي . يگلبي . يانظر عيني
سويها لوجه الله او ناغيني
فك عينك . تململ . ون فرد ونه
_

بعد مابيك تتنفس يروح امك
أما تدري انه اتنفسك واشتمك
اعيشن چيف وانت امضرج ابدمك
يهل راح امن اديه او أيست منه
_

يهل راح امن اديه مغلج اعيونه
او خلاني ابشفير الموت مرهونه
لا ميته او گبر ليه يحفرونه
ولا عدله . أو أليه بالعمر ضِنّه
_

مالي بالعمر ضِنّه ولا رجوه
يعبدالله الحياه من دونك اشتسوه
من ايدي رحت عطشان تتلوه
او جابوك او رسوم الحلوه ما هنه
_

يعبدالله عليه ضاعن ارسومك
اشوفن دم رگبتك تارس اهدومك
والمثلث يويلي الگاص بلعومك
شده فكري او صرت ماعرف اوخرنه
_

شده فكري المثلث بيك شمخلي
هو الصوبك شيريد متگلي
هو الصوباك ايصوم وايصلي ؟
هم عنده گلب هم يعرف امحنه
_

گلبه اشگاله من صوب ابسهمه
يريت اعيونه هاي الساعه تعمه
اسلبك من عندي يمه سلبت النعمه
او ضليت ابحزن ما ينعرف عنه
_

ابو فاطمة الطائي

القصيدة 44

يشيعه يشيعه
كسرو گلب الحسين برضيعه
/////////////////////////
جان ظهريه الوكت والحاله صعبه
راد واحد ماي عبدالله يشربه
حرمله صاح بسهم أكدر اضربه
إله اخلي حسين أبو مشلوع كلبه

فجيعه فجيعه 
ست أشهر تره هاي الفجيعه
/////////////////////////
عبد رابي بحظن ابوه وجو الاحلام
ماي وبروده وحظن رايدله وينام
طفل وينه ياخلگ أوين الإسهام
شلون الحسين برضيعه يطب للخيام

الوسيعه الوسيعه 
حيره وظاگت بعينه الوسيعه
/////////////////////////
ياهو يكدر ينذبح ابنه أعله صدره
والسهم يگطع ركبته بس يجره
رجع محني مشيب وخانگته عبره
صاح يازينب رضيعي انطاچ عمره

الشريعه الشريعه
عزو عالطفل ماي الشريعه
/////////////////////////
جوه هدمه جابه والخطوه ثگيله
تربع اكبال الخيم وابنه بشليله 
حال عبدالله صعب مارد دليله
شهگ شهگت موت من شاف العقيله 

الوديعه الوديعه
خله وليده بحظين الوديعه
/////////////////////////
عبد نورس بالبياض وهمه غربان
عمره ست أشهر حرام يموت عطشان
حسين بيده شيعه وصاراله دفان
وحتى عبدالله الرضيع انطاه قربان

طبيعه طبيعه
اليكرم يكرم بكلشي طبيعه
/////////////////////////
بعد ياشيعه شسولف من سوالف
حسين من گد المصايب ريجه ناشف
موقف يبچي الحجر دون المواقف
رأس عبدالله انرفع مثل المصاحف

سريعه سريعه
گطعت رأس عبدالله سريعه
/////////////////////////
تمت ____ علاء الزيدي

القصيدة 45

( محسن و الرضيع) 

استمع ون الفجيع • • • بين محسن والرضيع
هاذا قطعو منحره • • • وذاك طاح اعلى الثرى
ـــــــــــــــــــــــــــــــــــــــــــــــــــــــــــــ
صاح عبدالله بحزن   شوف بيه شالحصل
بحضن ابويه وبسهم    راسي ياعم انفصل 
قلب ابويه ينفجع   شاف هالخطب الجلل

           وشاف عيني غايره
ـــــــــــــــــــــــــــــــــــــــــــــــــــــــــــــــــــ
صاح محسن والدمع   منه عالخد انحدر
وانا شفت الفاجعه   وقلبي والله انفطر
كنت نايم وسمعت   ضلع امي انكسر

           ريتك اتشوف الجرى
ــــــــــــــــــــــــــــــــــــــــــــــــــــــــــــــــ
قال عبدالله وبكى   فتت المهجه العطش
ومن قطع نحري العدو   عقلي ياعم اندهش
ماارحموني بحالتي   والظما بقلبي نهش

             احس ناره موجره
ـــــــــــــــــــــــــــــــــــــــــــــــــــــــــــــــــــــ
أروي كسرت خاطري   من شفت بويه انتحب
عينه تنظر للسما   ومن دما نحري اختضب
قال ياناس الطفل   شنهو ذنبه والسبب

         والله يصعب منظره
ـــــــــــــــــــــــــــــــــــــــــــــــــــــــــــــــــ
انا عبدالله الذبيح   منهو يعرف حالتي
ماقطع نحري السهم   والي اجري عبرتي
حسين وحده بكربلا   مصابه فتت مهجتي

           قلب ابويه شيجبره
ــــــــــــــــــــــــــــــــــــــــــــــــــــــــــــ
شالني بجمرت حزن   ورجع للخيمه بدمع
وضل ينادي ام الصبر   وقلبه والله منصدع
وقال يازينب بعد   انطفى نور الشمع

           وعمتي متحيره
ـــــــــــــــــــــــــــــــــــــــــــــــــــــــــــــــــــــ
آه يا أم الخدر    ذكرتني بفاطمه
واقفه متعجبه    تشوفي في نحر الدما
صارت اتعزي الحسين   ولنها أمي قادمه

              تسأل ابني ارتوى
ــــــــــــــــــــــــــــــــــــــــــــــــــــــــــــــــ
أمي شافت منحري   والقلب من عدها ذاب 
حسين يوصي بالصبر   يقول صبري يالرباب
وبمصيبة فاطمه   ذكره هذا المصاب

          صاح أه يصابره
ـــــــــــــــــــــــــــــــــــــــــــــــــــــــــــــ
عمي محسن لاتخاف   ننتظر راعي الوعد
ياخذ بثار الدماء   امن الأزل هذا العهد
اليوم يبكي المنتظر   وقلبه يتفجر كمد

               والبتوله حاضره
ــــــــــــــــــــــــــــــــــــــــــــــــــــــــــــــــــ
يابوصالح سيدي   يالي زاير كربله
ننتظر ثار الكرام    الكون كله تزلزله
برد إل قلب الرباب  بسيف اذبح حرمله

           هذي زمره فاجره 
ــــــــــــــــ نسآلكم الدعاء ـــــــــــــــــــــ
       الشاعر : بوحيدر الحمد

القصيدة 46

نزله  علي الاكبر

الجيش يقرون الحمد
جنه حيدر من يهد
بل شكل يشبهه محمد هذه الاكبر ياشباب

الضـلام ايطـير راسـه من يـدك باب الضـوه 
صوت من الجيش طالع مـوفرد كلـهم سـوه
حسين رجع علي فدوه ظيـك اعلـينه الهـوه
مات حتى الشردمنه راسـه بسيـف انجـوه 
صوتهم ضل ينسمع 
اخذ ثارات الضلـع 
سيفـه لمن وصل يمنه كـام يا كـل بالركاب
بل شكل يشبهه محمد هذه الاكبر ياشباب

الشمس من نور وجه تاخذ الخده جمال
حسين ابوه عباس عمه جـده جتال الرجال
فرقه فرقه كام يطلب علـي الاكـبر لـنزال بالحرب ماكو استراحه هـدنه ما بيه مجال
غيمت سوح الحرب
محد ايشوف الـدرب 
يمنه اخذهم يسره ردهم شافو اشكال العذاب 
بل شكل يشبهه  محمد  هذه  الاكبر  ياشباب

الشمر خاف وينـادي يا جيـوش اتقـدمـي 
مو ابو تراب اليقـاتل هـذه ازغـر هاشـمـي
شلون لو جفال زينب يمشي صوب العلـكـمي
حتى ساتر ماكو بالطف بيه العسـكر يحـتمـي
ياعمر جيشك جبان
ماكـدر ياخذ مكـان
هذه الاكـبرهيـج سـوه هذه ماجان ابحساب
بل شكل يشبهه محمد هذه الاكبر  ياشباب 

حسين ابنك نزل وحده وضـلت الحومـه تمـيل 
شلون  بينه  كون  ينزل  عمه  ويا  الـكـفـيل
جان كام الجيش يصرخ يا ابـو فاضل دخـيل
مايرحمه اليشطـره جف علي الاكبر ثكـيل 
بويه الاكبر من نزل 
بيهم الخوف اشعمل
الهزيمه حضرت يمهم نعم بس النصر  غاب 
بل شكل يشبهه محمد هذه الاكبرياشباب
تمت
الشاعر محمودرحيل

القصيدة 47

تجليبه للاكبر ع

يالاكبر روحي انته وهاي تدريها
اخذ گلبي درع والروح خليها
-----------
يروح الروح ياعقلي وبعد عمري
الهوه انته الاشمه وينتعش صدري
انا ابلياك اموتن يولدي تدري
كل اعضاي دونك چا شلي بيها
-----------
شلي بالعمر يالفرگتك صعبه
الحومه ياعلي بنارين ملتهبه
نار اضماك نار اسيوف متعصبه
وما ادري ييمه اشلون تاليها
-----------
تاليها شنو وشنهو الذي مضموم
عاشر من محرم يولدي هاليوم
رايح ياعلي وتتگابل اويه الگوم
وتخلي كربله صفين ناويها
-----------
ناويها اضلن واحسب اللحظات
واحسب لو رحت يوليدي بس
شوغات
كل ساعه وگولن ها عدل لو مات
مثل لوي الهرش للروح تلويها
-----------
تلويها المعاره وافرح بزودك
كل هاي الجثث يبني علي شهودك
وافرح وابتشر يوليدي بوجودك
وروس اعله الارض ناوي تخليها
----------
تخليها وتجيني چان كل ضني
وتردلي لهفتي ياعلي يبني
تاليها العدو بالطبره چايدني
وبجمرة فرگتك روحي يچويها
----------
السيد
كريم دانه الاعرجي

القصيدة 48

نزله علي الاكبر عليه السلام 

انا عليُّ ابنُ الحُسين ابنُ علي 
٠٠٠٠٠٠٠٠٠
نزل والسيف بيمينـه ورتجل بالحومه 
علي آنه وجدي حيدر لو نسيتو علومه
راح اراويـــكم قتــاله ذولفقاره ويومه
جيوشـكم يا آل اميه بالحرب مهزومه 

في طاعةِ الرحمنِ اهوى مَقتَلي 
انا عليُّ ابنُ الحُسين ابنُ علي 
٠٠٠٠٠٠٠٠٠
خيبـر اكلبــها عليــكم  وآنه قالــع بابها 
شما تزيد اعداد عدكم  إلّا اكص ارگابها
مرحب وبكـر ابن غانم والبطوله حسابها
راح اكص راسه ودوسه يندفـن بتـرابها

إلاّ بسَيفي شَـرّهُ لا ينجَلي
انا عليُّ ابنُ الحُسين ابنُ علي 
٠٠٠٠٠٠٠٠٠
هذا ابوي حسين هذا وعلي الأكبر آني 
كـربله أخسفـها بيـكم  ما يظل سفياني
ويله يا ويله اليجيني  وبالحرب لاگاني 
إلا اطـر راسـه وذبحه  كلمن اتحــدّاني 

يا ارضُ ميدي بالعِدا وزَلزِلي
انا عليُّ ابنُ الحُسين ابنُ علي 
٠٠٠٠٠٠٠٠٠
ما يهمني الموت راحه في سبيل الباري
يا بني سفيان منكم خذت حقي وثاري 
نترست الكاع بجثثكم والقتـل اجبـاري 
نهـر وسط الغاضـريه من دمـاكم جـاري

من بَحرِ طه مَنبَعي ومَنهَلي 
انا عليُّ ابنُ الحُسين ابنُ علي 
٠٠٠٠٠٠٠٠٠
ما طحت لوما غـدركم  بالغـدر صبتوني 
المهـم عنـد الله مرضي  ما يهم كطعوني 
علي الاكبر يبقى اسمي. والله ما تمحوني
درس للأجيـــــــال ابقه. كل زمن يقروني

وذكْرُنا لا ينطمس سَيعتَلي 
انا عليُّ ابنُ الحُسين ابنُ علي 
٠٠٠٠٠٠٠٠٠
لا يزيد يدوم حكمه  ولا ابن مرجانه 
بس ابوي حسين يبقى. خالد بعنوانه
احنه أهل البيت احنه خاسر العادانه
يم رسول الله عرشنه واليحبنه ويانه 

بجَنبِ جدي في المعالي مَنزِلي 
انا عليُّ ابنُ الحُسين ابنُ علي 

سيد زيد الفحام
محرم ١٤٤٧هـ

القصيدة 49

#مجالس_محرم_الحرام 1447 هـــ
ياعلي الاكبر

🔹🔸

انهض انرد للخيام
صعبه لمفارك ينام 
بويه عالدنيا السلام     علي بويه 
ــــــــــــــــــــــــــــــــــــــــــــــــــــــــــــــــ
انهض امــــك كاعده ابــاب الالم
وتدري كلب الوالــده نــــز وعلم 
شلون ينسد باب هجرك كله دم 
الخاطر امــــك ياعلــي رد للخيم 

وجهك يزيح الظلام 
بعينها يصلي الكلام 
بويه عالدنيا السلام      علي بويه 
ــــــــــــــــــــــــــــــــــــــــــــــــــــــــــــــــ
ياعلــي فراكك صعـــب ماينحمل 
اكبالـــي ميت هاي ما تدخل عقل 
شلـــون اردن بيك لامك مو سهل
امــك امن تشوف جسمك تنجتل 

شلون تصبر يا امام 
يا امل طير الحمام 
بويه عالدنيا السلام      علي بويه 
ــــــــــــــــــــــــــــــــــــــــــــــــــــــــــــــــ
الموت وي طولك يالاكبر مايليق 
الورد من لونك واشوفنك رحيق 
بالشجاعه تنقري وللحـب صديق 
الله من سواك يبني اشكد دقيق 

فصل امتونـــك هيـام 
وهسه صارت للسهام 
بويـــه عالدنيا السلام    علي بويه 
ــــــــــــــــــــــــــــــــــــــــــــــــــــــــــــــــ
ياركـــن كلبي التحطـــم والوكـــع 
الامل من بعدك يالاكبــر مارجـع 
بـــدر مثـــلك وبجمـالك ماسطـع 
صعبـــه يبني اتصبح كبالــي قطع 

يابـــدر ليــل التمام 
ردتك الظهري حزام 
بويه عالدنيا السلام      علي بويه 
ــــــــــــــــــــــــــــــــــــــــــــــــــــــــــــــــ
اعز من روحي وردت يمي تدوم 
انجـــان تكـــدر يبني ياريتك تكوم 
الكلب متحــــزم يالاكبر بالهموم 
والهـــوئ ابلياك بالريــــه سمــوم 

ويه البعد دومك خصام 
كافي من هذا المنام 
بويـــه عالدنيا السلام     علي بويه 
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

القصيدة 50

الليله ليلة جسام...انطوهه حگهه انطوهه

هذا محبوب الحسن..ضحَّه دم لسلامه
نبچي واعله امصيبته...خل ندگ عالهامه
حيلكم ياهل خَدَم...هِيَّه هاي ايامه
كون رمله تفتخر...ابمجلس اللطامه

عاللطم ماننلام...واصدركم وَسمُوهه
الليله ليلة جسام...انطوهه حگهه انطوهه
......................................
تنظر الليله العَزَه...الفاجده المفجوعه
مانلوم المنجرح...لو يهل ادموعه
ياشباب الينكسر...يعني حَس باللوعه
بالصّواني للعرس...تبچي حتى اشموعه

باللطم يالخدام...أم الولد واسوهه
الليله ليلة جسام...انطوهه حگهه انطوهه
...................................
خَلِّي نهدي التعزيه...للحسن ووليده
وبالحزن هذا الگلب...نار كون انزيده
واليدگ اعله الصدر...حيل يرفع إيده
رمله هالليله تون...واليون اتريده

بلله دگو اعله الهام...واعله الجره عينوهه
الليله ليلة جسام....انطوهه حگهه انطوهه
......................................
حَگَّه جاسم عالشباب...ياشباب الليله
نلطم الهل فاجعه...وننحب ونبچيله
عَمَّه الحسين انهظم...والفگد هد حيله
جابه للخيمه ويون...والدمع يجريله

ذبحو الأمَّه احلام...وابهالخبر فجعوهه
الليله ليلة جسام....انطوهه حگهه انطوهه
........................................
صيحو للقاسم نضل...كل وكت وياكم
عهد عدنه الفاطمه...والله ماننساكم
والله خدمتكم شرف...كل محب ناداكم
ونبقه يانجل الحسن...نلعن العاداكم

تشهد الهه الايام...شيعتكم وتدروهه
الليله ليلة جسام...انطوهه حگهه انطوهه

سيد علي الموسوي

القصيدة 51

القاسم ع

ما بين العيون   كل عمري ضميتك
اعذرني جسام   للحومه زفيتك
خل تهمل العين  ظل وحده الحسين
****
انتظرت سنين يكبر يالولد عودك
ضيم الدنيا صابرته على مودك
وصلنه الطف ييمه وبانت احدودك
عرس لو موت يبني الجنه مردودك

ظمهن يجسام  واخفيهن آهاتك
إم آنه والروح  تچويها نظراتك
يمه الربه دين   ظل وحده الحسين 
****
يريد الدنيا ادري كلمن ابعمرك
زغير وما تعرفه اشظاملك دهرك
اذا عفت الشموع وحزمت صبرك
يم حسين باچر ينصب گبرك

يوليدي لشموع  ساعه ونطفيها
والحنه ايام  هالغبره تخفيها
مينفعك البين   ظل وحده الحسين 
****
اشما عاين عليك اگليبي يتگطع
شباب وما يلوگ الشوفتك مصرع
صرت اتخير ابين الوفه ومدمع
فدوه الفاطمه بالحومه تتبضع

من گلبي هالصوت  بس فاطمه اتفهمه
فدوه هل اولاد  لتراب ابو اليمه
الدم يجري صوبين  ظل وحده الحسين
****
لتفكر ييمه ابحالي والخيمه
ميهمني السبي والركضه بالهيمه
ما نسوى ترانه اگبال هالشيمه 
گبل امك وجب الحسين تقديمه

انته حدر خيل  روحك تخليها
وانه عله النوگ  زينب اواسيها
طب للميادين  ظل وحده الحسين 
****
تعال اوياي يبني وعاين اللوعه
تره العمك هذن لسيوف مرفوعه
بهذاك الصوب عشره خيول مجموعه
بس ايطيح عمك تسحگ ضلوعه

ها يمه جسام  شتفسر المنظر
ما تنصر حسين  يبن الحسن تگدر؟
وين الدرب وين  ظل وحده الحسين 
****
يالله اوليدي حط سيفك عله متونك
ابد ماريد يبني اتدير بعيونك 
واذا سبعين الف يمه يلاگونك
ابسبيل حسين خليهم يذبحونك

لتاني السيوف  انته اعتني ليها
وابنحرك اتنام   يوليدي خليها
تفزعله هالحين  ظل وحده الحسين
****

الشاعر اياد الديراوي

القصيدة 52

ليلة 8 من محرم الحرام

عرس الضوءه تــمنيته           
وتالي بدمـــــع زفيــــته 

وردة ودرع أنطيته.          وردة ودرع أنطيته
ـــــــــــــــــــــــــــــــــــــــــــــــــــــ
بذاك الضهر وبطلعته بالخــيمه من ودعني
صحت لولد ضي العمر وتالي العمر فاركني
شبكت وداع تشابكت وبجفه  هام شابكني
ضليت أبوسه بجــبهته وبجفي هم قبلني

نمــــشي ونرد نشابك    
شوف العشك بحبابك  

بثغر النحر شميته  وردة ودرع أنطيته
__
شمت عمر  بكلبي جمر حرمت عليه الفرحه
طافي الشمع بفركتك والشمعه ماتت ذبحه
كلبي بغـيابك ينجرح ضليت أونن ونعه
برأيت حلم اشتاك الك حلمك يمه فرحه 


يمته بحـــلم نتلاكه        
الوجه البدر مشتاكه

بروحي الولد  خليته  وردة ودرع أنطيته
_
بعطرك أشم يل مبتسم ياوردة بين ايامي 
ادري بغيابك لورحت ماتت  ييمه حلامي
بعرسك اشوفك مبتسم تالي اشوفك ضامي 
ماتت فرحتك ياضوءه ثوب الفرح ضل دامي 

بكل العرس هلهوله       
جاسم صبح ينعوله
 

بثوب العرس وديته  وردة ودرع أنطيته
___
راح ومشه وعينه تصد ليه بدموع عيونه
كلبي بغيابك ياضوءه يايمه هم خيعونه 
باجر دموعي الوجرت جفني تذوب جفوته 
دمعي اليطيح بغيبتك يامهجتي يشوفونه 

سيل الدمع بعيوني.        
ذبل ييــــمه جفوني 

جفني بدمع  رويته         وردة ودرع أنطيته 
___
بسوح الحرب لمن يهد روه العدة بصولاته 
يطحن زلم طحن الرحه يطول نظر عماته 
جاسم صبح فارس مظر صولت علي بهداته 
يخلس زلم لا مو زلم  بثوب العرس كشخاته 

عرس الولد بالحـومه.       
أمه أصبحت مهضومه

دمعه  وفرح طشيته           وردة ودرع أنطيته

كلمات......خادمكم 
مرتضى مكطوف الموالي

القصيدة 53

نزلة للقاسم عليه السلام

رايح يذبحونك     من فدوه لعيونك 
امك يجسام.       امك يجسام 
٠٠٠٠٠٠٠٠٠٠٠٠٠
انت الهوى وانت النفس يوليدي يا جاسم  
شايل صفــــات المجتبه شمعة بني هاشم 
رايح ييُمّه للحــــــــــرب ما ترحــم الوادم
ادعيلك الله بغـــــــربتـي تروح وترد سالم 

احذر يغدرونك.      من فدوه لعيونك 
امك يجسام.       امك يجسام 
٠٠٠٠٠٠٠٠٠٠٠٠٠
بعدك زغير عله الحرب يا نبضي ونفاسي 
طعنة رمح تكسر ظهر جـرح الإبن قاسي 
احساسي گلّي تنذبح ما يخطأ احساسي 
رغم المصيبة والجرح بيك ارفعت راسي

جاسم يحسدونك.       من فدوه لعيونك 
امك يجسام.       امك يجسام 
٠٠٠٠٠٠٠٠٠٠٠٠٠
حـلم العمــــر تكبر الي وبرسومك اتهنّه 
من تلبس ثياب العرس وعجـنـلّك الحنّه 
ما حسّبت طف كــربله واللـــوعه والونّه 
اتمنّه گبلك انـذبــــــح يا جاســــمـ اتمنّه

يا راحه من دونك        من فدوه لعيونك 
امك يجسام.       امك يجسام 
٠٠٠٠٠٠٠٠٠٠٠٠٠
رايح يجاسم للحـــرب گلب امك اتگطّع
ما ترحم سيوف العدو اتمنّه لو ترجـــــع 
امك وصيـــح بخيمتي يوليدي ما تسمع 
گالولي رمـــح الناصبي منّ الظهــر يطلع

غدراً يطعنونك.       من فدوه لعيونك 
امك يجسام.       امك يجسام 
٠٠٠٠٠٠٠٠٠٠٠٠٠
احسبني ميته لو شفت نحرك يصب دمه 
مو تدري ادعي عله الهوى لو غثّتك نسمه
وشلون اشوفك منـــذبـح جاوبنـي يا يُمّه 
يارب اخــذ روحـــي گبل لا ينطعن جسمه

لتظن يرحمونك.      من فدوه لعيونك 
امك يجسام.       امك يجسام 
٠٠٠٠٠٠٠٠٠٠٠٠٠
يوليــــدي شيصبر الگلب من ترجـع موذّر 
بعيوني اشوفك منـــذبح صدگني ما اگدر 
مثل البـدر وجهـك يشــع تاليهـــه يتعفّـــر 
مو تدري گلب الأم يحس زاد الألـم أكثــر

نشمي ويعرفونك.       من فدوه لعيونك 
امك يجسام.       امك يجسام 

سيد زيد الفحام
محرم ١٤٤٧هـ

القصيدة 54

(#هاي_ساعتها) 

يمّه گوم وطر المسنــــايه
هاي ساعتها يـجاسم هايه
ــــــــــــــــــــــــــــــــــــــــــــــــــ
يوم المكاون يبعــد امـــــك بده
استأذن امن حسين يمّه وعاهده
شد عليهم وكسر خشوم الـــعده

انه اعرفك ما تثنّي حجايه
هاي ساعتها يـجاسم هايه 
ــــــــــــــــــــــــــــــــــــــــــــــــــ
صيح لـ تنكروني انه ابن الحسن
وآلدي سبط الرسول المـــــؤتمن
هذا عمي كالاســــير الـــــمرتهن

وهو معصوم وامام وأيـة
هاي ساعتها يـجاسم هايه 
ــــــــــــــــــــــــــــــــــــــــــــــــــ 

البس اثياب الحسن وعمامته
وانزل بصورة  جلاله وهيـبته
رد عليهم زود ابوك وصـــولته 

بالجمل من دگ بديه الثايه
هاي ساعتها يـجاسم هايه 
ــــــــــــــــــــــــــــــــــــــــــــــــــ 


گوم يا جــــاسم وهز الحومه
وگّصي بالكفار يا جيــــدومه
عيد حملات الصميده ويومه

انته گدها  وادري بيك اكفايه
هاي ساعتها يـجاسم هايه 
ــــــــــــــــــــــــــــــــــــــــــــــــــ 

كوم يا جاســـــم و شــــد عنانها
وسحگ اجيوش العده وفرسانها
ولعساكر گص بديــــــــك السانها

انته واحد بس اشوفه هوايه
هاي ساعتها يـجاسم هايه 
ــــــــــــــــــــــــــــــــــــــــــــــــــ 
طب على الحومه يعريس الحرب
بيها جول وضيگ اعليها الدرب
خلها منثوره الجثث فوگ الترب

خلها بيمينك ترف الـــرايه
هاي ساعتها يـجاسم هايه 

✍️علي كاظم المنصوري
اهدي ثوابها الى والدتي

القصيدة 55

طـش خـبــر جسام نـازل للقتال 
نشف ريج الماي وكلوب الرجال 
تخربط وضعهم ،، تطشر جمعهم ،، وكت النزال 
١-
                                مــن حيدر جده    اخـــذ نبذه وفكره
عــن ابوه ودلاله    روح دور وقــــــره 
عاف ليلة عرسه    وللسهم فك صدره
عتناهم سباهم بخزرته محاهم ***
الريده يصـيـده مصيبه وجاهم ***
بصطرته الثكيله وثباته لـواهم ***

وين كل ذيج الزلم بارض الطفوف 
يـضـحـك الها وكربله ممليه خوف 
تعده وسمعهم ،، تطشر جمعهم ،، وكت النزال 
٢-
نشمي ولغير الله    راسه لا مـا راكــع 
مـنــه اكـبـر قائد    بالـحــرب يتراجع
هذا يوم القاسم     مدري يوم السابع 
نضرته ويمنته يتلاكن عواصف ***
تراكض زلمهم نــسـر جنه واكف ***
شسولف يسامع شعدلك مواقف ***

فوك صوته بكربله مــا يعله صـوت 
المى يلوحه السيف بالخزره يموت
شجاع ويذلهم ،، تطشر جمعهم ،، وكت النزال 
٣-
مــا يكـابـل قائد   نـدري بــــس القائد
والـيـكـابـل زلمه   يعنــي مـو اي واحد 
بقه ثابت جاسم    والخصم ضل شارد 
بوصاله بكماله وخـذهـا بقدرته ***
عجيبه غريبه تــمـــوت خزرته ***
الرتبته على جتفه يطيح رتبته ***

صاح بيهم وحتمه بحامي الدخيل 
ال هاشم يـعـنـي أهل طك الثكيل 
بيمينه قلعهم ،، تطشر جمعهم ،، وكت النزال 
٤-
شـافـــو بـذرعـانه   نـشال سيفه الباشط 
والـســمـه يـكلبها    مــــن يصير امزامط 
موت بيها الحومه   النشمي يبقه امرابط 
اليطخه شيخلصه زلــمـهـم تهابه ***
صفاته شـحـلاته وزعـيـم بشبابه ***
يطبها  المعاره ويـصـفــي حسابه ***

لتفت لحسين ومشه خط الحدود 
خل تجيني الزلم صـاح البيها زود 
يذبح زلمهم ،، تطشر جمعهم ،، وكت النزال 
٥-
يـبــرز وسـواهـا    الـركـب سبحه ابيده 
نسولف بصولاته    الحرب بالطف عيده 
واليحاول يشرد     مـثـل طـيـر يصيده 
يـتـمـشه يتبختر يـأشـر عليهم ***
يتمايل قياده صكر من يجيهم ***
الشريعه يـطبـها ويكطع اديهم ***

الروس من كل صفحه بالحومه تطير 
شال سيفه وصـاح بــس انــي الامير 
مطر غيره يمهم ،، تطشر جمعهم ،، وكت النزال 
 ***
   حسين عبد الجليل المالكي

القصيدة 56

هيبة العباس بالطف هيبه
الخوش زلمه ام البنين اتجيبه
**
وصته ام عباس بالطف وصته
موش ماي جنود يترس جربته
حيهم العباس صاح اعله اخوته
وكلهم ايركضون اجو يم خيمته

يله كلهم للحرب   وربعتنه خل نطب
امنه رضعتنه الوفه والطيبه
الخوش زلمه ام البنين اتجيبه
*
هجمو امن اربع جهات اعليها
وماتت اتشوف الزلم رجليها
ابو فاضل كام هوس بيها
وصاح اله امن الوجود امحيها

عالنهر هجمو سوه   وضاع عالجيش الهوه
ذوله معروفين وكت النيبه
الخوش زلمه ام البنين اتجيبه
****

هجمو وكاع الحرب حركوها
والجفافي اعله الضهر شدوها
الخيل تشرد للنجف خلوها
وكربله انجوم الضهر راووها

يا علي اشلون اربعه    هجموا عله المشرعه
الجيش فر وخربطو ترتيبه
الخوش زلمه ام البنين اتجيبه
**
والنعم عز الله منهم والنعم
والزلم لو هيج لو ماكو زلم
حاصروها والعزم شال العزم
وكلهم العباس لازم ننتقم

اليوم يوم المرجله    امنين تشرد كربله
فرحه عدنه وهيه عدها امصيبه
الخوش زلمه ام البنين اتجيبه
**
اتوكلو وسيوفهم تكطر دمه
وضل عجاج الخيل يصعد للسمه
كلبو الدنيه ولد حامي الحمه
وينه وينه اليوم طب للموزمه

جابو الروس واجو   وبالمخيم هوسو
وابو فاضل جيش تارس جيبه
الخوش زلمه ام البنين تجيبه
****
ذوله اقوه اكلوبهم من الحديد
يا رعيد وجان عباس الرعيد
عالكنايص بس ابو فاضل يصيد
الزلم طفها واخذ من عدها اليريد

نزل هوه وخوته   وبيده تخفك رايته
حلفو بزينب وذيج الشيبه
الخوش زلمه ام البنين تجيبه
***
تمت
تحسين الخفاجي

القصيدة 57

#شجاعيه_لمولاي_أباالفضل
ـ محرم 1447هـ

شدتت والگمـر مغتاض 
مثل الـريح ما ينكض ..
من دگ رأيته اعله الغيم
بيده العسكر اترضرض ..
وصار اعله الفرار انذار
والدم بالمغاره اكتض .. 
من گد ما يكسر ارگاب 
حته الغيم موش أبيض .. 

وگام ايهوس السيف 
اليوم انوّنس الضيف 
حـي الله الـثـگيـلات 
صار الـمـوت عالكيف 

========ـ

ضجّت بالطويس الگوم 
ؤن الثكله صار الؤن .. 
دخّن وشيجيسه الحار 
واجراس الفزع رنن ..
تشحط بالدمه الفرسان 
گـام ابـذبحه يتفنن .. 
شيفـض عـركة العباس 
رمحه اعالرگب نيشن ..

يـطـلع كـل الاكتـار 
حار ومن ظهر حار 
يمـطر صـار سجيل 
وخاطف كل الانظار 
 
========ـ

أشرس ما تچهبه أحيّـود 
حمحيل الحرب يرهب ..
وأتــلال الجـمـاجـم هـاي 
سواهه النـزل مغـضب .. 
تـربــاية عـلـي ويا خوف 
يدنه امن الگلب ويطب ..
يـذبــح بالـعـده وعـزريل 
گاعد يمه بس يحسب .. 

ادخيله أبن أم الابنين 
يـذبح وأيصد لحسين
شـايـل مايه وايصـول 
مغضب وايحد بالعين

========ـ

تخلس رهبته امن ابعيد
بچفوفه العگد والحل ..
ويفـرض رأيـه بالميـدان 
ويـأمـر ينـهه المـعـدل .. 
يخسفهه ابمشيته الگاع 
لـو مـن مهـره يترجل .. 
ما يـنــرش وراه الـمــاي
مـوت الاحـمر اتخـيل .. 

عركة وطبهه العباس 
ايطگ الـرأس بالرأس 
ما يتعب ولا ايـهــاب 
بوصفه امحير الناس

========ـ
ـ الشاعر خيري الصفراني

القصيدة 58

محرم نزال

عباس خيال الشگر  والكفل خيماته
تبرد وتندار الشمس  لو دوت ريشاته
سبحان نوره وهيبته  ورايته ونضراته
زلزله وتنزل عالحرب  ياعضم صطراته

سبحانه ... الفحل شيخ المرجله
عنوانه  ... ساقي خيمت كربله
يبوفاضل  يبوفاضل
،،،،،،،،،،،،،،،،،،،،،،،،،،،،،،،،،،،
عباس رب المرجله  الماعاف ميدانه
بلا ركض خلاها الزلم  بالحرب فحطانه
الگابل الكافل والشرد  ينگطع شريانه
عزب بروحه الخيمته وبالجود وخوانه

جراها ... وطلع يردمهم ردم
خلاها ... الخيل تسحگ بالزلم
يبوفاضل  يبوفاضل
،،،،،،،،،،،،،،،،،،،،،،،،،،،،،،،،،،،
هاشمي وعنوانه الوفه  ومابرد بالحومه
والنوه ايلاگي بالحرب   ينگطع زردومه
من طلع خلاها الزلم  بالموت مصدومه
ريشات عباس الفحل   بالخيم ملزومه

سوها ... الشهم برزخ من فزع
ذروها ... وطلع يردم من طلع
يبوفاضل  يبوفاضل
،،،،،،،،،،،،،،،،،،،،،،،،،،،،،،،،،،،
هلهلت زينب ونتخت  ياشهم طب ليها
هوس وخليها العرب   ينعرف ماضيها
والنوت توصل للخيم   تنگطع رجليها
عباس ضلمه بلا نفس  عالزلم خليها

يدرونك ... فحل ماتنطي الضهر
وعيونك ... حرز جربه اعله النهر
يبوفاضل  يبوفاضل
،،،،،،،،،،،،،،،،،،،،،،،،،،،،،،،،،،،
ينحسب ياناس ابألف  عباس تعداده
لليوم بالكافل بقت  تتفاخر الساده
يشبه القالع خيبره  العباس بعناده
لو سجد تنزله السمه  وتنفرش سجاده

العيونه ... الشمس تتمايل خجل
بمتونه ... خيم والشاطي انحمل
يبوفاضل  يبوفاضل

ابوفايز الرافضي

القصيدة 59

العباس عليه السلام 

لا تعتذر    حامي الخدر.   اسمك يراعي الغيره 
يابالفضل.   لا ما تذل       اختك تظل اميره 
يعباس     يالوفيت اويايه 
يعباس.     فزعتك بالرايه 
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ما قصّرت بعيونك امخليني
منّ المدينة لكربله امباريني 
جان العهد ما بينك ومابيني 
لآخر نفس يابالفضل تحميني 
هذا الحصل بالطف ينور سنيني 
بگطع الچفوف بكربله توافيني
نعم الاخو.    والله وكفو.    كافل خدر خواتك
بيك افتخر.   سور وستر.     ياخويه من صفاتك 
يعباس.      يالجمالك آيه
يعباس.     فزعتك بالرايه 
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وارث علي يمرجّف الخيّاله 
حد الخيم محّد كدر يدناله
سيفك مثل يوم الحشر وهواله
هز عسكر يزيد وعبر زلزاله 
يحصد رگاب اهل الكفر بفعاله
موت الزلم يالخزرتك چتاله
يوم الحرب    اسمك رعب      ما يثبت اليسمعه
نار وغضب.   تكطع رگب.      اكبر عدو تصرعه 
يعباس.    مو قليل هوايه 
يعباس.     فزعتك بالرايه 
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لمن رحت والراية فوك امتونك 
لماي النهر ما كدروا يمنعونك
كلّ آل اميه شردوا يهابونك
يابالفضل ما ترحم ايعرفونك 
وجه لوجه ما كدروا يلاگونك
غير الغدر ما عدهم يصدونك 
لوله الغدر.    ما ظل شمر.     يم النهر تفنيهم
ما تنثني.    ولا تنحني      نازل غضب عليهم
يعباس.      ما خلفت حچايه
يعباس.     فزعتك بالرايه 
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زينب أنه وكافلني انت بزودك
ما مسنه ضيم ولا ضمه بوجودك
ما نعطش ونروه بفضل مجهودك 
حدما طحت نشرب عذب من جودك 
اعرف غدر كطعوا يخويه زنودك
عالمشرعه بالدم وفيت عهودك
تارك اثـر.    يم النهـر.     عهد اختك الوفيته
انتي الوفي.   وبيك اكتفي.   غيرك فلا نخيته
يعباس.     حققتها الغايه
يعباس.     فزعتك بالرايه 
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لمن طحت عالمشرعه وطاح الواك 
للمشرعه حسين الغريب اتعنّاك 
خويه انكسر ظهري ابمصابك ناداك
تمدد على جرف النهر خويه وياك 
انت الطلبت عله النهر تبقى هناك 
ما قصّرت يابالفضل ما ننساك 
مهما حصل.    كافل تظل.     ميت عدل كفيلي 
مثلك ابد      ما صح سند.     نعم الاخو وخليلي 
يعباس.     هاشميتك هايه
يعباس.     فزعتك بالرايه 
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مسامحتك آني باليصير علية
زينب أنه وما انكسر علوية
لا ما اذل والراضية المرضية 
تعرف مقامي والشموخ البية 
صح عالهزل متچتّفه ومسبية
ابقى الاميره بكل زمن محمية
رغم السبي.     بنت النبي.     يكفيني راسي عالي 
لبوة علي      موقف الي       ما ينمحي يغالي 
يعباس.       مثلك امربايه 
يعباس.     فزعتك بالرايه 

سيد زيد الفحام
محرم ١٤٤٧هـ

القصيدة 60

خبر فگد الكفيل ايشيِّب الراس
وكلشي ابكربله وَن اعله عباس
طاحت خيمة العِشرة...وحسين انكسر ضهره
اعله عباس
..................................
هالفاجعه اتخص الخيم..تختلف عن كل فاجعه
لا مو فقط ركن الوفه...كل الوفه بالطف نَعه
حتى السماء استنكرت...طيحت گمرهه ومصرعه
وحسين الله ايساعِدَه...زين او وّصل للمشرعه

ينادي ادركني خويه وياضوه العين
وعاف الدنيا كلهه وراحله حسين
شافه وهَلَّت العَبره...وحسين انكسره ضهره
اعله عباس
......................................
سبط الرسول المصطفى..حسين وحبيبه ومُهجِتَه
ابتلَّت لحيته امن الدمع...من شاف اخوه وحالته
لن شاهَد ابعينه السهم..ولا يسرته ولا يمنته
گلَّه على الدنيا العَفَه...وناح وبِچه لمصيبته

يحن الخُوّته الما مِنهه خُوَّه
وقَلَّت حِيلِتَه وآشمَت عَدُوَّه

طايح وسفه عالغَبره...وحسين انكسر ضهره
اعله عباس
.......................................
إركب بِنَفسي ياأخي...يعني اشغلاتك ياگمر
بان اعله ابو اليمه الهظم..حين اعله اخوه ضهره انكسر
كلشي انتهى ابطف كربله..لمَّن وگع راعي الفخر
زادت مَخاوف عيلته..وابتدت مرحلة الخطر

إنگطع خيط الأمل للرايد الجود
والموُاعِد سكينه مِستحي ايعود

ورايد زينب اتعذره...وحسين انكسر ضهره
اعله عباس
.....................................
رَد الحُسين الوَحَّدَه...بس اشرجع من الألم
ضاگت ابعينه الواسعه...من فُگد شَيَّال العَلَم
عالگمر زينب نِشدِتَه...واكثر بعد حيله انهدم
صاح ونِدَب مات الأخو...وساعه ويحرگون الخيم

أبو اليمه ابحزن وابگلب ينحب
گلهه راح ابو فاضل يزينب
طاحت زينب الحُرَّه...وحسين انكسر ضهره
اعله عباس
...................................
كسرة گلب ماتنوصف..بغياب سبع الگنطره
حاير وگف سبط النبي..ولخيامه يشبح ناظره
ياوسفه ضل الوحَّده...وحَولَه العساكر دايره
لحظات واينوح العرش...حين اليطيح اعله الثَّرَه

حگهه زينب امن ايزيد ونهه
كلشي ابيوم واحد راح منهه

تبچي وتنعه يالزهره...وحسين انكسر ضهره
اعله عباس

سيد علي الموسوي

القصيدة 61

العباس ع

موشح 

يال هاشم خاف ماعدكم خبر
طاح كافل زينب بشاطي النهر
     ـــــــــــــــــــــــــــــــــــــــــــ
حس كلبها  الحره والمدمع جره
يــمـكن العباس  گـــطعوا منحره
اشلون بيه  إبلا أخــو  واني مـــره
وللخـــيم  يـدّنّـــه  يا نـاس الخطر
     ـــــــــــــــــــــــــــــــــــــــــــ
طــايــح الكفال  مگطوع الـزنــود
وانتظر هلبت  ابو الغيره يـــعــود 
وعالنهر   مــادري ملتمه الحشود
اوما دريت  الگــمر وافــاه القــدر
    ـــــــــــــــــــــــــــــــــــــــــــ
اشلـــون اوصــله وسحگنه الدرب
رايده اشرحله تره الموقف صعب
لا تــضــل عــباس نــايـم  عــالترب
ورد گله حسين مكسور الظـــهر
    ـــــــــــــــــــــــــــــــــــــــــــ
وينكــم يشــبول هــاشم  باليصير
ابين غربه الحرمـه ياوادم تـــحيـر
واني عنـدي أيتام ما ادري المصير
وين ننطي اوجوهنه والدنــيا شــر
   ـــــــــــــــــــــــــــــــــــــــــــ
ويــــن اروحن والايتام بكــل كتـــر
وگمنه من الخوف نسحگ عالجمر
اخـــلاف وجــهك ما اريــدنه العـمر
هـــاي دنـيا اومانصف بــينه الــدهر
   ــــــــــــــــــــــــــــــــ
الشاعر خالد جودي العارضي

القصيدة 62

نزله 7محرم

 كبر وهـز رايـته 
غيره تنكط كصته 

بجـفوفه رايه   راعي المنايه 
ـــــــــــــــــــــــــــــــــــــــــــــــــــــ
طبها عباس بـعزم   
شردت اكباله الزلم 

بسيفه يثلمها العده  ع التراب موسده 
من نزل راعي لوفه  بزود الحسين اكتفه 
على النهر دك العلم   ناده حماي لشيم 
           
        أخذ الماي العـذب 
       مورجه لابل غصب 
سوه الضحايه    راعي المنايه 

ـــــــــــــــــــــــــــــــــــــــــــــــــــــ
أملي جود من النهر  
وأنـه كافـلها الكـمر

والله زينب رادته   الماي أريده وطلبته 
وانه أكلها ادللي  الحظه خويه اتحملي 
وأنزل عليكم عذاب أروي سكنه والرباب

بيدي اشيلن كربله 
وانه راعي المرجله 

وانه الكفايه.       راعي المنايه  
ـــــــــــــــــــــــــــــــــــــــــــــــــــــ
وأقسم بربنه الرحيم  
كربله عليهم جحيم 

اليوم أسوي الزلزله  اليوم أحير كربله 
اليوم أقيم الواقعه  من أطب للمشرعه  
خيبر وصفين أرد  أدخل بزودي وأهد

من أطب سوح الحرب 
الحـومه أكـلبهـا كلـب 

لا مو روايه         راعي المنايه 
ـــــــــــــــــــــــــــــــــــــــــــــــــــــ
له أشك حلكه الدهر
 مني بس الله الستر 

وأنه شيخ ع الحرب  مايظل ليهم درب  
وأنه غيرت حيدره  اليوم أسوي المجزره 
اي وحق ام البنين  الاطبك اليسره بيمين 

اليوم أتعبه الكفر
ماكـو منجه لليفر

 بيده الرزايه      راعي المنايه
ـــــــــــــــــــــــــــــــــــــــــــــــــــ
شرده ماكو يابشر  
ناده عبـاس الكمر  

غيضه  لاح بكصته   من فزع وبغيرته
عطوه عطوه ياشهم  نادت افحول الزلم 
ياكمر فدوه العذر  ناده وبصوته الشمر 

سيف هزه ومايرد     
وشـحـلاته من يهد 

هاي النهايه.     راعي المنايه 
ـــــــــــــــــــــــــــــــــــــــــــــــــــــ
مرتضى مكطوف الموالي

القصيدة 63

هاك  هاك الرايه ياعباس
خلها اعله المتن واعبر .. روس عله الزلم طشر
هاك  هاك الرايه ياعباس
**
هاي راية حيدر بخيبر حملها
ماكو غيرك يابو فاضل لايك الها
ترفرف بسابع سمه عباس خلها
من المخيم للنهر ينشاف ضلها

صول  وردم راس فوك الراس
ابد مثني من تصطر .. روس عله الزلم طشر
هاك  هاك الرايه ياعباس
**
هذا يومك يابو فاضل وانت كدها
للنجف هاي الكتايب كلها ردها
هي طلبة امك الدمعه عله خدها
باجر ام عباس تتباها بولدها
هناك  ضعن الخدر ماينجاس
شجره عله الخدر خضر .. روس عله الزلم طشر
هاك  هاك الرايه ياعباس
**
ارسم لكل الخيم بالرايه الحدود
منهو يوصل وانت عايش كدها وكدود
جيب ماي النهر كله وخله بالجود
ولاتعوف الرايه يمه لكطع الزنود
بيك  ماضن بالبشر مقياس
بيوم العاشر اتكبر  .. روس عله الزلم طشر
هاك  هاك الرايه ياعباس
**
يله شيل الرايه بيدك طب عليهم
وخلي كل خطوه اثر لجفوف اديهم
الماي عكس الروج يصعد من تجيهم
رعب منك يابو فاضل صار بيهم
صار  يم راك النهر وهواس
عينك عالنهر تخزر  .. روس عله الزلم طشر
هاك  هاك الرايه ياعباس
**
الرايه بيدك غيمه وترف بسماها
فيت وحتى الشمس ضايع ضواها
عاصفه تهب عالخصم نسمة هواها
بالطف نجوم السمه تلوذ بكفاها
جول  يابن حيدر النبراس
غيره عله الخدر تمطر  .. روس عله الزلم طشر
هاك  هاك الرايه ياعباس
**
هذا يومك ياكمر بالرايه نازل
ماكو كد هذا الحرب غير ابو فاضل
همه صح سبعين الف صارو مقاتل
وياك ابد وجه بوجه محد ينازل
هناك  سيفك يكطع الانفاس
سوي ابالك اليخطر  .. روس عله الزلم طشر
هاك  هاك الرايه ياعباس
**

تمت
احمد الخفاجي

القصيدة 64

(( أنصار أنصار ))  
 
أنـصــار أنـصــار – لـحــسـيــن ويــعــــرفـــونّــــــه 
ـــــــــــــــــــــــــــــــــــــــــــــــــــــــــ 
 
أحـنــه جـيـنــه بـكــل عـزيـمــه لـكــربـلـــه   ...   يـا حُـسـيـن 
وهــذا جـيــش أيــزيـــد والله أنــزلّـــزلـــــه   ...   يـا حُـسـيـن 
أنـصــار للــديـــن لـبـــن سـيــــد الــمــلــــه   ...   يـا حُـسـيـن 
 
للـمـــــوت ويّــــــاك – خــلـيــهـــــــم يــذبــحـــــونّـــــــه 
أنـصــار أنـصــار – لـحــسـيــن ويــعــــرفـــونّــــــه 
ــــــــــــــــــــــــــــــــــــــــــــــــــــــــــــــــ 
 
نـفــدي ألك والــديــــن هـــــاي أنـــحــــورنــــــه   ...   يـا حُـسـيـن 
وكـربـلـــه تـشـهــــد يــبــن مــكــــه ومــنـــــــــه   ...   يـا حُـسـيـن 
أشــحـــده جــيــش أيـــزيـــــد مــنــك لــو دنـــــه   ...   يـا حُـسـيـن 
 
تـعـرفـنه الـسـيـوف – بـالـحـــومـــه يــشـــوفـــونّـــــــه 
أنـصــار أنـصــار – لـحــسـيــن ويــعــــرفـــونّــــــه 
ــــــــــــــــــــــــــــــــــــــــــــــــــــــــــــــــــــ 
 
عـابـس أو جـــون وزهــيــر أويــه حــبـيـــب   ...   يـا حُـسـيـن 
نـكَـلـب الــحــومـــه عــلـيــهـــم يــا غــريـــب   ...   يـا حُـسـيـن 
نـنـصــر الــزهـــره يـبــن طـــــه الـحــبــيــب   ...   يـا حُـسـيـن 
 
عـشـاكَــة الـمــــوت – بـالـدنــيـــــــا يـــســـمــــــونّـــــه 
أنـصــار أنـصــار – لـحــسـيــن ويــعــــرفـــونّــــــه 
 
أحـنــه أنـصــار الـرســالـه الـبـلـطـفـــوف   ...   يـا حُـسـيـن 
أنـكَـابـل بـنـحـر الـشـهــاده هــالألـــــــوف   ...   يـا حُـسـيـن 
حـتـى لـــو نـتـــوذّر بـحــــد الـســيـــــوف    ...   يـا حُـسـيـن 
 
بالـسـيـف يـحـسيـن – مـيــهــــــم لـــو يــــوذّرونّـــــــــه 
أنـصــار أنـصــار – لـحــسـيــن ويــعــــرفـــونّــــــه 
ـــــــــــــــــــــــــــــــــــــــــــــــــــــــــــــــــــــــ 
 
الـواحــــد بـمـيّـــه تــعـــادل ضــربـتـــــه   ...   يـا حُـسـيـن 
نـقـســم بـحـامــي الـحـمـيّـه وطـبــرتــــه   ...   يـا حُـسـيـن 
بـكــربـلـه الـيـدنــاك نــكَـطــع ركَـبــتـــــه   ...   يـا حُـسـيـن 
 
فـرسـان هـالـجـيـش – فــنـهـــم لـــــو يــلاكَــــونّـــــــــه 
أنـصــار أنـصــار – لـحــسـيــن ويــعــــرفـــونّــــــه 
ــــــــــــــــــــــــــــــــــــــــــــــــــــــــــــــــــــــــــــ 
 
أيـخـلــد الـتــاريـــخ دمـنـــه أبــدفـتــــره   ...   يـا حُـسـيـن 
وأحـنـه جـالـبـركـان نــار و مـسّــعـــــره   ...   يـا حُـسـيـن 
أنـرجـع أعـلـه أيــزيـد بـالـطـف خـيـبــره   ...   يـا حُـسـيـن 
 
تـفـجـرنـه بــركــان – نـــار ومـــــا يـــطــفــــونّـــــــــــه 
أنـصــار أنـصــار – لـحــسـيــن ويــعــــرفـــونّــــــه 

 الشاعر السيد علاء الحيدري

القصيدة 65

 محرم الحرام 
( نزله حماسيه)

هلا بنصارك هلا 
نزلو الطف كربله 

حي الله الأنصار حي الله الأنصار 
ـــــــــــــــــــــــــــــــــــــــــــــــــــــ
نزلو السوح المنايه وطـبو بغيره وعـزم 
ورتبك جيش ال اميه ورتبك كلب الزلم
ناده وبصوته المنادي هـلا بيـهم والنـعم 
نفدي الحسين بعمرنه والـعزم شد العزم 
 
صوت الامزامط عله 
نــزلـو الطــف كربـله 

حي الله الأنصار حي الله الأنصار
ـــــــــــــــــــــــــــــــــــــــــــــــــــــ
صوت المزامط تعالى ونحبس حتى الهوه
البسو ادروع الحرايب طبو السوح الوغى  
وكام أبن ظاهر ينادي سهله صارت نيـنوى 
عمره تسعـين يتبـختر بيده من هـز الـوى 

 والغـضب بيهم حله 
نــزلـو الطــف كربـله 

حي الله الأنصار حي الله الأنصار
ــــــــــــــــــــــــــــــــــــــــــــــــــــ
نزلو أنصار الحسين وبالعده بأن الرعب 
ونكسر جيش الطغات ومابقى ليهم كلب 
ورتفع صوت الوفايه وينه وينه الي يطب 
مالت الحومه بزلمها ونكطع حتى الدرب 

 بالـعمـر ونوافي أله 
نــزلـو الطــف كربـله 

حي الله الأنصار حي الله الأنصار
ــــــــــــــــــــــــــــــــــــــــــــــــــــ 
نـادو بـسوح المـعاره لا تـشـك أم الخـدر 
والله ننطيها الركاب وفدوه يفداها العمر 
وينه وينه الراد يوصل والخيامج خل يمر 
مدالله وتبقى بدلاال كلنه صحنه بهل الأمر 

الحـره تبـقى مـدالله 
نــزلـو الطــف كربـله 

حي الله الأنصار حي الله الأنصار
ـــــــــــــــــــــــــــــــــــــــــــــــــــ
هوسو ناده أبن ظاهر احنه أنصار ونظل
تحزم وشد العمامه وشــحلاته من حـمل 
لن برير يصيح بيهم هسه قد حان الأجل 
عابس بمحبته وهيامه عقله بجنون اكتمل 

والــعشـك قـد رتله 
نــزلـو الطـف كربـله 

حي الله الأنصار حي الله الأنصار
ـــــــــــــــــــــــــــــــــــــــــــــــــــــ
مرتضى مكطوف الموالي 

القصيدة 66

ميمر 
(#ما_ننغلب) 

وكت الحرب  /  ما ننغلب
نگلب الحومه من نطب

انصارك وعد عيناك
بالموزمه تلگانه
ــــــــــــــــــــــــــــــــــــــــــــــــــ 
وقعّنه بالدم سيدي  وعاهــدناك
وكت الحرب تلگانه سيف بيمناك
ما نفترگ مثل الخيال احنه وياك

 ما نتغيّر  /  لو نتوذّر
صحبت حيدر وبن الاشتر

بالروح انضحي ونفديك
فدوه الدماك ادمانه
ــــــــــــــــــــــــــــــــــــــــــــــــــ 
تربيت حيدر وينه لي يلاوينه
ومن يگدّر ايواجهنه ويلاگينه
تعجز جيمّهم والعساكر بيـــنه

سبعين الف  / ترجف رجف
من تطب رايتنه وترف

بسوح الحرايب كلفين
مرّ وصعب ملگانه
ــــــــــــــــــــــــــــــــــــــــــــــــــ
باجر نأدي ابكل بساله الادوار
عالميسره راية جبير الانصار
ورهن الاشاره تستعد الاحرار

يضيگ الهوه  / يغيب الضوه 
ضلمه تصبّح نينوه

ليوگف يضل ابلا راس
ليّفر نگص السانه 
ــــــــــــــــــــــــــــــــــــــــــــــــــ
عالميمنه يوگف زهير الوفـــاي
بايع حياته وللمواقف شـــراي
واحد ولكن سيفه ينعد بهواي

يثلم ثلم  / ما ينثلم
ويگطّع ارگاب الزلم

من عنده وين يفرون
لمن يطگ بركانه
ــــــــــــــــــــــــــــــــــــــــــــــــــ 
ينزل برير ونــــافع وينــــزل جون
وجيش ال اميه بالمعاره يضيعون
عابس يشگ اهدومه باجر بجنون 

لو هد عابس / ميضل فارس
عدّ عباس وحيدر دارس

يصحد بروس العدوان
يخلي الزلم حيرانه
ــــــــــــــــــــــــــــــــــــــــــــــــــ
گبلك يبو الاكبر نطب الميدان
برجلينه نسحگ كل جيوش الشيطان
ونخلّي دمهم مثل روج الطوفان 

غيض وغضب / نار وشهب
من ننزل انسوي العجب

منّ ايشوفونه ايلبدون
شمر وابن مرجانه

✍️ علي كاظم المنصوري
اهدي ثوابها الى روح والدتي

القصيدة 67

بسمه تعالى
مــوشــح //
*عــافـــت اضعــــــون الرسالـــه اديــــارها
* كـاصـــده الطـــف كربلــــه ابـ أنصـــارها
ــــــــــــــــــــ*ـــــــــــــــــــــــــ*ـــــــــــــــــــــ
1// أصـــدر حـــسيــــن الأوامــــر للضعـــن
صار أمـر تكلـــيفنــــه انعـــوف الوطــن
اســتســلمـــت أمـــة محــمـــد للـفـتــــن
  * او صار أمــر الأمـــه بـيـــد اشـــرارهــــا     
2// طلعـــت اضعـــون المبــــادئ والقـيـــم
او كل شريـف المارضه ايبايــع صنــم
او لآل أميـــه ما نطـــق كـلمـــة نعــــم
 * او للحسيـن او نهـجـه تـفــدي اعمــارهــا
          ----------------------------------------------
3// حسيــن أعلــن عــن مسيـــر القافـلــــه
 امـــن الحجــــاز الحـــد مضارب كربلـــه
 انـطــه دور الكـــل شخــص بــــالعــايلـــه
 * او حـفـظــت اعيـــال الرســـول ادوارهـا
            --------------------------------------------
4// حسين عــد العـــده و اعلـــن بالــدرب
 خـاف بـالثـوره يمــر مـوقــف صعـــب
عــيــــن  العـبـــاس قــائــــد للـحـــرب
    * قـاهــر اجيـــوش العــدى او صكـارهــا

5 // حسيــن راد ابنهضـة الحـــق والعـــدل
ثــوره بالمضمــون مــو بـس بالشكــل
تبعـتـــه أصحــاب التـجــارب والعـقـــل
  * حـسيـن قـائـدهــا او عـرف يخـتـــارهــا
   ---------------------------------------------
6/مـــر علـى الأســـلام أخطـــــر منعـطــف
او عنــده أبـو الأحــرار اكـثر مـن هـــدف
حــتى توصــل للعــرب (( لاء )) الشـرف
   * او حــــتى لــلأجيـــال تبـــقى آثــارهـــا
----------------------------------------------
7//حسيـــن يعــرف كــل تفــاصيـــل البـلـد
او للأمـــور الطـارئــه اهـــواي استـعـــــد
جـنـه يــدري الكوفـه تـخـلـــف بــالـوعـــد
  * او تغــــدرالمــا تستـــحي ابخـــطارهــا
 ------------------------------------------
8//   من وصل طف كربله او بيها استقــر
بلـــغ انصـــاره نعــسكـــر عــالنهـــر
و استعـــدوا المعركــة يــوم الظفـــر
   * والحـــرب بـاجـــر نخـــوض اغمــارهــا
----------------------------------------------
9//   عـالفـــرات حسيــن خـيـم عـسكـــره
واللـــواء انطــاه السبــع الكـنـطـــره
بالطـفـــوف اليــــوم شـيعــة حيــدره
      * امـن آل أميــه اضعـــاف تاخـــذ ثـــارهـــا
  
        خــادم أهل البيت عليهم السلام
           أبو حيدر المجراوي
محرم الحــــرام 1447 هـ / 2025 م

القصيدة 68

#نزال_للانصار 

ياعقيله الأنصار .. بالخواچي أتحزمت
خيمت عالخيام .. وبالأمزامط هوست


اتعنوا ابهـل الليل .. وذبت أرواح الزلم
وداروا اعله الغيم .. البل معارك تحتزم 
يـا گـلـب خــواف .. ويا أميره التنهضم 
وتـبـرگ الـشـارات .. والعيون أجادحت 

========ـ

صاير أستـعـراض .. والمـحنه أمنسمه 
صاحوا بكل حيل .. يبت حماي الحمه
شنهي اتخــافين .. والاگـلــوب مـألـمه 
واحنه عد عيناچ .. والانحور اتسطرت 

========ـ

باجر اتشوفين .. شلون نكسرها الحرب
مانهاب احيود .. والـدرع تحـت الگلب 
رفعي بينه الراس .. باجر ايحل الرعب
والنصر مضمون .. هالأنصار اتحـالفت 

========ـ

وي لهيب الحـوم .. يرتفع عالي اللوه 
من نطب ميدان .. مايضل حته الهوه 
أحنـه زلــم حسين .. تدري بينه نينوه 
هيـبه معـروفين .. والاعلوم اتناشرت 

========ـ

أمنّـي بالخيمـات .. لا يضل بالچ تره 
خطه من عباس .. عدنه يابت حيدره
تـرتــفـع رآيــات .. والصدور امناحره 
للعـرك والموت .. هالانصار اتحضرت 

=======ـ

ـ خيري الصفراني ✍️

القصيدة 69

قصيدة الانصار ع ــ محرم1447 هـ

فِتيَةٌ آمَنوا بِالحُسَينْ
ــ⊱☆☆❀☆☆⊰ــ

زلـم كلفه ودوم شيالت حمـل
لاتچل مــــــن القتال ولاتمــل
ترقب الصعبات تتعده السهل
زلم حيدر ذوله واحــدهم نفل

جاؤُوا بالنّصرِ والفَتحِ المُبِينْ
فِتْـيَةٌ آمَنوا بالحُسينْ 
ــ⊱☆☆❀☆☆⊰ــ

طب حبيـب وشــــايل ابجفه الوه
چنــه ملك الموت يمحـــيهم نوه
اوياه برير ومســـــلم وفزعو سوه
ابزودهم چم قائد وجيشه انطوه

أشِدَّاءٌ بِوَجْـهِ الكَافِرينْ
فِتْـيَةٌ آمَنوا بالحُسينْ
ــ⊱☆☆❀☆☆⊰ــ

حســــــين ما ينباع گالو بالرخص
خبصـو الطف من مراجلهم خبص
خلو الميــــدان بالقتــــــــله يقص
عنهم التاريــــخ ضل يحجي وينص

قَاْلُوا كَلَّا لِدِيْنِ النّاصِبينْ
فِتْـيَةٌ آمَنوا بالحُسينْ
ــ⊱☆☆❀☆☆⊰ــ

تحجي عن صولاتهم كل الصحف
بالمواقف حيــــــرو معنى الوصف
ســـيوفهم زلزال بالحومه وعصف
منهم اوجوه المعســـكر تنخطف

أصْبَحوا قُدْوَةً لِلثَائِرينْ
فِتْـيَةٌ آمَنوا بالحُسينْ
ــ⊱☆☆❀☆☆⊰ــ

تحزمـو كلهم قبل طرة الفجـــــر
أكبال الحســـين ويتانون الامـــر
صاح عابس فدوه لحسين العمر
ابدمنه نكتب كل عناوين النصــر

كَانُوا سُورَاً لابنِ الطَّيبين
فِتْـيَةٌ آمَنوا بالحُسينْ
ــ⊱☆☆❀☆☆⊰ــ

اذنو بالحومه حي اعله الجـــــهاد
عالنصر قسمو ســـوه برب العباد
الكل فتوحــات النبي همه امتداد
سند لحسين اصبح وكت الشداد

يَا لَهُمْ مِنْ رِجَالٍ صَادِقِين
فِتْـيَةٌ آمَنوا بالحُسينْ
ــ⊱☆☆❀☆☆⊰ــ

✍الخادم
كامل السعيدي

القصيدة 70

عندك زلم         كلهم عزم
ناده حبيب    شدو الحزم
ركضوله من گلهم حيهم
**
طلعو الانصار كلهم            والگمر حياهم
ذوله انصار العقيده          والله يامحلاهم
برايته البيضه ابن ظاهر     يركض اتلگاهم
لجل ابو اليمه الغياره         تبرعو بدماهم

بعده وعدد     صاحو مدد
نضحي النفس     للمعتقد
طبوها والحومه انگلبت
****
انتكلوا عله الله وگصصهم   عرگت من الغيره
زلم كلفه ويا كبرهم            والطفوف ازغيره
صاحو الجيش ونظامه        من نصول انديره
الموت لتباع آل اميه             ما رضينه بغيره

بالطف بده      موت العده
وهاي الجثث    هالشاهده
خياله والطف مو گدهم
**
زلم ظهر الطف تكسره           لو أمر قائدهم
هو بس حسين واحد       غيره گلي شعدهم
تنحني الدنيه بكبرها          لو زعل واحدهم
الانصار بزود صاحو         يوصلون شحدهم

انطوا وعد    وعله العهد
جيش العده   منهم شرد
يگضونه كلمن لاگاهم
****
ركضو الحر وابن ظاهر      زلزلوها الحومه
ومن برير وجون بالطف      هالزلم مهزومه
من زهير وعزم نافع       كل سبح بدمومه
من جنونه اليوم عابس      شگگاها اهدومه

الطف انخسف    وحيدر هتف
الكل ركض      صوب النجف
مهيوبه فرسان الحومه
***
الصحبه موقف موش كثره    انتبهلي وحاسب
من تطيح بشده تدري        اهنا يبين الصاحب
ولو ردت تختار صاحب        كون مثل الشايب
بكربله اصحاب ابو اليمه     سحگو اكبر شارب

طبوا سوه     وضاع الهوه
غص بالزلم   طف نينوى 
طبوها والموت بجفهم
***
جسدوا اروع ملاحم          زلم گد افعالها
ذوله فرسان الطليعه    الكلفه همه ارجالها
بموقفه كل حر تعرفه     المهره من خيالها
بصولت أليوث المنايه        انحنت ابطالها

البذل النفس    صاروا درس
طول الزمن     مثل الشمس
ردوها خيل وخياله
****
تمت
الشاعر ميثم العمري

القصيدة 71

#مجالس_محرم_الحرام_١٤٤٧هـ 

نزلة لـ💫
سفير الدولة الحسينية
مسلم ابن عقيل (عليه السلام)
_

اجه الجيش __ يطوعه اتبشّري
للحسين ـــــ اقدم منحري

🔹🔹🔹🔹🔹

انه مسلم تره -- جزء من حيدره
واذا اغضب اصيح -- يسبع الكنطره

اصير الوحدي جيش-- واعيد الذاكره
مثل عمي علي -- انه اقلع خيبره

على الموت الجنود -- اصفطهم سره
واخلي الكوفه هيج -- خرابه ومكبره

من الحسين ـــــ شعاري ومصدري
للحسين ـــــ اقدم منحري

🔹🔹🔹🔹🔹

مضيفي ماخله -- واعزّب مرجله
على الميدان يطيح -- حسامي الزلزله

اذا الكوفه تعيل -- اراويها البله
وكبل هم لاتصير -- اسوي كربله

زلمهم موزلم -- رسايل راسله
وتنافق بالحجي -- وتجذب بالهله

بسجلات ـــــ حسابي ودفتري
للحسين ـــــ اقدم منحري

🔹🔹🔹🔹🔹

شمايلهم تدل -- جيوش بلا عقل
على الدرهم تصير -- مثل كود النمل

يطوعه بكل درب -- مثل حيدر احل
واظل شيخ الحرب -- كلامي وبالفعل

انه عندي من اهد -- الصعب كلش سهل
من ابن عمي الحسين -- اظل فرع واصل

يظل ديِن ـــــ عليه المحشري
للحسين ـــــ فدائي حيدري

🔹🔹🔹🔹🔹

انه الميدان الي -- ورثته من هلي
اليشوف جفوفي صاح -- دخيلك ياعلي

اسويها ظلام -- اذا بيها اعتلي
الصبح يصفه القصر -- نهر دم ممتلي

تظل كلمة فصل -- الرگب ثمَ يلي
اكررها و اكول -- يطوعه هلهلي

ببو حسين ـــــ اگلها اتذكري
للحسين ـــــ اقدم منحري

🔹🔹🔹🔹🔹

سمعت آخر خبر -- مدد يصرخ عمر
الغلام الهاشمي -- عصف ريح الخطر

وحق ام البنين -- تظل بس الصور
على ريحة سيفي هاي -- بشر يسحك بشر

حسيني بموقفي -- لحد كطع النحر
واظل راية وفه -- ترف طول الدهر

للأجيال ـــــ سوالف تنقري
للحسين ـــــ اقدم منحري

🔹🔹🔹🔹🔹

علي حسين المنصوري

القصيدة 72

مسلم چــن حيــدر بالكوفــه
مسلم چــن حيــدر بالكوفــه

*   *   *   *   *  *

حيـــدر غــدرت بيـــه ألامـــه
ومسلم شـــــابه حيــدر عمـه
غــــدروه ومـــا راعــو  ذمــه
غــــدّاره ألامـــــه ومعروفــه

****

مسلـم عــــاد أحـنين وخيبـــر
يشبــــه حيــدر بيـهم لـــو كــر
مسلم صــاحو لا ظـــن حيـدر
جيش الباغي هــــــز أصفوفه
****

حيّــرْ عـــدوانه أبصـــولاتــه
يشبه عمـــه أبكـــل حملاتــه
احتـــار التــــاريخ بجلماتــه
شيوصـــف مسلم بحـــروفه
 
****
 
عن حكمه حسين من أختاره
أول واحـــد مــن أنصــــــاره
بالكوفه عـــــــاد شچم غـاره
وحملاتــه بحيــدر موصوفـه

****

بغـدر الكــــافر گيّــد أيـــــده
وينذل جـان الباغــي يريـده
وينكـــر راد حسين أعضيده
وحب حسين بگلبه يشوفــه

****

وين الباغي وجيشه وقصره
عالجور أعلـن مسلم  نصــره
دمه تفجر گبـــــه  وحضـــره
والعــالــم يگصــد ويطوفــه

****
الشاعر
موسى البديري

القصيدة 73

نزله إلى مولاي مسلم بن عقيل 


الكوفه مسلم بيده كضهه وشالهه
جيوش اميه من الركض شل حالهه 
.....

زلم تردم بالزلم ماصح مفر 
والهوى البالريه بالكوفه انحصر 
الشارد من الخوف بخياله عثر 
ابن عم حسين سل سيفه وظهر 

 الجيش من شافه برز 
سبحه ونكطعت خرز 

الخيل گامت تسحگ بخيالهه
جيوش اميه من الركض شل حالهه 
.......

الجيش صافن ما يحارب منذهل 
واحد وي الثاني ينشد ينسأل 
هذا مسلم لو علي راجع عدل 
هل شجاعه لو علي لو ابو الفضل 

خلصانه وما تعب 
نار  وگباله حطب 

الشجاعه مو عدد  بفعالهه 
جيوش اميه من الركض شل حالهه 
.......

جدحت عيونه غضب لمن نزل 
رَجّع السيف اعله الكراب وزعل 
باوع اعله الجيش كال ابن الفحل 
على  هذا  العدد  ما أبرز  فشل 

ما احارب هل عدد 
مستواي أكثر بعد 

الكوفه جيبولي جميع ارجالهه 
جيوش اميه من الركض شل حالهه 
.......

كون اريد الكوفه متروسه زلم 
دوم ما اقبل بعطوه ولا سلم 
الخايف من الحرب ليگابل شهم 
مسلم انه اكبالكم عدكم علم 

عمي قتال العرب 
اليوم اخلصهه الرگب 

حالف اعله الكوفه اشل احوالهه 
جيوش اميه من الركض شل حالهه 
.......

جيوش اميه اتجمعت صار الأمر 
رايه بيضه انرفعت وصاح الشمر 
خلصيت الزلم مسلم نعتذر 
صاح مسلم دوم ما اقبل عذر 

غضب من ربكم نزل 
شلون اصالحكم فشل 

الكوفه ربكم يعرف شودالهه 
جيوش اميه من الركض شل حالهه 
.......
الخادم موسى البطلي

القصيدة 74

حميده ابنت مسلم عليهم السلام تخاطب اباها

حياتي ابدون وجهك مو حياتي
اشــوفــنــك واضمك بمنياتـي
ــــــــــــــــــ 

يگولون البشر يتناسى لـو ينسه
لان الله خلقها جبدتة مــلــســه
وانا وعينك ترى من يومي ولهِسه
شفت الضيم بويه الماشفت نفسه

يـبويـه وراح يـلـفـيـنـي ممـاتـي
اشــوفــنــك واضمك بمنياتـي
ــــــــــــــــــ 
يتاج الراس طيفك من يـجي ابالي
وحگ عينك علي بس حسره تبرالي
قميصك لــو يرد يـابــويــه يالغالي
اتـمـنـى بحقيقة وترجع اگــبـالــي

تفطر جفني مـن گـد نايحاتـي
اشــوفــنــك واضمك بمنياتـي

ــــــــــــــــــ 
موقـف شفتة بــويـه وحـيـل اذانـي
عمي حسين اجاني بـلهـفـه ضمانـي
وحط ايده اعله راسي وبويه خلاني
بحضينة ويــگــلــي انــي ابــوج انـي

ويگلي اني احسبج من بناتـي
اشــوفــنــك واضمك بمنياتـي

ــــــــــــــــــ 
اشلون انساك وانته الشوف البعيني
يمسلم بوية انشدك من تــخــلـيـني
مشيت انته وخذت كل عمري واسنيني
يـالمـدللـنـي مـا لـحـضـه تـجـافـيـنـي

كـلـهـا ويـاك جـانــت ذكــريـاتـي
اشــوفــنــك واضمك بمنياتـي

ــــــــــــــــــ 
يـبويه ابلا ابو مهمومة الابنـيه
باجر مـن تصير الدمعه ترجية
بحساسي وشعوري ما الك جيه
ولــو ترجع يبوية وتنظر البية

يـبـست مـن الـم فـگدك لهاتي
اشــوفــنــك واضمك بمنياتـي
ــــــــــــــــــ
يـا خيمة وحنينك لمن يسافر
رحيلك بـويه يشبه ليلة العاشر
اتاني لرجعتك من بين الف باجر
بعدك اني اكـسر خاطر الخاطـر

يالتنشدني وادور رضـاتــي
اشــوفــنــك واضمك بمنياتـي
ــــــــــــــــــ 
شـوفت طولك اترد العمر بية
وانذرلك نذر لو ترجع اعلية
اطـش اسنيني ياقلبي وطورايـه
وكحل عـيني ضلمه وانته گمريه

من الگاك افك ايدي يغاتـي
اشــوفــنــك واضمك بمنياتـي
ــــــــــــــــــ 
يا راحه الـبال ويا نـبـض قـلـبــي
يا قران روحـي ويـا جـرح دربــي
ياشهك الـريه وبـالـنفـس تعـبـي
يا شـمعه حياتي ويا سحر حبي

غلاتك بـويه اكـثـر من غلاتـي
اشــوفــنــك واضمك بمنياتـي
ــــــــــــــــــ 
الشاعر زين العابدين الشمري

القصيدة 75

الى مولاي مسلم ابن عقيل


مسلم علمنـــــه ابتضحيته
لحسين ابيض وجهه ونيته

درس وعبره      الحب عشره 
لحسين ابيض وجهه ونيته 
=============================
مسلم چان يطي ادروس وحب حسين موضوعه
ماكو اكتاب يشرح بيــــــه ابگلبه الفكره مطبوعه
اخـدوده اتصيــر صبــــوره وعليها تكتب ادمـوعه
طـلاب اشكثر درس مثل هانـي ومثل طـــــــوعه

ابمسلم شافت طوله ولونـه
 صـــارت مجنونه بمجنونـه

امـــن اول مره                
الحب والعشره

 لحسين ابيض وجهه ونيته
=============================
اذا بـالـدنه فوز اتــريــد بخدمته چلب وحبـــه
مسلم جان ويه حسين يمشي بنهجه وبدربـــه
 غير حسين مـاواحـد شغل فكره وسكن گلبـــه  
 اول قائــد ابـلا جيش بــالكوفه علن حـــربـــه

لا گاهـم مـا همـــه الـعسكر
خله الجيش أگبالـــه اتطشر 

بيــــــــه امأثره                                   
الحب والعشّره

لحسين ابيض وجهه ونيته
=============================
مـــــــن گـد العطش مسلم ماينسمع منه الصــوت 
ويحمد الله مثل احسين چي عطشان راح يموت
كل شارع وحايط بيت عله خدوده نحت منحوت
بكثر مــــــاتجر بيــه الخيل يلمه بعـــد يــــــابوت

ابكل گطــرة دم ينزف گلبـه 
 تخضر ثوره وتمشي ابدربـه

اطيـــــب ثمره                                   
الحب والعشره

لحسين ابيض وجهه ونيته
=============================
  مثل عمــه علي مسلم  بـاخلاقــه يوصفـونـــه
بس الحللاه ربــــــه عليـــه اتباوع اعيــــــونـــه
ومايسمع حچي الموزين الهسه انتم تسمعونــه
 كافي امـــن الذنب كافي الليله انتوب خلـونــه

مانعصي الله بكل الـراده
ويغفر النه بجاه الــساده

ايطفي الحمره                                     
الحب والعشره

لحسين ابيض وجهه ونيته
=============================
يالعايف صـلاتك ليش مــن عنده اخذ عبــــره
 ماعاف الصلاة ابيوم حرب والدنيه مستعـــره
اشتنفعك دگت الزنجيل والـــدمام  والطبـــــره
 ابمحرم اذا مــــــــاصليت المن تلطم وتقـــــره

حسين الخاطرنه انطه اعياله
مــــــــــن تصلي اتغث چتاله

بيهه ادمـــــــره                                  
الحب والعشره

لحسين ابيض وجهه ونيته
=============================
✍حيدر الشغانبي

القصيدة 76

نزله.   مسلم ابن عقيل 

قصه الاهيه... بسمك وقف هيه... هاي السفاره 


كلها راحت وانت خالد..... گبتك اعظم دليل
والعطش صار بحضرتك....ماي يتوزع سبيل
ياسفير حسين انت......من صنعت المسحيل
جوه رجلك كل قصرهم...صار مكسور وذليل
واليوصل الكوفه.  بعيني يجي يشوفه
.قصر الاماره .........    هاي السفاره
**
صرت باالكوفه انت معلم...شامخ بكل العصور
وچي امان الله بحضرتك......بيها ترتاح الطيور
والهوى يمر اعله صحنك.....خاطر يخلي عطور
براحه نفسيه عجيبه..............يشعر الرايد يزور
عطر الامامه أنت.....كل المجد نلته...
..بزود وجداره ......هاي السفاره 
**
ألف عام عليك وأكثر....وانت قرآن الخلود
بحر.ياالكلك معاجز...  شما خذو منك تزود
مرتبط هذا وجودك.......سيدي بكل الوجود
من اخر الدنيا تجيلك.........كلها زوار اوفود
قائد وابن قائده....رف بيرغ الساده...
فوگ المناره......هاي السفاره 
**
العنده شده ويعتنيلك......يمك يفل الشداد
ماكو مؤمن عنده حاجه...ومااخذ منك مراد
دار كل واحد يضدك...... راحت وصارت رماد
كل مجاهد راعي مبدأ......انت علمته الجهاد
كلمن نوه الثوره.....عندك اخذ دوره...
وحدد مساره......هاي السفاره 
**
الشمس مايخفي ضواهه...شما كبر حجم الغيوم
الباطل اشما طال حبله...فترى يبقى وما يدوم 
وكل خفافيش.السياسه ... تطيح ماتگدر تحوم
وانت الك هاي المناير.......تسجد عليها النجوم
كل نجمه تهواهه....وتصلي فوگاهه..
وتقره الزياره.......هاي السفاره 

الشاعر سعد العبودي

القصيدة 77

كفو من ام البنين
،،،،،،،،،،،،،،،،،،
يابخت هاشم يعنوان الوفه
انتي من فاطم اخذتي اعضم صفه
والله  يالبدويه  كلج  عاطفه
الكرم عندج حيره بيش انوصفه

سند خيمات الحسين
كفو من ام البنين
..........................
انتي باب الله جبير ورحمته
ماتركتي حسين وحده بمحنته
انطيتي ولدج فده تحرس خيمته
والگمر حنيه تارس جربته

انتي يم گلب الحنين
كفو من ام البنين
.............................
انتي ياعضم مره بهاي حيات
كون اسمج ينذكر وي الصلات
انتي وصيتي الولد تفدي الخوات
وبكمرهن هنه دوم مدللات

بالكفاله امدللين
وكفو من ام البنين
.......................
ياكلابيه وعلي اختارج سند
وانتي يوم شده وفيتي الوعد
انتي دستور وفه وكل شهد
السمه صاحتلج يمولاتي المدد

نردد بهاي السنين
وكفومن ام النين
...............................
الج يالبدويه اعضم منزله
انتي خيمه وسند اشرف عائله
صرتي ايه اولدج اقدس بسمله
كشخه صارو يالحنينه ابكربله

ولد هيبه معدلين
كفو من ام البنين

الشاعر مصطفى فوزي المالكي

القصيدة 78

ام البنــــين ومــن يـــواسيها
    ربــت الغـــيره بكــل معانيها 
                                        ****
   صبت دمـعها ومــابقـة دمعه 
   ودلالـــها مــن الهـــظم يـنعه 
   بلــروح تحـرگ تشبه الشمعه 
   والخلگ سمعت كل بواچيها 
                                        ****
   لحسين ونت ونــه مهظومه 
   ومـــن العزيز اليله محرومه 
   يـــاريت گالت اسمع اعلومه 
   وتبچي الحنينه تـريد واليها 
                                        ****
   نـاحــت عليـهم ونــت بغيره 
   ياناس وحشه وظلمه الديره 
   تانت ضعنها وحـايره بحيره 
   تشكي صـفت ضلت الباريها 
                                         ****
   صاحت حسين اليله ماجانه 
   وظلـيت اون علــيه حيرانه 
   اگظي العمــر علراح حزنانه 
   تهــد الصخر ضـلت نعاويها 
                                         ****
   تجرحــها ضــلت اه حـراگه 
   لحسين هــيه دوم مشتاگه 
   گلبچ يحـره تــكتل اشواگه 
   الناس كلها صــاحت شبيها 
                                         ****
   ضلمه عليها الرايح ضواها 
   والروح بيها ضــاع منواها 
   راح الگمر وحــدهـا خلاها 
   والــوكت بلـوه هـوه باليها 
                                          ****
   ابوحيدر الصبيحاوي

القصيدة 79

كلشي انطفه بعيني      يوم المشه حسيني

أم البنين  أم البنين
*** 

عميه عيني وما اشوفن   مات بعونـــي الضوه
جرحي ماضنه ايتشافه   وشال من عندي الدوه
يوم ماسافر عزيــــزي   آنه والميتــــــــه سوه
ضاكت الدنيه الوسيعه    وضاك بأنفاسي الهوه
شح الهوى بصدري        ومني انكسر ظهري
أم البنين  أم البنين
*** 

وين ما صـــدن عيوني   بكل جهه انظر صور
صورة حسين وحبيبي   بيها احس لوعه وقهر
بيها مرسومه محـــــنه  ماتت بصــــف  النهر
ينعصر كلبــــي عليها    وحيل يوجعني النحر
شالت اعز ناسي           ومرمــــرني عباس
أم البنين   أم البنين
*** 

كَلبي مدري اشبيه يسولف  بالمواجـــــــع والحزن
والمصايب جنها رحــــــه  وتطحن بروحي طحن
لاني ميته ولاني عدلــــــه  عايشه روحــي بسجن
نعمة الله امفاركتنــــــــــي   اشلون اهـيد واستجن
حسين الرحل عني           وهالنعمه شــــدهتني
أم البنين   أم البنين
*** 

حكي لو ركن عيوني    وراح شوفي وشيبت
وحكي لو رجفن اديه    ومالــي حيل وحدبت
رحمة الله الجنت بيها    ودنيتي بفيــه عشت
هيبتي وبخت العشيره   العكبه بالدنيا ضعت
شيرجـــــــع الغالي        والله انشغل بالي
أم البنين   أم البنين
*** 

ابلا امان الدنيـــــا جنها    وكلش احسن مكتأب
ابلا شعور الروح مني    اهواي كامت تنتحب
الخير والحب والتسامح   شال ليـــش ومنسلب
والشمس غايب ضواها   وكَمر ليلي منحجب

 شيرجــــــع احبابي                  عيني علـــــى بابي                
أم البنين   أم البنين
***
الشاعر ابو علي الركابي

القصيدة 80

نزله 
بطور الحزين 

﴿يمه عذراً قــصـريت)
﴿﴿4محرم الحرام ﴾﴾

           يمـه عذراً قــصـريت 
           أربعـه وهم ماوفـيت   
ــــــــــــــــــــــــــــــــــــــــــــــــــ
يمه صحته المــعذره.  
لـو مشه ضعنه وسره 
أربعـه وكلش قليل   وانته يفداك الداليل  
أربـعه وكـلهم وفـه.   منـي رضعو عاطفه
ثلاث كواكب والكمر   فدوه كلهم للنحر 
              
لويصح بيدي مشيت 
أربعـه وهـم ماوفـيت   
ــــــــــــــــــــــــــــــــــــــــــــــــــــ
لو يصح بيدي رحـت 
لـلضـعن وأنه تبعــت 

وسري ويه القافلـه  وأوصل الطف كربله 
لوجهاد على المرءه   أطلع أنـه مبختره 
أطلع وافدي النحر   فدوه الحسين النظر 

وبهجر شـوفك نعـيت 
أربعــه وهـم ماوفـيت   
ــــــــــــــــــــــــــــــــــــــــــــــــــــ
من يشد ضعنه ورحل 
باالحزن راح انه أظل 

وحشه تصبح ديرته  والله تكتل فــركتـه 
لو يغيب ولو يروح   تكثر علينه الجروح 
هــا يـرد لـومايرد.  عل بعد كمت انه أعد 

ياضوه عيوني بجـيت  
أربعــه وهـم ماوفـيت   
ـــــــــــــــــــــــــــــــــــــــــــــــــــــ
عايشه بطور الحزن 
كلبـي مشتاك ويحن 

بهجره حيل تغيرت  حيره بعده تحـيرت 
حسين يانيط الكلب  والدمع الجله يصب 
ألهج بأسمه وصحت   بعده أنه أتمرمرت 


بالحـزن بعـدك بكيـت 
أربعــه وهـم ماوفـيت   
ــــــــــــــــــــــــــــــــــــــــــــــــــ
ابجي وبحركه وشجن 
ع المشه وعاف الوطن 

باليصير وبالجره   يمه صحته المـعذره 
مادريـت ولاعـلم   هـوه يحـتـاز الزلم 
عشره سويت الولد  للمشـه والمبـتعـد 

بالـربه شـو قـللـيـت 
أربعه وهم ماوفـيـت   
ـــــــــــــــــــــــــــــــــــــــــــــــــــــ
قـللت وأنـه اعـتذر 
ريته مقـبول العـذر 

عذري شنهو الفاطمه  لوحجت شمقدمه 
قدمت الجله اربعه  طافو عله المشرعه 
نادت وكامت تصيح أنتي وفيتي الذبيح 

يمه يحسين وبجيت 
أربعه وهـم ماوفـيـت   
ـــــــــــــــــــــــــــــــــــــــــــــــــــــ
 كلمات الشاعر الحسيني 
مرتضى مكطوف الموالي

القصيدة 81

.            نزله الام البنين ع

صارت مثل للاجيال    من فزعة البدوية
اربع ولد عدها ابطال    كل واحد ب600

                         @@@

يالتسأل اعله  التاريخ  رايد  تعرف  ابطاله 
ل ام البنين  اقره  وشوف واتمعن  بهالحاله 
حرمه  ومواقفها  هواي  عبرت  زلم   خياله
بعض الحرم تسوه ارجال  لو صارت الحربية

                       @@@

من احچي عن  ام  عباس  فعلا اضلن  حاير 
لو بالشعر شفت اقصور لا تعتب اعله الشاعر
محد  يوصف  ام  عباس  لا باطن  ولا ظاهر
كل النسمعه  ونقراه    من  عدها  هذا  شويه
    
                       @@@

يمها   احتراما   وجلال   نركع   اذا    مرينه
انطت زلم دون حسين بالحومه وينه اوينه 
الينطي نحره وميهاب والينطي چفه اوعينه 
رضعو  لبنها  او وياه  رضعو  وفه  وتضحية

                       @@@ 

راحت  لبنها  العباس  شدت  علگ بزنودة
بالك تگله اعله حسين  لحد يصل  لحدودة
انته الضخر وانته الماي وانته العلم وجنودة 
مادامك اگبال الجيش   يعني الخيم  محميه
                 
                       @@@

وگفت  علي  للمختار  يوم  الوگفله   بصفين 
هيچ اوگفت وي حسين ماقصرت ويه الدين
نخله  بشموخ  وايباء  وانطت ثمرها لحسين
متربيه  عد  ناس اكبار   حي  الله   هالتربية 

                         @@@

مافكرت   بالاولاد   من    غربو    من    عدها
تبچي اعله زينب وتخاف بس لا تضل وحدها
ماغمضة  ساعة  بليل  الله  وعلي   ايساعدها
مشتاگله  ضلت  لحسين    والزينب   العلوية

                          @@@

ام البنين الابرار  من وگفت اويه  السادة
خلاها  باب  الحاجات  ربك  فرج  لعباده 
كلمن طلبها وبخلاص  يرجع ينول امراده
بالشدة فزع ام عباس مالك شغل مکظية 

                        @@@

                للشاعر طاهر الدريعي

القصيدة 82

محرم ام البنين

اليمشي بضعن للموت يتحصل منين
حن الگلب  ويريد  ملگات  الحسين
،،،،،،،،،،،،،،،،،،،،،،،،،،،،،،،،،،،،،،
انه ام الأربعه .. عمري كله ملوعه 
وبعيني الدموع
حيلي خلص والحجي .. يشرح حوالي البجي
وجروحي موضوع

شابجه الراس ودمعتي تفزز الموت
بعد طول حسين طولي يريد تابوت
ليش بس بيتي انه فارغ دون البيوت
شما اصيح حسين ميت يرجع الصوت

صارت غريبه اليوم حته الحياطين
حن الگلب ويريد ملگات الحسين
،،،،،،،،،،،،،،،،،،،،،،،،،،،،،،،،،،،،،
حسين عافاني ورحل .. يابسه وعودي ذبل
وشباقي بالروح
انه وبنيته بقت .. وهيه هم اتعطلت
بخيام الجروح

شما أسيير عالعليله وتگعد احذاي
نبجي عالغالي  وبناته  ونلطم هواي
هيه هم نعمه والگيت اليلطم وياي
انه  وياها اتفقنه  انزاعل  الماي

ماردنه شوف الماي ماتقبل العين
حن الگلب ويريد ملگات الحسين
،،،،،،،،،،،،،،،،،،،،،،،،،،،،،،،،،،،،،
انحب وگلبي نفطر .. ماكو طارش لاخبر
ومشيب الراس
للنهر هاذ الحجي .. شابعه خلافك بجي
امك يعباس

يابوفاضل تعرف امك يوم الوداع
خضر الشيب بعمرها وكبرت بساع
يبني اريد اگبال اخيتك تخسف الگاع
يضيع كل تعبي التعبته لو خدر ضاع

اختك اذى تنخاك جيبلها شطين
حن الگلب ويريد ملگات الحسين
،،،،،،،،،،،،،،،،،،،،،،،،،،،،،،،،،،،،،
صرت اشعر بالألم .. الماي جتال الخيم
ومعذب الحال
اعرف بحال الخدر .. يبقه بشموس الضهر
وتضع العيال

باجر يطيح المخيم فوگ الهموم
واليدور گطره يبقه بعازت هدوم
حسين باجر عالوطيه اتسلبه الگوم
مگطع وماعنده حيل الزينب يگوم

باجر يضل عريان وخوانه ميتين
حن الگلب ويريد ملگات الحسين
،،،،،،،،،،،،،،،،،،،،،،،،،،،،،،،،،،،،،
كون هسه بكربله .. حالي حال العايله
ليش انه ضليت
مدري ليش تعطلت .. كون وي زينب رحت
للغربه ياريت

موغريبه انه عليهم والصدگ كون
رايحه ويهل المحنه بذيج الضعون
شرايده من الله الترافگ رحلة ام عون
لو عطش عبدالله اعصر فوگه العيون

ام البنين شلون تبقه وتجن وين
حن الگلب ويريد ملگات الحسين

العبد ابوفايز الرافضي

القصيدة 83

#قصيدة سريعة لام البنين
ـــــــــــــــــــــــــــــــ
ام البنين الطاهره ام الوفه
ــــــــــــــــ
خجلان منچ يا وصف جلماتنه المتحيره
كل الصفات العالية يمج تصير ازغيره
يكفيج بس هذا الشرف وفيتي ويه الزهره
قدمتي ولدچ للذبح اتكولين انه امقصره
نحتار هذا الكرم بيش انوصفه
ام البنين الطاهره ام الوفه
ــــــــــــــــ
من يوم رادج حيدره اهداف عنده هوايه
يدريج نطفه وطاهره يا ام الكرم وفايه
خلاچ للعازه ضخر تدرين هاي الغاية
عباس راده بكربله هوه اليشيل الراية
عباس بالطف شال راسج موقفه
ام البنين الطاهره ام الوفه
ــــــــــــــــ
من راد ضعن ابن النبي ما يستقر باوطانه
تدرين هاي الخاتمه وكلبچ تشب نيرانه
گلتيله يا هرش الگلب يم حضرتك خجلانه
اربع بنين واستحي وي السبي كون انه
گدام زينب انسبي وامچتفه
ام البنين الطاهره ام الوفه
ــــــــــــــــ
من شاف كل هذا الوفه الدمعات خنگت عينه
كلچ يا يمه بموقفچ  دين النبي تنصرينه
عباس حامل رايته وبالمعركه اتعرفينه
مشكوره عن هذا الكرم يم فاطمه تلكينه
موقف وفائچ عن عقيده ومعرفه
ام البنين الطاهره ام الوفه
ـــــــــــــــــ
لميتي ولدج اربعه البيهم شجاع وعالم
توصين بيهم والحچي مفهوم حچيج حازم
ما اريد واحدكم يرد مثلوم سيفه وسالم
من عدكم اتبره وعلي وگدام كل الوادم
بيكم اشيل الراس يمه امشرفه
ام البنين الطاهره ام الوفه
ـــــــــــــــــ
ترحين يم زينب خجل وتشوف دمع عيونچ
تمنيت يا ورده علي يسبوني ما يسبونچ
وصيت عباس الوفي يضحي النفس من دونچ
خدام ولدي الاربعة  وبارواحهم  يفدونچ
تكلج يا يمه وهذا طبعج نعرفه
ام البنين الطاهره ام الوفه
ـــــــــــــــــــــــ
نعيم ابو باقر الساعدي

القصيدة 84

نزله ( #أميره_اعل_الخدم )    #محرم_1447 

……………………………………

أميره اعل الخدم .. ويا اعظم فخر 
يظل عالي العلم  .. بدين أم الگمر

………………………… 


هالمواكب دوله عظمه تربح وما افلست 
أم ابو فاضل رئيسه  و بجداره اتريست 
الفضل يرجع كله الها ابكل شعيره اتمارست 
تره اول موكب الها برض يثرب أسست 

يارئيسه اتنصبت من فاطم 
ابكل محرم ينتخبها الخادم 

مَدِح بيها أنعِلم .. من الأثني عشر 
يظل عالي العلم .. بدين أم الگمر

………………………………


الذي يسن سُنه حُسنى أله يمتد الاجر 
وهي اعظم سُنّه سنت خالده اليوم الحشر 
العين مو بس ماي تدمع عدها كون اتصب جمر 
واللطم تعتبره فاهي لوَن ما يخسف صدر 

يعني كلما نلطم المولانه 
بالاجر تصبح شريچه ويانه 

مدين الها الـ لطم .. على ذاك النحر 
يظل عالي العلم ..  بدين أم الگمر

……………………………


للعزاء دستور كتبت واليخالف ينطرد 
امن القرايه ما يمنعك كون لا حر و برد 
دربك ولو شوچ كله تشوفه بعيونك ورد 
ماكو القاب و أسامي انتَ بالمجلس عبد 

لان هي امهبطه دوم الهامه 
مو شريچه و لم حسن خدّامه 

الوفاء بيها انرسم .. الكرم بيها افتخر 
يظل عالي العلم  .. بدين أم الگمر 

…………………………….


تريد كل واحد مثلها كون خادم من صدگ 
كون لجل اخيام زينب دوم گلبك محترگ 
تلطم ابصدرك واذكر  صدره ذاك المنسحگ 
من كثر ثگل الحوافر عالظهر ظل منطبگ 

حتى من تاكل تعيش الحاله 
حسينك امن الجوع صفره اعياله 

ولا تنسه السهم .. الوصل يم الظهر 
يظل عالي العلم .. بدين ام الگمر

………………………………


الحزن بستمرار عدها  امس و اليوم وغدن 
لوَن ما مكروه طلبت اسود يكون الچفن 
تكفر ابنعمة عيونك لوَن للطف ما بچن 
تشهد ايدك بالقيامه لطمت اعل ابن ام حسن 

خلي بس لحسين كل احزانك 
علي و جاسم بالقيامه اخوانك 

فقط دوسة قدم .. گُبل تخمد سقر 
يظل عالي العلم .. بدين ام الگمر

…………………………


هي امنه شگد حنينه و عادله ابنفس الوقت 
ابد ما چنها تعرفك لوَن متكبر صرت 
وذا تتواضع تحسبك ماي للاكبر جبت 
ولو ترائي اتگلك انت ابسبي زينب شاركت 

دوم اتركها الأنا و عاديها 
تره اتأذي حسين من تحجيها 

اعتبر نفسك عدم .. الك يصبح قَدَر
يظل عالي العلم  .. بدين أم الگمر 

……………………


هل المره صارت عظيمه منها خل ناخذ وعي 
باب تگظي الحاجه فوراً بيها كلمن يندعي 
خطوه عالخطوه يخادم الها اصبح تابعي 
بالخدامه آية الله هي صارت مرجعي 

من اقلدها اصيرن عالم 
وامتياز أعليه تكتب فاطم 

ذهب حبر القلم .. كتب أجمل خبر 
يظل عالي العلم .. بدين أم الگمر

……………………………
✍️ ( سيد خضر الزاملي )

القصيدة 85

لا رساله ولا خبر يبويه 
 طالت ايام السفر يبويه
                     —————
        انت مو تدري الهجر ماينحمل 
         ماعفت بالدار عبدالله الطفل
       مو سهل يفراك وجهك مو سهل
        مو بعيده وياك يلتم الشمل 
   
            جرح المفارك كبر  يبويه 
            طالت ايام السفر يبويه
             
                    —————
        عكب عينك بويه ماريد العمر 
     شفت نجم المرض مو نجم الضهر 
       بويه مالك نيه ببنيتك تمــــــر
       خذت وياك الصبر واهل الصبر 

          بعد ما احمل قهر  يبويه 
           طالت ايام السفر يبويه
                  —————-
        بويه من بعدك عفت حته الدوه
        أنعم الله ولسه اشتم الــــهوه 
        البيت من دونك احسه بلا ضوه 
         كلبي خايف خاف مانلتم سوه 
        
           بلكي يجمعه القَدر  يبويه 
             طالت ايام السفر يبويه
   
                   —————
        كل مسيه عيوني لعيونك تحن
        الدنيا بغيابك مثل باب السجن
       من اشوفك ينتهي هذا الـــحزن
        جم رساله انكتبت بدمع الجفن

            نايم بعيني السهر  يبويه 
             طالت ايام السفر يبويه
                     ————
         بويه مامريود شلعان الگلب
         بويه والفركه اشد من الحرب 
         ارجع ارجع وأنته تندل الدرب 
        صرت عنك اسئل الناس الغرب
  
          رعب وجروح وخطر  يبويه 
            طالت ايام السفر يبويه
             
                 —————-
        وضعي بعدك مو هذاك الاولي 
         ابيا علي اكعد واكوم بيا علي 
       ارد اسئلك بويه عن صحة هلي
        من المرض اشفه إذا ترجع الي
           
             مانشف دمع النضر  يبويه 
             طالت ايام السفر يبويه
                   ———-
سيد معتز  الحسيني

القصيدة 86

#مجالس_محرم_الحرام 1447 هـــ
مولاتي العليله عليها السلام
🔹🔸

الصبر مفتـــاح الفــــرج يادنيــــا افهما
اشلون اصبر والظعن كل روحي هدمها
ــــــــــــــــــــــــــــــــــــــــــــــــــــــــــــــــ
من يوم ما راح الظعن واحلامي مهدومه
ظعن الاحبهــــم يبتعد والروح ملجومــــه
مافارك اعيوني السهر من نومي محرومه
الفركـــه خلتني اون وابداري مهمومــــه

كالوا عليله ومارحــــت والحاله احسنها 
اشلون اصبر والظعن كل روحي هدمها 
ــــــــــــــــــــــــــــــــــــــــــــــــــــــــــــــــ
سئلوني اهلي وجاوبت عن وضعي الصحي
احوالي متحسنه وشمس مافاركت صبحي
ماكو خساره لو رحــــت بس ابقى مو ربحي
بدونهم حنطــــه اضل وافراكهم رحــــــــي

افراك احبــــاب الكلب نيرانــــي شعلها 
اشلون اصبر والظعن كل روحي هدمها 
ــــــــــــــــــــــــــــــــــــــــــــــــــــــــــــــــ
عثروني بوداع الاهـــل خلونـــي مشتاكــــه
حسيت لحظات المشوا كلبي على الناكــــه
فــــاركني الاكبر والابــــو ذابحني بفراكــــه
ونــــار فركتهم هلــــي ماتطفــــه حراكــــــه

اشلون روحي تستقر وحسيني اعز منها
اشلون اصبر والظعن كل روحي هدمها 
ــــــــــــــــــــــــــــــــــــــــــــــــــــــــــــــــ
ماضلت احلامي تسر مبيوكه من روحــــي
عكب الحُسين وريحتــــه ماطابت اجروحي
الليل لو مرني جــــرح واسهر انه بنوحـــي 
منين يلفيني الفـــرح والحزن بسطوحــــي

ماوصلت الراحـــه الي واحزاني باكملها
اشلون اصبر والظعن كل روحي هدمها 
ــــــــــــــــــــــــــــــــــــــــــــــــــــــــــــــــ
انــــه العليله والسهــــر حطمهن امالــــي
نبض كلبي مــــاغلــه بس هوه ضل غالـــي 
حسين كل روحي وهلي وافراكه جتالــــي
كل نورس بشط الدمع يرويلك احوالــــي

روحي التون اشتستقر ماكو الي طمنها
اشلون اصبر والظعن كل روحي هدمها 
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

القصيدة 87

تدري بيها روحي عندك
ونتظر....يابويه  وعدك

واحسيناه......واحسيناه 
*****
طيفي فسر روحتك كلبي انچوه 
ياحلم عاش... ابخيالي المحتوه
جرحي مايرهم دوه ضاع الضوه
انت بنفاسي وعلي  يسري الهوه 

لو تجاوب...دمعه ردك 
ونتظر ..يابويه وعدك
****
انه  متعوده عله صدرك بي اشم 
گعدتك  چانت  تمرني ابكل حلم
حسرة   الفاگد  ابوها  اشكد تهم  
مثل ...حيلك  بويه وياك  أنهدم

والدمه ايسيل عله خدك
ونتظر......يابويه وعدك
****
كون  اهزن  رايتك  وشبع عشك 
والله يحسين .. بغيابك  احترك
شايف  المشتاك گلبه  شگد يدك
بداري  مگطوع الهوه بأه اختنك

والهجر ياخذني بعدك 
ونتظر...يابويه وعدك
****
عمري.....مر بلا طعم عشت دمع 
ينذبح ليش الضوه بطول الشمع
خايفه ...يحسين گلبي  ينصدع
باچر ...الخيل عله ظهرك تنطبع

بويه لوتشرحلي قصدك 
ونتظر.....يابويه وعدك
****
اشبگ  ابطيفك وحس جاي الگلب
ياحلم باقي عله شوفك هم صعب  
بيا  وگت  يحسين  لو  داري تطب
احذف  ايامي  العشتهه بس غرب

اشگد اتاني بهذا عهدك 
ونتظر....يابويه وعدك
*****
راحت  ايامك  وشوفك بس جرح 
انه ميته ومن تجي يعيش الصبح
وجهك  ينگط  محنه  اشگد سمح
انذبح.. واسنيني خلصت عالرمح

بطيحتك منهو اليسندك
ونتظر.....يابويه وعدك
*****
#تمت....بعون الله تعالى 
#خادمكم....يوسف الفتلاوي

القصيدة 88

#قصيدة سريعة – للعليلة

يا فاطمه العليلة
يا فاطمه العليلة
ـــــــــــــــ
يكسر اگلوب مصابج من يمر
لفرگة احسين ولا ينفع صبر
حالي شوفيه اعلى حالچ منكسر
جرحي ما طاب اذا ادك عالصدر
هذا الدمع نسيله
يا فاطمه العليلة
ـــــــــــــــ
يلي وياج زمانج ما نصح
كلمن اينوح على مصابج ربح
دمع الاعيون وداع اويه الفرح
يوم الاوداع گلب بيه انجرح
يل ونتج طويله
يا فاطمه العليلة
ـــــــــــــــ
راحت الروح اسيرة اويه الضعن
جان الاحسين الج اكبر وطن
تجوي جمرات عليج وما طفن
هاي الادموع على مصابج جرن
نبجي ونون قليلة
يا فاطمه العليلة
ـــــــــــــــ
ويه الاهلال دمعنه ضل يهل
جرحج امصاب علينه موسهل
من لطمنه وحزنه ما نمل
يالغربتج ابد ما تنحمل
يل خدمتج وسيله
يا فاطمه العليلة
ـــــــــــــــ
گلبج اهناك مشه اويه القافله
وضلت تسيل دمعتج هامله
من تونين ونين الثاكلة
منهو مثلج فكدهم كل هله
يل غربتج ثكيله     
يا فاطمه العليلة
ـــــــــــــــــــــــ
نعيم ابو باقر الساعدي

القصيدة 89

#مجالس_محرم_الحرام1447

💫💫💫العليله 💫💫💫

شال ضعن احبابي .. و الف صفحه اعتابي
لو ماترد الضعون .. اشهگ واموت ابابي

اه ياحسين
🔹🔹🔹🔹🔹

بكل رساله ابديها .. الورقه ارد اطويها
وظال گلبي محتار .. اكتب وامسح بيها

بدرب كل امسافر .. روحي روحي تهاجر
على الضعن من يحجون .. ينكسر گلبي الصابر 

آه ياحسين
🔹🔹🔹🔹🔹

ضايعات اخبارهم .. ومثل طيره بدارهم
الهجر كاسرلي اجناح .. تجويني نار اغيابهم

الطف بعيد هوايه .. وعطش گلبي المايه
شكثر لحسين اشتاك .. والعمي راعي الرايه

آه ياحسين
🔹🔹🔹

ضعن شيخ الديره .. شال وانه بحيره
وياه خذه العلويات .. بس انه كال ازغيره

وبالعلل دلالي .. حيل ماخلالي
بي تطيب الجروح .. بس ماخذاني الغالي

آه ياحسين
🔹🔹🔹🔹

خذو عمري وياهم .. الكربله مسراهم
والكمر غايب وانجوم .. مااعيشن ابلياهم

اندعي يرد سالم .. علي اخوي وجاسم
وعلى عبدالله الروح .. اسمه ويه نفسي تقاسم

آه ياحسين
🔹🔹🔹🔹

الفاكد اهله وناسه .. الشيب يترس راسه
يروح مايعرف وين .. مذبوح كل احساسه

من البجي يمل جاري .. ونهر دمعي الجاري
‏بس جدتي ام العباس .. يمي وتعرف اخباري

آه ياحسين
🔹🔹🔹🔹🔹

جم علك شديته .. ابابي واتمنيته
حسين يرجع للدار .. والدي ينور بيته

وموصدك احلامي .. تطلع و مو دامي
وترد زينب وياه .. وحلوه تصير ايامي 

آه ياحسين
🔹🔹🔹🔹🔹

علي حسين المنصوري

القصيدة 90

3 محرم الحرام 

تبجي العليلة
وكلش نحـيلة 

سفـرت أبـوهــا    صــارت طــويـله 
ـــــــــــــــــــــــــــــــــــــــــــــــــــ
عليلة وكامت بدمعه عليه تـسـال 
وتكله بــويه هـجرك والـسفر طول
الحـزن بيه عليك بيا وكت ينحـل 
دمع يسجب يبويه والجفن يـذبل 

بـعدك يــغالي 
جاشنهو حالي 
شيسكن الروح.    شنهو الوسيله 
ـــــــــــــــــــــــــــــــــــــــــــــــــــــ
الكلب بويه وبعد عينك ولا هـود 
ولايخـمــد جمـر كلبـي ولا يـبـرد 
وجره دمعي بعد جفني ولا ينسد 
حسبت ايام هجرك شونست العد 

تـمر الثـوانـي 
احسب وتانـي
من بعد الغياب    ونتــي ثكيله 
ــــــــــــــــــــــــــــــــــــــــــــــــــــ
شسولف ع الهجر بعـدك يغاليـنه 
يبويه  بيا وكت ترجـع تجي لينه
سكنـت الباب  من بعـدك يوالينه 
بغيابك بس حزن والدمعه تولينه

مااكــدر انسـاك 
وبــالي ذكـــراك 

ماهادت العين      لا ول  العقيلة 
ــــــــــــــــــــــــــــــــــــــــــــــــــــ
 ماانسه وذن أنـته سكنته البال 
تغير حالي بعدك والحزن جتال 
إذا تسأل عليه ومـا بقى بالحال
وأنه بدمعه اناطر جيت المرسال

وبكـوسـر الدار 
منتظره الاخبار 

توصــل ألـيه    وانه نحيلة 
ـــــــــــــــــــــــــــــــــــــــــــــــــــــ
تجي أخبارك وروحن يمك اتعنه 
وفك حزني وعوفن دمعي ولونه
ترد ضحكتنه من جنه وقبل جنه 
ترد انته شحلاتك من تجي يمنه 

وتـرد الأحبـاب 
من بعد الغـياب 
 
نرجع سويه.      امنيت العليلة 
ــــــــــــــــــــــــــــــــــــــــــــــــــــ
كلمات 
مرتضى مكطوف الموالي 

القصيدة 91

#مجالس_محرم_الحرام_١٤٤٧هـ

💫💫

اليحبه حسين بيده يجيبه
هذا قانون الخدم ترتيبه
اخذ درس المنبر .. كل فصل بي قنبر
هذا قانون الخدم ترتيبه
🛑🛑🛑
المعدنه صافي ويقينه حسين هوه يدوره
يريد طبعه كربلائي وگلبه مثل الجوهره
يجيبه بيده للمجالس خطوه خطوه يعبره
كل حسينيه سفينه والنجاة بمنبره

الدولة الخدام من تسافر 
حط جوازك بي صور للعاشر
وسوي عمرك دفتر .. كل فصل بي قنبر

🛑🛑

هيه توفيق الخدامه وبيها ناسك تنكشف
اكو يجفي الخير بيده وعن طريقه ينحرف
واكو عالدمعه يتبعه يسوه من ذولاك الف
يخلص وياه بخدمته ومستعد حد النزف

ويه الحسين اليگضي كل ايامه
تسجله الزهراء مطفي اخيامه

وشرط مايتكبر .. كل فصل بي قنبر

🛑🛑🛑

عدنه دستور المنابر واضح النه بكل زمن
من ظهر يوم الطفوف الحد ظهور ابن الحسن
حسين بالدم راسمه النه وبي خواطرنه ارتون
الجفن بي هيهات نكتب حتى بي نبني الوطن

محكمه والقاضي بيها الشاعر
يبدي بالتحقيق من الحافر
والسبي وكل مصدر .. كل فصل بي قنبر

🛑🛑🛑

مثل ماي البي وضوئك طاهره خل صحبتك
المايقربك للمجالس تره يخرب مشيتك
ويه السمعته بيها لثگه لاتلوث سمعتك
وقف بس لحسين خلها مشيتك واحجايتك

جامع الكل الشرائط لازم 
حتى ابو الاكبر يقبلك خادم

الموكب البي تحضر .. كل فصل بي قنبر

🛑🛑🛑

دمعة العاشگ رساله بمفترق اربع طرق
واليهلها على الحسين من الله هذا اكبر رزق
معركه الدنيا وطويله وكل بشر من يلتحق
لازم يثبتله موقف ويه الحسين بصدق

من البدايه اليلتزم قانونه
حسين والعباس ميعوفونه

بمنهجه ويه الاكبر .. كل فصل بي قنبر 


علي حسين المنصوري

القصيدة 92

موشح للخدمه
.

خـــدمـتـك يحـسـيـن يا محلاهـا
حـــتّـه جــبـرائـيـــل يــتــمـنّـاهـا
حسين ابا عبد الله .. حسين ابا عبد الله

----------------------------

الخدمِـتك كـلـمَـن سعه وراد الأجـر
مـو شـرِط رادود لـــو يكـتب شـعـر
التـلـطّـخ وجـهـه بـصـخـام الجــدر
شِــي طـبـيـعي خـدمـته تـرضـاهـا
حسين ابا عبد الله .. حسين ابا عبد الله

----------------------------

سـيّـدي كلمن قِـبَـل خــادم يـصـيـر
الناس تـنظـرله وِسـف نظرة حقير
واليخِدمك يخـتـلف، يصبح أمـيـر
وبـخـدِمْـتــك حــقّـه لــو يــتـبـاهـا
حسين ابا عبد الله .. حسين ابا عبد الله

----------------------------

حـقّـه يـتـباها اليــخِـدْمـك يا كـريـم
اليِـكْـنِـس ابمجلسك ذو حـظٍّ عظيم
عـقلــه صاحي ومـيّــه بالـمـيّه سليم
عــنـده حــظّ وبـخــت مِــن سـوّاهـا
حسين ابا عبد الله .. حسين ابا عبد الله

----------------------------

الـعـنـده حظّ وبـخَــت يـتوفـَّـق أكــيـد
الـمِــن عـبـيـدك صار مــنّ اللـه شـيريـد
صدگ فطـرس عـبد وآنـه امـن العـبـيد
كُـــون اقَــــبــل چــــفّــك الســــاواهـــا
حسين ابا عبد الله .. حسين ابا عبد الله

----------------------------

امن اخـدم ابموكـبك ماحـس بالـتّـعـب
وبالطـبُـخ أر تــاح لـو مـسْــني الـلـهَـب
مــنّ اشــم ابـثوبـي دُخّــان الحــطــب
والـلـه احــسّ ابـخـدمِــتي ومـعـنـاهــا
حسين ابا عبد الله .. حسين ابا عبد الله

----------------------------

واللــه لــو مـا إنــته چــا آنـي عــدم
وچـان هــذا العــمُــر خــلّـصـته نـدم
أشـكـر اللـه اللي جَعلني امن الخَـدم
ونـعـمـه هالخـدّام اعــيـش اويـاهــا
حسين ابا عبد الله .. حسين ابا عبد الله

----------------------------

عالخـدَم أدري الحـچي يـمـكـن يـطـول
وآنه اريـد ابـچـي يـبـن بـنـت الـرسـول
أرْد اسِـــئـلــك ســـيّـدي عـنّ الخــيــول
اضـلـوعـــك اشـچـم حـافـر الـرضّــاهـا
حسين ابا عبد الله .. حسين ابا عبد الله

----------------------------

اشجم فَـرَس يحـسـين مر اعـله الصدر
وعــن ســـؤالـي هـــذا مـــولاي الـعـــذر
الشـمــر يـا مــولاي طـبــراتـه اشـكــثـر
هُـــــوَّ لـــمّـــن رگـــبــــتـــك حــــزّاهـــا
حسين ابا عبد الله .. حسين ابا عبد الله

----------------------------
تمّت والحمد لله 
حيدر تركي  الكربلائي

القصيدة 93

ـ #لخدمة_الحسين ع
ـ محرم 1447 هـ


درب العزه ابهذا الـعـمر 
مثل اليكض بيده الجمر 
خايف اهدن مجلس حسين 

مـن ذنبـي شارد للخيم
خايـف أزل واشبـع نـدم 
خايف تضيع ابغيره السنين 

بالدنيه كلشي ايصادفه
 گلبي ويـكـف عـينه 
شاف العشگ لاهل العشگ
 واختار ابوسكينه
وعــوّدنه راحـتـنه ابتـعب
 ولـعيـونـه صلينه 

أحن منه ماكو .. وصاله قريب
خذاني الجروحه .. واعيش النحيب
شغّل بالي كله .. حبيبي الغريب 

=======ـ

بسم الله والزهره بده
گلبي ينوح السيده 
دوم اعله جرحه ينعى بالآه

عد الحُسين انه عبد
والـعبـد لازم يبتعـد 
عن كل شخص مايبچي مولاه 

ماعندي غاية ابدنيتي
من احتمي ابساداتي
رايد رضا الــزهره عليّ
واتــوسل ابـدمعاتي 
خادم ذليـل وامتثل
ومنـهـم ردت حـاجـاتي 

تره الدنيه هايه .. متاهه وتعب 
درب گلبي اريده .. دروب الگبب 
جمـال المناره .. تساوي الذهب

=======ـ

معنى الامـان ابخدمته
وتـغـري العوالم رحمته
عالم خدمته ايـبدل إنسان 

هذا الحُسين ولا عجب
امنترابه ينصاغ الذهب 
ضل عالي ذكره ابكل الازمان

يحسيني لاتترك عبد
شافك ضوه الليله 
اتقرب الجرحك ردت
وكل عمري ابچيله
هذا انه طايح بالوهم
ومحــد يتچيله 

اريد اگضي عمري .. دموعي وألم
واعاشر خدمتك .. وانوح الخيم
تره ماكو مثلك .. يعالي القمم

======ـ

- خيري الصفراني ✍️

القصيدة 94

عهد   الولاء........ياسيدي 
نحيي العزاء .....ياسيدي
***
الله  من  اعلينه .....بالحسين  واله
حبه خير  انطانه....والمدح  يحلاله
دمعه اخذ وهديله...يالعليت ابجاله
حتى الله يحبك...لو ختمت اعماله

حلوه شغل الخادم........يفتخر عالوادم 
باچر اشمحلاها ...ايسجل اسمه القائم

اجمل وفاء........ياسيدي 
نحيي العزاء......ياسيدي 
***
ابحبك  اني اتباها.....عالخلك  عرفوني 
ناسي  كلها   اتذمني.....بالعشك لاموني 
اسمه يمشي براسي..وضحتهه اجنوني 
بس خطيه  الحاقد....ماعرف مضموني

اتعينت بالخدمه....شغلي اكبر نعمه
والكلب دگاته.....كلها صاحت أسمه 

عطر  السماء......ياسيدي 
نحيي العزاء ....ياسيدي 
***
اشكد حلات الخدمه......طاهر امخليتك
لوحضرت  المجلس...كاشخ بشخصيتك
حسين هذا  ايريده......خاتم   ابتربيتك
چن يگول   الهايم ....بالعشك توصيتك

والخدم تتبشر......هذا يوم المحشر
والتحبه اتگله........تگعد بصف قنبر 

كاتب  رثاء........ياسيدي 
نحيي العزاء ...ياسيدي
***
كلها بيضه اعمالك.....لو نويت الخدمه 
الله يجزي  الخادم......بالشكر  والنعمه
يعله كل  توفيقك.......والجنون بأسمه
زلمه صرت وهايم......والعشك مفتهمه

گلبي والله يريده.......بالعشك تعويده
وشكبر چا حضي.......لو يمسني بأيده

يعلى النداء.......ياسيدي 
نحيي العزاء.....ياسيدي
***
ابهل المجالس  هايه.....خدمتك خليهه
حلوه شوف الخدمه....تعله بس داريهه
فاطمه  ابهل المجلس.....لازم   اتعزيهه
حسره دمعة  عينك....فاطمه اتواسيهه

عالخلك نتباها......كل وكت نلگاها 
هالمأتم  هايه... .... فاطمه ترعاها 

باب  الرجاء.........ياسيدي 
نحيي العزاء........ياسيدي
***
انه  وابني  انساهم........بالعزم  تأويلي
والله اشد  احزامي.....ما اضمن  حيلي
خيري كله ابخيرك.....يالوفيت اهديلي
عندي حظ اشكبره......فاطمه  تدعيلي

بشغلي منهو ينافس....اني ماخذ فارس
اتخرجت بالخدمه...استاذي اول عابس

باب  عطاء....... ياسيدي 
نحيي العزاء......ياسيدي 
***
تمت بعون الله تعالى الشاعر_يوسف_الفتلاوي

القصيدة 95

حسب توقيت المخيم والعَلم
للخدامه اتحزمت كل الخدم 
__
احنه علمنة الهلال اشما يهل
يلكه نار الغيرة بينه تشتعل 
كل سنه وهاي الخدم كول وفعل
ماتعوفك بالنحر قسمت قسم 
__
هل هلالك والجرح سولف دمه
ونشرت الزهرة قميصك بالسمه
كمنه للخدمه وتحزمنه ابضمه
وسكتت الدنيه وعلة صوت الالم
____
كلشي يمك وانته ايدك مو الك 
بطيحتك بالطف الاهك دللك
خلق وادم بس تنوح لمقتلك 
وخله بيهم جمرة من نار الخيم
____
الخدمه ردت واللطم نفس اللطم
الدنيه دونك ماي مابيها طعم 
ندعي منك كون ابد ماننحرم 
ياربح كلمن يخسرك مافهم
___
بسمك وبسم الله كمنه لخدمتك 
ومن كلبها الخدم كلها نادتك
اِدعي ربك خلي يحفظ شيعتك
بجاه اخوك الصابت عيونه السهم
_
اعليك كطعة نحرك ابذاك الضهر 
بخير خلي هالسنه تعدي وتمر
لاتشمت السوط بجروح اليسر 
هواي وادم تدري ماعدها ذمم
__
سيد معتز الحسيني

القصيدة 96

نزلة عزاء في شرف الخدمة 

هل محرم منچ إنريد المدد 
يم حسن جهزينه بالعده وعدد
==========
العده دمع عيونه ولطم الصدر 
يم حسن تسهيل ردنا لهل الامر
ردنا مايطفه بصدرنا هل جمر
بينه جمر صدورنا لا مابرد
==========
والعدد كون الابو يجيب الابن 
كون يتربه بعزاكم عالحزن
من الزغر دمعه يعاشر للجفن 
وانتي للخدام يالزهره سند
==========
نحلفج بگلب الحسين المنفجع
ردنا نظرة عينج  إنسيل الدمع 
كون من نلطم نكسره للظلع 
كون وياكم ولانخلف وعد 
==========
والله لوما الخدمه هالدنيا جحيم
خدمة ابنج عدنا جنات النعيم
اليخدم ابنج كون لازم يستقيم
وي ابو السجاد وقعنه العهد
=========
حان موعد هالطم والفاجعه
حسب توقيت العيون الدامعه
نجري دمع عيونه اعل المشرعه
هالحزن بينا ويه مولدنا انولد 
==========
بشهر شهرين وابد مانكتفي 
نور هاي الخدمة لاماينطفي
ورث هم نتوارثه ومايختفي
وارثين الخدمه عن ابٍ وجد
==========
       الشاعر علي النائلي

القصيدة 97

أجه شهر ألحزن والنوح والونه
شد حيلك يخادم وأضمن الجنــه
..........................................
أجــــــه شهر الحسين وكربت أيامه
وجب كل خادم أيشد عزمه وأحزامه
حضر دمعتك وأطفـــي لضى أخيامه
وكـــــــــل مجلس عزيه روح وأتعنه
.......................................................
كـــــــــــل مجلس تروحه أكعد أبابه
تره الزهره تجي وتوكف على أعتابه
تـــــــــون وتنوح آه يحسين وأمصابه
بدفترها تسجـــــــــــــــل أسمك أتمنه
.........................................................
مجالسنه مدارس واللطـــــــــم عاده
واه ويلــي على حسين وعلى أولاده
أووا ويلـــي أعله زينب عمة الساده
وعالعباس مــــــــــــــا تبطل مدامعنه
.........................................................
غير حسين باجــــــــــــر ياهو أينفعك
لـــــــــــو نزلوك كبرك محد أيسمعك
لا خـــــــــــــــوان تفزع لا ولا ربعك
لحد شيـــــــــل الجنازة وتكطع الضنه
.........................................................
حب حسين مــــــــــو تعلوم عالفطرة
شتجازي الفده لجلك دمــــــــــه نحره
كبلك عابس أنجن ونـــــــــــذر عمره
وعلــــــى دربه المشه بالمحشر أتهنه
....................................................
أكشــــــــــــــخ بالسواد وعلك الراية
زينب مـــــــــن تشوفك تفرح أهوايه
أنصب موكبك  وأتوضىه مــــن مايه
وبجاه أحسين أطلب حاجتك منـــــــه
.........................................................
خادم خدمة الحسين
الشاعر 
محمد الموالي

القصيدة 98

شدو حزام للخدمه
محرم مو فقط كلمه
محرم من صدك رحمه
الله يديم هالنعمه
.....................
ندبو حيدره وفاطمه خدموها
وباب المجالس رايه علكوها
وقرايات هيج الدنيه ترسوها
وحضرو بالطم والرده شدوها
وام حسين انتم الها عينوها
وبسم حسين صيحو رددو بسمه
......................
سهرو للكتابه صور كتبوله
وكون من الشعر ديوان جمعوله
واليطبع قصائد كون يقروله
وكل مجلس بعيد بعزم روحوله
والردود عيد ارجوك كلوله
وشدو حيل بلطمه
...................
كون دموم من الصدرهم تجري
وفدوه الشمر يابو النحر نحري
حسين للخدمتك فوضت كل امري
وانه ادريك حاشه تعوفني ادري
يالعليت صيتي وسمعتي وقدري
وحضي بخدمتك رسمه
..................
مثلك وين يلكه العالم ابأسره
وماتوفي المجره دمك بقطره
وانت حسين تعلم يامحرم وادرى
ومتضيع اليخدمك سيدي واحيره
وانت احلام كنز الوادم الفقره
وانت للهوى نسمه
..................
الاكبر في سجل فاطمه يسجلكم
والحاجات بسم الزهره ينطيكم
وتقدير الجهود النبي قدركم
تشملكم بشفاعه حيدره كلكم
ودخلون جنه ومايأخركم
واحدكم يصافح علي ويسلمه
.......................
الشاعر
اياد الفرح المهدوي

القصيدة 99

#محرم1446هـ 

نزله للهلال                      احمد العكيلي

أشهدُ انَّ محرّم شهر الاحزان
ــــــــــــــــــــــــــــــــــــــــــــــــــــــــــ
كبل هلْة اهلاله هلّت دمعة العين
وننتظرها بروح هاي أيام الحْسين
والمهم عاشور عدنه وكلشي بعدين

الما يصب لحسين دمعه ماهو انسان
ـــــــــــــــــــــــــــــــــــــــــــــــــــــــــــــ
الحزن مكروه بس لحسين مشروع    
والفرح مسموح وبعاشور ممنوع
شما بجينه نكول ما كفّتنه الدْموع

والدمه بينه تفور وجنهه بركان
ــــــــــــــــــــــــــــــــــــــــــــــــــــــــــ
مو دموع اتحس لئالئ عالخد اتطيح    
كل نفس كل اه محسوبات تسبيح    
ياحُسين بصوت عالي واحد انصيح

نحضر بمجلس عزائه بسود الالوان
ـــــــــــــــــــــــــــــــــــــــــــــــــــــــــــ
حسين مثله ما جره ولا صاير امصاب
حسين مكطوع النحر مسلوب الثياب
اسهام ورماح وحوافر خيل نشّاب
 
كلهه يتلكاهه جسمه وهوَّ عريان
ــــــــــــــــــــــــــــــــــــــــــــــــــــــ
خل تدك اعله الصدر كل حيلها الناس    
 خل تدك عالراس للمتهشم الراس
فدوه كل اجفوفنه لجفوف عباس

النهر كدّام عينه ومات عطشان
ـــــــــــــــــــــــــــــــــــــــــــــــــ

خيَم محتركه وتهج بالصحره الزْغار
وزينب اتحير بخدرهه اتحير بالنار 
من تظل بلا اهل يا حيره تحتار

هيه تمشي للسبي ومذبوحه الاخوان
ـــــــــــــــــــــــــــــــــــــــــــــــــــ
زينب الماعدهه بس نسوان وايتام
شنهي حالتها اذا ودّوها للشام
ويلي عالايام سوده بوجه الأيام

تمشي ظلت بالفواطم بين الاوطان
ـــــــــــــــــــــــــــــــــــــــــــــــ

للشاعر
احمد العكيلي

القصيدة 100

آ يالهلال – آ يالهلال 
طلعتك هلت ألم – للعقيله والحرم 
آ يالهلال – آ يالهلال 
------ 
يالطلعتك لوعه وهضم مابيهه گمره 
ســاعاتك البينه تمر عالعتره مُــره 
من شوفتك حتى الهوه نشتمه حسره 
كلشي ليجنيه بطلعتك بي انت ادره 
بيهه تبده محنتي – منهه تكثر ونتي 
آيالهلال – آ يالهلال 
------ 
ايامك التجري هضم واشگد كئيبه 
اكبر رزيه من تجي ذيچه المصيبه 
ماتدري انــت بجيتك اصبح غريبه  
تصبح اخيمنه يااسف كلهه سليبه 
ادري يگظي هالعمر – بلوعه وبهم وصبر 
آيالهلال – آ يهالهلال 
----- 
يللي بطلعتك بس حزن ويحل ظلامي 
ارد آنه اودي بهالمسه لأمي سلامي 
بشيمه اعتذر من النبي لهذا كلامي 
بل لوعه اگلك ياعلي عذراً امامي 
اعتذر للطالبي – لو كلامي اعله السبي 
آيالهلال – آ يهالهلال 
----- 
هالمصيبه بطلعتك كلش جبيره  
الليله احجي بدمعتي عن المسيره 
تعتذر من النبي هاي الاميره 
صعبه اوصف حالتي بجلمة اسيره 
هالامر لا مو الي – آنه بت حيدر علي 
آيالهلال – آ يهالهلال 
------ 
وي هلتك هل القهر يشرح مصابي 
ماعندك انت ذنب كلشي بكتابي 
مكتوبه اعلم قصتي وجمرة عذابي 
آيه يرتلهه بعزم صبري وحجابي 
همتي وخدري السند – مااذل لاحد ابد 
آيالهلال – آ يهالهلال 
------ 
شحجي وشسولفلك بعد عاليجره بيه 
عندي خبر من الوصــي بالغاضريه 
سولفلي كلشي بونته ضلع الزجيه 
متعاهده آنه بعهد احمي الهـــويه 
من زمن هذا الوعد - واجب اوفي بالعهد 
آيالهلال – آ يهالهلال 
 
 
تمت بحمده تعالى / الخادم ابو لقاء البهادلي

القصيدة 101

ياهلال  بجيتك  ماضلي بيت
هلت اوياك النوايب من اجيت
كابلتنه.     وفركتنه.   
وهلت اوياك النوايب من اجيت
ــــــــــــــــــــــــ


هلال المحرم عليك اقسم نبينه
روح منانه وبعد لاتلفي لينه
روح لابهموم دهرك تبتلينه
وثوب الاسود من تضل يلزگ علينه

ارحمني روح عله القهر  مابيه حيل
وبشوفتك موبس دمع  دمنه يسل
  مرمرتنه.    وعذبتنه 
وهلت اوياك النوايب من اجيت
ــــــــــــــــــــــ


انت لدروب الخطر اول علامه
ومن تهل مايبقى الحسين بسلامه
امدللاته ايصيرن بجيتك يتامه
اودمه يصبغ شيبه ويحني العمامه

اطفال بحضان الاهل رادت تعيش
ارجع اطشر الشمل جالنه ليش
جاورتنه.      وبهذلتنه   
وهلت اوياك النوايب من اجيت

ــــــــــــــــــــ

هلال يمطشرنه  يمحرم السعاده
باجر اتفتت جبدنه واحنه ساده
الخيام بعــــــــاشرك تصبح رماده
والرمال الخـــــــد ابو اليمه وساده

عوفنه نكمل عمرنه بلا جروح
من تضل ايام زينب تكضي نوح
     فاجئتنه.     وخوفتنه.   
وهلت اوياك النوايب من اجيت
ــــــــــــــــــــــــــ

روح لتخليني اشوف الغاضريه
اسياط مايحمل كفـاي ولا أديه
مدلـــــله وشلون اعيشن بالاذيه
ومن اميره بيوم اتحول سبيه

تدري وي اقذر بشر باجر اسير
والي اصعب منها للشام المسير
     بهذلتنه.      شوغتنه.  
وهلت اوياك النوايب من اجيت
ـــــــــــــــــــــــ
العليله تدري ماكمل دواها
اتركها خل الدنيه تمشي بمشتهاها
تدري لو رحنه وبعد ماتم شفاها
اتموت  و بموتتها انته السبباها

تدري شنهو الرايح تخلفه  وراك
اعلينا حيل استعجلت شنهو الاجاك
          حيرتنه.  ودمرتنه
وهلت اوياك النوايب من اجيت
ــــــــــــــــــــــــ

ليش مستعجل على جيت الاذيه
اتعطل اجم عام خل تكبر رقيه
ازغيرة ماتحمل مرار الغاضريه
اتركني اربيها وكبرهه اعله اديه

تدري مايكمل عمر هاي السنه
الا جـــــــاني عله ارقيه جنه
ما عفتنه.    وفتتنه 
. وهلت اوياك النوايب من اجيت
ـــــــــــــــــــــــــ
خادم الزهراء ع ابو احمد الطائي

القصيدة 102

(( #يا_هلال))      #محرم_الحرام
………………………………… 

ياهِلال  . من تهل دمعي يهل 
يا هِلال . ابعيني الك مية شكل 
مره اشوفنك جسد و بلا رداء 
ومره راس اعالرمح يمطر دماء 
يا هِلال .. ياهِلال

………………………………


چني اشوفنك مره و تلزم كسرها 
ومثل شكلك بالظبط حدّب ظهرها 
امخليه المسلب قميصه ابنص حجرها 
احمر و من البجي احمر نظرها

منخل صار . بيه اثار . الف و تسعميه 
ابرض اضلوع . بيه مطبوع .  حافر اعوجيه
أمحنبه اعليه . وتشم بيه . عطر ابن الزجيه 

يا قميص . عاري ظل وكت الضهر 
يا قميص . شمس فوگه ومنصهر
يل اشوف اعليك دم تبجي السماء 
ومره راس اعل الرمح يمطر دماء 
يا هِلال .. ياهِلال

………………………………


مره تتراوالي جف و ماهو اصبعه 
على مود المحبس ابـ خنجر يگطعه 
هذا منظر يذبح بروحج يبضعه 
موش عشره والبقن بجفوفه تسعه 

ابرمل الگاع . غاص و ضاع . وي اشلاء جسمه 
رجل الخيل .سحكت حيل .طحنت حتى عظمه 
عشره اهواي . و مو بهداي . اعليه تركض ابهمه 

والشفاه . صحره ما شافت مطر
والشفاه . الماي گلبه الها انفطر 
يا هلال وهم جبت وياك ماء 
ومره راس اعل الرمح يمطر دماء
يا هِلال .. يا هِلال

………………………………


ابعيني اشوفنك سهم ذابحله ورده 
طفل ودميعاته تتجاره اعله خده 
على ضحكاته البريئه ينوح مهده 
عود يشرب بس ابوه مذبوح رده 

طفل ازغير . سهم اجبير . يا مترف رگبته 
مثل النار . بارد صار . من شوغة ذبحته 
غمض عين . مات حسين . من طلعت شهكته 

يا رضيع . يلي ما شابع حضن 
يا رضيع . ابرمل فاير مندفن 
چني اشوف انفاسك ادور هواء 
ومره راس اعل الرمح يمطر دماء 
ياهِلال .. يا هِلال

……………………………


جف اصدن بيك منه ايطيح مايه 
جفوف طاحت لجن ضم ابصدره رايه 
او جود يركض حيل و الاطفال غايه 
اتبده و العباس اعلنها النهايه 

كبل الموت . اخر صوت . ردد اسم زينب 
مو للعين .  لا جفين . الخدر اخته تعذب 
صح عطشان . بس بركان . كلبه لسكنه يلهب 

ابلا جفوف . موقف ويعصر عصر 
ابلا جفوف . طاح من فوگ المهر 
ابوجه يتلگه الارض شيخ الوفاء 
ومره راس اعله الرمح يمطر دماء 
يا هِلال .. يا هِلال

…………………………………


بيك ظلمه وليل وحشه وگاع هيمه 
وحرم باتت عالتراب ابلايه خيمه 
ذبلت اطفال ابعطش جوع و هظيمه 
امدللين و صاروا الضرب و شتيمه 

تدمي الروح . بيك تلوح . ترچيه رقيه 
جدم ادموم . بيه ملموم . شوچ الغاضريه
بالجمرات . والعثرات . اشكد شبعت اذيه 

والنساء . ليل و الدمعه اتهمل 
والنساء . الهن اتحضر حبل 
يا هلال وهنه اميرات الحياء 
ومره راس اعل الرمح يمطر دماء 
يا هِلال .. يا هِلال

……………………………


بيك صوره المهدي متعذب لجلها 
مره تركض و الرمل يجوي ابرجلها 
اصمله من تعثر و لا واحد يگلها 
السوط و بكل ضربه ياذيها و يشلها 

الكاع تگول . ما معقول . زينب وينه خدرج 
اخت حسين . وتركضين .  بالخمسين عمرج
هزله النوگ . باجر سوگ . شجم فره تفرج 

والحِبال . تحفر بأيدج جرح 
والحِبال . اعليه دمعاتج ملح 
راس ابو فاضل يصدلج بالبكاء 
ومره راس اعل الرمح يمطر دماء
يا هِلال .. يا هِلال 

………………………………
✍️ ( سيد خضر الزاملي )

القصيدة 103

قصيدة بلسان حال العقيلة زينب ع في إستقبال هلال المحرم  .... 
ـــــــــــــــــــــــــــــــــــــــــــــــــــــــــــــــ


يا هــلال الفاجـــعة    يا هـلال الفاجـــعة 
طلعتك طلعة حِـزِن   طلعتك طلعة حِـزِن 
ـــــــــــــــــــــــــــــــــــــــــــــــــــــــــــــــــــــ

تصــلّي هالنــاس وتهلّل بالســمه لو بَـيّنت
وانه عيني من تلمحك آه أصيحن وحزَنِت
جَيّـتَك تِلــچم جروحي وللــــمواجع أذّنِت
حـربك الما بيـها رحمة على زينـب أعـلَنِت

طلعِتك يعني الدمع   طلعتك يعني الدمع

يعنـــي بالآلام أوِن    يعني بالآلام أوِن 
ــــــــــــــــــــــــــــــــــــــــــــــــــــــــــــــــــــــ

إنتَ دفتر ذكرياتي واللــــيالي المــظلمة
أذكر اللي صار بية والمــدامع ســــاجمة
أذكر الطّف الرهــــيبة والمــناظر قاتــمة
والسما ما أنسى لَمّن بالحزن مُطرت دِمه

شلون أنسى كربله   شلون أنسى كربله

البيها گلبي يِمتِحِن   البيها گلبي يِمتِحِن 
ــــــــــــــــــــــــــــــــــــــــــــــــــــــــــــــــــ

يا هلال ومن أشوفك چنها هسا ٱمصيبتي
شلون أنساها الطفوف البيها جارت دنيتي
شلون أنسى الغاضرية ويوم ذبحوا أخوتي
شلون أنسى آل أميـــة بنار حرگوا خيمتي

وإبن أبوي ٱعللثرى
وإبن أبوي ٱعللثرى

جِسمه دامي ٱمن الطعِن
جِسمه دامي ٱمن الطعِن 
ــــــــــــــــــــــــــــــــــــــــــــــــــــــــــــــــــــ

يا هلال وبــعد فترة تكتـــمل نص الشـهر
ما أظنك تشبه إنتَ الطاح يَم جَرف النّهر
أعني أبو فاضل كفيلي أعني عباس الگُمر
ظامي ظل ٱعللشريعة والسهم لاح النـظر

والچــفوف ٱمبــتّرة   والدمه يغطّي الحِسِن 
والدمه يغطّي الحِسِن  والدمه يغطّي الحِسِن 
ــــــــــــــــــــــــــــــــــــــــــــــــــــــــــــــــــ

تعتـــقد راح آنه أگلك من أشــوفك يا هلَه
بشوفتك أذكر رضيع حسين وذكر حرمــلة
چان وردة بحضن أبوه وسهم حاقد ذَبّــلـه
منــذبح عبدالله نحــره ورَد إلِيّــه يِحــمِلَـه

إخذي مني هالطفل   إخذي مني هالطفل

والدمع فوگ الوجِن   والدمع فوگ الوجِن 


ـــــــــــــــــــــــــــــــــــــــــــــــــــــــــــــــــ

أدري يـــهلال الكِـــدر ويـاك ما ينـفع عَــتَب
إنتَ يالبيك ٱبن أبوي حسين عالوجه ٱنگلَب
والشمر يگطع رُگبته وحتى من ثوبه ٱنسلَب
والعلــيل الما له حــيلة ٱوياي للشام ٱغتَرَب

أذكر أيام الســـبي    أذكر أيام الســـبي
  
وأذكُر سياط المَتِن   وأذكُر سياط المَتِن 
ــــــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي  

القصيدة 104

موشح بحق السيدة زينب عليها السلام 


زينب انطت منحر بوادي الطفوف
وقدمت رايه على الشاطي وچفوف
١

زينب المهضومه عاشت بس جرح
تمشي مابين العده بذاك الصبح 
شلون حال الي اخوها منذبح
تگوم تركض حافيه ابين السيوف
٢

اتعاين المذبوحها وتدمع العين
اتصيح جاوبني حبيبي ياحسين 
وين انه والمصايب ذني وين
وگامت اعله جسد بالمدمع تطوف
٣

يالتحب زينب شنو  اتصب دمع
هسه كونك باللطم تكسر ضلع
شلون زينب ترضه توگع تندفع
وتطر ميدان الزلم بين الصفوف
٤

زينب العاشت أميره أم الخدر 
للشريعه اشجابها بذاك الظهر 
تنظر العباس بدموع الصبر
اتگله انظر كون الك عين وتشوف
٥

شافت العباس وتدگ عالضلوع
وگام تنحب تبچي وتهل الدموع
الفاگده الخوان من حقها تلوع
وتمشي واتدوس الجمر بين الألوف
٦

كربله العاشت جرح بين السماء 
شلون تشرب من دماء الشهداء 
المعركه لو عدها ذره من الحياء
چان ماترضه يذبحون الضيوف 
٧

وهسه زينب سلمت لامر القدر
تنحب وتبچي على اچفوف ونحر
تبقه رغم ايامها الكلها خطر
شامخه وهيبه رغم كل الانوف
٧

وهالسنه تختلف عن كل السنين 
زينب بلايه خدم أخت الحسين 
الصحن فارغ بين لوعات وآنين
وبين دمعات وندم شمس الكسوف


لاتنسون والدي ووالدتي وأبني عباس من الرحمه والمغفره خادمكم رياض الرسل الجابري

القصيدة 105

           غافي الحزن بعيوني
           أهلي بـغرب عـافوني 
عشت بمصيبه............ميته وغريبه
============================================================================== 
1️⃣
كضيت عمـري بغربتي هواي الزمن اذاني 
امشي سـبيه عالهـزل بيـن الغرب خـلاني 
بالغربه دمـعاتي تهل والكلب يـبقه متاني
محد حضر يم الكـبر ليـش الاهل تنساني
                       ~~~
            هاي السنه بدمـعاتي
            اكضيها وي حسراتي
بحسره عجيبه.............ميته وغريبه 
=========================
2️⃣
كلما يمر عام الحـزن يفتح جرح ما يشفه 
نار الخيم من تشـتعل نار الـكلب ما تطفه 
يومـيه مسـبيه بـغرب حـته الدمع ما كفه 
منتظره وعيوني تصد والحزن بيهن يغفه
                       ~~~
               تاليـها ويـه الـغربه 
               ايامي كلش صعبه 
كلبي ونحيبه..............ميته وغريبه 
=========================
3️⃣
ياشيعه عذبني الهجر تكـضي بقهر ايامي 
سافر ضـواي من الزغر وتـهدمت أحلامي 
دلالي ابد ما يرتوي يبقه لصورهم ضامي 
كلـهم سـويه تذبـحوا صـار الذبح كـدامي 
                       ~~~
           بهـاي الصـور مهـضومه
           عشت الحزن من يومه
وكلمن نصيبه...............ميته وغريبه 
=========================
4️⃣
ودعـني كـافل عالنهر طـول العـمر كفـالي 
دللني ما يـقبل اذا واحـد يـشوف خـيالي
عكبه صفيت محيره والناس تهضم حالي
ترميني بحجار وحجي شكد عذبوا دلالي 
                        ~~~
               درب الـهزل حـيرني
               وعباس ما يحضرني
وشلون اجيبه................ميته وغريبه 
=========================
5️⃣
شيخ العشيره الما يرد يومـيه احير بأمره
وتخيلت نحره التفت والسيف كطع نحره 
بصدره سوالفـنه كبل تاليـها رضـوا صدره
شميت عطره وميزت ماعرفه لو ماعطره
                         ~~~
            راح وتـركـهـا سـنـيـني
            وجروحه ترست عيني 
الجثته سليبه.................ميته وغريبه 
=========================
6️⃣
بأخر حياتي تحسرت محد حضر ودعني 
والغربه زادت هلوكت ليش الزمن لوعني
زينب غريبه مـحيره وين الكمـر يسمعني 
يحسين لو رد السبي ورد الزمن يفجعني
                       ~~~
              وين التـفت يالغالي
              بالغربه يهضم حالي
لجانت حبيبه..............ميته وغريبه 
====================
           محمد خشان ✍️.              

مقالات قد تهمك