كلمات قصيدة السلطان أبا الحسن محمد باقر الخاقاني مكتوبه كامله
لطمية السلطان أبا الحسن محمد باقر الخاقاني
*{{ السلطان ابا الحسن }}*
-------------
السلطان ابا الحسن علي بن موسى الرضا
من الخيام اجيتك . منكسر بچيتك
يامهيج حزني للطف الاخذ دمعتك
دمعتي على جدك . وصلتني عندك
وهيجَت حزن الگلب لجروحك وغربتك
من ظما حسينك الى جرح غدرك
دمعة دمعة تبدّى بالغرب عمرك
الجهل گدر حسين امس جهل گدرك
ياغريب امس جدك وگف حاير بهيمته
وانت بالدموع توارثت كل هضم غربته
__
بكل غريب اذكرك . وانحب على صبرك
مأمن لكل خايف وشفتك بلايه مأمن
تلاحگك منيتك . بلا وطن بچيتك
هم مثل جدك طلعت من المدينه كُرهاً
عيوني تقرا بحزني والدمع ساجم
اُقْصِيَ مَنْ اُقْصِي من ولد فاطم
الغربة حگ ما راعت لبني هاشم
سيد السلاطين وصرت ما الك كل وطن
وحدّك حرت بين الغرب والحزن والمحن
__
شگد حملت اذية . لساعة المنيّـة
راحة ما شفت وگضت ضيم وتعب حياتك
فارگت بنينك . مُجبر ، وسنينك
بعيد عن اهلك گضت حد ما گرب مماتك
والعدو تمادى بأذيّـتك بالسر
مگيّد بسجن العدا قضيت اشهر
تشيل اديك وتدعي والدمع يگطر
اللهم إن كانَ الفرج من محنتي الممات
عجّل بمماتي وراحتي من عذاب الحياة
__
حل وكت مماتك . وانتهت حياتك
ياشهيد و سَم منيتك عجّل برحيلك
سمّك ومنيته . ما حملت اذيته
تلوعت وتنازع لحد ما فگدته حيلك
وصار ملگى الردته بالجواد ابنك
من بعد دنية هجر اجه لحضنك
لاچن لغُسلك تعنّـى ولدفنك
ماحضنته لا شفته وشفا گلبك من الهجر
والمحنّـه اله وشوگك بقو لحد تراب الگبر
__
وافتك منيتك . وما گضت اذيتك
نعشك بنعش الزچية تشابه بطلعته
جنازة محد الها . ما وراها اهلها
بليل تطلع تندفن اه يالرضا وغربته
بعيد گبرك عن هلك يصير گدرك
لا اهل بيتك بچوا على گبرك
ياغريب وغربتك جزت عمرك
توارثت الم اهل النبي بموتك وبالحياة
كل جراحك يعيدن على عيونك الذكريات
----------
*{{جروح: عباس الشبلاوي}}*