كلمات قصيدة الليلة آخر ليله مسلم الوائلي مكتوبه كامله
لطمية الليلة آخر ليله مسلم الوائلي
كلهن على بالي اجن
و الليلة آخر ليلة
امن احتركن خيام الخدر
رحت لأخوي اشكيله
على التل صعدت مدوهنة
بدموعي كمت أوميله
لحگ إذا بعدك عدل
عسكر اجانا بـ خَيله
ضاع مني الراي خوية گوم وياي
تره الماعندها اخو يحچون بيها
شوفني بيا حال طلع مني خيا
انضيع خوية بكربله المحد يجيها
جنت من أجيك تگوم الي
شغّير أمس يابو علي ؟
ياما على التلّه صحت
منكم ردت فزعة و ولِي
أدري انتو موتَه بس گلبي شيب
سكتوله صوتَه الي يصيح زينب
أم عون تعبت خوية يحسين ..(٢)
ــــــــــــــــــــــــــــــــــــــــــــــــــ
ما چَني عشت مدللة
و فوگي البيارغ لاحت
راحت چلمتي ويَ الخيم
گدامي لمن طاحت
أخذت أخوتي كربله
بس المصايب عافت
انطتني بس أحبال أيدَي
وگالتلي روحي و راحت
گالت أسمي الناس مِن وگع عباس
وآنه أسد إذني أذا صاحوا علية
راح وكتي الچان محاوطيني أخوان
تجيبني الغربة صفت و تودي بية
وين الهواشم وكتي تغير
و إبن أُمي نايم خليته بالبَر
أم عون تعبت خوية يحسين ..(٢)
ـــــــــــــــــــــــــــــــــــــــــ
ذكرى و مثل فجر أهدعش
ما تنسّي بدلالي
غالي المشى فوگ الهِزل
و العلى تُرب هَم غالي
ودعت أخوي بدمعتي
ماريد أبين أحبالي
ضلوا رميَه بكربله
بس روسهم تبرالي
هُم‌َ فوگ تراب و آنه ويَ سلّاب
يا وداع اليمشي ويَ جتال أخوته
اللي يِنوخذ مچتوف ما يموته الخوف
يموت هَظمه من أجنبي يتعاله صوته
شنسى المثل ذَن ينِّـسن ؟
شنسى و خَواتي إتچَتِفن
رحت بدَرب ما يِنِمشِي
و إبن أمي عفته بلا چِفن
ياذِكرىٰ أنسى و أَذكُرها ياهيِ
اليبچي علىٰ أَمسهَ الفارَگله غاليِ
أم عون تعبت خوية يحسين ..(٢)
ـــــــــــــــــــــــــــــــــــــــــــ
كل الجروح الها دوة
يا جرح ضاع أضماده
بس ضَل جرح ما ينجبر
هظمة علىٰ كِـل السادة
چَتل الزلم عادَه ألنا بس
سبي الحرم مو عادَه
أعذروني گلبي مِـن الهظم
وين الهواشم نادَى
وگفوني أيام بباب قصر الشام
وآنه أصيحن وين أهلنه الضيعونه
حَيهُم أهل البيت لِلقصر طَبيت
عيوني ضَلت شابحة هَلبت يِجونه
بگلبي گلت يهلي شوكت
تلحگوني وﷲ أتعذبت
مو بَس عَتب وَلا بَس هظُم
خلاني كلساع التفت
كل ذكرياتي الشام ومصيبة
آنه شـغَلاتي وإسمي الغريبة !!
أم عون تعبت خوية يحسين ..(٢)
ــــــــــــــــــــــــــــــــــــ
- الليلة آخر ليله
الرادود | مسلم الوائلي
الشاعر | أبو حميدة الشويلي
الكاتب | الميرزا محمد المياحي