كلمات لطمية يزينب راح المدلل مسلم الوائلي مكتوبة كاملة
القصيدة: يزينب راح المدلل
أداء: مسلم الوائلي
كلمات: حسن الترابي
~~~~~~~~~~
راح مني علي زينب .. راح مني
~~~~~~~~~~~
يزينب راح المدلل اخذ حيلي وبقت ذكراه
وما بين التعب والخوف شفت الدم شرب محياه
ما جنت ادري بي مذبوح توازيت وطحت فوگاه
لجمته اكثر من الخيل شلته وطحنه انه وياه
ردت اشيله وما گدرته .. ما گدرته
طحنه يا خويه ولجمته .. لجمته
~~~~~~~~~
لگيته مطشر من الخيل عطشان ويون بهداي
ألمن بي ولا يلتم الرايح من حلالي هواي
كل هذا وهمس بويه اريد الروحي گطرة ماي
نشف گلبي وذبل عودي وحرورة رمل جواي
ضامي مني يريد گطره .. يريد گطره
الماي باجر شنهو عذره .. شنهو عذره
~~~~~~~~~~
تعبت من الركض يم عون رحتله وما تلگاني
الهظمني وشيب ارموشي مسحت عيونه برداني
ما فك عينه الي ولا گام اگبال الغربه بجاني
وحگج خويه ما ادري ياهو اميتم الثاني
الماتصير تصير عدنه .. تصير عدنه
انه ابو اتيتم وره ابنه .. وره ابنه
~~~~~~~~~
اعاتبمن عله اوليدي واشكي المن عله افراگه
بجماله اصفن اذا يوگف وطش عمري عله زياگه
علي الما يشبه الواحد جفاني وروحي مشتاگه
يعت بروحه جان الموت وانه مجلب ابساگه
حرزي شديته اعله زنده .. اعله زنده
ميت وگوه أرد اگعده .. أرد اگعده
~~~~~~~~~~~~
شبگته وادري بي ميت وميت ما حسبت ابني
غافلت الگلب والروح وشلت اجفوفه حد متني
درتهن يختي اعليه وگلت هذا ابني شابگني
گلتله امشينه للخيمه وايدي بأيده شو هدني
گتله خيرك يبني الأكبر .. يبني الأكبر
ثاري من هدني تطشر .. تطشر