اعزائنا متابعي موقع درون العراق نقدم لكم قصيدة الى موسى بن جعفر الجديدة مكتوبة للمشاية من ابداع الرادود حيدر البياتي النجفي
•••••••
أذان الوفه كبر
إلى موسى بن جعفر
نكتب بدرب الزياره
الما يجي عمره خساره
إلى موسى بن جعفر
•••
وين الأتربوا بدرب الأربعين
عالعهد خلي يجون ... الكاظمية
العالوفه والخدمة دوم معلمين
بالمدامع يعتنون الكاظمية
اله اتعنه وناديله أنا عبدك الضامي
شرف ابقه عبد عندك اقبلني يا امامي
يناديكم الغايب
هله بأهل المواكب
الكم المهدي انتظاره المايجي عمره خساره
إلى موسى بن جعفر
•••
الأربعين حسين خلونا نعيد
مثل لمت كربلاء ابصحنه نلتم
لجل حب الكاظم نقرب البعيد
وبالعشك نطوي الدروب ابصحنه نلتم
الى المهدى ... نظل نحدي
عسانه نشم عطوره
حلم عمري يلاكيني حلم عمري ازوره
ومدامعنه ترتل ... اللهم عجل
وكل محب يبقه شعاره
الما يجي عمره خساره
إلى موسى بن جعفر
•••
نعتنيله شما بعد درب الحبيب
والتعب راحه يصير ... الاجل حبه
جروحنا من نشم شباچه تطيب
ومحله خطوات الوفاء ... الأجل حبه
الحسن جده ... كرم عنده
بحر تلكه بجفوفه
يسمونه ابو طلبه يسر دوم لضيوفه
كل موكب تطبله ... تصير الخدمه احله
وخله كل موكب عباره
الما يجي عمره خساره
إلى موسى بن جعفر
•••
احنه خدام نخلقنه للحسين
وكلشي بالدنيه حسين ... وما عدنه غيره
نعتني الباب المراد نصيح وين
الكاظم البشدة دوم ... الما عدنه غيره
الملك گلبي رغم تعبي
اريد اوصل لگبره
اويه زواره يصير اسمي
والي تسجل الزهره
الأسد بغداد نگصد ونشيد الوفه نردد
احنه خدامه الغيارى
الما يجي عمره خساره
إلى موسى بن جعفر
•••
على الجسر نادوا منو هذا الغريب
وأعتنينه بالدموع ... احنه نشيعه
خلي يا شيعه الحبيب ابن الحبيب
بصحنه نعلگله الشموع ... احنه نشيعه
تمنينه لون مثله الحسين مشيعينه
وتشاركنه مدامعنه الزهراء الحزينه
وتصيح بضلع محني
هلا بخدام ابني
وصرخه تعله من المناره
الما يجي عمره خساره
إلى موسى بن جعفر
•••
اضغط هنا لمتابعتنا على التلكرام
كلمات الشاعر
السيد موفق الموسوي
حيدر البياتي قصيدة الى موسى بن جعفر،حيدر البياتي سفره الى الله،حيدر البياتي موشح نجفي،دحيدر البياتي،سفره الى الله،حيدر البياتي جديد،حيدر البياتي قصيدة الى موسى بن جعفر مكتوبة
